தங்கத்தின் விலை வரலாறு காணாத அளவில் உயர்ந்து வந்தது. சவரனுக்கு ஒன்றேகால் லட்சத்தையும் தாண்டி பொதுமக்களுக்கு பெரும் அதிர்ச்சியை கொடுத்தது. இந்த நிலையில், நேற்று அதிரடியாக 7,600 ரூபாய் விலை குறைந்த நிலையில், இன்றும் மீண்டும் 7,600 ரூபாய் விலை குறைந்துள்ளது. இதேபோல் வெள்ளியின் விலையும் கிராமிற்கு 55 ரூபாய் விலை குறைந்தள்ளது. தங்கம் மற்றும் வெள்ளியின் தற்போதைய விலை என்ன என்பதை பார்க்கலாம்.
2 நாட்களில் அதிரடியாக விலை குறைந்த தங்கம்
இந்த வாரத்தின் தொடக்கத்தில், அதாவது 26-ம் தேதி, தங்கத்தின் விலை கிராமிற்கு முதன் முறையாக 15 ஆயிரத்தை கடந்து, 15,025 ரூபாய்க்கும், ஒரு சவரன் 1,20,200 ரூபாய்க்கும் சென்றது. பின்னர், 27-ம் தேதி சற்று விலை குறைந்து, ஒரு கிராம் 14,960 ரூபாய்க்கும், ஒரு சவரன் 1,19,680 ரூபாய்க்கும் விற்கப்பட்டது.
தொடர்ந்து, 28-ம் தேதி அதிரடியாக விலை உயர்ந்து, ஒரு கிராம் 15,610 ரூபாய்க்கும், ஒரு சவரன் 1,24,880 ரூபாய்க்கும் எகிறியது. இதைத் தொடர்ந்து, 29-ம் தேதியும் அதிரடி காட்டி, ஒரு கிராம் 16,800 ரூபாக்ய்க்கும், ஒரு சவரன் 1,34,400 என்ற வரலாறு காணாத உச்ச விலைக்கு சென்றது.
இந்நிலையில், 30-ம் தேதியான நேற்று, அதிரடியாக சவரனுக்கு 7,600 ரூபாய் விலை குறைந்தது. அதன்படி, ஒரு கிராம் 950 ரூபாய் விலை குறைந்து 15,850 ரூபாய்க்கும், ஒரு சவரன் 1,26,800 ரூபாய்க்கும் விற்பனை செய்யப்பட்டது.
இதைத் தொடர்ந்து, இன்றும் அதே அளவில் விலை குறைந்து பொதுமக்களுக்கு சற்று ஆறுதல் அளித்துள்ளது.
தங்கத்தின் இன்றைய விலை என்ன.?
இந்த மாதத்தின் கடைசி நாளான இன்று கிராமிற்கு 950 ரூபாயும், சவரனுக்கு 7,600 ரூபாயும் விலை குறைந்துள்ளது. அதன்படி, ஒரு கிராம் 14,900 ரூபாய்க்கும், ஒரு சவரன் 1,19,200 ரூபாய்க்கும் விற்கப்படுகிறது.
இதன் மூலம், இந்த 2 நாட்களில் மட்டும் தங்கத்தின் விலை 15,200 ரூபாய் விலை குறைந்துள்ளது.
கிராமிற்கு ரூ.55 சரிந்த வெள்ளி
இதேபோல் வெள்ளி விலையும் இன்று அதிரடியாக குறைந்துள்ளது. இந்த வாரத்தின் முதல் நாளான 26-ம் தேதி கிராம் 375 ரூபாயாக இருந்த வெள்ளியின் விலை, 27-ம் தேதி 12 ரூபாய் உயர்ந்து, ஒரு கிராம் 387 ரூபாய்க்கு சென்றது.
28-ம் தேதி மீண்டும் 13 ரூபாய் விலை உயர்ந்து, ஒரு கிராம் முதல் முறையாக 400 ரூபாய்க்கு எகிறிது. பின்னர், 29-ம்தேதி மீண்டும் அதிரடியாக 25 ரூபாய் உயர்ந்து, கிராம் 425 ரூபாயாக விற்பனையானது.
இந்நிலையில், 30-ம் தேதியான நேற்று கிராமிற்கு 20 ரூபாய் விலை குறைந்து, ஒரு கிராம் 405 ரூபாய்க்கு விற்கப்பட்டது. இதைத் தொடர்ந்து, இன்று அதிரடியாக கிராமிற்கு 55 ரூபாய் வி குறைந்த, ஒரு கிராம் 350 ரூபாய்க்கு விற்கப்படுகிறது.
தங்கம் மற்றும் வெள்ளியின் விலை இரண்டு நாட்களில் அதிரடியாக குறைந்துள்ளது, மக்களிடையே சற்று நிம்மதியை ஏற்படுத்தியுள்ளது.