மருத்துவத் துறையில் பணியாற்ற விரும்புவோருக்கு, எம்பிபிஎஸ், பிடிஎஸ் உள்ளிட்ட மருத்துவ படிப்புகளில் சேர்ந்து படிக்க இடம் கிடைக்காத பட்சத்தில், பாராமெடிக்கல் எனப்படும் துணை மருத்துவப் படிப்புகளில் சேர்ந்து படிக்கலாம்.

இதற்கான விண்ணப்பப் பதிவு இன்று (ஜூன் 17) தொடங்கி உள்ளது. மாணவர்கள் ஜூலை 7ஆம் தேதி வரை விண்ணப்பிக்கலாம். இந்த நிலையில், இதில் என்னென்ன துணை மருத்துவப் படிப்புகள் இருக்கின்றன, கட்டணம் எவ்வளவு? இதற்கு விண்ணப்பிப்பது எப்படி? என்று பார்க்கலாம்.

என்னென்ன படிப்புகள்?

பி.பார்ம், பி.பி.டி., பி.எஸ்சி. பி.ஏ.எஸ்.எல்.பி., பி.ஓ.டி, உள்ளிட்ட படிப்புகள் துணை மருத்துவப் படிப்புகளில் கற்பிக்கப்பட்டு வருகின்றன.

பிஎஸ்.சி படிப்புகளைப் பொறுத்தவரை ரேடியோதெரபி, ரேடியோகிராபி, கார்டியா பல்மனரி டெக்னாலஜி, கார்டியாக் டெக்னாலஜி, க்ரிட்டிக்கல் கேர் டெக்னாலஜி, டயாலிசிஸ் டெக்னாலஜி, ரெஸ்பிரேட்டரி தெரபி, ஆபரேஷன் தியேட்டர் டெக்னாலஜி, எமர்ஜென்சி கேர் டெக்னாலஜி உள்ளிட்ட ஏராளமான பிரிவுகள் உள்ளன.

அதேபோல ஃபார்மஸி படிப்பும் படிக்கலாம். எக்கோ கார்டியோ கிராபி, கீமோ டயாலிசிஸ் ஆகியவற்றில் டெக்னீஷியன் படிப்பை முடித்தால் முறையே இதய நிபுணர், சிறுநீரக நிபுணர்களுக்கு உதவியாளராகப் பணியாற்றலாம். மயக்க மருந்தியல், ஆய்வகவியல், தியேட்டர் உதவியாளர், இசிஜி, ரேடியாலஜி, லேபராட்டரி டெக்னாலஜி ஆகியவற்றில் டிப்ளமோ படிப்பும் படிக்கலாம். 

ஜூலை 7ஆம் தேதி வரை விண்ணப்பிக்கலாம்

இந்த நிலையில் துணை மருத்துவப் படிப்புகளுக்கு விண்ணப்பப் பதிவு இன்று (ஜூன் 17) தொடங்கி உள்ளது. மாணவர்கள் ஜூலை 7ஆம் தேதி வரை விண்ணப்பிக்கலாம். மாணவர்கள் விண்ணப்பக் கட்டணம், வயது வரம்பு, கல்வித் தகுதி, தேர்வு முறை, பாடத்திட்டம் உள்ளிட்ட விவரங்களை https://tnmedicalselection.net/news/16062025233608.pdf என்ற இணைப்பை க்ளிக் செய்து அறிவிக்கையைப் பார்த்து, விரிவாக அறியலாம்.

விண்ணப்பிப்பது எப்படி?

  • மாணவர்கள் https://reg25.tnmedicalonline.co.in/pmc25/  என்ற இணைப்பை க்ளிக் செய்ய வேண்டும்.
  • அதில் புதிதாக முன்பதிவு செய்து, லாகின் செய்ய வேண்டும். 
  • கேட்கப்பட்டுள்ள தகவல்களைப் பூர்த்தி செய்து, சான்றிதழ்களைப் பதிவேற்றம் செய்ய வேண்டும். 
  • விண்ணப்பக் கட்டணத்தைச் செலுத்தி, விண்ணப்பிக்க வேண்டும். 
  • இணையதள விண்ணப்ப படிவத்தை ஏற்காத நிகழ்வில்‌ மறுபரிசீலனைக்கு எந்த ஒரு கடிதமோ / கோரிக்கையோ ஏற்றுக்‌கொள்ளப்பட மாட்டாது.
  • அதேபோல முழுமையாகப்‌ பூர்த்தி செய்யப்படாத இணையதள விண்ணப்பப் படிவமும்‌ ஏற்றுக்கொள்ளப்படாது.

உதவி எண்கள்

  1. 044-298620452. 044-298620463. 044-283638224. 044-283648225. 044-283658226. 044-283668227. 044-283678228. 044-28361674 

கூடுதல் தகவல்களுக்கு: https://tnmedicalselection.net/ மற்றும் www.tnmedicalselection.org