ipo

IPL Auction 2025 : 182 வீரர்கள், 639.15 கோடி செலவு செய்த அணிகள்.. ஏலத்தில் கொட்டிய பணமழை! முழு விவரம்

ஜேம்ஸ் — Wed, 27 Nov 2024 14:15:30 +0530

ஜெட்டாவில் நவம்பர் 24 மற்றும் 25 ஆம் தேதிகளில் நடந்த ஐபிஎல் மெகா ஏலத்தின் போது 10 அணிகள் செலவழித்த பணத்தின் முழு விவரத்தை இந்த தொகுப்பில் காண்போம்.

ஐபிஎல் ஏலம்:

ஜெட்டாவில் நடந்த ஐபிஎல் 2025 மெகா ஏலத்தில் 10 ஐபிஎல் அணிகளும் தங்களது அடுத்த மூன்று சீசன்களுக்கான அணியை தேர்வு செய்து முடித்தனர்.

இந்த ஏலத்தில் அதிகப்பட்ச தொகைக்கு ரிஷப் பண்ட்டை 27 கோடி ரூபாய்க்கு ஏலத்தில் எடுத்தது லக்னோ சூப்பர் ஜெயண்ட்ஸ் , அதே நேரத்தில் ஷ்ரேயாஸ் ஐயரை பஞ்சாப் கிங்ஸ் அணிக 26.75 கோடி ரூபாய்க்கு ஏலத்தில் எடுத்தது.

இதையும் படிங்க:IPL Team Owners: "CSK முதல் RCB வரை" 10 அணிகளுக்கும் ஓனர் யாரு தெரியுமா? இதைப் படிங்க!

வெளிநாட்டு வீரர்களில் அதிகப்பட்சமாக 15.75 கோடிக்கு குஜராத் டைட்டன்ஸ் அணியால் ஜோஸ் பட்லர் வாங்கப்பட்டார். இதன் மூலம் இந்த மெகா ஏலத்தில் அதிக விலைக்கு ஏலம் போன வெளிநாட்டு வீரர் ஆனார் பட்லர். இந்த ஏலத்தில் 204 ஸ்லாட்டுகளில், 182 இடங்கள் நிரப்பப்பட்டன, இந்த ஏலத்தில் வீரர்களை வாங்க அனைத்து அணிகளும் செலவு செய்த பணத்தின் மதிப்பு ரூ.639.15 கோடின் ஆகும்,இதற்கு முன்னால் கடந்த 2022 ஆம் ஆண்டில் நடந்த மெகா ஏலத்தில் ரூ.551.70 கோடி செலவிடப்பட்ட நிலையில் தற்போது அதனை இந்த ஏலமானது முறியடித்துள்ளது.

#TATAIPLAuction ✅

Here are the Top 🔟 Buys after the 2⃣-day Auction Extravaganza 🔽#TATAIPL pic.twitter.com/rOBAtJE0iZ
— IndianPremierLeague (@IPL) November 26, 2024

ஐபிஎல் செலவு செய்த பணத்தின் விவரம்:

அணிகள்	பணம் செலவு செய்யபட்ட விவரம்	மீதமுள்ள தொகை
சென்னை சூப்பர் கிங்ஸ்	55.95 கோடி	5 லட்சம்
மும்பை இந்தியன்ஸ்	44.80 கோடி	20 லட்சம்
ராயல் சேலஞ்சர்ஸ் பெங்களூரு	82.25 கோடி	75 லட்சம்
குஜராத் டைடன்ஸ்	68.85 கோடி	15 லட்சம்
கொல்கத்தா நைட் ரைடர்ஸ்	50.95 கோடி	5 லட்சம்
சன் ரைசர்ஸ் ஐதராபாத்	44.80 கோடி	20 லட்சம்
பஞ்சாப் கிங்ஸ்	110.85 கோடி	35 லட்சம்
டெல்லி கேபிடல்ஸ்	72.80 கோடி	20 லட்சம்
லக்னோ சூப்பர் ஜெயண்ட்ஸ்	68.90 கோடி	10 லட்சம்
ராஜஸ்தான் ராயஸ்	40.70 கோடி	30 லட்சம்
மொத்த விவரம்	639.15 கோடி

இருட்டில் மூழ்கிய தஞ்சாவூர் – திருவையாறு பைபாஸ் : வாகன ஓட்டிகள் வைக்கும் முக்கிய கொரிக்கை

என்.நாகராஜன் — Wed, 11 Sep 2024 09:22:25 +0530

தஞ்சாவூர்: தஞ்சாவூர் – திருவையாறு பைபாஸ் சாலை மின்விளக்கு வசதி இன்றி இருளில் மூழ்கிக்கிடப்பதால் பணி முடிந்து இருசக்கர வாகனத்தில் செல்லும் பெண்கள் மிகுந்த அச்சத்துடனேயே பயணிக்கின்றனர். எனவே தேவையான இடத்தில் சோலார் விளக்குகளை அமைக்க வேண்டும் என்று வலியுறுத்தி உள்ளனர்.

இரண்டு கட்டமாக சுற்றுவட்ட சாலை அமைப்பு

தஞ்சையில் உலகத்தமிழ் மாநாடு நடைபெற்ற போது சுற்றுவட்ட சாலை அமைக்க முடிவு செய்யப்பட்டது. அன்படி 2 கட்டமாக சுற்றுவட்ட சாலை அமைக்கும் பணிகள் தொடங்கின. தஞ்சை மேலவஸ்தாசாவடியில் இருந்து தொடங்கி மாதாக்கோட்டை, விளார், வழியாக புதுப்பட்டினம், பட்டுக்கோட்டை பிரிவு சாலை, மாரியம்மன்கோவில் சாலையில் உள்ள ரவுண்டானா, வெண்ணாறு பாலம், பள்ளியக்ரஹாரம் ரவுண்டானா, திருவையாறு பிரிவு சாலை, 8-ம் நம்பர் கரம்பை, பிள்ளையார்பட்டி ரவுண்டானா வழியாக மாவட்ட போலீஸ் சூப்பிரண்டு அலுவலகம் அருகே உள்ள திருச்சி சாலையில் நிறவைடையும் வகையில் பணிகள் மேற்கொள்ளப்பட்டன.

சாலைப்பணிகள் முடிந்து பயன்பாட்டுக்கு வந்தது

முதல் கட்டமாக மேலவஸ்தாசாவடியில் இருந்து பள்ளியக்ரஹகாரம் ரவுண்டானா வரை ஒரு கட்டமாகவும், அங்கிருந்து தற்போது தஞ்சை கலெக்டர் அலுவலகம் அருகே உள்ள திருச்சி சாலையில் இணைக்கும் வகையில் 2-வது கட்டமாகவும் பணிகள் மேற்கொள்ளப்பட்டன. திருச்சியில் இருந்து தஞ்சையை கடந்த செல்பவர்கள் தஞ்சை மாநகருக்குள் வந்து போக்குவரத்து நெரிசலில் சிக்கி தவிக்காமல் தஞ்சையை கடந்து செல்லும் வகையில் இந்த சாலை அமைக்கப்பட்டது. இந்த சாலை பணிகளும் முடிந்து பொதுமக்கள் பயன்பாட்டில் இருந்து வருகிறது.

இந்த சாலை வழியாக அலுவலகத்துக்கு செல்வோர், விவசாய வேலைக்கு செல்பவர்கள், வட்டார போக்குவரத்து அலுவலகங்களுக்கு வருவோர், கலெக்டர் அலுவலகம் மற்றும் போலீஸ் சூப்பிரண்டு அலுவலகத்துக்கு வருவோருக்கு மிகவும் வசதியாக உள்ளது. இந்த சாலையில் போலீஸ் சூப்பிரண்டு அலுவலகம் அருகே உள்ள பைபாஸ் சாலையில் இருந்து திருவையாறு வரையில் மின்விளக்கு வசதி இன்றி இருளில் மூழ்கிக்கிடக்கிறது. மற்ற பகுதியில் உள்ள சாலைகளில் மின் விளக்கு வசதி உள்ளது.

மைய தடுப்பு சுவரும் இல்லை

இந்த சாலையில் போலீஸ் சூப்பிரண்டு அலுவலகம் அருகே இருந்து பிள்ளையார்பட்டி ரவுண்டானா சாலை வரை மைய தடுப்புசுவரும் உள்ளது. பிள்ளையார்பட்டி ரவுண்டானாவில் இருந்து திருவையாறு பிரிவு சாலை வரை மைய தடுப்பு சுவரும் கிடையாது. இந்த பகுதிகளில் உள்ள சாலைகளில் எந்தவிளக்கு வசதியும் இல்லாததால் இரவு நேரங்களில் இருள் சூழ்ந்து கிடக்கிறது. இதனால் வாகன ஓட்டிகள் மிகவும் அச்சத்துடனே சென்று வருகின்றனர். இரவு நேரங்களில் வேலை முடிந்து செல்பவர்கள், வெளியூர்களுக்கு சென்று திரும்புபவர்கள், விவசாயத்துக்கு தேவையான இடுபொருட்களை வாங்குவதற்காக தஞ்சை வந்து விட்டு திரும்ப செல்லும் விவசாயிகள் மிகுந்த அச்சத்துடனே சென்று வருகிறார்கள். கார், கனரக வாகனங்களில் செல்வோர்கள் எளிதில் இந்த சாலையை கடந்து செல்கிறார்கள்.

இருசக்கர வாகனத்தில் செல்வோர் அச்சம்

ஆனால் இருசக்கர வாகனங்களில் செல்வோர் இருள் சூழ்ந்து கிடப்பதால் மிகவும் அச்சத்துடனேயே சென்று வருகிறார்கள். இந்த சாலையில் ஆங்காங்கே மர்ம நபவர்கள், வாகனங்களில் செல்வோர் மற்றும் நடந்து செல்பவர்களை இரவு நேரங்களில் தாக்கி நகை, பணத்தை பறிப்பது போன்ற சம்பவங்களும் அரங்கேறி வருகிறது. பகல் நேரங்களிலேயே இந்த சாலையை கடந்த செல்வது அச்சமாக இருக்கும். அப்படிப்பட்ட சூழ்நிலையில் இரவு நேரங்கள் என்றால் சொல்ல வேண்டுமா?

இது குறித்து பொதுமகள் கூறுகையில், தஞ்சை சுற்றுவட்ட சாலையில் திருவையாறு பிரிவு சாலையில் இருந்து மாவட்ட போலீஸ் சூப்பிரண்டு அலுவலகம் அருகே உள்ள சாலையில் சந்திக்கும் இடம் வரை சாலையில் மின்விளக்கு வசதி இல்லை. இதனால் இரவு நேரங்களில் இந்த சாலை இருள்சூழ்ந்து கிடக்கிறது. இந்த சாலையில் அலுவலகங்களுக்கு வேலைக்கு செல்வோர், வெளியூர் செல்பவர்கள் என ஏராளமானோர் கடந்து செல்கிறார்கள்.

ஆனால் மாலை 6 மணிக்குப்பிறகு இந்த சாலைகளில் ஆள் நடமாட்டம் குறைவாக இருப்பதால் இதனை கடந்து செல்வது மிகவும் அச்சமாக உள்ளது. மின்விளக்கு வசதி இல்லாவிட்டாலும், சோலார் விளக்கு வசதி அமைத்தால் கூட வாகன ஓட்டிகளுக்கு மிகவும் வசதியாக இருக்கும். எனவே சம்பந்தப்பட்ட அதிகாரிகள் விளக்கு வசதி செய்துதர உரிய நடவடிக்கை எடுக்க வேண்டும் என்றனர்.

அடிச்சது ஜாக்பாட்.. இந்த பங்கு உங்க கிட்ட இருக்க.. அடுத்த வாரம் கொட்டப்போகும் பணமழை!

சுதர்சன் — Sun, 25 Aug 2024 19:57:44 +0530

உக்ரைன் - ரஷியா, இஸ்ரேல் - ஹமாஸ் போர், சர்வதேச அளவில் தங்கத்திற்கு ஏற்பட்டுள்ள தேவை என பல்வேறு காரணங்களால் பங்கு சந்தை ஏற்ற இறக்கத்துடன் இருந்து வருகிறது. இந்த நிலையில், வரும் வாரத்தில் தங்கள் முதலீட்டாளர்களுக்கு ஈவுத்தொகை (dividend) வழங்க உள்ளதாக 14 நிறுவனங்கள் அறிவித்துள்ளன.

நாளை, தங்கள் முதலீட்டாளர்களுக்கு ஒரு பங்குக்கு 1 ரூபாய் வழங்க உள்ளது மணப்புரம் நிறுவனம். அதேபோல, துருவ் கன்சல்டன்சி சர்வீசஸ் முதலீட்டாளர்களுக்கு ஈவுத்தொகையாக 0.25 ரூபாய் வழங்கப்பட உள்ளது. வரும் 27ஆம் தேதி, விண்ட்சர் மெஷின்கள், ஒரு பங்குக்கு 0.5 ரூபாய் வழங்கப்பட உள்ளது.

அதேபோல, மனோரமா இண்டஸ்ட்ரீஸ் நிறுவனம், தங்கள் முதலீட்டாளர்களுக்கு 0.4 ரூபாய் தர உள்ளது. ஈவுத்தொகையாக ஒரு பங்குக்கு 4 ரூபாய் வழங்க உள்ளது கேடிடிஎல் நிறுவனம். வரும் 28ஆம் தேதி, ஃபோர்ஸ் மோட்டார்ஸ் நிறுவனம், ஒரு பங்குக்கு 20 ரூபாய் வழங்க உள்ளது. இந்துஸ்தான் ஜிங்க், ஒரு பங்குக்கு 0.1 ரூபாய் வழங்க உள்ளது.

கடந்த வெள்ளிக்கிழமை வர்த்தக நேர முடிவில், மும்பை பங்குச்சந்தை குறியீடான சென்செக்ஸ் 33.02 அல்லது 0.041% புள்ளிகள் உயர்ந்து 81,086.21 ஆகவும், தேசிய பங்குச்சந்தை குறியீடான நிஃப்டி 11.65 அல்லது 0.047% புள்ளிகள் உயர்ந்து 24,823.15 ஆக வர்த்தகமாகியது.

இந்திய ரூபாய் மதிப்பு:

அமெரிக்க டாலருக்கு நிகரான இந்திய ரூபாய் மதிப்பு 82.90 ஆக இருந்தது.

24 நிறுவனங்களுக்கு பங்குச்சந்தையில் தடை:

அனில் அம்பானியின் உள்ளிட்ட 4 பேர் மற்றும் 24 நிறுவனங்களுக்கு பங்குச்சந்தையில் வர்த்தகம் செய்ய தடை விதித்து SEBI உத்தரவிட்டுள்ளது. இந்த நிறுவனங்கள் நிதி மோசடியில் ஈடுபட்டதாகக் கூறி பங்குச் சந்தை ஒழுங்காற்று வாரியம் (SEBI) நடவடிக்கை எடுத்தது. அனில் அம்பானிக்கு பங்குச் சந்தையில் வர்த்தகம் செய்ய 5 ஆண்டுகளுக்கு தடை விதிக்கப்பட்டுள்ளதுடன் ரூ. 25 கோடி அபராதமும் விதிக்கப்பட்டது.

ரிலையன்ஸ் ஹோம் ஃபைனான்ஸ் மற்றும் அதன் முன்னாள் அதிகாரிகளுக்கும் தடை விதிக்கப்பட்டது. ரிலையன்ஸ் ஹோம் ஃபைனான்ஸ் நிறுவனத்திற்கு பங்குச்சந்தையில் 6 மாதங்களுக்குத் தடை மற்றும் 6 லட்சம் ரூபாய் அபராதம் விதிக்கப்பட்டது.

Reliance Power Share: மூன்று நாட்களில் 26% உயர்ந்த ரிலையன்ஸ் பவர் நிறுவனத்தின் பங்கு மதிப்பு!

ஜான்சி ராணி — Wed, 12 Jun 2024 16:28:48 +0530

Reliance Power share price: அனில் அம்பானியின் ரிலையன்ஸ் குழுமத்திலுள்ள ரிலையன்ஸ் பவர் நிறுவனத்தின் பங்கு மதிப்பு 10% உயர்ந்துள்ளது. கடந்த மூன்று நாட்களில் மட்டும் 26% பங்கு மதிப்பு உயர்ந்துள்ளது.

வாரத்தின் இரண்டாவது வர்த்தக நாளான செவ்வாய்கிழமையன்று அந்நிறுவனத்தின் பங்கு மதிப்பு சுமார் 7 சதவீதம் உயர்ந்து ரூ. 27.99 என்ற அளவில் துவங்கியது. மேலும் மதியம் 1 மணியளவில் அது அப்பர் சர்க்யூட்டில் லாக் செய்யப்பட்டது. ரிலையன்ஸ் பவர் ஸ்டாக் 9.97 சதவீதம் உயர்ந்து ரூ.28.68 என்ற அளவில் முடிவடைந்தது. கடந்த ஐந்து நாட்களாக தொடர்ந்து உயர்ந்து வந்த நிலையில், கடந்த வர்த்தக செசனில் அதன் பங்கு மதிப்பு ராக்கெட் வேகத்தில் உயர்ந்தது.ஐந்து நாட்களில் அதன் விலை 22 சதவீதத்திற்கு அதிகமாக இன்று உயர்ந்துள்ளது குறிப்பிடத்தக்கது.

ரிலையன்ஸ் பவர் (Reliance Power ) பங்குகளின் மதிப்பு உயர்வுக்கு காரணம் அந்நிறுவனம் கடன் இல்லாத நிறுவனமாகிவிட்டது என்ற அறிவிப்பை வெளியிட்டது. ரூ.800 கோடி மதிப்பிலான கடன் திருப்பி செலுத்தப்பட்டதாக அந்நிறுவனம் அறிவிப்பை வெளியிட்டதும். முதலீட்டாளர்கள் அதன் பங்குகளை வாங்குவதற்கு ஆர்வம் காட்டினர்.

ரிலையன்ஸ் பவர் (ரிலையன்ஸ் பவர் ஷேர் ஜூம்ஸ்) பங்குகள் உயர்வால் அனில் அம்பானி நிறுவனத்தின் சந்தை மூலதனமும் அதிகரித்து ரூ.11520 கோடியாக உயர்ந்துள்ளது. ரிலையன்ஸ் பவர் பங்கின் விலை 52 வாரத்தில் அதிகபட்சமாக ரூ.34.45 ஆகவும், குறைந்தபட்சம் ரூ.13.80 ஆகவும் ஏற்ற, இறக்கத்தை பதிவு செய்துள்ளது.

பங்கு மதிப்பு 26% உயர்வு:

கடந்த மூன்று நாட்களில் ரிலையன்ஸ் பவர் நிறுவனத்தின் பங்குகள் 26% உயர்ந்துள்ளது. இன்றைய வர்த்தக நேரத்தில் இந்நிறுவனத்தின் பங்கு விலை ரூ.31.53 ஆக இருந்தது. கடந்த மூன்று வர்த்தக நாட்களில் 26.12 சதவீதம் உயர்ந்துள்ளது. பி.எஸ்.இ.ல் லாபத்துடன் வர்த்தகத்தில் இருந்தது. மிட் கேப்பில் இதம் நிகர லாபம் ரூ.12,665.51 கோடியாக இருந்தது.

BSE-யில் இன்று வர்த்த நேரம் தொடங்கியதில் இருந்தே ரிலையன்ஸ் பவர் பங்குகள் ரூ.1.5 கோடி மதிப்பு கொண்ட பங்குகள் முதலீட்டாளர்களிடம் கை மாறி கொண்டேயிருந்தது. இதன் மூலம் ரூ.46.41 கோடி தொகை நிகர லாபம் கிடைத்துள்ளது. இது தொடர்பான நிபுணர்கள் கூறுகையில் ரிலையன்ஸ் பவர் நிறுவனத்தின் பங்கு மதிப்பு ரூ.25-ரூ.32 வரையில் இந்த மாதம் முழுவதும் இருக்கும் என்று எதிர்பார்க்கப்படுவதாக தெரிவிக்கின்றனர்.

லாபத்துடன் வர்த்தகமான நிறுவனங்கள்:

கோல் இந்தியா, பி.பி.சி.எல். ஹெச்.சி.எல். டெக், பவர்கிரிட் கார்ப், ஸ்ரீராம் ஃபினான்ஸ், பஜாஜ் ஃபினான்ஸ், ஓன்.என்.ஜி.சி. ஹெச்.டி.எஃப்.டி வங்கி, டெக் மஹிந்திரா, பாரதி ஏர்டெல், டாடா மோட்டர்ஸ், டாடா ஸ்டீல், லார்சன், விப்ரோ, ஐ.சி.ஐ.சி.ஐ வங்கி, எஸ்.பி.ஐ. லைஃப் இன்சுரா, ரிலையன்ஸ், எஸ்.பி.ஐ. சிப்ளா, ஆக்ஸிஸ் வங்கி,இந்தஸ்லேண்ட் வங்கி, ஹிண்டால்கோ, டி.சி.எஸ்.ம் அல்ட்ராடெக் சிமெண்ட்,கோடாக் மஹிந்திரா, பஜாஜ் ஆட்டோம் அதானி போர்ட்ஸ், ஹீரோ மோட்டர்கார்ப்,, சன் பார்மா, இன்ஃபோசிஸ்,க்ரேசியம், மாருதி சுசூகி, ஈச்சர் மோட்டர்ஸ் ஆகிய நிறுவனங்களின் பங்குகள் லாபத்துடன் வர்த்தகமாகின.

Cylinder Price: காலையிலேயே மகிழ்ச்சியான செய்தி.. வணிக சிலிண்டர் விலை ரூ.30 குறைந்தது!

பேச்சி ஆவுடையப்பன் — Mon, 1 Apr 2024 06:41:54 +0530

வணிக பயன்பாட்டுக்கான சிலிண்டர் விலை ரூ.30 குறைந்துள்ளதால் பொதுமக்கள், வியாபாரிகள் சற்று மகிழ்ச்சியடைந்துள்ளனர்.

ஒவ்வொரு மாதமும் சந்தை விலைக்கு ஏற்ப வீட்டு உபயோக சிலிண்டர் மற்றும் வணிக சிலிண்டர் விலையை எண்ணெய் நிறுவனங்கள் நிர்ணயம் செய்து வருகிறது. அந்த வகையில் சென்னையில் மார்ச் 1 ஆம் தேதி 19 கிலோ எடை கொண்ட வணிக சிலிண்டர் விலையானது ரூ.23.50 உயர்த்தப்பட்டு ரூ.1,960.50 ஆக விற்பனை செய்யப்பட்டு வந்தது. இதனைத் தொடர்ந்து கடந்த இரு வாரங்களுக்கு முன் நாடு முழுவதும் மக்களவை தேர்தல் தேதியானது அறிவிக்கப்பட்டு வாக்குப்பதிவுக்கான ஏற்பாடுகள் முழுவீச்சில் சென்று கொண்டிருக்கிறது.

தேர்தல் தேதி அறிவிக்கப்படுவதற்கு சில நாட்கள் முன்பு மார்ச் 8 ஆம் தேதி மகளிர் தினத்தை முன்னிட்டு அறிவிப்பு ஒன்றை பிரதமர் மோடி வெளியிட்டார். அதாவது வீட்டு உபயோக சிலிண்டர் விலை ரூ.100 குறைக்கப்படுவதாக அவர் தெரிவித்தார். தொடர்ந்து பெட்ரோல், டீசல் விலை லிட்டருக்கு ரூ.2 குறைக்கப்பட்டது. இது தேர்தலை மனதில் வைத்து எடுக்கப்பட்ட நடவடிக்கை என எதிர்க்கட்சிகள் குற்றம் சாட்டினாலும் சற்றே விலை குறைக்கப்பட்டதால் பொதுமக்கள் நிம்மதி பெருமூச்சு விட்டனர்.

இந்நிலையில் ஏப்ரல் 1 ஆம் தேதியான இன்று சென்னையில் வணிக சிலிண்டர் விலை ரூ.30 குறைக்கப்பட்டுள்ளது. அதன்படி சென்னையில் 19 கிலோ எடை கொண்ட வணிக சிலிண்டர் ரூ.1,930க்கு விற்பனை செய்யப்படுகிறது.

அடிச்சது ஜாக்பாட்.. தேசிய பங்கு சந்தையில் சாதனை படைத்த Kay Cee Energy நிறுவனத்தின் பங்குகள்

சுதர்சன் — Fri, 5 Jan 2024 14:38:31 +0530

Kay Cee Energy மற்றும் இன்ஃப்ரா லிமிடெட் நிறுவனத்தின் பங்குகள், தேசிய பங்கு சந்தையில் முதல்முறையாக விற்பனைக்கு வந்ததை தொடர்ந்து சாதனை படைத்துள்ளது. முதல்நாளான இன்றே பங்குகளை வாங்க முதலீட்டாளர்கள் பெரும் ஆர்வம் காட்டினர். அடிப்படை விலையான 54 ரூபாயில் இருந்து 366.67 சதவிகிதம் உயர்ந்து ஒரு பங்கு 252 ரூபாய்க்கு விற்பனையானது.

தேசிய பங்கு சந்தையில் சாதனை படைத்த Kay Cee Energy நிறுவனத்தின் பங்குகள்:

Kay Cee Energy நிறுவனத்தின் ஐபிஓ, கடந்தாண்டு டிசம்பர் 28ஆம் தேதி விற்பனைக்கு விடப்பட்டது. இந்தாண்டு ஜனவரி 2ஆம் தேதி, அதன் விற்பனை நிறைவடைந்தது. 2,000 பங்குகள் ஒரு ஐபிஓ-வாக விற்பனைக்கு விடப்பட்டது. குறைந்தபட்சம் 2,000 பங்குகளை ஐபிஓ-வாக வாங்கலாம்.

ஐபிஓ விற்பனையை தொடர்ந்து, Kay Cee Energy நிறுவனத்தின் 19 லட்சத்து 60 ஆயிரம் வழக்கமான பங்குகள் விற்பனைக்கு வந்துள்ளது. ஆனால், பங்குகளை வாங்க 206 கோடியே 28 லட்சத்து 8 ஆயிரம் விண்ணப்பங்கள் குவிந்துள்ளன. விற்பனைக்கு விடப்பட்ட 4ஆவது நாளான இன்று நிறுவனத்தின் பங்குகள் 1,052.45 மடங்கு அதிகம் வாங்கப்பட்டுள்ளது.

Kay Cee Energy மற்றும் இன்ஃப்ரா நிறுவனம் என்பது பொறியியல், கட்டுமான (EPC) நிறுவனமாகும். பல்வேறு அரசு மற்றும் தனியார் நிறுவனங்களுக்கு எக்ஸ்ட்ரா ஐ வோல்டேஜ் பவர் டிரான்ஸ்மிஷன் லைன்களை இயக்குவதற்கான சேவைகளை வழங்கி வருகிறது.

உலகின் மூன்றாவது பெரிய எரிசக்தி உற்பத்தியாளராக இந்தியா உள்ளது. எரிசக்தி பயன்பாட்டில் இரண்டாவது இடத்தில் உள்ளது. 2019 நிதியாண்டில், இந்தியாவின் மின் திறன் 356 GW ஆக இருந்து 2023 நிதியாண்டில் 416 GW ஆக அதிகரித்துள்ளது. ஜூன் 2023 வரையிலான காலகட்டத்தில், 9.55 கோடி ரூபாயை வருவாயாக ஈட்டியுள்ளது. 1.2 கோடி ரூபாய் நிகர லாபமாக ஈட்டியுள்ளது.

தேசிய பங்குச்சந்தை நிலவரம்:

வர்த்தக நேர தொடக்கத்தில், மும்பை பங்குச்சந்தை குறியீடான சென்செக்ஸ் 516.94 அல்லது 0.78% புள்ளிகள் சரிந்து 66,285.32 ஆகவும், தேசிய பங்குச்சந்தை குறியீடான நிஃப்டி 118.75 அல்லது 0.73 % புள்ளிகள் சரிந்து 19,756.15 புள்ளிகளாகவும் வர்த்தகமாகின.

ஏசியன் பெயிண்ட்ஸ், ஹிண்டால்கோ, ஜியோ ஃபினான்சியல், அதானி எண்டர்பிரைசர்ஸ், டாக்டர். ரெட்டி லேப்ஸ், எஸ்.பி.ஐ., கோல் இந்தியா, டெக் மஹிந்திரா, ஆக்சிஸ் வங்கி, டாடா ஸ்டீல், ஜெ.எஸ்.டபுள்யூ உள்ளிட்ட நிறுவனங்களின் பங்குகள் லாபத்துடன் வர்த்தகமாகின.

ஐ.சி.ஐ.சி. வங்கி, க்ரேசியம், டி.சி.எஸ்., சிப்ளா, லார்சன், பஜாஜ் ஃபின்சர்வ், ஐ.டி.சி., எஸ்.பிலை. லைஃப் இன்சுரா, விப்ரா, அல்ட்ராடெக் சிமெண்ட், இன்ஃபோசிஸ், ஹீரோ மோட்டார்கார்ப், நெஸ்லே, இந்தஸ்லேண்ட் வங்கி, ஈச்சர் மோட்டார்ஸ், மாருதி சுசூகி, டிவிஸ் லேப்ஸ், சன் பார்மா, பாரதி ஏர்டெல், ஏசியன் பெயிண்ட்ஸ், பிரிட்டானியா, கோடாக் மஹிந்திரா, டைட்டன் கம்பெனி, பவர்கிட் கார்ப் உள்ளிட்ட நிறுவனங்கள் நஷ்டத்தில் வர்த்தகமாகி வருகின்றன.

Meson Valves IPO Listing : அடிச்சது ஜாக்பாட்.. மேசான் வால்வு நிறுவனத்தின் பங்குகளை போட்டி போட்டு வாங்கிய முதலீட்டாளர்கள்

சுதர்சன் — Thu, 21 Sep 2023 13:42:14 +0530

பைப் வால்வுகளை (Valves) தயாரித்து வரும் முன்னணி நிறுவனமாக இருப்பது மேசான் வால்வு இந்தியா லிமிடெட். இதன் பங்குகள் முதல்முறையாக இந்திய பங்கு சந்தையில் இன்று விற்கப்பட்டது. அடிப்படை விலையாக, மேசான் வால்வு நிறுவனத்தின் பங்கு ஒன்று 102 ரூபாய்க்கு விற்கப்பட்டது.

பங்குகளை போட்டி போட்டு வாங்கிய முதலீட்டாளர்கள்:

ஆனால், பெரும் போட்டிக்கிடையே அதன் பங்குகளை வாங்க முதலீட்டாளர்கள் குவிந்த காரணத்தால் 90 சதவிகித பிரீமியத்துடன் (பங்கு மதிப்பு) ஒவ்வொறு பங்கும் 193.80 ரூபாய்க்கு வர்த்தகமானது. கடந்த செப்டம்பர் 8 முதல் செப்டம்பர் 12 வரையிலான 5 நாள்களில், மேசான் வால்வு நிறுவனத்தின் பங்குகள் 173.65 மடங்கு அதிகம் வாங்கப்பட்டுள்ளது.

சில்லறை வர்த்தக பிரிவில் அடிப்படை விலையில் இருந்து அதன் பங்குகள் 203.02 மடங்கு அதிக விலைக்கு வாங்கப்பட்டது. அதே சமயத்தில், இதர பிரிவில் 132.74 மடங்கு அதிக விலைக்கு வாங்கப்பட்டுள்ளது.

பங்குச்சந்தை நிலவரம்:

இந்திய பங்குச்சந்தையில் எதிரொலித்த இந்திய கனட பிரச்னை:

கனடா - இந்தியா இடையில் நீடிக்கும் பதற்றம் தொடர்ந்து இரண்டாவது நாளாக இந்திய பங்குச்சந்தை வணிகத்தில் பிரதிபலித்தது. நிஃப்டி 19,900 புள்ளிகளுக்கு கீழ் வீழ்ச்சியடைந்தது. பங்குச்சந்தை நேற்று வர்த்த நேர முடிவில் 796 புள்ளிகள் சரிந்தது. தொடர்ந்தும் இன்றும் வீழ்ச்சியந்துள்ளது முதலீட்டாளர்களை அதிர்ச்சியடைய செய்துள்ளது.

அமெரிக்கவில் ஃபெடரல் ரிசர்வ் வங்கி வட்டி விகிதத்தில் மாற்றம் இல்லை என்று அறிவித்தத்தில் அமெரிக்க பங்குச்சந்தையும் சரிவை சந்தித்துள்ளது. அமெரிக்க பங்குச்சந்தையில் ஏற்பட்ட மாற்றம் ஆசிய பங்குச்சந்தையின் போக்கிலும் பாதிப்பை ஏற்படுத்தியது.

கச்சா எண்ணெய் விலை 1% சரிந்தது. தங்கத்தின் விலை சற்று உயர்ந்ததது. இன்று முழுவதும் இந்திய பங்குச்சந்தை சரிவுடனேயே வர்த்தகமாக வாய்புள்ளதாக கூறப்படுகிறது. 1,499 பங்குகளின் மதிப்பு உயர்வுடனும் 1,233 பங்குகள் சரிவுடனும் `128 பங்குகளின் மதிப்பு மாற்றமின்றியும் தொடர்ந்தன.