TN Lok Sabha Election Results LIVE: எனக்கு என் உயரம் தெரியும் - கலைஞர் கருணாநிதி பாணியில் முதல்வர் ஸ்டாலின்
Tamil Nadu Lok Sabha Election Results 2024 LIVE: உலகமே எதிர்பார்த்துக் காத்திருக்கும் இந்திய நாட்டின் தேர்தல் முடிவுகள் வெளியாகி வரும் நிலையில், அப்டேட்டுகளை உடனுக்குடன் அறிய இங்கே இணைந்திருங்கள்.
Background
உலகமே எதிர்பார்த்துக் காத்திருக்கும் இந்திய நாட்டின் ஜனநாயகத் திருவிழா முடிவுகள் இன்று (ஜூன் 4) வெளியாகி வருகின்றன. முன்னதாக, நாடு முழுவதும் 7 கட்டங்களாக நாடாளுமன்றத் தேர்தல் நடைபெற்று முடிந்தது.தமிழ்நாட்டில் முதல் கட்டமாக ஏப்ரல் 19ஆம் தேதி மக்களவைத் தேர்தல் நடைபெற்று...More
நாடாளுமன்ற தேர்தல் தோல்வி அடைந்திருந்தாலும் , 2026 சட்டமன்றத் தேர்தலில் மகத்தான வெற்றி பெறுவோம் என்று தனது அறிக்கையில் தெரிவித்துள்ளார் அதிமுக பொதுச்செயலாளர் எடப்பாடி பழனிசாமி.
என் உயரம் எனக்குத் தெரியும் - பிரதமராக வாய்ப்பிருக்கா என்னும் கேள்விக்கு கலைஞர் கருணாநிதி ஸ்டைலில் பதில் சொன்ன முதலமைச்சர் ஸ்டாலின்
கோவை அதிமுக வேட்பாளர் சிங்கை ராமச்சந்திரன், ’’இந்தத் தேர்தலில் தோற்று இருக்கலாம். நான் இன்னும் தோற்கவில்லை. அதே வேகத்தில் செயல்படுவேன்’’ என்று தெரிவித்துள்ளார்.
திருவண்ணாமலை நாடாளுமன்றத் தொகுதியில் திமுக வேட்பாளர் சி.என்.அண்ணாதுரை 2 முறையாக வெற்றி பெற்றுள்ளார். 2 லட்சத்துக்கும் மேற்பட்ட வாக்குகள் வித்தியாசத்தில் அவர் வெற்றி பெற்றுள்ளார்.
தூத்துக்குடியில் திமுக வேட்பாளர் கனிமொழியை எதிர்த்துப் போட்டியிட்ட அனைவரும் டெபாசிட் இழந்தனர். கனிமொழி 5,18,816 வாக்குகள் மொத்தமாகப் பெற்றிருந்தார். அதிமுக வேட்பாளர் சிவசாமி வேலுமணியை விட, 3,75,975 வாக்குகள் அதிகம் பெற்று அனைத்து வேட்பாளர்களையும் டெபாசிட் இழக்கச் செய்தார்.
திருச்சி நாடாளுமன்ற தொகுதியில் திமுக கூட்டணி சார்பாக மதிமுக வேட்பாளர் துரை வைகோ போட்டியிட்டார். 25 சுற்றுகள் முடிவில் 3,11,082 வாக்கு வித்தியாசத்தில் துரை வைகோ வெற்றி பெற்றார்.
திருநெல்வேலியில் காங்கிரஸ் வேட்பாளர் ராபர்ட் ப்ரூஸ் 91,005 வாக்குகள் வித்தியாசத்தில் வெற்றி பெற்றுள்ளார். நெல்லை காங்கிரஸில் கடுமையான உட்கட்சி மோதல் இருந்து வந்த நிலையில், அங்கு பாஜகவின் நயினார் நாகேந்திரனைத் தோற்கடித்து, காங்கிரஸ் வென்றுள்ளது.
பொள்ளாச்சி தொகுதியில் திமுக வேட்பாளர் ஈஸ்வரசாமி வெற்றி உறுதி
வெற்றி வாய்ப்பை உறுதி செய்த தஞ்சாவூர் திமுக வேட்பாளர் முரசொலிக்கு பாஜ வேட்பாளர் கருப்பு முருகானந்தம் வாழ்த்துக்கள் தெரிவித்தார். அரசியல் நாகரிகம் இதுதான் என்பதை உறுதிப்படுத்தும் வகையில் நடைபெற்ற சம்பவம், கவனத்தை ஈர்த்துள்ளது.
திருப்பூர் மக்களவைத் தொகுதியில் இந்திய கம்யூனிஸ்ட் கட்சி வேட்பாளர் சுப்பராயனின் வெற்றி ஏறக்குறைய உறுதி செய்யப்பட்டுள்ளது.
கோவை நாடாளுமன்ற தொகுதிக்கான வாக்குகள், தடாகம் சாலையில் உள்ள அரசு தொழில்நுட்ப கல்லூரியில் எண்ணப்பட்டு வருகின்றன. பிரதான வேட்பாளர்களான திமுக கணபதி ராஜ்குமார், அதிமுக சிங்கை ராமச்சந்திரன் வாக்கு எண்ணும் மையத்தில் உள்ளனர். ஆனால், 9 மணி நேரத்துக்கு மேலாகியும் பாஜக வேட்பாளர் அண்ணாமலை அங்கு வரவில்லை. தொடர் பின்னடைவை சந்தித்து வருவதால், கோவையில் இருந்துகொண்டும் அண்ணாமலை வாக்கு எண்ணும் மையத்துக்கு வரவில்லை.
பெரம்பலூர் தொகுதியில் போட்டியிட்ட தி.மு.க. வேட்பாளர் அருண் நேரு 3 லட்சத்து 71 ஆயிரத்து 442 வாக்குகள் பெற்று வெற்றி பெற்றார். அவரை எதிர்த்து போட்டியிட்ட பாரிவேந்தர் டெபாசிட் இழந்தார்.
தருமபுரி நாடாளுமன்ற தொகுதியில் திமுக சார்பில் போட்டியிட்ட வழக்கறிஞர் ஆ. மணி 20396 வாக்கு வித்தியாசத்தில் வெற்றி பெற்றார். அவருடன் தொடர்ந்து போட்டியில் நீடித்த பாமக வேட்பாளர் செளமியா அன்புமணி தோல்வி அடைந்தார்.
மதுரை நாடாளுமன்றத் தொகுதிக்கான வெற்றி சான்றிதழினை சு. வெங்கடேசன், மதுரை மாவட்ட ஆட்சியர் சங்கீதாவிடம் பெற்றுக்கொண்டார்.
வேலூர் மக்களவைத் தொகுதியில் நோட்டாவை விட மன்சூர் அலிகான் குறைவான வாக்குகள் பெற்றுள்ளார். இதுவரை மன்சூர் 1818 வாக்குகளைப் பெற்றுள்ளார். நோட்டாவுக்கு இதுவரை 5678 வாக்குகள் வந்துள்ளன.
தென்காசி மக்களவைத் தொகுதியில் போட்டியிட்ட புதிய தமிழகம் கட்சியின் கிருஷ்ணசாமி தோல்வி முகத்தில் உள்ளார். இது அவருக்கு 7ஆவது தோல்வி ஆகும்.
ஆறாவது முறையாக நாடாளுமன்றத்திற்கு செல்கிறார் திமுக வேட்பாளர் ஆ.ராசா. நீலகிரி தொகுதியில் மூன்றாவது முறையாக அவரின் வெற்றி உறுதியாகி உள்ளது. 2,28,715 வாக்கு வித்தியாசத்தில் அவர் முன்னிலையில் உள்ளார்.
கோவை மக்களவை தொகுதியில் அண்ணாமலைக்குத் தொடர்ந்து பின்னடைவு ஏற்பட்டுள்ளது. 62 ஆயிரம் வாக்குகள் வித்தியாசத்தில் திமுக முன்னிலை வகித்து வருகிறது.
கோவை மக்களவை தொகுதி - 12 வது சுற்று முடிவு
திமுக - 304744
பாஜக - 242952
அதிமுக - 125489
தற்போதைய நிலவரப்படி பா.ஜ.க.வேட்பாளர் அண்ணாமலையை விட தி.மு.க.வேட்பாளர் கணபதி ராஜ்குமார் 61,792 வாக்குகள் முன்னிலை வகிக்கிறார்.
விழுப்புரம் நாடாளுமன்ற தொகுதி வாக்கு எண்ணிக்கையில், 15வது சுற்று முடிவில்
விசிக: 342311
அதிமுக: 282968
பாமக: 132062
நாதக: 42557 வாக்குகளைப் பெற்றுள்ளன.
விசிக வேட்பாளர் ரவிக்குமார் 59,343 வாக்குகள் கூடுதலாகப் பெற்று முன்னிலை வகிக்கிறார்.
தமிழகத்தில் மதியம் 3 மணி நிலவரப்படி, 29 தொகுதிகளில் அதிமுக இரண்டாவது இடத்தில் உள்ளது. 10 தொகுதிகளில் பாஜக இரண்டாவது இடத்தில் உள்ளது.
பொள்ளாச்சி தொகுதியில் திமுக வேட்பாளர் ஈஸ்வரசாமி 1,30,356 வாக்குகள் வித்தியாசத்தில் முன்னிலை வகித்து வருகிறார்.
12ஆவது சுற்று முடிவு
திமுக ஈஸ்வர சாமி - 303565
அதிமுக கார்த்திகேயன் - 173209
பாஜக வசந்த ராஜன் - 130119
மயிலாடுதுறை தொகுதியில் 10,83,243 ஓட்டுகள் பதிவான நிலையில், 15ஆவது சுற்று முடிவில் 8,93, 217 வாக்குகள் எண்ணப்பட்ட நிலையில் மீதம் 1,90,026 ஓட்டுகள் மட்டுமே எண்ணப்பட வேண்டிய நிலை, எண்ண வேண்டிய ஓட்டைவிடக் கூடுதலாக 2,28,136 ஓட்டுகள் பெற்றதை அடுத்து காங்கிரஸ் வேட்பாளர் சுதா, தனது வெற்றியை உறுதி செய்தார்.
காங்கிரஸ் - 425453
அதிமுக - 197317
16 சுற்று வித்தியாசம் - 2,28,136
தர்மபுரி நாடாளுமன்றத் தொகுதியில் பாமகவின் செளமியா அன்புமணி பின்னடைவைச் சந்தித்துள்ளார். திமுக வேட்பாளர் மணி முன்னிலை வகித்து வருகிறார்
சுற்று: 16
அதிமுக - 215646
திமுக - 321493
பாமக- 307790
நாம்தமிழர் - 47320
நோட்டா - 6890
திமுக 13703 வாக்குகள் வித்தியாசத்தில் முன்னிலை வகித்து வருகிறார்.
திருவண்ணாமலை நாடாளுமன்ற தொகுதிக்கான வாக்கு எண்ணிக்கை வேளாண்மை ஒழுங்குமுறை விற்பனைக் கூடத்தில் நடைபெற்று வருகிறது. இதில் மதிய உணவாக வழங்கப்பட்ட பிரியாணியை சரியான முறையில் சமைக்காததால், முகவர்கள் அனைவரும் சாப்பிடாமல் குப்பைத் தொட்டியில் கொட்டிச் சென்றனர்.
மதுரை நாடாளுமன்ற தொகுதி மார்க்சிஸ்ட் கம்யூனிஸ்ட் வேட்பாளர் சு.வெங்கடேசன் வெற்றி உறுதி செய்யப்பட்டது. மதுரை நாடாளுமன்ற தொகுதிக்கான வாக்கு எண்ணிக்கை 16 சுற்றுக்கள் முடிவடைந்த நிலையில் எண்ணப்பட வேண்டிய வாக்குகளின் எண்ணிக்கையை விட மார்க்சிஸ்ட் வேட்பாளர் சு.வெங்கடேசன் முன்னிலை பெற்ற வாக்குகளின் எண்ணிக்கை கூடுதலாக இருப்பதால் சு.வெங்கடேசனின் வெற்றி உறுதிசெய்யப்பட்டுள்ளது.
தற்போது 16ஆம் சுற்று முடிவு வரை சு.வெங்கடேசன் 1 லட்சத்து 76 ஆயிரத்தி 536 வாக்குகள் முன்னிலை பெற்றுள்ள நிலையில் 1 லட்சத்து 54 ஆயிரத்து, 661 வாக்குக்களுக்கான முடிவுகள் மட்டுமே இன்னும் வெளிவரவுள்ள நிலையில் சு.வெங்கடேசனின் வெற்றி உறுதி செய்யப்பட்டுள்ளது.
மதுரை நாடாளுமன்ற தொகுதி மார்க்சிஸ்ட் கம்யூனிஸ்ட் வேட்பாளர் சு.வெங்கடேசன் வெற்றி உறுதி செய்யப்பட்டது. மதுரை நாடாளுமன்ற தொகுதிக்கான வாக்கு எண்ணிக்கை 16 சுற்றுக்கள் முடிவடைந்த நிலையில் எண்ணப்பட வேண்டிய வாக்குகளின் எண்ணிக்கையை விட மார்க்சிஸ்ட் வேட்பாளர் சு.வெங்கடேசன் முன்னிலை பெற்ற வாக்குகளின் எண்ணிக்கை கூடுதலாக இருப்பதால் சு.வெங்கடேசனின் வெற்றி உறுதிசெய்யப்பட்டுள்ளது.
தற்போது 16ஆம் சுற்று முடிவு வரை சு.வெங்கடேசன் 1 லட்சத்து 76 ஆயிரத்தி 536 வாக்குகள் முன்னிலை பெற்றுள்ள நிலையில் 1 லட்சத்து 54 ஆயிரத்து, 661 வாக்குக்களுக்கான முடிவுகள் மட்டுமே இன்னும் வெளிவரவுள்ள நிலையில் சு.வெங்கடேசனின் வெற்றி உறுதி செய்யப்பட்டுள்ளது
தூத்துக்குடி பாராளுமன்ற தொகுதி திமுக வேட்பாளர் கனிமொழி கருணாநிதி அதிமுக வேட்பாளர் சிவசாமி வேலுமணியை விட சுமார் 2 லட்சத்து 90 ஆயிரம் வாக்குகள் வித்தியாசத்தில் முன்னிலை வகிக்கிறார். அதிகப்படியான வாக்குகள் வித்தியாசத்தில், தொடர்ந்து முன்னிலை பெற்றுவரும் நிலையில் கனிமொழியின் வெற்றி உறுதியாகி உள்ளது.
காஞ்சிபுரம் நாடாளுமன்ற தொகுதி பாமக வேட்பாளர் ஜோதி வெங்கடேசன், காஞ்சிபுரம் நாடாளுமன்றத் தொகுதிக்கு உட்பட்ட உத்தரமேரூர் சட்டமன்றத்திற்கு உட்பட்ட 122ஆவது பூத்தில் ஒரு வாக்கு மட்டுமே பெற்றுள்ளார்.
நெல்லை தொகுதியில் முதல் சுற்று 3000 தபால் வாக்குகளில் பிஜேபி 600 வாக்குகளும், காங்கிரஸ் 913 வாக்குகளும், அதிமுக 328 வாக்குகளும், 62 வாக்குகளும் நாம் தமிழருக்கும் கிடைத்துள்ளதாக அதிகாரப்பூர்வமாக அறிவிக்கப்பட்டுள்ளது. அதிர்ச்சிகரமாக 974 தபால் வாக்குகள் செல்லாத வாக்குகளாக பதிவானதாக அதிகாரப்பூர்வமாக தற்பொழுது அறிவிக்கப்பட்டு இருக்கிறது.
Nellai Postal votes 1 round...
D - 913
A - 328
B - 600
N - 62
Nota - 04
செல்லா ஓட்டு - 974
கோவையில் திமுக முன்னிலை வகித்து வரும் நிலையில், கோட்டை மேடு பகுதியில் திமுகவினர் மட்டன் பிரியாணி வழங்கினர். பாஜக வேட்பாளர் அண்ணாமலையை விமர்சிக்கும் வகையில் ஆட்டைக் கொண்டு வந்து, பிரியாணி வழங்கினர்.
பொள்ளாச்சி மக்களவைத் தொகுதியில் திமுக வேட்பாளர் ஈஸ்வரசாமி 51,548 வாக்குகள் வித்தியாசத்தில் முன்னிலை வகித்து வருகிறார்.
சுற்று எண் - 6
திமுக ஈஸ்வர சாமி - 144841
அதிமுக கார்த்திகேயன் - 93293
பாஜக - வசந்தகுமார் 66354
நாதக - சுரேஷ்குமார் - 18011
விருதுநகர் மக்களவைத் தொகுதியில், விஜயகாந்தின் மகன் விஜய பிரபாகரன் ஆரம்பத்தில் முன்னிலை வகித்த நிலையில், தற்போது காங்கிரஸின் மாணிக்கம் தாக்கூர் 319 முன்னிலையில் உள்ளார். விஜயபிரபாகரன் பின்னடைவைச் சந்தித்துள்ளார்.
நாடாளுமன்றத் தேர்தல் வாக்கு எண்ணிக்கையில் தமிழகத்தில் 38 இடங்களில் திமுக கூட்டணி முன்னிலை வகிக்கிறது. அதேபோல தூத்துக்குடி நாடாளுமன்ற தொகுதியில் திமுக வேட்பாளர் கனிமொழி அதிக வாக்குகள் வித்தியாசத்தில் முன்னிலை வகிக்கிறார். இதையடுத்து திருச்செந்தூர் இரும்பு ஆர்ச் பகுதியில் திமுகவினர் பட்டாசு வெடித்தும் இனிப்புகள் வழங்கியும் கொண்டாட்டத்தில் ஈடுபட்டனர்.
பாஜக சார்பில் தமிழ்நாட்டின் பல்வேறு தொகுதிகளில் போட்டியிட்ட நட்சத்திர வேட்பாளர்களான வினோஜ் செல்வம், பொன். ராதாகிருஷ்ணன், அண்ணாமலை, தமிழிசை, நயினார் நாகேந்திரன், எல்.முருகன் ஆகியோர் தங்கள் தொகுதிகளில் அதிமுகவைப் பின்னுக்குத் தள்ளி 2ஆவது இடத்தில் உள்ளனர்.
கோவை நாடாளுமன்றத் தொகுதி 3ஆவது சுற்று முடிவில் திமுக வேட்பாளர் கணபதி ராஜ்குமார் 19,005 வாக்குகள் வித்தியாசத்தில் முன்னிலை வகித்து வருகிறார்.
திமுக கணபதி ராஜ்குமார் - 80040
பாஜக அண்ணாமலை- 61035
அதிமுக சிங்கை ராமச்சந்திரன்- 33583
விருதுநகர் மக்களவைத் தொகுதியில், விஜயகாந்தின் மகன் விஜய பிரபாகரன் தொடர்ந்து முன்னிலை வகித்து வருகிறார். விஜய பிரபாகரன் 120377 வாக்குகள் பெற்று 6162 வாக்குகள் முன்னிலையில் உள்ளார். அதேநேரத்தில் காங்கிரஸின் மாணிக்கம் தாக்கூர் 114215 வாக்குகள் பெற்றுள்ளார்.
தமிழ்நாட்டில் பாஜக சார்பில் போட்டியிட்ட நட்சத்திர வேட்பாளர்கள் அனைவரும் பின்னடைவைச் சந்தித்துள்ளனர்.
✦ தென் சென்னை - தமிழிசை சௌந்தரராஜன்
✦ மத்திய சென்னை - வினோஜ் பி.செல்வம்
✦ வட சென்னை - பால் கனகராஜ்
✦ நீலகிரி - எல்.முருகன்
✦ கோவை - அண்ணாமலை
✦ நெல்லை - நயினார் நாகேந்திரன்
✦ கன்னியாகுமரி - பொன்.ராதாகிருஷ்ணன்
✦ தஞ்சை - கருப்பு முருகானந்தம்
✦ சிதம்பரம் - கார்த்திகாயினி
✦ மதுரை - ராமசீனிவாசன்
✦ விருதுநகர் - ராதிகா சரத்குமார்
நெல்லை பாஜக வேட்பாளர் நயினார் நாகேந்திரன் செய்தியாளர்களுக்கு அளித்த பேட்டியில், ’’இதுவரை வெளியான முடிவில் ராபர்ட் ப்ரூஸ் முன்னிலையில் உள்ளார். இனி முடிவுகள் மாறுவதற்கும் வாய்ப்பு உள்ளது பொதுமக்கள் போட்ட ஓட்டு முடிவு எதுவாக இருந்தாலும் அதை வரவேற்கிறேன். மக்கள் அளிக்கும் தீர்ப்பை ஏற்றுக்கொண்டுதான் ஆக வேண்டும்’’ என்று தெரிவித்துள்ளார்.
முன்னாள் முதல்வர் எடப்பாடி பழனிசாமியின் சொந்தத் தொகுதியான சேலம் மக்களவைத் தொகுதியில் திமுக முன்னிலை வகித்து வருகிறது.
4-வது சுற்று
திமுக : 26,457
அதிமுக : 25,589
பாமக : 6,869
திமுக வேட்பாளர் செல்வகணபதி தொடர்ந்து முன்னிலை வகித்து வருகிறார்.
மதுரை நாடாளுமன்ற தொகுதிக்கான 4, 5, 6 ஆகிய மூன்று சுற்று வாக்கு எண்ணிக்கையில் அதிமுகவை விட பாஜக கூடுதலான வாக்குகள் பெற்றுள்ளது. இங்கு அதிமுக வேட்பாளரை விட பாஜக வேட்பாளர் 6,006 வாக்குகள் கூடுதலாக பெற்றுள்ளார்.
கடலூர் மக்களவைத் தேர்தலில் காங்கிரஸ் வேட்பாளர் விஷ்ணுபிரசாத்தும் தர்மபுரி பாமக வேட்பாளர் செளமியா அன்புமணியும் தங்களின் தொகுதிகளில் முன்னிலை வகிக்கின்றனர். ஒரே குடும்பத்தைச் சேர்ந்த அண்ணனும் தங்கையும் வெவ்வேறு கட்சிகளில் நின்று போட்டியிட்டு, முன்னிலையில் உள்ளது சுவாரசியத்தை ஏற்படுத்தி உள்ளது.
திருவள்ளூர் மக்களவைத் தொகுதியில், காங்கிரஸ் கட்சி வேட்பாளர் சசிகாந்த் செந்தில் 72,847 வாக்குகள் வித்தியாசத்தில் முன்னிலையில் உள்ளார். இங்கு தேமுதிகவின் நல்லதம்பி, இதுவரை 34372 வாக்குகளை மட்டுமே பெற்றுள்ளார்.
தூத்துக்குடி மக்களவைத் தொகுதியில் திமுக வேட்பாளரும் எம்.பி.யுமான கனிமொழி, 54781 வாக்குகள் வித்தியாசத்தில் முன்னிலை பெற்றுள்ளார். இவர் மொத்தம் 78068 பெற்றுள்ள நிலையில், அதிமுகவின் சிவசாமி 23,287 வாக்குகளை மட்டுமே பெற்றுள்ளார்.
Tamil Nadu Election Results 2024 LIVE: கடலூர் மக்களவைத் தொகுதியில் பாஜக கூட்டணியின்கீழ், பாமக வேட்பாளர் தங்கர் பச்சான் பின்னடைவைச் சந்தித்து வருகிறார். 3ஆவது இடத்தில் உள்ள அவருக்கு முன்னால், காங்கிரஸின் விஷ்ணு பிரசாத் முதலிடத்திலும் தேமுதிகவின் சிவக்கொழுந்து இரண்டாவது இடத்திலும் உள்ளனர்.
மக்களவைத் தேர்தலில் கிருஷ்ணகிரி மக்களவைத் தொகுதியில் நாதக வேட்பாளரும் வீரப்பனின் மகளுமான வித்யாராணி பின்னடைவைச் சந்தித்துள்ளார்.
Tamil Nadu Lok Sabha Election Results 2024 LIVE: ராமநாதபுரம் மக்களவைத் தொகுதியில் அதிமுக தொண்டர் உரிமை மீட்புக் குழு சார்பில் சுயேச்சையாகப் போட்டியிட்ட ஓபிஎஸ், தொடர்ந்து பின்னடைவில் உள்ளார். இந்திய யூனியன் முஸ்லிம் லீக் கட்சியைச் சேர்ந்த திமுக கூட்டணி வேட்பாளர் நவாஸ் கனி, 17980 வாக்குகள் வித்தியாசத்தில் முன்னிலை வகிக்கிறார்.
தேனியில் இரண்டாவது சுற்று நிறைவில், திமுக வேட்பாளர் தங்கத் தமிழ்ச்செல்வன் 27,784 வாக்குகள் வித்தியாசத்தில் முன்னிலை வகித்து வருகிறார். அமமுக வேட்பாளர் டிடிவி தினகரன் இரண்டாவது
இரண்டாவது சுற்று முடிவில் வேட்பாளர்கள் வாக்குகள் விவரம்
திமுக - தங்கதமிழ்ச்செல்வன் – 55,313
அதிமுக - நாராயணசாமி – 10,077
அமமுக - டிடிவி தினகரன் – 27,529
நாதக - மதன் ஜெயபால் – 7,229
தஞ்சை நாடாளுமன்றத் தொகுதியில் திமுக வேட்பாளர் முரசொலி முதல் சுற்றிலேயே 16,000 ஓட்டுகளுக்கு மேல் முன்னிலையில் இருப்பதால், தஞ்சை திமுக மாநகரச் செயலாளரும், மாநகராட்சி மேயருமான சண். ராமநாதன் தஞ்சை புதிய பேருந்து நிலையத்தில் பொதுமக்களுக்கு இனிப்புகள் வழங்கி கொண்டாட்டத்தைத் தொடங்கி விட்டார்.
தமிழ்நாட்டில் திமுக தலைமையிலான இந்தியா கூட்டணி முன்னிலை வகித்து வரும் நிலையில், அண்ணா அறிவாலயத்தில் திமுகவினர் பட்டாசு வெடித்துக் கொண்டாட்டத்தில் ஈடுபட்டு வருகின்றனர்.
திருச்சி பாராளுமன்ற தொகுதிக்கான வாக்கு எண்ணும் மையத்திற்கு வருகை தந்த திருச்சி நாடாளுமன்ற தொகுதி மதிமுக வேட்பாளர் துரை வைகோ, ‘’தற்போது வரை முன்னிலையில் இருப்பதை, மக்கள் என் மீதும், ஸ்டாலின் தலைமையிலான அரசின் மீதும் வைத்துள்ள நம்பிக்கையாகவே பார்க்கின்றேன்.
என் தந்தையிடம் தற்போது வரை பேசவில்லை, தேர்தலில் நிற்பதற்கு தனிப்பட்ட விருப்பம் எனக்கு இல்லை, எனினும் தொண்டர்களுக்காகவே தேர்தலில் நின்றேன். நான் முன்னிலையில் இருப்பது அவர்களுக்கும், கூட்டணியில் உள்ள ஒவ்வொரு கட்சியினருக்கும் மகிழ்ச்சியை ஏற்படுத்தியுள்ளது’’ என்று துரை வைகோ தெரிவித்துள்ளார்.
திருச்சி, ஸ்ரீரங்கம் சட்டமன்றத் தொகுதி மின்னணு வாக்கு எண்ணிக்கையில், 14ம் நம்பர் மேஜையில் உள்ள வாக்குப்பதிவு இயந்திரம் "இன்வேலிட் எரர்" என்று காண்பிப்பதால் முகவர்கள் அதிகாரிகளிடம் வாக்குவாதத்தில் ஈடுபட்டனர். பின்னர் அதிகாரிகள் மின்னணு வாக்குப்பதிவு இயந்திரத்தில் ஏற்பட்டுள்ள தொழில்நுட்பக் கோளாறைச் சரிசெய்யும் பணியில் ஈடுபட்டுள்ளனர்.
தென்காசி நாடாளுமன்ற தொகுதியில் திமுக 8110 வாக்கு வித்தியாசத்தில் முன்னிலையில் இருக்கிறது.
முதல் சுற்றில் தென்காசி நாடாளுமன்ற தொகுதியில் திமுக வேட்பாளர் ராணி ஸ்ரீகுமார் 20108 வாக்குகள், அதிமுக வேட்பாளர் கிருஷ்ணசாமி 11998 வாக்குகள், பாரதிய ஜனதா கட்சி வேட்பாளர் ஜான்பாண்டியன் 7115 வாக்குகள், நாம் தமிழர் கட்சி வேட்பாளர் மதிவாணன் 7455 பெற்றுள்ளனர்.
தென் சென்னை தொகுதியில் பாஜக சார்பில் போட்டியிட்ட தமிழிசை செளந்தர்ராஜன் கூறும்போது, ''நான் மகிழ்ச்சியாகவே இருக்கிறேன். முடிவு என்ன வந்தாலும் ஏற்றுக்கொள்வேன். மக்களுக்காக சேவை செய்யக் காத்திருக்கிறேன்'' என்று தெரிவித்துள்ளார்.
நாமக்கல் மக்களவைத் தொகுதியில் அதிமுக வேட்பாளர் தமிழ் மணி முன்னிலை வகித்து வருகிறார். இவர் 8643 வாக்குகள் பெற்று, 474 வாக்குகள் முன்னிலையில் உள்ளார். இரண்டாம் இடத்தில் திமுகவின் மாதேஸ்வரனும் பாஜகவின் கே.பி.ராமலிங்கம் மூன்றாவது இடத்திலும் உள்ளனர்.
கோவை மக்களவை தொகுதியில் திமுக வேட்பாளர் ராஜ்குமார் 7299 வாக்குகள் முன்னிலை வகித்து வருகிறார்.
வாக்குகள் எவ்வளவு?
திமுக - 27,525
பா.ஜ.க - 20,226
அதிமுக - 10,747
நீலகிரி தொகுதியில் மத்திய அமைச்சரும் பாஜக வேட்பாளருமான எல்.முருகன் பின்னடைவைச் சந்தித்துள்ளார். திமுக வேட்பாளர் ஆ.ராசா தொடர்ந்து முன்னிலை வகித்து வருகிறார்.
தருமபுரி நாடாளுமன்ற தொகுதியில் பாமக முன்னிலை வகிக்கிறது.
திமுக: 15247
அதிமுக: 13066
பாமக:25428
நாதக: 2453
நோட்டா 392
மதுரை அதிமுக வேட்பாளர் டாக்டர் சரவணன், ‘’ஆயிரக்கணக்கான வாக்குகள் முறையாக தபால் ஒட்டப்படாமல் உள்ளன. அவற்றை செல்லாது என நிராகரிக்காமல், செல்லும் என ஆட்சியர் அறிவிக்கிறார். இது தவறானது’’ என்று குற்றம் சாட்டியுள்ளார்.
வடசென்னை தொகுதியில் திமுக வேட்பாளர் கலாநிதி வீராசாமி 20 ஆயிரம் வாக்குகள் வித்தியாசத்தில் முன்னிலை பெற்றுள்ளார்.
பாஜக கூட்டணியில் இடம்பெற்றுள்ள அமமுக பொதுச்செயலாளர் டிடிவி தினகரன் தேனி தொகுதியில் 13 ஆயிரம் வாக்குகள் வித்தியாசத்தில் டிடிவி பின்னடைவை சந்தித்துள்ளார்.
தூத்துக்குடி நாடாளுமன்ற தொகுதியில் 21959 வாக்குகள் வித்தியாசத்தில் திமுக முன்னிலை வகிக்கிறது.
முதலாவது சுற்று
திமுக - 30334
அதிமுக - 8375
தமாக - 5271
நாம் தமிழர் - 4446
நெல்லை முதல் சுற்றில் 5 ஆயிரம் வாக்குகள் வித்தியாசத்தில் காங்கிரஸ் வேட்பாளர் முன்னிலை இருக்கிறார்.
காங்கிரஸ் 21,119
பாஜக- 16,390
அதிமுக- 3671
நாம் தமிழர்- 4485
நாம் தமிழர் மூன்றாம் இடம்
காஞ்சிபுரம் நாடாளுமன்ற தொகுதியில், திருப்போரூர் சட்டமன்றத் தொகுதியின் முதல் சுற்று முடிவில் நாம் தமிழர் மூன்றாம் இடம் பிடித்து அசத்தல்
திருப்போரூர் தொகுதியில் முதல் சுற்று முடிவில்
திமுக -5805
அதிமுக --2645
நாம் தமிழர் - 1514
பாமக - 1183
கன்னியாகுமரி மாவட்டம் விளவங்கோடு சட்டமன்ற தொகுதியில் நடைபெற்ற இடைத்தேர்தலில் காங்கிரஸ் கட்சி முன்னிலை பெற்றுள்ளது.
சிதம்பரம் மக்களவைத் தொகுதியில் திருமாவளவன் பின்னடைவைச் சந்தித்து வருகிறார். இங்கு அதிமுக வேட்பாளர் சந்திரஹாசன் முன்னிலை வகித்து வருகிறார்.
விருதுநகர் தொகுதியில் அருப்புக்கோட்டை, சிவகாசி திருமங்கலம் உள்ளிட்ட சட்டமன்ற தொகுதி வாக்கு எண்ணிக்கை அடிப்படையில் விஜய பிரபாகரன் முன்னிலையில் இருக்கிறார்.
விருதுநகர் தொகுதியில் அருப்புக்கோட்டை, சிவகாசி திருமங்கலம் உள்ளிட்ட சட்டமன்ற தொகுதி வாக்கு எண்ணிக்கை அடிப்படையில், அதிமுக கூட்டணியின்கீழ் தேமுதிக வேட்பாளர் விஜய பிரபாகரன் முன்னிலை வகித்து வருகிறார்.
திருப்பூர் தொகுதியில் இந்திய கம்யூனிஸ்ட் வேட்பாளர் சுப்பராயன் முன்னிலை வகித்து வருகிறார்.
சேலம் நாடாளுமன்றத் தொகுதியில் தபால் ஓட்டுகள் எடுக்கப்பட்டவரை, பெரும்பான்மையான வாக்குகள் செல்லாத வாக்குகளாகப் பதிவாகி உள்ளன.
கள்ளக்குறிச்சி மக்களவைத் தொகுதி தபால் வாக்கு எண்ணிக்கையில் அதிமுக வேட்பாளர் குமரகுரு முன்னிலை வகித்து வருகிறார்.
விழுப்புரம் சட்டமன்ற தொகுதிக்கு உட்பட்ட வி. கொத்தமங்கலம் வாக்குச்சாவடி மைய மின்னணு வாக்குப் பதிவு இயந்திரத்தில் பழுது ஏற்பட்டுள்ளது. அதனைச் சரி செய்யும் பணியில் பெல் நிறுவன ஊழியர்கள் ஈடுபட்டுள்ளனர்.
கோவை மக்களவைத் தொகுதியில் தொடர்ந்து திமுக வேட்பாளர் கணபதி ராஜ்குமார் முன்னிலை வகித்து வருகிறார். இரண்டாவது இடத்தில் பாஜகவின் அண்ணாமலை இருக்கிறார். மூன்றாவது இடத்துக்கு அதிமுகவின் சிங்கை ராமச்சந்திரன் தள்ளப்பட்டுள்ளார்.
கன்னியாகுமரி பாராளுமன்ற தொகுதியில் காங்கிரஸ் வேட்பாளர் விஜய் வசந்த் முன்னிலை உள்ளார். இதேபோல், விளவங்கோடு சட்டமன்ற தொகுதியில் காங்கிரஸ் வேட்பாளர் தாரகை கத்பட் முன்னிலை வகிக்கிறார்.
தருமபுரி மக்களவைத் தொகுதியில் பாஜக கூட்டணியில் பாமக வேட்பாளர் செளமியா அன்புமணி முன்னிலை வகித்து வருகிறார்.
மதுரை மக்களவைத் தொகுதி முதல் சுற்று நிலவரப்படி மதுரை வடக்கு மற்றும் மத்திய சட்டமன்ற தொகுதிகளில் அதிமுக முன்னிலை வகிப்பதாக தகவல் வெளியாகியுள்ளது. மேலூர், மதுரை கிழக்கு, மதுரை தெற்கு, மதுரை தெற்கு ஆகிய சட்டமன்ற தொகுதிகளில் சிபிஎம் வேட்பாளர் சு.வெங்கடேசன் முன்னிலை வகிப்பதாக தகவல் வெளியாகியுள்ளது.
ராமநாதபுரத்தில் 30% தபால் வாக்குகள் நிராகரிக்கப்பட்டுள்ளன. முறையான கையெழுத்து இல்லாததால் தபால் வாக்குகள் நிராகரிக்கப்பட்டதாகத் தகவல் வெளியாகியுள்ளது.
கோயம்புத்தூர் மக்களவைத் தொகுதியில் பாஜக வேட்பாளர் அண்ணாமலை 195 வாக்குகள் வித்தியாசத்தில் பின்னடைவில் உள்ளார். தபால் வாக்குகளிலும் திமுக முன்னிலை வகித்து வருகிறது.
திருநெல்வேலி மக்களவைத் தொகுதிக்கான தபால் வாக்குகள் எண்ணிக்கையில் பாஜக வேட்பாளர் நயினார் நாகேந்திரன் முன்னிலை வகிக்கிறார்.
சிவகங்கை மாவட்டம், காரைக்குடி அழகப்பா பொறியியல் கல்லூரி வாக்கு எண்ணும் மையத்தில் சிவகங்கை நாடாளுமன்ற தொகுதி தேர்தலுக்கான வாக்கு எண்ணும் பணி நடைபெற்று வருகிறது. திருப்பத்தூர், காரைக்குடி, மானாமதுரை, சிவகங்கை, ஆலங்குடி திருமயம் உள்ளிட்ட 6 சட்டமன்ற தொகுதிகளுக்கான அஞ்சல் வாக்குகள், மொத்தம் 6793 வரப்பெற்றுள்ளன. இங்கு வாக்கு எண்ணும் மையத்துக்குள் சுயேட்சை வேட்பாளர்களின் முகவர்களை காவல்துறையினர் அனுமதிக்கவில்லை என கூறப்படுகிறது. இதனால் அப்பகுதியில் பரபரப்பு ஏற்பட்டுள்ளது.
புதுச்சேரி மக்களவைத் தொகுதியில் தபால் வாக்குகளில் ஆரம்பத்தில் பாஜக முன்னிலை வகித்த நிலையில், தற்போது காங்கிரஸ் வேட்பாளர் வைத்திலிங்கம் 2866 வாக்குகளும், பாஜக வேட்பாளர் நமச்சிவாயம் 1890 வாக்குகளும் பெற்றுள்ளனர். இதனால் காங்கிரஸ் முன்னிலையில் உள்ளது.
கன்னியாகுமரியில் வாக்கு எண்ணும் மையத்துக்கு, கத்தியுடன் வந்த சுயேட்சை வேட்பாளர் ராஜன் சிங்கை காவல்துறை கைது செய்துள்ளது.
தூத்துக்குடி பாராளுமன்ற தொகுதிக்கான தபால் வாக்கு எண்ணிக்கை தொடங்கியது.
புதுச்சேரி மக்களவைத் தொகுதியில் தபால் வாக்குகளில் பாஜக முன்னிலை வகித்து வருகிறது. இங்கு பாஜக வேட்பாளராக நமச்சிவாயம் களம் கண்டுள்ளார்.
மதுரையில் வாக்கு எண்ணிக்கை மையத்தில் முகவர்களுக்கான எந்தவித அடிப்படை வசதிகளும் இல்லை என முகவர்கள் புகார் தெரிவித்துள்ளனர். கழிவறை , குடிநீர் உள்ளிட்ட எந்தவித அடிப்படை வசதிகள் இல்லை என குற்றச்சாட்டு வைத்துள்ளனர்.
நெல்லை நாடாளுமன்ற தொகுதிக்குட்பட்ட அம்பை சட்டமன்ற தொகுதி வாக்குப்பெட்டிகள் உள்ள அறையின் சாவி தொலைந்ததால், பூட்டு உடைக்கப்பட்டது. இதனால் பரபரப்பு ஏற்பட்டது. இதைத் தொடர்ந்து அரசியல் கட்சி பிரமுகர்கள் தேர்தல் ஆணையத்தை கண்டித்து கோஷங்களை எழுப்பி வருகின்றனர்.
காஞ்சிபுரத்தில் தபால் வாக்கு எண்ணப்பட்டு வரும் நிலையில் திமுக வேட்பாளர் க. செல்வம் முன்னிலையில் இருக்கிறார்.
திமுக - 100
அதிமுக - 50
பாமக -12
நாம் தமிழர் -2
தென் சென்னை மக்களவைத் தொகுதியில் வாக்கு எண்ணிக்கை தாமதமாகி வருகிறது. இங்கு திமுக சார்பில் தமிழச்சி தங்கபாண்டியன், அதிமுக சார்பில் ஜெயவர்தன், பாஜக சார்பில் தமிழிசை செளந்தர்ராஜன் போட்டியில் உள்ளனர்.
வேலூரில் உள்ள வாக்கு எண்ணும் மையத்தில் போதிய இருக்கைகள் அமைக்கப்படவில்லை என கூறி முகவர்கள், அரசியல் கட்சியினர் வாக்குவாதத்தில் தேர்தல் அதிகாரிகளுடன் ஈடுபட்டுள்ளனர்.
திண்டுக்கல் லோக்சபா தொகுதிக்கான தபால் ஓட்டு எண்ணும் பணிகள் தொடங்கியது.
மொத்தம் பெறப்பட்ட தபால் ஓட்டுக்கள்
அரசு ஊழியர்கள் ; 5334
85 வயது முதியவர்கள் மாற்றுத்திறனாளிகள் : 1782
ராணுவத்தினர் : 755
மொத்த பெறப்பட்ட தபால் ஓட்டுக்கள் 7271
திண்டுக்கல் நாடாளுமன்ற தொகுதியில் பதிவான தபால் வாக்குகள் எண்ணும் பணிகள் தேர்தல் அதிகாரிகள் மற்றும் முகவர்கள் முன்னிலையில் துவக்கம்.
மக்களவைத் தேர்தல் முடிவுகள் வெளியாக உள்ள நிலையில் சிவகங்கை காங்கிரஸ் வேட்பாளர் கார்த்தி சிதம்பரம் காரைக்குடி காளியம்மன் கோயிலில் சாமி தரிசனம் செய்தார்.
மக்களவை தேர்தலில் பதிவான வாக்குகள் இன்று எண்ணப்பட்டு வரும் நிலையில் தொடக்கம் முதலே பல தொகுதிகளில் திமுக முன்னிலை பெற்றுள்ளதாக தகவல் வெளியாகியுள்ளது. இதனால் திமுக தொண்டர்கள் உற்சாகமடைந்துள்ளனர்.
பொள்ளாச்சி வாக்கு எண்ணிக்கை மையத்தில் பத்திரிகையாளர்கள் போராட்டம் நடத்துகின்றனர்.வாக்கு எண்ணிக்கை மையத்திற்குள் பத்திரிகையாளர்கள் அனுமதி மறுக்கப்பட்டதால், தரையில் அமர்ந்து போராட்டம் நடத்தி வருகின்றனர். இதனால் அங்கு பரபரப்பு நிலவி வருகிறது.
தஞ்சாவூர் பாராளுமன்ற தொகுதியில் பதிவான தபால் ஓட்டுக்கள் எண்ணும் பணி தொடங்கப்பட்டது
சேலம் நாடாளுமன்ற தொகுதியில் பதிவான தபால் வாக்குகள் ஆறு மேசைகள் அமைக்கப்பட்டு எண்ணப்பட்டு வருகிறது. முன்னதாக வாக்கு எண்ணும் பணியில் ஈடுபடும் அதிகாரிகள் மற்றும் முகவர்கள் மாவட்ட தேர்தல் நடத்தும் அலுவலர் முன்னிலையில் உறுதிமொழி ஏற்றுக்கொண்டனர்.
திருச்சியில் நாடாளுமன்றத் தொகுதியில் தபால் வாக்கு எண்ணிக்கையில் திமுக கூட்டணியில் இருக்கக்கூடிய மதிமுக வேட்பாளர் துரை வைகோ முன்னிலை வகித்து வருகிறார்.
மக்களவை தேர்தலின் வாக்கு எண்ணிக்கை இன்று நடைபெற்று வரும் நிலையில், தபால் வாக்குகள் எண்ணிக்கையில் மதுரை தொகுதியில் இந்திய கம்யூனிஸ்ட் கட்சியின் வேட்பாளர் சு.வெங்கடேசன் முன்னிலை பெற்றுள்ளார்.
காஞ்சிபுரம் தனி நாடாளுமன்றத் தொகுதி வாக்கு எண்ணும் மையத்தில் போலீசாருடன் செய்தியாளர்கள் வாக்குவாதத்தில் ஈடுபட்டு வருகின்றன. வாக்கு எண்ணிக்கை மையத்தின் உள்ளே 5 நபர்களுக்கு மேல் அழைத்து செல்லாததால், காவலர்களுடன் செய்தியாளர்கள் வாக்குவாதத்தில் ஈடுபட்டு வருகின்றனர்.
புதுச்சேரியில் 2 வாக்கு எண்ணும் மையங்களில் உள்ள 8 அறைகளுக்கும் வாக்குபதிவு இயந்திரங்கள் எடுத்து செல்வதில் காலதாமம் ஆகின்றது. இதனால் வாக்கு எண்ணிக்கை இன்னும் துவங்கவில்லை. இதைத் தொடர்ந்து பத்திரிகையாளர்களை வாக்கு எண்ணும் பணியை வீடியோ எடுக்க அனுமதிக்கப்படவில்லை.
குஜராத் மாநிலத்தில் உள்ள சூரத் தொகுதியின் பாஜக வேட்பாளர் போட்டியின்றி களம் கண்டதால், அவரின் வெற்றி உறுதியானது. இந்த நிலையில் 542 தொகுதிகளுக்கான வாக்கு எண்ணிக்கை இன்று ( ஜூன் 4 ஆம் தேதி ) தொடங்கி உள்ளது. 8.30 மணிக்கு மின்னணு வாக்குப் பதிவு எண்ணிக்கை தொடங்க உள்ளது.
தேர்தலில் பதிவான வாக்கு எண்ணிக்கை, தற்போது அதாவது காலை 8 மணிக்கு தொடங்கி உள்ளது. முதலில் தபால் வாக்குகள் எண்ணப்பட்டு வருகின்றன. அடுத்த 30 நிமிடத்தில் மின்னணு வாக்கு இயந்திரத்தில் உள்ள வாக்குகள் எண்ணப்பட உள்ளன.
தமிழ்நாட்டைப் பொறுத்தவரை மக்களவைத் தேர்தலில் 76 பெண்கள் உட்பட 950 வேட்பாளர்கள் போட்டியிடுகின்றனர். மொத்தம் 39 மையங்களில் 234 அறைகளில் வாக்கு எண்ணிக்கை நடைபெற உள்ளது.
’பாஜக மூன்றாவது முறையாக வெற்றி பெற வேண்டும், பிரதமர் மோடி 3ஆவது முறையாக ஆட்சிக் கட்டிலில் அமர்ந்து பிரதமராகப் பொறுப்பேற்க வேண்டும்’ என்று அக்கட்சியினர் நாடு முழுவதும் பல்வேறு கோயில்களில் சிறப்பு யாகங்கள், வழிபாடுகளை நடத்தி வருகின்றனர்.
கரூர் மக்களவைத் தொகுதியில் வாக்கு எண்ணும் மையத்துக்குச் செல்ல வரிசை அமைக்கப்படாததால், அங்கு தள்ளுமுள்ளு ஏற்பட்டது. வாக்குவாதமும் ஏற்பட்டு வருகிறது.
கரூரில் வாக்கு எண்ணும் மையத்தில் பாதுகாப்பு பணியில் ஈடுபட்ட ஒன்பது காவலர்கள் தங்கள் பிறந்தநாள் மற்றும் திருமண நாளை முன்னிட்டு கேக் வெட்டி கொண்டாட்டத்தில் ஈடுபட்டனர். மாவட்ட தேர்தல் நடத்தும் அலுவலர் மற்றும் மாவட்ட காவல் கண்காணிப்பாளர் முன்னிலையில் கொண்டாட்டம் நடைபெற்றது.
வாக்கு எண்ணும் மையத்தில் ஊடகத்துறையினருக்கு ஒதுக்கப்பட்ட அறையில் செல்போன்களுக்கு அனுமதி மறுக்கப்பட்டதால் செய்தியாளர்கள் தேர்தல் அலுவலர்களிடம் வாக்குவாதத்தில் ஈடுபட்டனர்.
மக்களவை தேர்தலில் வாக்கு எண்ணும் பணிகள் இன்று நடக்கவுள்ள நிலையில் நாகர்கோவிலில் தேர்தல் அலுவலர்கள் - முகவர்கள் இடையே கடுமையான வாக்குவாதம் ஏற்பட்டுள்ளது. படிவம் 18 கொண்டு வராததால் அனுமதி மறுக்கப்பட்டதால் வாக்குவாதம் நிகழ்ந்துள்ளது.
தஞ்சை நாடாளுமன்ற தொகுதியில் பதிவான வாக்குகள் எண்ணும் பணி இன்னும் சற்று நேரத்தில் தொடங்க உள்ளது. முன்னதாக பத்திரிகையாளர்களுக்காக ஒதுக்கப்பட்டுள்ள இடத்தில் வாக்கு எண்ணும் மையங்களை முழுமையாக பார்க்கும் வகையில் அமைக்கப்பட்டுள்ள கேமராவில் இருந்து நேரடி ஒளிபரப்புகள் தொடங்கப்பட்டுள்ளன.
வேலூரில் அதிமுகவினரும், அமமுகவினரும் ஒரே கரை வேட்டி கட்டியதால் குழப்பம் - வித்தியாசம் தெரிய பச்சை துண்டுடன் காணப்படும் அதிமுகவினர் காணப்படுகின்றனர்.
மக்களவை தேர்தலுக்கான வாக்கு எண்ணிக்கை இன்று நடைபெறும் நிலையில், மயிலாடுதுறை தொகுதி தேசிய ஜனநாயகக் கூட்டணி சார்பில் போட்டியிடும் பாமக வேட்பாளர் ம.க.ஸ்டாலின் திருக்கடையூர் அமிர்தகடேஸ்வரர் கோயிலில் சிறப்பு வழிபாடு மேற்கொண்டார்.
சென்னையில் வாக்கு எண்ணிக்கை நடைபெறும் அண்ணா பல்கலைக்கழகம், குயின் மேரிஸ் கல்லூரி மற்றும் லொயலோ கல்லூரியில் பலத்த போலீஸ் பாதுகாப்பு போடப்பட்டுள்ளது. வாக்கு எண்ணும் மையத்துக்குள் செல்லும் நபர்களின் அடையாள அட்டை சரிபார்க்கப்பட்டு உள்ளே அனுப்பப்பட்டனர்.
தமிழக பாஜக தலைவர் அண்ணாமலை இன்று தனது 40வது பிறந்தநாளை கொண்டாடுகிறார். அவர் மக்களவை தேர்தலில் கோவை தொகுதியில் போட்டியிட்டுள்ள நிலையில் வாக்கு எண்ணிக்கை இன்று நடைபெறுகிறது. இதில் வெற்றி பெற்று பிறந்தநாள் பரிசாக எம்.பி. பதவி கிடைக்குமா என்ற எதிர்பார்ப்பு ஏற்பட்டுள்ளது.
தமிழ்நாட்டில் நடைபெறும் வாக்கு எண்ணிக்கையை கண்காணிப்பதற்காக 39 வெளிமாநில ஐஏஎஸ் அதிகாரிகள் சிறப்பு பார்வையாளர்களாக நியமனம் செய்யப்பட்டுள்ளனர்.
வாக்கு எண்ணும் மையத்திற்குள் செல்லும் அரசு ஊழியர்கள், முகவர்கள் செல்போன், ஸ்மார்ட் வாட்ச், நெக் பேண்ட் உள்ளிட்ட மின்னணு சாதனங்களுக்கு தடை விதிக்கப்பட்டுள்ளது.
மக்களவை தேர்தலுக்கான வாக்கு எண்ணிக்கை இன்று நடைபெறும் நிலையில் காஞ்சிபுரம் குமரகோட்டை முருகன் கோயிலுக்கு வேட்பாளர்கள் மற்றும் அரசியல் கட்சியினர் சாமி தரிசனம் செய்ய வருகை தந்த வண்ணம் உள்ளனர்.
புதுச்சேரியில் வாக்கு எண்ணும் மையத்திற்கு துணை ராணுவ படையினர் செல்போன் கொண்டு வந்ததற்கு காவலர்கள் எதிர்ப்பு தெரிவித்ததால் இரு தரப்புக்கும் இடையே வாக்குவாதம் நடைபெற்றது. தேர்தல் அதிகாரிகள் பேச்சுவார்த்தை நடத்தினர்.
மக்களவை தேர்தல் வாக்கு எண்ணிக்கை இன்று நடக்கும் நிலையில் வாக்கு எண்ணும் மையங்களில் 3 அடுக்கு பலத்த பாதுகாப்பு போடப்பட்டுள்ளது. மேலும் அசம்பாவிதங்களை தவிர்க்க ரயில் நிலையம், பேருந்து நிலையம் போன்ற பொது இடங்களும் கண்காணிப்பு வளையத்துக்குள் கொண்டு வரப்பட்டுள்ளது.
ஸ்ரீபெரும்புதூர் தொகுதிக்குட்பட்ட தபால் வாக்குகள் அடங்கிய வாக்குப்பட்டிகள் மாவட்ட ஆட்சியர் வளாகத்தில் , பாதுகாப்பாக வைக்கப்பட்டிருந்தது. வாக்கு எண்ணிக்கை முன்னிட்டு செங்கல்பட்டு மாவட்ட ஆட்சியர் அலுவலகத்தில் இருந்து வாக்கு எண்ணிக்கை மையமான குரோம்பேட்டை எம் ஐ டி கல்லூரிக்கு அனுப்பி வைக்கப்பட்டது .
அதிகாரிகள் மற்றும் முகவர்கள் முன்னிலையில் பாதுகாப்புடன் தபால் வாக்கு பெட்டிகள் அனுப்பிவைப்பு
அரக்கோணம் தொகுதியில் 74.19 சதவீத வாக்குகள் பதிவாகின. ஆரணி மக்களவைத் தொகுதியில் 75.76 சதவீதமும் வட சென்னையில் 60.11 சதவீதமும் வாக்குகள் பதிவாகின. சிதம்பரம் தொகுதியில் 76.37 சதவீதமும் கோயம்புத்தூரில் 64.89 சதவீதமும் வாக்குகள் பதிவாகின. அதேபோல கடலூர் - 72.57, தர்மபுரி - 81.20, திண்டுக்கல் - 71.14, ஈரோடு - 70.59 சதவீத வாக்குகளை மக்கள் செலுத்தி இருந்தனர்.
தமிழ்நாட்டைப் பொறுத்தவரை திமுக, அதிமுக, பாஜக கூட்டணிகள் மற்றும் நாம் தமிழர் கட்சி ஆகியவை நான்கு முனைப் போட்டியில் களத்தில் உள்ளன.
- Home
- தேர்தல் 2024
- TN Lok Sabha Election Results LIVE: எனக்கு என் உயரம் தெரியும் - கலைஞர் கருணாநிதி பாணியில் முதல்வர் ஸ்டாலின்