தேசிய மருத்துவ கல்வி தேர்வு வாரியம் முதுநிலை நீட் தேர்வுக்கான தேதியை அறிவித்துள்ளது.
இதுகுறித்து வெளியிடப்பட்டுள்ள அறிவிப்பில்,
- எம்எஸ்/ எம்டி/ பிஜி டிப்ளமோ ஆகிய முதுநிலை மருத்துவப் படிப்பிற்கான பொது நுழைவுத் தேர்வாக முதுநிலை நீட் தேர்வு நடத்தப்படுகிறது.
- 2025ஆம் ஆண்டு முதுநிலை நீட் தேர்வு ஜூன் 15 ஆம் தேதி கணினி அடிப்படையிலான தளத்தில் இரண்டு ஷிப்டுகளாக நடத்தப்படும்.
- இந்த தேர்வுக்கு இன்று அதாவது ஏப்ரல் 17ஆம் தேதி மதியம் 3 மணி முதல் விண்ணப்பிக்கலாம்.
- முதுநிலை நீட் தேர்விற்கு விண்ணப்பிக்க விரும்புகிறவர்கள் https://natboard.edu.in/ என்ற இணையதளத்தில் ஆன்லைன் வழியாக விண்ணப்பிக்க வேண்டும்.
- மாணவர்கள் மே 7 ஆம் தேதி இந்த தேர்வுக்கு விண்ணப்பிக்கலாம்.
- ஜூன் 15 ஆம் தேதி நடைபெற உள்ள முதுநிலை நீட் தேர்வுக்கான முடிவுகளை ஜூலை 15ஆம் தேதிக்குள் வெளியிட தேர்வு வாரியம் திட்டமிட்டுள்ளது.
எப்படி விண்ணப்பிக்க வேண்டும்?
- https://natboard.edu.in/ என்ற இணையதளத்திற்கு செல்லவும்.
- அதில் Examination என்பதில் NEET-PG என்பதை கிளிக் செய்யவும்.
- ஏப்ரல் 17 மதியம் 3 மணிக்கு Information Bulletin மற்றும் Application Link வெளியிடப்படும்
- அதனை கிளிக் செய்து தேவையான தகவல்களுடன் ஆன்லைன் வழியாக விண்ணப்பிக்கலாம்.
- தேர்விற்கு விதிக்கப்பட்டுள்ள கட்டணத்தை ஆன்லைன் வழியாக செலுத்த வேண்டும்.
- பூர்த்தி செய்த விண்ணப்பப் படிவத்தை பதிவிறக்கம் செய்து வைத்துகொள்ளவும்.