மத்திய பாதுகாப்பு அமைச்சகத்தின் கீழ் இயங்கி வரும் முன்னணி அமைப்பான பாதுகாப்பு ஆராய்ச்சி மற்றும் மேம்பாட்டு நிறுவனத்தில் (DRDO) ஊதியத்துடன் கூடிய பயிற்சிப் பணிகளைத் தேடும் இளைஞர்களுக்கும், மாணவர்களுக்கும் ஒரு மிகச் சிறந்த வாய்ப்பு உருவாகியுள்ளது.
டி.ஆர்.டி.ஓ நிறுவனம் தனது 2026ஆம் ஆண்டுக்கான பயிற்சித் திட்டத்தின் வாயிலாக மாதம் ரூ. 30,000 உதவித்தொகையுடன் கூடிய புதிய இன்டர்ன்ஷிப் வாய்ப்புகளை வழங்குவதாக அறிவித்துள்ளது.
ஊதியத்துடன் உதவித்தொகை
தற்போதைய போட்டி நிறைந்த வேலைவாய்ப்புச் சூழலில், படிப்பு முடித்த உடனேயே தொழில்முறைத் திறன்களை வளர்த்துக்கொள்வதற்காகவும், செய்முறை அறிவைப் பெறுவதற்காகவும் ஏராளமான பட்டதாரிகள் ஊதியத்துடன் கூடிய இன்டர்ன்ஷிப் வாய்ப்புகளைத் தீவிரமாகத் தேடி வருகின்றனர். அத்தகையவர்களின் தேடலை நிறைவு செய்யும் வகையில் இந்த 2026ஆம் ஆண்டுக்கான டி.ஆர்.டி.ஓ. பயிற்சித் திட்டம் அமைந்துள்ளது.
இந்த இன்டர்ன்ஷிப் திட்டத்தின் கீழ் பயிற்சி பெறத் தேர்ந்தெடுக்கப்படும் விண்ணப்பதாரர்களுக்கு ஊக்கமளிக்கும் விதமாக மாதந்தோறும் ரூபாய் 30,000 உதவித் தொகையாக வழங்கப்படும் என அறிவிக்கப்பட்டுள்ளது.
மே 29 வரை அவகாசம்
இதற்கு விண்ணப்பிக்க மே 29 வரை அவகாசம் அளிக்கப்பட்டுள்ளது. இண்டர்ன்ஷிப் 4 முதல் 6 மாதங்கள் வரை இருக்கும் என்று தெரிவிக்கப்பட்டுள்ளது. ஜூன் மாதத்தில் இந்த பயிற்சி அளிக்கப்பட்டுள்ளது.
இந்தியாவின் உயரிய பாதுகாப்பு ஆராய்ச்சி நிறுவனத்தில் முன்னணி விஞ்ஞானிகள் மற்றும் வல்லுநர்களுடன் இணைந்து நேரடியாகப் பணியாற்றி அனுபவம் பெறுவதற்கு இது ஒரு பொன்னான வாய்ப்பாகும். இங்கு பெறப்படும் பயிற்சியானது மாணவர்களின் எதிர்கால வேலைவாய்ப்புகளுக்கும், ஆராய்ச்சித் துறை சார்ந்த தொழில் வளர்ச்சிக்கும் மிகப்பெரிய அடித்தளமாக அமையும்.
முழு விவரங்கள் எங்கே?
இந்த 2026 இன்டர்ன்ஷிப் திட்டத்திற்குத் தேவையான கல்வித் தகுதிகள், வயது வரம்பு, எந்தெந்த துறைகளைச் சேர்ந்தவர்கள் விண்ணப்பிக்கலாம், பயிற்சி நடைபெறும் கால அளவு மற்றும் விண்ணப்பிக்கும் முறை உள்ளிட்ட முழுமையான விவரங்கள் அடங்கிய விரிவான அறிவிப்பு டி.ஆர்.டி.ஓ-வின் அதிகாரப்பூர்வ இணையதளத்தில் வெளியிடப்பட்டுள்ளது.
முழு விவரங்களை https://drdo.gov.in/ என்ற இணைப்பில் அறியலாம்.