Assembly Election Results 2021 Live: | ஐந்து மாநிலங்களுக்கான முடிவுகள் 2021| 61,035 வாக்குகள் வித்தியாசத்தில் ஜெயித்தார் ஷைலஜா டீச்சர்..
தமிழ்நாடு, கேரளா, மேற்கு வங்கம், அசாம், புதுச்சேரி மாநிலத் தேர்தல்கள் முன்னிலை பின்னிலை விபரங்கள்:
Background
தமிழ்நாடு, கேரளா, மேற்கு வங்கம், அசாம், புதுச்சேரி ஆகிய ஐந்து மாநிலங்களுக்கான சட்டப்பேரவைத் தேர்தலில் முன்னிலை யார்? பின்னடைவு யார்? உடனடித் தகவல்களுக்குக் இங்கே இணைந்திருங்கள். வாக்கு எண்ணிக்கை இன்று (2 மே 2021) காலை 8 மணிக்குத் தொடங்குகிறது. ...More
மேற்கு வங்கத்தில் வலுவான முன்னிலையில் திரிணாமுல் காங்கிரஸ் கட்சி உள்ளது. இதனைத் தொடர்ந்து முதலமைச்சர் மம்தா பானர்ஜிக்கு ராஜ்நாத் சிங் வாழ்த்து தெரிவித்துள்ளார்.
மேற்குவங்கத்தில் திரிணாமுல் காங்கிரஸ் கட்சி 216 தொகுதிகளில் முன்னிலை பெற்றுள்ளது. இந்நிலையில் தேசியவாத கட்சி தலைவர் சரத் பவார் வாழ்த்து தெரிவித்துள்ளார்.
கேரளாவில் ஆளும் இடதுசாரிகள் கூட்டணி 93 இடங்களில் முன்னிலை பெற்றுள்ளது. இந்நிலையில் கேரளாவில் மீண்டும் ஆட்சியமைக்க போகும் பினராயி விஜயனுக்கு டெல்லி முதல்வர் அரவிந்த் கெஜ்ரிவால் தனது வாழ்த்துகளை தெரிவித்துள்ளார். அதில், "நீங்கள் மக்களுக்கான ஆட்சியை தந்ததால் மீண்டும் மக்கள் உங்களை தேர்வு செய்துள்ளனர். உங்களுக்கு என்னுடைய மனமார்ந்த வாழ்த்துகள்" எனப் பதிவிட்டுள்ளார்.
நந்திகிராம் தொகுதியில் 16 சுற்றுகளின் முடிவில் பாஜகவின் சுவந்து அதிகாரி 6 வாக்குகள் வித்தியாசத்தில் முன்னிலை பெற்றுள்ளார். முதலமைச்சர் மம்தா பானர்ஜி மீண்டும் பின்னடைவை சந்தித்துள்ளார்.
நந்திகிராம் தொகுதியில் 14 சுற்றுகளுக்கு பிறகு 2030 வாக்குகள் வித்தியாசத்தில் முதலமைச்சர் மம்தா பானர்ஜி முன்னிலை பெற்றுள்ளார்.
மேற்கு வங்கத்தில் திரிணாமுல் காங்கிரஸ் கட்சி 202 இடங்களில் முன்னிலையில் உள்ளது. இந்தச் சூழலில் திரிணாமுல் தொண்டர்கள் கொல்கத்தாவிலுள்ள பாஜக அலுவலகத்திற்கு முன்பாக குவிந்துள்ளனர்.
திருச்சூரின் ஒல்லூர் தொகுதியில் இடதுசாரிகள் கூட்டணியின் ராஜன் 21,506 வாக்குகள் வித்தியாசத்தில் வெற்றி பெற்றுள்ளார்.
திருவனந்தபுரத்தில் மொத்தம் உள்ள 14 தொகுதிகளில் 12 தொகுதிகளில் இடதுசாரிகள் கூட்டணி முன்னிலையில் உள்ளது. மேலும் கேரளாவின் பல்வேறு பகுதிகளில் ஆளும் இடதுசாரிகள் கூட்டணி முன்னிலையில் உள்ளது.
புதுச்சேரி கதிர்காமம் தொகுதியில் என்.ஆர்.காங்கிரஸ் வேட்பாளர் கே.எஸ்.பி. என்கிற ரமேஷ் வெற்றி.
மூத்த இளைஞர் ஜனநாயக முன்னணித் தலைவரும், கேரள முதல்வர் பினராயி விஜயனின் மருமகனுமான பி.ஏ முஹமது ரியாஸ், பேபூரில் 15,000 வாக்குகள் பெற்று முன்னிலை
நெல்லித்தோப்பு தொகுதியில் காங்கிரஸ் கூட்டணியில் போட்டியிட்ட திமுகவின் அனிபால் கென்னடி 4780 வாக்குகள் வித்தியாசத்தில் வெற்றி
மேற்கு வங்கத்தில் வலுவான நிலையில் உள்ள திரிணாமுல் காங்கிரஸ் கட்சிக்கு உத்தரப்பிரதேச மாநில முன்னாள் முதல் அகிலேஷ் யாதவ் வாழ்த்து தெரிவித்துள்ளார்.
மேற்கு வங்கத்தில் திரிணாமுல் காங்கிரஸ் கட்சி வலுவான நிலையில் உள்ளதால், அசன்சோல் பகுதியில் அக்கட்சி தொண்டர்கள் கொண்டாடி வருகின்றனர்.
மேற்கு வங்கத்தின் நந்திகிராம் தொகுதியில் 5 ஆயிரம் வாக்குகள் பினதங்கி இருந்த முதலமைச்சர் மம்தா பானர்ஜி தற்போது 1417 வாக்குகள் வித்தியாசத்தில் முன்னிலையில் உள்ளார்.
மேற்கு வங்கத்தில் திரிணாமுல் காங்கிரஸ் கட்சி 202 இடங்களில் முன்னிலையில் உள்ளது. இதனால் அக்கட்சியின் தொண்டர்கள் உற்சாகமாக கொண்டாடி வருகின்றனர்
கேரளாவின் பல்வேறு மாவட்டத்தில் இடதுசாரிகள் கூட்டணி அதிக வாக்குகள் வித்தியாசத்தில் முன்னிலை பெற்றுள்ளது. இதன் மூலம் கேரளாவில் ஆளும் இடதுசாரிகள் கூட்டணி மீண்டும் ஆட்சியை பிடிக்கும் என்று எதிர்பார்க்கப்படுகிறது. தற்போது வரை இடதுசாரிகள் கூட்டணி 90 இடங்களில் முன்னிலை பெற்றுள்ளது.
கேரளாவின் திருச்சூர் தொகுதியில் பாஜகவின் சுரேஷ் கோபி முன்னிலை பெற்றுள்ளார்.
கேரளாவின் நேமம் தொகுதியில் பாஜகவின் கும்மனம் ராஜசேகரின் முன்னிலையில் உள்ளார்.
கேரளாவின் உடும்பஞ்சோலா தொகுதி காங்கிரஸ் வேட்பாளர் ஆகஸ்தி இந்தத் தேர்தலில் தான் தோற்றால் தனது தலையை மொட்டையடித்துக் கொள்வதாக பெட் வைத்திருந்தார். தற்போது அவருக்கு எதிராகப் போட்டியிட்ட மார்க்சிஸ்ட் கம்யூனிஸ்ட் மூத்த தலைவர் எம்.எம்.மணி பெருவாரியான வாக்குகள் பெற்று முன்னிலையில் இருக்கிறார்.
கேரளா மற்றும் அசாம் மாநில சட்டமன்ற தேர்தலில் காங்கிரஸ் கட்சி பெரும் பின்னடைவை சந்தித்துள்ளது. கேரளாவில் காங்கிரஸ் கூட்டணி 46 இடங்களில் முன்னிலையில் உள்ளது. அதேபோல் அசாமில் காங்கிரஸ் கூட்டணி 41 இடங்களில் மட்டுமே முன்னிலையில் உள்ளது. இது காங்கிரஸ் கட்சிக்கு பெரும் பின்னடைவாக பார்க்கப்படுகிறது.
புதுச்சேரியில் என்.ஆர்.காங்கிரஸ் கட்சியின் கூட்டணி 12 இடங்களில் முன்னிலையில் உள்ளது. காங்கிரஸ்-திமுக கூட்டணி 4 இடங்களில் முன்னிலையில் உள்ளது.
கேரள சுகாதாரத்துறை அமைச்சர் கே.கே.ஷைலஜா மட்டனூர் தொகுதியில் முன்னிலை பெற்றுள்ளார்.
கேரள சட்டமன்ற தேர்தலில் முதலமைச்சர் பினராயி விஜயன், காங்கிரஸ் கட்சியின் முன்னாள் முதல்வர் உம்மன் சாண்டி, ரமேஷ் சென்னிதலா ஆகியோர் முன்னிலை பெற்றுள்ளனர்.
நந்திகிராம் தொகுதியில் மேற்கு வங்க முதல்வர் மம்தா பானர்ஜி 8106 வாக்குகள் வித்தியாசத்தில் பின்னடைவில் உள்ளார். பாஜகவின் சுவந்து அதிகாரி முன்னிலையில் உள்ளார்.
கேரளாவில் பாலக்காடு தொகுதியில் பாஜகவின் முதல்வர் வேட்பாளர் ஶ்ரீதரன் முன்னிலை பெற்றுள்ளார்.
அசாம் மாநிலத்தின் மஜூலி தொகுதியில் முதலமைச்சர் சர்பானந்த சோனாவால் முன்னிலை பெற்றுள்ளார்.
மேற்கு வங்க மாநிலத்தில் தற்போது வரை தபால் வாக்குகள் எண்ணிக்கையில் ஆளும் திரிணாமுல் கட்சி 31 இடங்களில் முன்னிலை பெற்றுள்ளது. பாஜக 25 தொகுதிகளில் முன்னிலை பெற்றுள்ளது.
புதுச்சேரியில் காங்கிரஸ்-திமுக கூட்டணி 4 தொகுதிகளில் முன்னிலை பெற்றுள்ளது.
கேரளாவில் ஆளும் இடது சாரிகள் கூட்டணி 10 இடங்களில் முன்னிலை பெற்றுள்ளது. காங்கிரஸ் தலைமையிலான கூட்டணி 5 இடங்களில் முன்னிலை பெற்றுள்ளது.
புதுச்சேரி மாநிலத்தில் பாஜக, அதிமுக, என்.ஆர்.காங்கிரஸ் கூட்டணி 4 இடங்களில் முன்னிலை பெற்றுள்ளது.
அசாம் மாநிலத்தில் தற்போது காங்கிரஸ் கட்சி 3 இடங்களிலும், பாஜக 3 இடங்களிலும் முன்னிலை பெற்றுள்ளது.
மேற்கு வங்கத்தில் திரிணாமுல் காங்கிரஸ் கட்சி 12 இடங்களில் முன்னிலை பெற்றுள்ளது. பாஜக 7 இடங்களில் முன்னிலை பெற்றுள்ளது.
அசாம், மேற்கு வங்கம், கேரளா, புதுச்சேரி, தமிழ்நாடு ஆகிய மாநிலங்களில் தபால் வாக்கு எண்ணும் பணி துவங்கியுள்ளது. வாக்கு எண்ணிக்கையை முன்னிட்டு தேர்தல் நடைபெறும் அனைத்து மாநிலங்களிலும் பலத்த பாதுகாப்பு ஏற்பாடு செய்யப்பட்டுள்ளது.
5 மாநிலங்களில் நடைபெற்ற தேர்தல்களில் பதிவான தபால் வாக்குகள் தற்போது எண்ணப்பட்டு வருகிறது.
தமிழ்நாடு,புதுச்சேரி, அசாம்,மேற்கு வங்கம் உள்ளிட்ட 5 மாநிலங்களில் பதிவான வாக்குகளின் எண்ணிக்கை தொடங்கியுள்ளது.
மேற்கு வங்க மாநிலத்தில் 8 கட்டங்களாக தேர்தல் நடைபெற்றது. அங்கு மார்ச் 27, ஏப்ரல் 1, ஏப்ரல் 6, ஏப்ரல் 10, ஏப்ரல் 17, ஏப்ரல் 22, ஏப்ரல் 26, ஏப்ரல் 29 ஆகிய தேதிகளில் வாக்குப்பதிவு நடைபெற்றது.
அசாம் மாநிலத்தில் 3 கட்டங்களாக தேர்தல் நடைபெற்றது. அங்கு மார்ச் 27, ஏப்ரல் 1 மற்றும் ஏப்ரல் 6 ஆகிய தேதிகளில் வாக்குப்பதிவு நடைபெற்றது.
தமிழ்நாடு,கேரளா,புதுச்சேரி உள்ளிட்ட மாநிலங்களுக்கு ஒரே கட்டமாக ஏப்ரல் 6ஆம் தேதி வாக்குப்பதிவு நடைபெற்றது. அசாம் மாநிலத்தில் மூன்று கட்டங்களாகவும், மேற்கு வங்கத்தில் 8 கட்டங்களாகவும் வாக்குப்பதிவு நடைபெற்றது.