தமிழக தேர்தல்-வாக்கு எண்ணிக்கை தொடங்கியது
தமிழக சட்டமன்ற தேர்தல் முடிவடைந்துள்ள நிலையில், இன்று காலை சரியாக 8 மணிக்கு வாக்குகள் எண்ணும் பணியானது தொடங்கியது. அந்த வகையில் தமிழகத்தில் உள்ள 234 தொகுதிகளில் திமுக, அதிமுக, தவெக, நாம் தமிழர் என பல்வேறு கட்சிகள் மற்றும் சுயேட்சை வேட்பாளர்கள் என 4023 வேட்பாளர்கள் களத்தில் உள்ளனர். இதனையடுத்து கடந்த ஏப்ரல் 23ஆம் தேதி வாக்குப்பதிவு நடைபெற்றது. இதற்கு முன்னதாக தேர்தல் பணியில் ஈடுபட்ட பணியாளர்கள், காவல்துறை சார்ந்த அலுவலர்களும், தேர்தல் Zonal/Sectorல் பணிபுரிந்த அலுவலர்கள். தேர்தல் கண்காணிப்பு குழுக்களில் பணியாற்றிய அலுவலர்களும் மற்றும் 85 வயதிற்கு மேற்பட்டவர்கள் மற்றும் மாற்றுத்திறனாளி வாக்காளர்கள் என ஒட்டுமொத்தமாக 5 லட்சத்து 80ஆயிரம் தபால் வாக்குகள் பதிவாகியுள்ளது.
தபால் வாக்கு முன்னிலை யார்.?
இதனை முதல் கட்டமாக எண்ணும் பணியானது தொடங்கியுள்ளது. ஒவ்வொரு வாக்கு எண்ணும் மையத்திலும் ஒரு பகுதியில் தபால் வாக்குகளும், மற்றொரு பகுதியில் மின்னணு வாக்குப்பதிவு இயந்திரங்களில் (EVM) பதிவு செய்யப்பட்ட வாக்குகளும் அதற்குரிய மேசைகளில் எண்ணப்பட்டது. இரண்டிற்கும் தனித்தனியாக மேற்பார்வைக்காக உதவி தேர்தல் நடத்தும் அலுவலர் அளவில் (ARO Level) அதிகாரிகள் நியமிக்கப்பட்டுள்ளனர்.
500 தபால் வாக்குகளுக்கு ஒரு மேசை என்ற விகிதத்தில் தபால் வாக்குகள் எண்ணும் பணியானது தொடங்கியது. இதன் படி காலை 8 மணிக்கு தபால் வாக்குகள் எண்ணும் பணி தொடங்கி நிலையில் பல்வேறு தொகுதிகளில் இருந்து வந்த தகவலின் படி தவெக வேட்பாளர்கள் தபால் வாக்குகளில் முன்னிலையில் உள்ளனர். அடுத்ததாக அதிமுகவும், திமுகவும் முன்னிலை பெற்று வருகிறார்கள். தற்போதைய நிலவரப்படி தவெக 108 தொகுதிகளிலும் அதிமுக 70 தொகுதிகளிலும், திமுக 59தொகுதிகளில் முன்னிலை பெற்றுள்ளது.