Just In
Gold Rate: அய்யோ.. பயந்த மாதிரியே ஆயிடுச்சே.. ரூ.67,000-ஐ நெருங்கும் தங்கம் விலை...
Gold Rate New Peak: தங்கத்தின் விலை இனி குறையவே குறையாதோ என்று மக்கள் பயந்ததற்கு ஏற்றார்போல், இன்றும் விலை உயர்ந்துள்ள தங்கம், புதிய வரலாற்று உச்ச விலையை தொட்டுள்ளது.
சென்னையில் ஆபரணத் தங்கத்தின் விலை இன்றும் உயர்ந்துள்ள நிலையில், 67 ரூபாயை நெருங்கியுள்ளதால், பொதுமக்கள் மிகவும் கலக்கமடைந்துள்ளனர்.
அடிக்கடி உயர்ந்து புதிய வரலாற்று உச்சத்தை தொட்ட தங்கம் விலை
தங்கத்தின் விலை தினமும் மாற்றியமைக்கப்படும் நிலையில், அதில் பெரும்பாலும் உயர்வையே சந்தித்து வருகிறது தங்கம். இந்த வாரத்தின் தொடக்கத்தில், அதாவது 24-ம் தேதி, தங்கத்தின் விலை கிராமிற்கு 15 ரூபாய் குறைந்து 8,215 ரூபாய்க்கும், ஒரு சவரனுக்கு 120 ரூபாய் குறைந்து 65,720 ரூபாய்க்கும் விற்கப்பட்டது. 25-ம் தேதி கிராமிற்கு 30 ரூபாய் குறைந்து ,185 ரூபாய்க்கும், சவரனுக்கு 240 ரூபாய் குறைந்து 65,480 ரூபாய்க்கும் விற்பனையானது.
இதைத் தொடர்ந்து ஏறுமுகத்திற்கு மாறிய தங்கத்தின் விலை, 26-ம் தேதி கிராமிற்கு 10 ரூபாய் உயர்ந்து, 8,195 ரூபாய்க்கும், சவரனுக்கு 80 ரூபாய் உயர்ந்து ஒரு சவரன் 65,560 ரூபாய்க்கும் விற்கப்பட்டது. 27-ம் தேதி கிராமிற்கு 40 ரூபாய் உயர்ந்த தங்கம், ஒரு கிராம் 8,235 ரூபாய்க்கும், சவரனுக்கு 320 ரூபாய் உயர்ந்து ஒரு சவரன் தங்கம் 65,880 ரூபாய்க்கும் விற்பனையாது.
தொடர்ந்து, நேற்று ஒரே நாளில் கிராமிற்கு 105 ரூபாய் உயர்ந்தது. இதையடுத்து, ஒரு கிராம் தங்கத்தின் விலை புதிய உச்சமாக 8,340 ரூபாயை தொட்டது. அதன்படி, சவரனுக்கு 840 ரூபாய் உயர்ந்து, ஒரு சவரன் வரலாற்று உச்சமாக, 66,720 ரூபாயை எட்டியது.
இந்நிலையில், அந்த வரலாற்று உச்சத்தையும் தற்போது கடந்து, புதிய வரலாற்று உச்சத்தை தொட்டுள்ளது தங்கம். அதன்படி, இன்று தங்கத்தின் விலை ஒரு கிராமிற்கு 20 ரூபாய் உயர்ந்து, புதிய உச்சமாக 8,360 ரூபாயை எட்டியுள்ளது. ஒரு சவரன் தங்கம் 160 ரூபாய் உயர்ந்து, புதிய வரலாற்று உச்சமாக 66,880 ரூபாயை எட்டியுள்ளது.
ஆறுதல் பரிசுபோல் ரூ.1 குறைந்த வெள்ளியின் விலை
தங்கத்தின் விலை புதிய உச்சத்தை அடைந்துள்ள நிலையில், அதற்கு ஆறுதல் பரிசுபோல், உச்சத்தில் இருந்த வெள்ளியின் விலை 1 ரூபாய் குறைந்துள்ளது.
வெள்ளியின் விலை கடந்த 22-ம் தேதியிலிருந்து 25-ம் தேதிவரை, ஒரு கிராம் 110 ரூபாய் என்ற ஒரே விலையில் நீடித்து வந்தது. அதன்பின்னர், 26-ம் தேதி ஒரு ரூபாய் உயர்ந்து, கிராம் 111 ரூபாய்க்கு விற்பனையானது. 27-ம் தேதியும் அதே விலையில் நீடித்த வெள்ளியின் விலை, நேற்று ஒரே நாளில் கிராமிற்கு 3 ரூபாய் உயர்ந்தது. அதன்படி, நேற்று ஒரு கிராம் வெள்ளி விலை 114 ரூபாயாக உயர்ந்து, ஒரு கிலோ பார் வெள்ளியின் விலை, 1 லட்சத்து 14 ஆயிரம் ரூபாயாக விற்பனையானது.
இந்நிலையில், வெள்ளியின் விலை இன்று கிராமிற்கு 1 ரூபாய் குறைந்து 113 ரூபாய்க்கு விற்பனையாகிறது. ஒரு கிலோ பார் வெள்ளியின் விலை 1 லட்சத்து 13 ஆயிரம் ரூபாயாக விற்கப்படுகிறது.
தொடர்ந்து உயரும் தங்கத்தின் விலை தற்போது 67,000 ரூபாயை நெருங்கியுள்ளதால், பொதுமக்கள் மிகவும் அச்சமடைந்துள்ளனர். தங்கத்தின் விலை இனி குறையவே குறையாது என்று அவர்கள் பயந்தபடியே தற்போது ஆகிவிட்டதாக புலம்புகின்றனர்.