"சிறந்த அறிவியல் ஆசிரியர் விருது 2024-2025" - தமிழ்நாட்டில் உள்ள உயர்நிலைப் பள்ளி மற்றும் மேல்நிலைப் பள்ளி அளவில் அரசு/ அரசு உதவி பெறும் பள்ளிகளில் பணிபுரியும் அறிவியல் ஆசிரியர்களிடம் இருந்து விண்ணப்பங்கள் வரவேற்கப்படுகின்றன.
இதுகுறித்துத் தமிழக அரசு கூறி உள்ளதாவது:
மாணாக்கர்களின் அறிவை வடிவமைப்பதிலும், அறிவியல் கற்றல் மீதான ஆர்வத்தை வளர்ப்பதிலும், உயர் கல்வியில் மாணாக்கர்கள் அறிவியல் துறையினை எடுப்பதற்கும் அறிவியலாளர்களாக உருவாக்குவதற்கும் அறிவியல் ஆசிரியர்கள் முக்கிய பங்கு வகிக்கின்றனர். அறிவியல் ஆசிரியர்களின் விலை மதிப்பற்ற பணிகளை அங்கீகரிக்கும் விதமாக அறிவியல் நகரம் 2018 முதல் சிறந்த அறிவியல் ஆசிரியர் விருது வழங்கி வருகிறது.
ALSO READ | Mens Day 2024 Wishes: சர்வதேச ஆண்கள் தினம்; அன்பிற்குரிய ஆண்களுக்கு வாழ்த்து அனுப்ப மெசேஜ்!
யாரெல்லாம் விண்ணப்பிக்கலாம்?
தமிழ்நாட்டில் உள்ள உயர்நிலைப் பள்ளி மற்றும் மேல்நிலைப் பள்ளி அளவில் அரசு/ அரசு உதவி பெறும் பள்ளிகளில் பணிபுரியும் அறிவியல் ஆசிரியர்களிடம் இருந்து விண்ணப்பங்கள் வரவேற்கப்படுகின்றன.
எந்தெந்தத் துறைகள்?
2024- 2025 ஆம் ஆண்டிற்கான பின்வரும் ஐந்து துறைகளில் இருந்து விண்ணப்பங்கள் வரவேற்கப்படுகின்றன.
- கணிதம்
- இயற்பியல்
- வேதியியல்
- உயிரியல் மற்றும்
- 5. கணினி
அறிவியல்/ புவியியல் / வேளாண் நடைமுறைகள்
அறிவியல் நகரத்தால் பத்து ஆசிரியர்கள் தேர்வு செய்யப்பட்டு, ரொக்கப்பரிசு காசோலையாகவும் மற்றும் சான்றிதழ்களும் வழங்கப்படும். தகவல் மற்றும் விண்ணப்பப் படிவத்தை www.sciencecitychennai.in என்னும் அறிவியல் நகர இணையதளத்தில் பதிவிறக்கம் செய்து கொள்ளலாம்.
https://www.sciencecitychennai.in/pdf/announcement/BSTA-2024-25-Information%20and%20Application%20Format%20in%20Tamil.pdf என்ற இணைப்பில் விண்ணப்பப் படிவம் பதிவேற்றம் செய்யப்பட்டுள்ளது. ஆங்கிலப் படிவத்துக்கு https://www.sciencecitychennai.in/pdf/announcement/BSTA-2024-25-Information%20and%20Application%20Format%20in%20English.pdf என்ற இணைப்பை க்ளிக் செய்யவும்.
டிசம்பர் 23ஆம் தேதி கடைசி
பூர்த்தி செய்யப்பட்ட விண்ணப்பம் முறையான வழியாக அனுப்பப்பட வேண்டும். அதாவது சம்பந்தப்பட்ட பள்ளி தலைமையாசிரியர் மற்றும் அந்தந்த மாவட்ட முதன்மைக் கல்வி அலுவலரால் பரிந்துரைக்கப்பட்டு 23.12.2024 அன்று அல்லது அதற்கு முன்பாக அறிவியல் நகர அலுவலகத்திற்கு வந்து சேர வேண்டும் என்று தெரிவிக்கப்பட்டு உள்ளது.
கூடுதல் தகவல்களுக்கு: https://www.sciencecitychennai.in/