கடலூர் தலைமை தபால் நிலையம் பகுதியில் நேற்று நள்ளிரவு 21 வயது பெண் ஒருவர் பேருந்து நிறுத்தத்தில் தனியாக நின்று கொண்டிருந்தார். அப்போது காவல் துணை கண்காணிப்பாளர் (பொறுப்பு) ஆரோக்கியராஜ் தலைமையிலான காவல்துறையினர் ரோந்து பணியில் ஈடுபட்டுக்கொண்டிருந்தனர். அவர்கள், தனியாக நின்று கொண்டிருந்த பெண்ணிடம் சென்று விசாரித்த போது, கட்டுப்படுத்தமுடியாமல் அந்த பெண் கதறி அழுதுள்ளார்.
இதனால் சந்தேகம் அடைந்த காவல்துறையினர் அந்த பெண்ணிடம் விசாரணை நடத்தினர். அப்போது அதிர்ச்சி தகவலை காவல்துறையினரிடம் அந்தப் பெண் கதறி அழுது கொண்டே தெரிவித்துள்ளார்., கடலூர் கம்மியம்பேட்டை பகுதியில் தனது காதலனுடன் பாழடைந்த வீட்டில் நின்று தான் பேசிக்கொண்டிருந்ததாகவும், அப்போது அங்கு வந்த மூன்று வாலிபர்கள் தங்களிடம் ரகளையும் ஈடுபட்டதாகவும் தெரிவித்த அந்த பெண், பின்னர் தன்னையும் தனது காதலனையும் ஒன்றாக சேர்த்து வைத்து செல்போனில் படம் பிடித்து வெளியில் காண்பித்து விடுவோம் என மிரட்யதாகவும் தெரிவித்துள்ளார்.
அதன்பிறகு, திடீரென்று தனது காதலனை இரண்டு நபர்கள் வலுக்கட்டாயமாக பிடித்துக்கொண்டனர் என்றும் இதனால் பெரும் அதிர்ச்சி அடைந்து தான் தப்ப முயற்சித்த நிலையில், அவர்கள் தன்னை வலுக்கட்டாயமாக மிரட்டி பாலியல் வன்கொடுமை செய்ய முயற்சித்ததாகவும், வாக்குமூலம் அளித்துள்ளார். தனது காதலன் செல்போனை அந்த கும்பல் பிடிங்கிக் கொண்டதோடு, மூன்று பேரும், என்னையும் என் காதலனையும் மிரட்டி, இந்த நடந்த சம்பவம் தொடர்பாக நீங்கள் யாரிடமும் கூறக்கூடாது என கூறி அனுப்பி வைத்தாக கதறி அழுது கொண்டு தெரிவித்துள்ளார்.
இதனை தொடர்ந்து காவல்துறையினர் உடனடியாக கடலூர் அரசு மருத்துவமனைக்கு பெண்ணை சிகிச்சைக்காக அனுப்பி வைத்தனர். பின்னர் பெண்ணின் காதலனை பிடித்து விசாரணை நடத்தினர். அப்போது அந்த மூன்று நபர் யார் என தெரியவில்லை என கூறியுள்ளார். இதனை தொடர்ந்து காவல்துறையினர் அந்த பகுதியில் சந்தேகப்படும் நபர்களை அழைத்து விசாரணை நடத்தினர்.
இந்த விசாரணையில், 3 வாலிபர்களை காவல்துறையினர் பிடித்து வந்து காதலனிடம் காண்பித்தனர். அப்போது காதலியை கற்பழித்த மூன்று நபர்கள் இவர்கள் என அடையாளம் காண்பித்தார். மேலும் காதலனிடம் இருந்து பறித்த செல்போன் ஒரு நபரின் வீட்டில் இருந்தது கண்டுபிடிக்கப்பட்டு பறிமுதல் செய்யப்பட்டது. மேலும் குண்டு உப்பலவாடியை பகுதியை சேர்ந்த காதலன் சரவணன் குப்பன்குளம் பகுதியை சேர்ந்த கிஷோர் (19), சதிஷ் (19), புதுப்பாளையம் பகுதியை சேர்ந்த ஆரிப் (18) ஆகிய மூன்று பேரையும் காவல்துறையினர் கைது செய்து மூன்று நபர்களின் செல்போன் மற்றும் காதலன் செல்போனை காவல்துறையினர் தீவிரமாக சோதனை நடத்தி வருகின்றனர். காதலனுக்கும் இதில் தொடர்பு உள்ளதா இல்லையா என்பதனையும் காவல்துறையினர் விசாரணை செய்து வருகின்றனர்.