பொறியியல் கலந்தாய்வுக்கான தரவரிசை பட்டியலையும் கலந்தாய்வு தேதிகளையும் உயர் கல்வித்துறை அமைச்சர் விஸ்வநாதன் வெளியிட்டார்.
தரவாிசை பட்டியலில் பெயா் விடுபட்டிருந்தால், பிரச்சனை இருந்தால் 6ஆம் தேதிக்குள் மாணவா்கள் அணுகலாம் என்றும்பொறியியல் கலந்தாய்வு தரவரிசை பட்டியலை http://tneaonline.org என்ற இணைய முகவரியில் தெரிந்து கொள்ளலாம் எனவும் அமைச்சர் அறிவித்துள்ளார்.
தொடர்ந்து கலந்தாய்வுக்கான தேதிகளும் அறிவிக்கப்பட்டுள்ளன. ஜூலை 13ஆம் தேதி பொறியியல் கலந்தாய்வு தொடங்க உள்ளது. பொதுப் பிரிவினருக்கான கலந்தாய்வு ஜூலை 20ஆம் தேதி தொடங்க உள்ளது.
கலந்தாய்வு தேதிகள்
மாற்றுத் திறனாளிகள், முன்னாள் ராணுவத்தினர், விளையாட்டுப் பிரிவினருக்கான 7.5% இட ஒதுக்கீடு கலந்தாய்வு- ஜூலை 13 முதல் 14ஆம் தேதி வரை
மாற்றுத் திறனாளிகள், முன்னாள் ராணுவத்தினர், விளையாட்டுப் பிரிவினருக்கான பொதுப் பிரிவு இட ஒதுக்கீடு கலந்தாய்வு- ஜூலை 15 முதல் 18ஆம் தேதி வரை
பொதுப் பிரிவுக்கான பொறியியல் கலந்தாய்வு- ஜூலை 20 முதல் ஆகஸ்ட் 30 வரை
துணைக் கலந்தாய்வு எப்போது?
அதே நேரத்தில் துணைக் கலந்தாய்வு, எஸ்சிஏ டூ எஸ்சி கலந்தாய்வு தேதிகள் பின்னர் அறிவிக்கப்படும் என்று பொறியியல் இயக்குநரகம் தெரிவித்துள்ளது.
கூடுதல் தகவல்களுக்கு: https://www.tneaonline.org/