Just In
Crime: குடும்ப பிரச்னையால் கொத்தனார் கிணற்றில் குறித்து தற்கொலை - அரவக்குறிச்சி அருகே சோகம்
அரவக்குறிச்சி அருகே கிணற்றில் குதித்து கொத்தனார் தற்கொலை. காப்பாற்ற முயன்று நீரில் தத்தளித்த மூன்று பேரும் மீட்பு.
கரூர் மாவட்டம் அரவக்குறிச்சி, அருகே கிணற்றில் குதித்து கொத்தனார் தற்கொலை செய்து கொண்டார். அவரை காப்பாற்ற முயன்று நீரில் தத்தளித்து மூன்று பேரை தீயணைப்பு படை வீரர்கள் மீட்டனர். இந்த சம்பவம் குறித்து போலீஸ் தரப்பில் கூறப்படுவதாவது.
குடும்ப பிரச்னை கரூர் மாவட்டம், அரவக்குறிச்சி அருகே உள்ள சந்தப்பாடியை சேர்ந்தவர் ரவிச்சந்திரன் வயது 30. கொத்தனார். இவருக்கு கடந்த மூன்று ஆண்டுகளுக்கு திருமணமாகி காவியா என்ற மனைவியும் ஒரு ஆண் குழந்தையும் உள்ளது. இந்த நிலையில் ரவிச்சந்திரனுக்கும் காவியாவிற்கு அடிக்கடி வீட்டில் குடும்ப பிரச்சனை ஏற்பட்டு வந்துள்ளது .
இதனால் மனமுடைந்து காணப்பட்ட ரவிச்சந்திரன் சாந்தப்பாடியில் உள்ள 90 அடி ஆழமுள்ள ஊர் பொது கிணற்றில் குதித்துள்ளார். இதைப் பார்த்த ரவிச்சந்திரன் சகோதரர் சேகர் 33, ஆறுமுகம் 35, பாலுச்சாமி 30 ஆகிய மூன்று பேரும் ரவிச்சந்திரனை காப்பாற்ற கிணற்றில் குதித்து உள்ளனர்.
ஆனால், மூன்று பேருக்கும் நீச்சல் தெரியாததால் காப்பாற்றுங்கள் ...காப்பாற்றுங்கள் ...என கூச்சல் போட்டனர். அதற்குள் ரவிச்சந்திரன் நீரில் மூழ்கி இறந்துவிட்டார். சேகர் ஆறுமுகம் பாலுச்சாமி ஆகியோர் கிணற்றில் சுற்றுச் சுவரை பிடித்து கொண்டு இருந்தனர். இதைக்கண்ட அப்பகுதி பொதுமக்கள் அரவக்குறிச்சி போலீசார் மற்றும் தீயணைப்பு நிலையத்திற்கு தகவல் தெரிவித்தனர். அதன் பேரில் அரவக்குறிச்சி தீயணைப்பு நிலைய அலுவலர் விஜயக்குமார் தலைமையிலான தீயணைப்பு வீரர்கள் சம்பவ இடத்திற்கு வந்தனர். மூன்று பேர் மீட்பு பின்னர் கிணற்றில் தத்தளித்து கொண்டிருந்த மூன்று பேரையும் கயிறு கட்டி பத்திரமாக மீட்டு கரைக்கு கொண்டு வந்தனர். பின்னர் ரவிச்சந்திரன் உடலை தீயணைப்பு படை வீரர்கள் கிணற்றிலிருந்து மேலே தூக்கி வந்தனர். பின்னர் ரவிச்சந்திரன் உடலை அரவக்குறிச்சி போலீசார் மீட்பு பிரேத பரிசோதனைக்காக அரவக்குறிச்சி அரசு மருத்துவமனைக்கு அனுப்பி வைத்தனர். இந்த தற்கொலை சம்பவம் குறித்து அரவக்குறிச்சி போலீசார் வழக்குப் பதிந்தது விசாரணை நடத்தி வருகின்றனர்.