புதுச்சேரி மாநிலத்தில் இன்று சட்டமன்ற தேர்தலுக்கான வாக்குப்பதிவு விறுவிறுப்பாக நடைபெற்று வருகிறது. காலை முதல் மக்கள் ஆர்வமுடன் வாக்களித்து வருகின்றனர்.

புதுச்சேரியை பொறுத்தவரை அங்கு 30 சட்டமன்ற தொகுதிகள் உள்ளது. என்.ஆர்.காங்கிரஸ், பாஜக, காங்கிரஸ், விசிக, திமுக, தமிழக வெற்றிக் கழகம், லட்சிய ஜனநாயக கட்சி, கம்யூனிஸ்ட் கட்சி, சுயேட்சை வேட்பாளர்கள் என 294 வேட்பாளர்கள் களத்தில் இருக்கின்றனர். அங்கு 9.50 லட்சம் வாக்காளர்கள் உள்ளனர். புதுச்சேரி அரசியல் களத்தில் ரங்கசாமி தலைமையிலான என்.ஆர்.காங்கிரஸ் மற்றும் பாஜக கூட்டணி அமைத்திருக்கிறது. அதேசமயம் வைத்திலிங்கம் தலைமையிலான காங்கிரஸ் மற்றும் திமுக கூட்டணி இணைந்து போட்டியிடுகிறது.

இந்த முறை புதிதாக களம் கண்டுள்ள விஜயின் தமிழக வெற்றி கழகம் களமிறங்குவது பெரும் எதிர்பார்ப்பை ஏற்படுத்தியுள்ளது. இன்றைய தேர்தலில் பதிவாகும் வாக்குகள் மே 4ம் தேதி எண்ணப்படும் என்பது குறிப்பிடத்தக்கது. காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெறும் என தெரிவிக்கப்பட்டுள்ளது.

13:06 PM (IST) • 09 Apr 2026

Puducherry Election Live Updates: புதுச்சேரி தேர்தல்.. வாக்காளர்களுக்கு தவெக விஜய் வேண்டுகோள்!

புதுச்சேரி வாக்காளர் பெருமக்களே, இன்று சில மணிநேரங்களே உள்ள இத்தேர்தலில் வாக்குப்பதிவு நிறைவுறப்போகும் கடைசி மணித்துளி வரை உங்கள் வாக்குகளைப் பதிவு செய்யுமாறு கேட்டுக்கொள்கிறேன் என தவெக தலைவர் விஜய் வேண்டுகோள் விடுத்துள்ளார்.

11:54 AM (IST) • 09 Apr 2026