பாஜகவை விட மோசமான அரசியலாக விஜய் அரசியல் உள்ளது - நடிகர் கருணாஸ் காட்டமான பேட்டி !

பலாப்பழத்தை சாலையில் வைத்தால் ஈ மொய்க்கதான் செய்யும். அதை கண்ணாடி கூண்டில் வைத்தால் ஈ வேடிக்கை தான் பார்க்கும். அது போல தான் விஜயின் நிலை. - கருணாஸ் தாக்கு.

கருணாஸ்

Source : whatsapp

கேரளாவில் நடிகை, நடிகர்களை சாதரணமாக பார்க்கின்றனர். ஆனால் தமிழ்நாட்டில் வண்டிக்கு முன்னாடி விழுந்து சாகின்றனர்.

சிவகங்கை சட்ட மன்ற வேட்பாளர் நடிகர் கருணாஸ் செய்தியாளர்களை சந்தித்தார். அப்போது கூறுகையில்...,”  விஜய் கட்சி ஆரம்பித்துள்ளார். சினிமாவில் வருவது போல் நேரடியாக சி.எம் ஆகவேண்டும் என நினைக்கிறார். அது எந்த அளவிற்கு சாத்தியம் என்று தெரியவில்லை. சினிமா புகழை மட்டும் வைத்து வெற்றி பெற வேண்டும் என நினைப்பது தவறு. தமிழர்களுக்காக எந்த பிரச்னைக்காக நின்றுள்ளார் விஜய். வெளிப்படையாக கேட்கிறேன்.. எத்தனை ஆண்டு சினிமாவில் உள்ளீர்கள். அப்போது தமிழிசை மற்றும் எச்.ராஜா மாதிரி ஆட்கள் உங்கள மதரீதியாக தனிமைப்படுத்த நினைத்தார்கள். ஜோசப் விஜய் என்று சொல்லிட்டு இருந்தாங்க. ஆனா இன்று தேர்தல் வந்த பிறகு ஜோசப் விஜய் என்று தாங்களே அடையாளப்படுத்திக் கொள்கிறீர்கள். உங்களுடைய நோக்கம் என்னவாக இருக்கிறது? குறுகிய சிந்தனையாக இருக்கிறது. இத்தனை ஆண்டு காலம் மத ரீதியாக அடையாளப்படுத்திக் கொள்ளாமல், தற்போது அடையாளப்படுத்த என்ன காரணம். உள்நோக்கம் என்ன என்று மக்கள் கேட்கிறார்கள். கிறிஸ்துவம் சார்ந்த மதநல்லிணக்க விழாக்களையோ ஏதாவது ஒரு வழிபாட்டுத் தளத்திலோ, ஏதாவது ஒரு பண்டிகை காலங்களில் மக்களுக்கு ஏதாவது வாழ்த்து சொல்லி இருக்கீங்களா? அந்த மக்களுக்கு நன்றியோடு இருக்கீங்களா? ஆனால் இப்ப ஜோசப் விஜய் என அடையாளப்படுத்துகிறார். பாஜகவை விட மோசமான அரசியலாக விஜயின் அரசியல் உள்ளது என கேள்வி மக்கள் கேட்கிறார்கள்.

 

கொளத்தூரில் முதல்வர் ஸ்டாலினை காட்டிலும் விஜய்க்கு அதிக வரவேற்பு உள்ளதே

 

பலாப்பழத்தை சாலையில் வைத்தால் ஈ மொய்க்கதான் செய்யும். அதை கண்ணாடி கூண்டில் வைத்தால் ஈ வேடிக்கை தான் பார்க்கும். அது போல தான் விஜயின் நிலை. கரகாட்ட நிகழ்ச்சியில் கூட மக்கள் வேடிக்கை பார்ப்பார்கள். ஆனால் ஒரு நடிகை கரகாட்டம் ஆடினால், கூட்டம் அதிகமாக இருக்கும். இப்படி தான் விஜயின் நிலையை ஒப்பிட வேண்டும். கேரளாவில் நடிகை, நடிகர்களை சாதரணமாக பார்க்கின்றனர். ஆனால் தமிழ்நாட்டில் வண்டிக்கு முன்னாடி விழுந்து சாகின்றனர். நடிகை, நடிகர்களை புறந்தள்ள வேண்டும்” என்றார்.

 

 

இதையும் படிக்க

மதுரை காவல் ஆணையர் மாற்றம்: புதிய ஆணையர் அபிஷேக் தீக்சித் பதவியேற்பு.. பாதுகாப்பு பணிகள் தீவிரம்!

காங்., வேட்பாளர் பட்டியல் வெளியீடு..ஜி.கே. மணி மகனுக்கு சீட்! மேலூர் தொகுதி Missing!