Exit Poll Results 2026 LIVE: தமிழ்நாட்டில் தவெகவுக்கு 120 இடங்கள்; இந்தியா டுடே கருத்துக்கணிப்பு

Exit Poll Results 2026 LIVE Updates: தமிழ்நாடு, அசாம், கேரளம், மேற்கு வங்கம், புதுச்சேரி ஆகிய மாநிலங்களுக்கு சட்டமன்ற தேர்தல் நடந்து முடிந்த நிலையில் கருத்து கணிப்பு முடிவுகளின் அப்டேட்டுகளை காணலாம்.

Background

பெரும் எதிர்பார்ப்புகளுக்கிடையே 5 மாநில தேர்தலுக்கு பிந்தைய கருத்து கணிப்புகள் வெளியாகிறது. இன்று மாலை 6 மணிக்கு மேல் இந்த கருத்து கணிப்பு முடிவுகள் வெளியாகவுள்ளது. இந்தியாவைப் பொறுத்தவரை தமிழ்நாடு, அசாம், கேரளம், மேற்கு வங்கம், புதுச்சேரி ஆகிய 5 மாநிலங்களுக்கும் சட்டமன்ற தேர்தல் அறிவிக்கப்பட்டது. அதன்படி கடந்த ஏப்ரல் 9ம் தேதி அசாம், புதுச்சேரி, கேரளம் ஆகிய மாநிலங்களில் ஒரே கட்டமாக வாக்குப்பதிவு நடைபெற்றது. அதேசமயம் ஏப்ரல் 23ம் தேதி தமிழ்நாட்டில் ஒரே கட்டமாகவும், மேற்கு வங்கத்தில் முதற்கட்டமாகவும் வாக்குப்பதிவு நடந்தது. ஏப்ரல் 29ம் தேதியான இன்று மேற்கு வங்கத்தில் இரண்டாம் கட்ட வாக்குப்பதிவு நடைபெற்றது. தமிழ்நாட்டில் 234 தொகுதிகளுக்கும், கேரளாவில் 140 தொகுதிகளுக்கும், புதுச்சேரியில் 30 தொகுதிகளுக்கும், அசாமில் 126 தொகுதிகளுக்கும், மேற்கு வங்கத்தில் 294 தொகுதிகளுக்கும் வாக்குப்பதிவு நடைபெற்று முடிந்துள்ளது. இந்த 5 மாநில தேர்தல்களில் பதிவான வாக்குகள் அனைத்தும் மே 4ம் தேதி எண்ணப்படுகிறது. ஒவ்வொரு மாநிலங்களிலும் எந்த கட்சி ஆட்சியைப் பிடிக்கப் போகிறது என்ற எதிர்பார்ப்பு மேலோங்கியுள்ளது. 

29/04/2026 19:52:14

தமிழ்நாட்டில் தவெகவுக்கு 120 இடங்கள்; இந்தியா டுடே கருத்துக்கணிப்பில் தகவல்

தமிழ்நாட்டில் 98 முதல் 120 தொகுதிகள் வரை தவெக வெல்லும் என்று ஆக்சிஸ் மை இந்தியா - இந்தியா டுடே கருத்துக்கணிப்பில் தெரிவிக்கப்பட்டுள்ளது. இதில் திமுக 98- 110 இடங்கள் வரையிலும் அதிமுக 22 - 32 இடங்கள் வரை வெல்லும் என்றும் தெரிவிக்கப்பட்டுள்ளது. 

Continues below advertisement

29/04/2026 19:42:26

வாக்கெடுப்புக்குப் பிந்தைய கணிப்புகள் அடிப்படை இல்லாதவை: திரிணாமுல் காங்கிரஸ்

வாக்கெடுப்புக்குப் பிந்தைய கணிப்புகளை அடிப்படையற்றவை என்று திரிணாமுல் காங்கிரஸ் கூறியுள்ளது. இதுகுறித்து குணால் கோஷ் கூறும்போது, தங்கள் கட்சி வெற்றி பெறுவது உறுதி என்ற நம்பிக்கையில் உறுதியாக இருப்பதாகவும், ஊகங்களின் அடிப்படையில் வெளியிடப்படும் கணிப்புகளை விட, மக்களின் ஆதரவையே இறுதித் தீர்ப்பு பிரதிபலிக்கும் என்றும் தெரிவித்துள்ளார். 

29/04/2026 19:38:41

Exit Poll Results 2026: அசாமில் அரியணையை தக்கவைக்கும் பாஜக!

Poll Diary கருத்துக் கணிப்பு முடிவுகள்!

அசாமில் பாஜக தலைமையிலான என் டிஏ கூட்டணி 86-101 இடங்களைப்  பெற்று அரியணை ஏற உள்ளது. காங்கிரஸ் கூட்டணி 15 - 26 இடங்களை மட்டுமே பெரும் என்றும் பிற கட்சிகள் 3 -7 இடங்களைப் பெறும் என்று தெரிவிக்கப்பட்டுள்ளது. 

Continues below advertisement

29/04/2026 19:34:08

Exit Poll Results 2026: மேற்கு வங்கத்தில் அடித்து துவைக்கப்போகும் பாஜக

Praja Poll கருத்துக் கணிப்பு முடிவுகளின்படி, பாஜக 178- 208 இடங்களைக் கைப்பற்றும் என்று தெரிவிக்கப்பட்டுள்ளது. திரிணமூல் காங்கிரஸ் கட்சி 85 முதல் 110 இடங்களைப் பெறும் என்றும் பிற கட்சிகள் 5 இடங்கள் வரை பெறலாம் எனவும் கூறப்பட்டுள்ளது.

29/04/2026 19:17:57

Exit Poll Results 2026 LIVE: அசாமில் மீண்டும் ஆட்சிக் கட்டிலில் பாஜக!

அசாமில் மீண்டும் தேசிய ஜனநாயகக் கூட்டணியே ஆட்சியைத் தக்க வைக்கும் என்று போல் டைரி, ஜேவிசி ஆகிய நிறுவனங்கள் தேர்தலுக்குப் பிந்தைய கருத்துக் கணிப்பில் தெரிவிக்கப்பட்டுள்ளன.

29/04/2026 19:15:30

Exit Poll Results 2026 LIVE: மேற்கு வங்க மாநிலத்தில் பாஜக ஆட்சி!

மேற்கு வங்க மாநிலத்தில் மீண்டும் பாஜக ஆட்சி அமைக்கும் என்று மேட்ரிஸ் ஆய்வு முடிவுகளில் தெரிவிக்கப்பட்டுள்ளன. 

29/04/2026 19:05:30

Exit Poll Results 2026 LIVE: புதுச்சேரியில் யார் ஆட்சி?

தேர்தலுக்கு பிந்தைய கருத்துக்கணிப்பில் பாண்டிச்சேரியில் என்ஆர் காங்கிரஸ் - பாஜக கூட்டணி 40 சதவீதம் வாக்குகளைப் பெறும் என்று கணிக்கப்பட்டுள்ளது. காங்கிரஸ் திமுக கூட்டணி 30 சதவீதம் பெறும் என்று கணிக்கப்பட்டுள்ளது. விஜய்யின் தவெக 17 சதவீதம் வாக்குகள் பெறும் என்று கணிக்கப்பட்டுள்ளது. மற்றவர்கள் 13 சதவீதம் வாக்குகள் பெறுவார்கள் என்று கணிக்கப்பட்டுள்ளது. இந்த கருத்துக் கணிப்பை மை ஆக்ஸிஸ் இந்தியா வெளியிட்டுள்ளது. 

29/04/2026 18:54:39

Exit Poll Results 2026 LIVE: தமிழ்நாட்டில் மீண்டும் திமுகதான்!- வெளியான கருத்துக் கணிப்புகள்

ரிபப்ளிக் - பி மார்க்

திமுக + : 125 - 145
அதிமுக + : 65 - 85
தவெக : 16 - 26
பிற : 1 - 6

29/04/2026 18:47:10

Exit Poll Results 2026 LIVE: சாணக்யா கருத்துக் கணிப்பு முடிவுகள் சொல்வது என்ன?

2026 சட்டமன்ற தேர்தலில் 145-160 தொகுதிகளில் வென்று திமுகவே மீண்டும் ஆட்சியைப் பிடிக்கும் என சாணக்யா ஸ்ட்ராட்டஜிஸ் தெரிவித்துள்ளது. அதிமுகவுக்கு 50-65 இடங்களும், தமிழக வெற்றிக் கழகத்திற்கு 13-18 வரை இடங்களும், பிற கட்சிகளுக்கு 5-8 தொகுதிகள் வெல்ல வாய்ப்பிருப்பதாகவும் தெரிவிக்கப்பட்டுள்ளது. 

29/04/2026 18:38:00

Exit Poll Results 2026: தமிழ்நாட்டில் மீண்டும் திமுக!

PEOPLE PULSE எக்ஸிட் போல் முடிவுகள்

 

திமுக 125- 145 இடங்கள்

அதிமுக  65- 80 இடங்கள்

தவெக 18 – 24 இடங்கள்

நாம் தமிழர் 2- 6 இடங்கள்

29/04/2026 18:34:17

Exit Poll Results 2026 LIVE: வெளியான எக்ஸிட் போல் முடிவுகள்; கேரளாவில் ஆட்சி மாற்றம்!

பினராயி விஜயன் தலைமையில் 58 முதல் 68 இடங்களை மட்டுமே எல்டிஎஃப் கூட்டணி பெறும் என்று தேர்தலுக்குப் பிந்தைய கருத்துக் கணிப்பில் தெரிவிக்கப்பட்டுள்ளது. குறிப்பாக 39.5% வாக்குகளைப் பெறலாம் என்று தெரிவிக்கப்பட்டுள்ளது.

காங்கிரஸ் 70 – 80 தொகுதிகளைக் கைப்பற்றி ஆட்சியை அமைக்கும் என்று எதிர்பார்க்கப்படுகிறது. இது 42.6% ஆகும்.

29/04/2026 18:19:53

Exit Poll Results 2026 LIVE: தேர்தலுக்குப் பின்னரும் 700 CAPF கம்பெனி படைகள்

இந்தியத் தேர்தல் ஆணையத்தின் பாதுகாப்புப் படை நிலைநிறுத்தல் திட்டத்தின்படி, மேற்கு வங்கத்தில் பாதுகாப்பு மற்றும் சட்டம்-ஒழுங்கை நிலைநாட்டும் பொருட்டு, மத்திய ஆயுதக் காவல் படைகளைச் சேர்ந்த சுமார் 700 கம்பெனிகள், இன்று வாக்குப் பதிவு நிறைவடைந்த பின்னரும், மறு உத்தரவு வரும் வரை தொடர்ந்து நிறுத்தப்பட்டிருக்கும் என்று தெரிவிக்கப்பட்டுள்ளது. 

29/04/2026 18:15:37

Exit Poll Results 2026: தமிழ்நாட்டில் 4 முதல்வர் வேட்பாளர்கள்!

தமிழக அரசியல் களத்தில் பிரதானமாக 3 கட்சிகளுக்கு இடையே போட்டி நிலவுகிறது. களத்தில் 4 முதலமைச்சர் வேட்பாளர்கள் நிற்கின்றனர். திமுக சார்பில் மு.க.ஸ்டாலின், அதிமுக சார்பில் எடப்பாடி பழனிசாமி, நாம் தமிழர் கட்சி சார்பில் சீமான், தவெக சார்பில் விஜய் ஆகியோர் முதல்வர் வேட்பாளர்களாக அறிவிக்கப்பட்டுள்ளனர். 

29/04/2026 18:03:27

Exit Poll Results 2026 LIVE: மேற்கு வங்கத்தில் நிறைவடைந்த வாக்குப் பதிவு!

மேற்கு வங்க மாநிலத்தில் இரண்டாம் கட்ட வாக்குப் பதிவு இன்று மாலை 6 மணியுடன் நிறைவடைந்துள்ளது. ஆங்காங்கே வன்முறை வெடித்த நிலையில், பாதுகாப்புப் படைகள் குவிக்கப்பட்டிருந்தன. 

29/04/2026 17:58:17

Exit Poll Results 2026 LIVE: மேற்கு வங்க மாநிலத்தில் வாக்குப் பதிவு சதவீதம் எவ்வளவு?

மேற்கு வங்க மாநிலத்தில் மாலை 5 மணி வரை சுமார் 90 சதவீத வாக்குகள் பதிவாகி உள்ளன.

29/04/2026 17:54:48

Exit Poll Results 2026 LIVE: எக்ஸிட் போல் முடிவுகள் எப்போது?

தமிழ்நாடு உள்ளிட்ட 5 மாநிலங்களின் சட்டமன்றத் தேர்தலுக்குப் பிந்தைய கருத்துக் கணிப்புகள் இன்று (ஏப்ரல் 29) மாலை 6.30 மணிக்கு வெளியாகின்றன. மேற்கு வங்கத்தில் இரண்டாம் கட்டத் தேர்தல் வாக்குப் பதிவு மாலை 6 மணி வரை நடைபெறுவதால், அதைத் தொடர்ந்து இவை வெளியிடப்படும். 

29/04/2026 17:46:53

எத்தனை தொகுதிகளுக்குத் தேர்தல்?

தமிழ்நாட்டில் 234 தொகுதிகளுக்கும், கேரளாவில் 140 தொகுதிகளுக்கும், புதுச்சேரியில் 30 தொகுதிகளுக்கும், அசாமில் 126 தொகுதிகளுக்கும்,  வாக்குப்பதிவு நடைபெற்று முடிந்துள்ளது. மேற்கு வங்கத்தில் 294 தொகுதிகளுக்கும் இன்னும் சில நிமிடங்களில் தேர்தல் நடந்து முடிய உள்ளது. 

29/04/2026 17:43:30

Exit Poll Results 2026: 5 மாநிலங்களுக்கும் எப்போது தேர்தல் நடந்தது?

தமிழ்நாடு, அசாம், கேரளம், மேற்கு வங்கம், புதுச்சேரி ஆகிய 5 மாநிலங்களுக்கும் ஒரே நாளில் சட்டமன்ற தேர்தல் அறிவிக்கப்பட்டது. அதன்படி கடந்த ஏப்ரல் 9ம் தேதி அசாம், புதுச்சேரி, கேரளம் ஆகிய மாநிலங்களில் ஒரே கட்டமாக வாக்குப்பதிவு நடைபெற்றது.

தொடர்ந்து ஏப்ரல் 23ம் தேதி தமிழ்நாட்டில் ஒரே கட்டமாகவும், மேற்கு வங்கத்தில் முதற்கட்டமாகவும் வாக்குப்பதிவு நடந்தது. ஏப்ரல் 29ம் தேதியான இன்று மேற்கு வங்கத்தில் இரண்டாம் கட்ட வாக்குப்பதிவு நடைபெற்றது. 

 

29/04/2026 17:40:34

Exit Poll Results 2026 LIVE: தமிழ்நாட்டில் தாமதம் ஏன்?

தேர்தல் ஆணையத்தின் விதிமுறைப்படி, ஒரு தேர்தலின் அனைத்துக் கட்ட வாக்குப் பதிவுகளும் முடிவடைந்த பின்னரே எக்ஸிட் போல் முடிவுகளை வெளியிட வேண்டும். இது வாக்காளர்களின் மனநிலையைத் திசை திருப்பாமல் இருக்கப் பின்பற்றப்படும் நடைமுறையாகும். இதனால் மேற்கு வங்கத் தேர்தல் முடிந்தபிறகு, மாலை 6 மணிக்கு எக்ஸிட் போல்கள் வெளியாகின்றன.

29/04/2026 17:25:42

Exit Poll Results 2026: எக்ஸிட் போல் செயல்படும் விதம்

தேர்தலுக்கு முன்னதாக நடத்தப்படும் கருத்துக் கணிப்புகளை விட, எக்ஸிட் போல்கள் துல்லியமானவை எனக் கருதப்படுகின்றன. ஏனெனில், இவை உண்மையாக வாக்களித்த மக்களிடம் நடத்தப்படுபவை. மாதிரி அளவு, புவியியல் பரவல் மற்றும் பல்வேறு சமூகப் பிரிவினரின் பிரதிநிதித்துவம் ஆகியவற்றின் அடிப்படையில் கணிக்கப்படுகின்றன.

29/04/2026 17:19:44

Exit Poll Results 2026: இந்தியாவில் எப்போது தொடங்கின?

இந்தியாவில் எக்ஸிட் போல்களின் பயணம் 1996-ம் ஆண்டு தொடங்கியது. அப்போது தூர்தர்ஷன் தொலைக்காட்சி முதன்முதலில் நாடு தழுவிய அளவில் எக்ஸிட் போல் முடிவுகளை வெளியிட்டது. இது இந்தியத் தேர்தல் அரசியலில் ஒரு புதிய மைல்கல்லாக அமைந்தது.

29/04/2026 17:17:58

Exit Poll Results 2026 LIVE: எதற்காக எக்ஸிட் போல்?

இந்தியத் தேர்தல்களில் வாக்கு எண்ணிக்கை நடைபெற்ற உடனேயே மக்களின் மனநிலை எப்படி உள்ளது, யாருக்கு மக்கள் மகுடம் சூட்டுகிறார்கள் என்பதைத் தெரிந்துகொள்ள உதவும் ஒரு கருவியாக எக்ஸிட் போல் பார்க்கப்படுகிறது.

29/04/2026 16:40:16

Exit Poll Results 2026: 5 மாநில சட்டமன்ற தேர்தல் - சாதனைப் படைத்த வாக்குப்பதிவு

5 மாநில சட்டமன்ற தேர்தல் வாக்குப்பதிவு நடைபெற்றுள்ள நிலையில் 2021 சட்டமன்ற தேர்தலை ஒப்பிடும்போது வாக்கு சதவிகிதம் அதிகரித்துள்ளது. இது வாக்காளர் பட்டியலில் நடந்த எஸ்.ஐ.ஆர். பணிகள் காரணம் என சொல்லப்பட்டாலும், ஆட்சி மாற்றத்தின் அறிகுறியா என்பது மே 4ல் தெரியும். 

29/04/2026 16:32:42

Exit Poll Results 2026 LIVE: எதிர்பார்ப்பை உண்டாக்கிய 5 மாநில தேர்தல் அறிவிப்பு

கடந்த மார்ச் 15ம் தேதி தமிழ்நாடு, கேரளா, புதுச்சேரி, அசாம் மற்றும் மேற்கு வங்கம் ஆகிய 5 மாநிலங்களுக்கு தேர்தல் தேதி அறிவிக்கப்பட்டது. அப்போது முதலே தேர்தல் விதிமுறைகள் நடைமுறைக்கு வந்தது.