TVK Vijay: தோனியாக மாறிய விஜய்.. பரப்புரையில் சிக்சர் மேல் சிக்கர்.. நீங்களே பாருங்க
TVK Vijay Election Campaign: மாவட்டத் தலைநகரங்களைத் தொடர்ந்து இன்று சென்னையில் விஜய் தனது தேர்தல் பரப்புரையைத் தொடங்கினார். குறிப்பாக பெரம்பூர் உள்ளிட்ட சென்னையின் முக்கியப் பகுதிகளில் அவர் வாக்கு சேகரிப்பில் ஈடுபட்டார்
தமிழக சட்டமன்ற தேர்தல் களம்
தமிழக சட்டமன்றத் தேர்தலுக்கான வாக்குப்பதிவு வரும் ஏப்ரல் 23-ம் தேதி நடைபெற உள்ளது. தேர்தலுக்கு இன்னும் ஒரு வார காலம் மட்டுமே எஞ்சியுள்ள நிலையில், மாநிலத்தின் அரசியல் களம் உச்சக்கட்டப் பரப்புரையால் சூடுபிடித்துள்ளது. அனைத்து அரசியல் கட்சிகளும் தங்களின் இறுதிக்கட்ட வாக்கு சேகரிப்பில் தீவிரமாக ஈடுபட்டு வருகின்றன.
முதல் தேர்தல் சவால்
நடிகர் விஜய் தலைமையிலான தமிழக வெற்றிக் கழகம் இம்முறை முதல்முறையாகச் சட்டமன்றத் தேர்தலில் களம் காண்கிறது. மொத்தம் உள்ள 234 தொகுதிகளில் ஒரு தொகுதி நீங்கலாக 233 தொகுதிகளிலும் அக்கட்சி தனித்துப் போட்டியிடுகிறது. தனது கட்சியின் வெற்றியை உறுதி செய்யும் நோக்கில் அக்கட்சியின் தலைவர் விஜய் தமிழகம் முழுவதும் சூறாவளிப் சுற்றுப்பயணம் மேற்கொண்டு வாக்கு சேகரித்து வருகிறார்.
மாவட்ட வாரியாகத் தீவிரப் பரப்புரை
தேர்தல் பிரசாரத்தின் ஒரு பகுதியாக திருச்சி மேற்கு, திருநெல்வேலி, தூத்துக்குடி, கன்னியாகுமரி, காரைக்குடி மற்றும் திருப்பூர் ஆகிய மாவட்டங்களில் விஜய் ஏற்கனவே தனது பரப்புரையை நிறைவு செய்துள்ளார். இந்த இடங்களில் எல்லாம் தொண்டர்களின் எழுச்சியான வரவேற்புக்கு மத்தியில் அவர் தனது தேர்தல் வாக்குறுதிகளை முன்வைத்து உரையாற்றினார்.
சென்னையில் விஜய்யின் எழுச்சிப் பயணம்
மாவட்டத் தலைநகரங்களைத் தொடர்ந்து இன்று சென்னையில் விஜய் தனது தேர்தல் பரப்புரையைத் தொடங்கினார். குறிப்பாக பெரம்பூர் உள்ளிட்ட சென்னையின் முக்கியப் பகுதிகளில் அவர் வாக்கு சேகரிப்பில் ஈடுபட்டார். விஜயைக் காண்பதற்காகப் பல்லாயிரக்கணக்கான தொண்டர்களும் பொதுமக்களும் திரண்டதால், சென்னையின் முக்கியச் சாலைகளில் போக்குவரத்து ஸ்தம்பித்ததுடன் வாகனங்கள் நீண்ட வரிசையில் காத்திருக்கும் நிலை ஏற்பட்டது.
மக்கள் கூட்டம்
கடந்த வாரம் சென்னையில் பரப்புரை மேற்கொள்ள தவெக தரப்பில் அனுமதி கோரப்பட்டிருந்தது. அப்போது காவல்துறை வழங்கிய ஒரு மணி நேரக் கால அவகாசம் போதுமானதாக இருக்காது எனக் கருதி அக்கட்சியினர் பரப்புரையை ரத்து செய்தனர். இதனால் தொண்டர்கள் மிகுந்த வருத்தத்தில் இருந்த நிலையில், இன்று உரிய அனுமதியுடன் நடைபெற்ற பிரம்மாண்டமான இந்தப் பரப்புரை தவெக தொண்டர்களிடையே மீண்டும் உற்சாகத்தை ஏற்படுத்தியுள்ளது.
விஜய்க்கு பேட் பரிசு
தவெக தலைவர் விஜய் இன்று சென்னையின் முக்கிய தொகுதிகளான தி.நகர், ஆயிரம் விளக்கு, எழும்பூர் ஆகிய தொகுதிகளில் வாகனம் பரப்புரை மேற்க்கொண்டார்.
திமுகவ கதி கலங்க விட்டு தோக்கடிச்சு சிக்ஸர் அடிச்சிட்டு வராரு தலைவர்😂🔥 pic.twitter.com/1bUHUeeEP7
— priya (@PriyankaSmile01) April 15, 2026
அப்போது ஆயிரம் விளக்கு தொகுதியில் பிரச்சாரம் மேற்க்கொண்டார். அப்போது தொண்டர் ஒருவர் விஜயிடம் பேட் ஒன்றை கொடுத்தார் அதை வைத்து விஜய் சிக்சர் அடித்து காட்டிய வீடியோ வைரலாகி வருகிறது.
தலைப்பு செய்திகள்
ட்ரெண்டிங் செய்திகள்
