திடீரென குறையும் தங்கம் விலை
தங்கத்தின் மீதான ஈர்ப்பு இந்திய மக்களிடம் அதிகமாகவே இருந்து வருகிறது. இதன் காரணமாகவே மற்ற நாடுகளை விட இந்தியாவில் அதிகளவு தங்கத்தை மக்கள் விரும்பி வாங்குகிறார்கள். குறிப்பாக திருமணங்கள், விஷேச நாட்களில் அதிகளவு தங்கத்தை மக்கள் வாங்கி வருகிறார்கள். அந்த வகையில் நகைப்பிரியர்களுக்கு அதிர்ச்சி கொடுக்கும் வகையில் தங்கத்தின் விலையானது கடந்த சில மாதங்களாகவே வரலாறு காணாத விலை உயர்வை சந்தித்து. ஒரே நாளில் சவரனுக்கு 16ஆயிரம் ரூபாய் அதிகரித்து நகைப்பிரியர்களை அலற வைத்தது.
தங்கம் விலை குறைய காரணம் என்ன.?
ஆனால் அடுத்த அடுத்த நாட்களில் தங்கத்தின் விலையானது குறைய தொடங்கியது. அதிலும் தற்போது ஈரான் - இஸ்ரேல், அமெரிக்கா இடையே போர் நடைபெற்று வரும் நிலையில் தங்கம் விலையானது புதிய உச்சத்தை தொடும் என எதிர்பார்த்த நிலையில் தலைகீழ் மாற்றமாக தங்கம் விலை குறைந்து வருகிறது. இது தொடர்பாக நகை வியாபாரிகள் கூறுகையில், தற்போது முதலீட்டாளர்கள் தங்கத்தில் முதலீடு செய்வதை குறைத்துக்கொண்டு கச்சா எண்ணெய் மீது முதலீட்டை அதிகரித்துள்ளனர். இதன் காரணமாக தங்கத்தின் விலை குறைந்து வருவதாகவும், போர் பதற்றம் முடிவடைந்த பிறகு மீண்டும் புதிய உச்சத்தை தங்கம் பிடிக்கும் என அலர்ட் விடுத்துள்ளனர்.
4 நாட்களில் தங்கம் விலை
- பிப்ரவரி 12 - கிராம் ஒன்றுக்கு 150 ரூபாய் குறைந்து 14,970 ரூபாய்க்கும், சவரனுக்கு 1,200 ரூபாய் குறைந்து 1,19,960 ரூபாய்க்கு விற்பனை
- பிப்ரவரி 13 - கிராம் ஒன்றுக்கு 70 ரூபாய் குறைந்து 14,900ரூபாய்க்கும், சவரனுக்கு 560 ரூபாய் குறைந்து 1,19,200 ரூபாய்க்கு விற்பனை
- பிப்ரவரி 14- கிராம் ஒன்றுக்கு 140 ரூபாய் குறைந்து 14,760 ரூபாய்க்கும், சவரனுக்கு 1,120 ரூபாய் சரிந்து 1,18,080 ரூபாய்க்கு விற்பனை
- பிப்ரவரி15- தங்கம் வெள்ளி விலையில் மாற்றமில்லை
இன்றைய தங்கம், வெள்ளி விலை என்ன.?
வாரத்தின் முதல் நாளான இன்று தங்கம் விலையானது அதிரடியாக குறைந்துள்ளது. கிராம் ஒன்றுக்கு 50 ரூபாய் குறைந்து 14,710 ரூபாய்க்கும், சவரனுக்கு 400 ரூபாய் குறைந்து 1,17,680 ரூபாய்க்கும் விற்பனையாகிறது.
வெள்ளியின் விலையும் இன்று குறைந்துள்ளது கிராமுக்கு 4 ரூபாய் குறைந்து 276 ரூபாய்க்கும், கிலோ பார் வெள்ளி 4ஆயிரம் ரூபாய் குறைந்து 2.76 லட்சம் ரூபாய்க்கு விற்பனை செய்யப்பட்டு வருகிறது.