மத்திய பல்கலைக்கழகங்களில் இளநிலை படிப்புகளில் சேருவதற்கான பொது நுழைவுத் தேர்வு க்யூட் தேர்வு (CUET-UG 2026) என்று அழைக்கப்படுகிறது. இதற்கான இரண்டாம் அமர்வு விண்ணப்பப் பதிவு எப்போது, தேர்வு நடைபெறும் தேதிகள் என்ன என்று பார்க்கலாம்.
2026- 27ஆம் ஆண்டுக்கான க்யூட் தேர்வு குறித்த முக்கிய அறிவிப்பை கல்வி இயக்ககம் (DoE) வெளியிட்டுள்ளது. இதன்படி, 2027ஆம் ஆண்டுக்கான விண்ணப்ப செயல்முறைகள் ஏப்ரல் முதல் வாரத்தில் தொடங்கும் என எதிர்பார்க்கப்படுகிறது.
முக்கியத்தகவல்கள்
- விண்ணப்பத்தொடக்கம்: 2026 ஏப்ரல் முதல் வாரம்
- தேர்வுமுறை: கணினி வழித் தேர்வு மற்றும் சில பாடங்களுக்கு பேனா-தாள் முறை என கலப்பு முறையில் தேர்வு நடத்தப்பட வாய்ப்புள்ளது.
- தகுதி: 12ஆம் வகுப்பு பயிலும் மாணவர்கள் அல்லது தேர்ச்சி பெற்றவர்கள் விண்ணப்பிக்கலாம்.
கல்விஅமைச்சகத்தின்திட்டம்
மாணவர்கள் நுழைவுத் தேர்வுக்குத் தங்களைத் தயார்படுத்திக் கொள்ள ஏதுவாக, முன்கூட்டியே தேர்வு அட்டவணையை கல்வித்துறை வெளியிட்டுள்ளது. இதன் மூலம் மாணவர்கள் கடைசி நேரப் பதற்றத்தைத் தவிர்த்து, பாடத்திட்டத்தை முறையாகத் திட்டமிட முடியும். என்டிஏ எனப்படும் தேசியத் தேர்வுகள் முகமை இந்தத் தேர்வை நடத்தும் பொறுப்பை ஏற்றுள்ளது.
விண்ணப்பிக்கும்முறை
தகுதியுள்ள மாணவர்கள் அதிகாரப்பூர்வ இணையதளமான cuetug.ntaonline.in வாயிலாக ஆன்லைனில் மட்டுமே விண்ணப்பிக்க முடியும். விண்ணப்பக் கட்டணம், பாடத் தேர்வுகள் மற்றும் தேர்வு மையங்கள் குறித்த முழுமையான விவரங்கள் அதிகாரப்பூர்வ அறிவிப்பு வெளியானதும் இணையதளத்தில் பதிவேற்றப்படும்.
மாணவர்களுக்கானஅறிவுறுத்தல்
தேர்வுக்குத் தயாராகும் மாணவர்கள் 12-ஆம் வகுப்பு NCERT பாடப்புத்தகங்களை அடிப்படையாகக் கொண்டு தங்களை மேம்படுத்திக் கொள்ளுமாறு அறிவுறுத்தப்படுகிறார்கள். மேலும், மொழிப் பாடங்கள் மற்றும் பொது அறிவுத் தேர்வுகளிலும் அதிக கவனம் செலுத்துவது அவசியமாகும்.
இந்த நுழைவுத் தேர்வு மூலம் டெல்லி பல்கலைக்கழகம், ஜவஹர்லால் நேரு பல்கலைக்கழகம் (JNU) உள்ளிட்ட இந்தியாவின் முன்னணி மத்திய பல்கலைக்கழகங்களில் பயிலும் வாய்ப்பு மாணவர்களுக்குக் கிடைக்கிறது.
இந்த அமர்வுக்கான க்யூட் தேர்வுகள் மே மாதம் 11ஆம் தேதி முதல் 31ஆம் தேதி வரை நடைபெற உள்ளதாகத் தெரிவிக்கப்பட்டுள்ளது.