Jio IPO: இந்திய சந்தையில் புது வரலாறு..! ஜியோ ப்ளாட்ஃபார்ம் IPO பங்குகள் - ரூ.7.4 லட்சம் கோடிக்கு ஏலம்

Gold Rate Today: நகைப்பிரியர்களுக்கு ஹேப்பி நியூஸ்! தங்கம் விலை தாறுமாறாக குறைந்தது! 2 நாட்களில் ரூ.3,720 சரிவு!

வினோத்குமார் — Sat, 31 Oct 2026 11:11:27 +0530

தீபாவளி நெருக்கும் நிலையில் தங்கம் விலை தாறுமாறாக உயரும் எதிர்பார்க்கப்பட்ட நகைப்பிரியர்களுக்கு இன்ப அதிர்ச்சி காத்திருக்கிறது. அதாவது அக்டோபர் மாதம் தொடக்கத்தில் தொடர்ந்து சரிவை சந்தித்த வந்த தங்கம் திடீரென கடந்த சில நாட்களாக உயர்ந்தது. இதனால் தீபாவளி நெருங்குவதால் தங்கம் விலை உயரும் கூறப்பட்டு வந்த நிலையில் நேற்று சவரனுக்கு ரூ.1,240 குறைந்ததை அடுத்து நகைக்கடைகளில் கூட்டம் குவிந்தது. இந்நிலையில் இன்றும் எதிர்பாராத வகையில் சரசரவென தங்கம் விலை சரிவை கண்டுள்ளது.

அதாவது நேற்று தங்கம் ஒரு கிராமிற்கு ரூ.155 குறைந்து ரூ.13,040க்கும், ஒரு சவரனுக்கு ரூ.1,240 குறைந்து ரூ.1,04,320க்கும் விற்பனை செய்யப்பட்டு வந்தது.

இதையும் படிங்க: Gold Rate Today: தங்கம் விலையில் ஏற்பட்ட திடீர் மாற்றம்.. போட்டி போட்டுக்கு நகைக்கடைகளில் குவியும் பொதுமக்கள்!

இன்றைய தங்கம் விலை

இந்நிலையில் இன்றைய (அக்டோபர் 31) நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.2,480 குறைந்து ரூ.1,01,840ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.310 குறைந்து ரூ. 12,730ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 13,887ஆக விற்பனையாகிறது. சவரன் ரூ. 111,096ஆக விற்பனையாகிறது. கடந்த இரண்டு நாட்களில் மட்டும் சவரனுக்கு ரூ.3,720 குறைந்துள்ளது. தொடர்ந்து தங்கம் சரிவை சந்தித்து வருதால் காலை முதலே நகைக்கடைகளில் கூட்டம் குவிந்து வருகிறது.

வெள்ளி விலை

வெள்ளி விலை கடந்த சில நாட்களாக சரசரவென குறைந்துள்ளது. இன்று கிராமிற்கு ரூ.10 குறைந்துள்ளது. ஒரு கிராம் விலை ரூ.200க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.2,00,000க்கும் விற்பனை செய்யப்படுகிறது.

Gold Rate Today: தங்கம் விலையில் ஏற்பட்ட திடீர் மாற்றம்.. போட்டி போட்டுக்கு நகைக்கடைகளில் குவியும் பொதுமக்கள்!

வினோத்குமார் — Fri, 30 Oct 2026 09:59:27 +0530

நாம் முன்னோர்கள் சொன்னது போல மண்ணிலும், பொன்னிலும் முதலீடு செய்தால் என்றும் வீணாகாது என்பார்கள். அதற்கு ஏற்றார் போல பிளாட்டின் விலையும், தங்கத்தின் விலையும் தாறுமாறாக உயர்ந்து வருகிறது. குறிப்பாக சவரன் ரூ.60,0000 விற்கப்பட்டு வந்த தங்கம் விலை கடந்த இரண்டு ஆண்டுகளில் கிடுகிடுவென உயர்ந்து ரூ.1,00,000 தாண்டியுள்ளது. அப்படி இருந்த போதிலும் நகைக்கடைகளில் கூட்டம் குறையவில்லை. திருமணம் உள்ளிட்ட விஷச நிகழ்ச்சிகளுக்காக எவ்வளவு விலை விற்றாலும் வேறு வழியில்லாமல் பொதுமக்கள் வாங்கி செல்கின்றனர்.

தங்கம் விலை உயர்வுக்கு என்ன காரணம்?

தங்கம் விலை உயர்வுக்கு முக்கிய காரணம் சர்வதேச பொருளாதாரம், கச்சா எண்ணெய் விலை, அமெரிக்க டாலருக்கு நிகரான இந்திய ரூபாயின் மதிப்பு மற்றும் அமெரிக்கா ஈரான் இடையே போர் பதற்றம் உள்ளிட்டவை அடங்கும். இந்நிலையில் அக்டோபர் மாதம் தொடக்கத்தில் சரசரவென குறைந்து வந்த தங்கம் அம்மாதம் இறுதியில் மீண்டும் உயரத்தொடங்கியது. இந்நிலையில் இன்றை தங்கம் விலை உயர்ந்ததா? குறைந்ததா? என்பதை பார்ப்போம்.

நேற்று தங்கத்தின் விலையில் எந்த மாற்றமும் இல்லாமல் அதே விலையில் நீடித்து வந்தது. ஒரு தங்கம் கிராம் ரூ.13,195க்கும், சவரன் ரூ.1,05,560க்கு விற்பனை செய்யப்பட்டு வந்தது.

இன்றைய தங்கம் விலை

இந்நிலையில் இன்றைய (அக்டோபர் 30) நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.1,240 குறைந்து ரூ.1,04,320ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.155 குறைந்து ரூ.13,040ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ.14,225ஆக விற்பனையாகிறது. சவரன் ரூ.1,13,800ஆக விற்பனையாகிறது. தீபாவளி நெருக்கும் நிலையில் தங்கம் விலை சவரனுக்கு ரூ.1,240 குறைந்ததை அடுத்து நகைக்கடைகளில் கூட்டம் குவிந்து வருகிறது.

வெள்ளி விலை

வெள்ளி விலை கடந்த சில நாட்களாக எந்த மாற்றமும் இல்லாமல் ஒரே விலையில் நீடித்து வந்த நிலையில் இன்று கிராமிற்கு 5 ரூபாய் குறைந்துள்ளது. ஒரு கிராம் விலை ரூ.215க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.2,15,000க்கும் விற்பனை செய்யப்படுகிறது.

Jio IPO: அடித்து தூக்கிய ஜியோ..! நாட்டின் மதிப்புமிக்க இரண்டாவது நிறுவனமாகி அதிரடி - ரூ.12.5 லட்சம் கோடி

குலசேகரன் முனிரத்தினம் — Wed, 28 Oct 2026 13:26:33 +0530

Jio IPO: பட்டியலிடப்பட்ட ஜியோ ப்ளாட்ஃபார்ம்ஸ் பங்குகளனாது ஒரு பங்கிற்கு 238 ரூபாய் லாபத்தை ஈட்டி தந்துள்ளது.

பங்குச் சந்தையில் ஜியோ ப்ளாட்ஃபார்ம்ஸ்:

ஜியோ பிளாட்ஃபார்ம்ஸ் நிறுவனம் பங்குச் சந்தையில் வலுவான அறிமுகத்தை மேற்கொண்டுள்ளது. அதன் பங்குகள், IPO வெளியீட்டு விலையான ரூ.1,119-ஐ விட கணிசமாக உயர்ந்து, மும்பை பங்குச்சந்தை (BSE) மற்றும் தேசிய பங்குச்சந்தையில் (NSE) தலா ரூ. 1,358 என்ற விலையில் பட்டியலிடப்பட்டுள்ளன. இந்தப் பங்குப் பட்டியலானது ஒரு பங்குக்கு ரூ. 238 லாபத்தை ஈட்டித் தந்தது. இது, வெளியீட்டு விலையை விட முதலீட்டாளர்களுக்கு சுமார் 21.27 சதவிகிதம் கூடுதல் லாபமாக அமைகிறது.இந்த வலுவான அறிமுகம், முகேஷ் அம்பானிக்குச் சொந்தமான இந்நிறுவனத்தை இந்தியாவின் மிகவும் மதிப்புமிக்க பட்டியலிடப்பட்ட வணிகங்களில் ஒன்றாக நிலைநிறுத்தியது.

விலை மதிப்புமிக்க 2வது நிறுவனம்:

பட்டியலிடப்பட்ட விலையில், ஜியோ பிளாட்ஃபார்ம்ஸ் ரூ. 12.5 லட்சம் கோடி சந்தை மூலதனத்தைக் கொண்டிருந்தது. இதன் வாயிலாக நாட்டின் இரண்டாவது மிகவும் மதிப்புமிக்க பட்டியலிடப்பட்ட நிறுவனமாக உருவெடுத்தது. மும்பை பங்குச்சந்தை தரவுகளின்படி, அதன் தாய் நிறுவனமான ரிலையன்ஸ் இண்டஸ்ட்ரீஸ் சுமார் ரூ. 16 லட்சம் கோடி சந்தை மூலதனத்துடன் தரவரிசையில் முதலிடத்திலும், பார்தி ஏர்டெல் கிட்டத்தட்ட ரூ. 12.1 லட்சம் கோடியுடன் மூன்றாவது இடத்திலும் இருப்பது குறிப்பிடத்தக்கது.

இதையும் படியுங்கள்: Himalayan 750: வெயிட்டா, பெருசா..! ஹிமாலயன் 750 ஆன் தி வே - ராயல் என்ஃபீல்டின் ரக்கட் பாய் - டாப் 5 அப்டேட்ஸ்

27 கோடி பங்குகள் வெளியீடு:

ஜியோ பிளாட்ஃபார்ம்ஸ், ஒரு பங்கின் வெளியீட்டு விலையான ரூ.1,119-ன் அடிப்படையில், சுமார் ரூ.10.3 லட்சம் கோடி மதிப்பிலான ஐபிஓ-வுடன் சந்தையில் நுழைந்தது. இந்நிறுவனம் இந்த வெளியீட்டின் மூலம் 27 கோடி புதிய பங்குகளை வெளியிட்டது. அந்த மதிப்பீட்டில், சந்தை மூலதனத்தின் அடிப்படையில் ஜியோ பிளாட்ஃபார்ம்ஸ், ரிலையன்ஸ் இண்டஸ்ட்ரீஸ், பார்தி ஏர்டெல் மற்றும் ஹெச்டிஎஃப்சி வங்கி ஆகியவற்றுக்குப் பின்னால் இருந்தது. பட்டியலிடப்பட்ட நாளில் கிடைத்த அதன் ஆதாயங்கள், தற்போது அதன் சந்தை மதிப்பை ஐபிஓ விலையால் சுட்டிக்காட்டப்பட்ட நிலைகளுக்கு மேல் உயர்த்தி, தரவரிசையில் பார்தி ஏர்டெல்லை முந்திச் செல்ல வைத்துள்ளது. பட்டியலிடப்பட்ட பிறகு ஜியோ பிளாட்ஃபார்ம்ஸ் பங்குகள் குறைந்த அளவிலான நகர்வையே காட்டுகின்றன.

ஒரு பங்கின் விலை - ரூ.1,362.20

ஜியோ பிளாட்ஃபார்ம்ஸ் பங்குச் சந்தையில் பிரீமியம் விலையில் நுழைந்தபோதிலும், அறிமுகமான பிறகு ஆரம்பக்கட்ட வர்த்தகத்தில் அதன் பங்கு மிதமான ஆதாயங்களையே ஈட்டியது. நண்பகல் வாக்கில், அதன் பட்டியலிடப்பட்ட விலையான ரூ. 1,358-லிருந்து 0.31% உயர்ந்து, ரூ. 1,362.20-க்கு வர்த்தகமானது. பட்டியலிடப்பட்ட முதல் நாளன்று ஏற்பட்ட திடீர் ஏற்றத்திற்குப் பிறகு, முதலீட்டாளர்கள் நிறுவனத்தின் சந்தை மதிப்பீட்டை இன்னும் மதிப்பிட்டுக்கொண்டிருந்தனர் என்பதை ஆரம்பகட்ட நகர்வுகள் உணர்த்துகின்றன. அமர்வின் மீதமுள்ள நேரத்தில் அதன் செயல்பாடு, ஆரம்பத்தில் பெற்ற கூடுதல் விலையில் எவ்வளவு பகுதியை அது தக்கவைத்துக்கொள்ள முடியும் என்பதை பொறுத்து இருந்து தான் பார்க்க வேண்டும்.

ஸ்டார்ட்அப் தொடங்க ரூ.10 லட்சம் மானியம்! தமிழக தொழில்முனைவோருக்கு அழைப்பு!

கிஷோர் — Wed, 28 Oct 2026 08:54:01 +0530

மஞ்சள், ஏலக்காய், மிளகு உள்ளிட்ட நறுமணப் பொருட்களை அடிப்படையாகக் கொண்டு புதிய தொழில் தொடங்க விரும்பும் தொழில்முனைவோருக்கு ரூ.10 லட்சம் வரை மானிய உதவி வழங்கும் திட்டம் குறித்த அறிவிப்பு வெளியாகியுள்ளது. கோவையில் செயல்பட்டு வரும் தமிழ்நாடு வேளாண்மைப் பல்கலைக்கழகத்தின் தொழில்நுட்ப வணிகக் காப்பகத்தின் வாயிலாக இந்த உதவியைப் பெறுவதற்கான வாய்ப்பு ஏற்படுத்தப்பட்டுள்ளது. நறுமணப் பொருட்கள் சார்ந்த புதிய கண்டுபிடிப்புகள், நவீன தொழில்நுட்பங்கள் மற்றும் மதிப்புக் கூட்டப்பட்ட பொருட்கள் தயாரிப்பில் ஈடுபட விரும்பும் ஸ்டார்ட்அப் நிறுவனங்கள் இத்திட்டத்தைப் பயன்படுத்திக்கொள்ளலாம் எனத் தெரிவிக்கப்பட்டுள்ளது.

நறுமணப் பொருட்கள் சார்ந்த தொழில்களுக்கு ஊக்கம்

நறுமணப் பொருட்களை அடிப்படையாகக் கொண்ட புதிய தொழில் முயற்சிகளை ஊக்குவிக்கும் நோக்கில், மத்திய வர்த்தக அமைச்சகத்தின் கீழ் செயல்படும் நறுமணப் பொருட்கள் வாரியத்தின் சார்பில் வணிகக் காப்பக மையங்கள் அமைக்கப்பட்டுள்ளன. இதுகுறித்து தமிழ்நாடு வேளாண்மைப் பல்கலைக்கழகத்தின் வேளாண் தொழில்நுட்ப வணிகக் காப்பகத்தின் தலைமைச் செயல் அதிகாரி ஞானசம்பந்தம் கூறுகையில், நறுமணப் பொருட்கள் சார்ந்த ஸ்டார்ட்அப் நிறுவனங்களின் வளர்ச்சிக்கு உதவும் வகையில் நாடு முழுவதும் மூன்று முக்கிய மையங்கள் செயல்பட்டு வருவதாகத் தெரிவித்துள்ளார்.

கர்நாடக மாநிலம் மைசூருவில் உள்ள மத்திய உணவுத் தொழில்நுட்ப ஆராய்ச்சி நிறுவனம் (CFTRI), தஞ்சாவூரில் உள்ள தேசிய உணவு தொழில்நுட்பம், தொழில்முனைவு மற்றும் மேலாண்மை நிறுவனம் (NIFTEM), கோவையில் உள்ள தமிழ்நாடு வேளாண்மைப் பல்கலைக்கழகம் ஆகிய இடங்களில் இந்த வணிகக் காப்பக மையங்கள் கடந்த இரண்டு ஆண்டுகளாகச் செயல்பட்டு வருகின்றன. இம்மையங்கள் மூலம் புதிய தொழில் யோசனைகளைக் கொண்ட தொழில்முனைவோருக்கு வழிகாட்டுதல் மற்றும் தொழில்நுட்ப ஆதரவு வழங்கப்படுகிறது.

ரூ.10 லட்சம் வரை 100 சதவீத மானிய உதவி

தமிழகத்தில் மஞ்சள் உள்ளிட்ட நறுமணப் பொருட்கள் அதிகளவில் உற்பத்தி செய்யப்படுவதால், அவற்றை அடிப்படையாகக் கொண்டு புதுமையான தொழில்களை உருவாக்குவதற்குப் பல்வேறு வாய்ப்புகள் உள்ளன. மிளகாய் வற்றல், ஜாதிக்காய், கிராம்பு, மிளகு உள்ளிட்ட நறுமணப் பொருட்களைப் பயன்படுத்தி புதிய தயாரிப்புகளை உருவாக்குதல், பதப்படுத்தும் முறைகளை மேம்படுத்துதல், தரத்தை ஆய்வு செய்வதற்கான நவீனக் கருவிகளை உருவாக்குதல், உற்பத்திக்கான இயந்திரங்களை வடிவமைத்தல் மற்றும் ஏற்றுமதிக்கான புதிய தொழில்நுட்பங்களை அறிமுகப்படுத்துதல் போன்ற முயற்சிகளுக்கு முக்கியத்துவம் அளிக்கப்படுகிறது.

இத்தகைய துறைகளில் புதுமையான யோசனைகளைக் கொண்டுள்ள தகுதியான ஸ்டார்ட்அப் நிறுவனங்களுக்கு, திட்டத்தின் விதிமுறைகளுக்கு உட்பட்டு 100 சதவீத மானியமாக ரூ.10 லட்சம் வரை நிதியுதவி வழங்கப்படுவதாகத் தெரிவிக்கப்பட்டுள்ளது. தொழில் யோசனையை நடைமுறைப்படுத்துவதற்கான வழிகாட்டுதல்களும் வழங்கப்படும். இதன் மூலம் ஆரம்ப நிலையில் உள்ள நிறுவனங்கள் தங்களின் தொழில்நுட்பங்களை மேம்படுத்தி, புதிய தயாரிப்புகளை உருவாக்கி, வணிக ரீதியாக வளர்ச்சியடைய உதவி கிடைக்கும்.

எந்த வகையான தொழில் முயற்சிகளுக்கு வாய்ப்பு?

நறுமணப் பொருட்களை அடிப்படையாகக் கொண்ட தயாரிப்புகள், உணவுப் பதப்படுத்துதல், மதிப்புக் கூட்டப்பட்ட பொருட்கள் தயாரித்தல் மற்றும் அவற்றுடன் தொடர்புடைய புதிய தொழில்நுட்பங்கள் ஆகிய துறைகளில் செயல்படும் நிறுவனங்கள் இத்திட்டத்தின் கீழ் விண்ணப்பிக்கலாம். குறிப்பாக, பாரம்பரிய உற்பத்தி முறைகளை நவீனப்படுத்துதல், உற்பத்திச் செலவைக் குறைக்கும் தொழில்நுட்பங்களை உருவாக்குதல், பொருட்களின் தரத்தை மேம்படுத்துதல் மற்றும் சர்வதேசச் சந்தைகளுக்கு ஏற்ற தயாரிப்புகளை உருவாக்குதல் போன்ற புதுமையான முயற்சிகளுக்கு வாய்ப்புகள் உள்ளன.

விண்ணப்பிக்கும் நிறுவனங்கள் சட்டப்பூர்வமாகப் பதிவு செய்யப்பட்ட ஸ்டார்ட்அப் நிறுவனங்களாக இருக்க வேண்டும். மேலும், அவற்றின் தொழில் யோசனைகள் புதுமையானதாகவும், நடைமுறைப்படுத்தக்கூடியதாகவும், வணிக ரீதியாக வெற்றிபெறுவதற்கான வாய்ப்புகளைக் கொண்டதாகவும் இருக்க வேண்டும். நறுமணப் பொருட்களை அடிப்படையாகக் கொண்ட மதிப்புக் கூட்டுதல் மற்றும் பதப்படுத்துதல் நடவடிக்கைகளில் கவனம் செலுத்தும் நிறுவனங்களுக்கு இத்திட்டம் பயனுள்ளதாக இருக்கும்.

விண்ணப்பிப்பது எப்படி? தொடர்பு விவரங்கள்

நறுமணப் பொருட்கள் சார்ந்த தொழில் தொடங்கத் திட்டமிட்டுள்ள தொழில்முனைவோர் மற்றும் ஏற்கெனவே செயல்பட்டு வரும் தகுதியான ஸ்டார்ட்அப் நிறுவனங்கள் தங்களின் புதிய தொழில் யோசனைகளை மேம்படுத்துவதற்காக கோவையில் உள்ள தமிழ்நாடு வேளாண்மைப் பல்கலைக்கழகத்தின் தொழில்நுட்ப வணிகக் காப்பகத்தை அணுகலாம் எனக் கேட்டுக்கொள்ளப்பட்டுள்ளது.

இத்திட்டத்தின் தகுதிகள், விண்ணப்ப நடைமுறைகள் மற்றும் மானிய உதவியைப் பெறுவதற்கான கூடுதல் விவரங்களை அறிய விரும்புவோர், தொழில்நுட்ப வணிகக் காப்பகம், வேளாண் தொழில் இயக்ககம், தமிழ்நாடு வேளாண்மைப் பல்கலைக்கழகம், கோவை – 641 003 என்ற முகவரியில் தொடர்புகொள்ளலாம்.

மேலும், 0422-2969378 என்ற தொலைபேசி எண்ணிலும், tbiabis@tnau.ac.in என்ற மின்னஞ்சல் முகவரியிலும் தொடர்புகொண்டு விவரங்களைப் பெற்றுக்கொள்ளலாம். நறுமணப் பொருட்களை அடிப்படையாகக் கொண்டு புதிய தொழில் தொடங்க விரும்பும் இளம் தொழில்முனைவோர், வேளாண் சார்ந்த புதுமையாளர்கள் மற்றும் ஸ்டார்ட்அப் நிறுவனங்கள் இந்த வாய்ப்பைப் பயன்படுத்திக்கொள்ளலாம் எனத் தெரிவிக்கப்பட்டுள்ளது.

குறிப்பு: விண்ணப்பிப்பதற்கு முன் மானியத் திட்டத்தின் தற்போதைய நடைமுறை, தகுதி நிபந்தனைகள், விண்ணப்பக் காலக்கெடு மற்றும் நிதியுதவி வழங்கப்படும் செலவின வகைகள் குறித்து பல்கலைக்கழகத்திடம் உறுதிப்படுத்திக்கொள்வது அவசியம்.

Jio Plotforms: ரூபாய் 10.3 லட்சம் கோடி மதிப்பீடு; ஜியோ பிளாட்ஃபார்ம்ஸ் ஐபிஓ (IPO) நாளை பங்குச்சந்தைகளில் பட்டியல்!

சுகுமாறன் — Tue, 27 Oct 2026 16:55:38 +0530

ஜியோ பிளாட்ஃபார்ம்ஸ் (Jio Platforms) நிறுவனம், தனது ஆரம்ப பொது வழங்கலுக்கு (IPO) பிறகு, அக்டோபர் 28, 2026 புதன்கிழமையன்று பங்குச் சந்தையில் நுழைய உள்ளது. இந்த ஐபிஓ-வின் மூலம் நிறுவனத்தின் மதிப்பு ₹10.3 லட்சம் கோடியாக நிர்ணயிக்கப்பட்டுள்ளது.

இந்தியாவின் மிக மதிப்புமிக்க நிறுவனம்:

இந்த பட்டியலிடலின் வாயிலாக, தொலைத்தொடர்பு மற்றும் டிஜிட்டல் சேவைகளை வழங்கும் இந்நிறுவனம் இந்தியாவின் மிக மதிப்புமிக்க வணிக நிறுவனங்களில் ஒன்றாக இடம்பிடிக்கிறது.
இந்நிறுவனம் தலா ₹1,119 விலையில் 27 கோடி புதிய பங்குகளை வெளியிட்டது.

இந்த மதிப்பீட்டின்படி ரிலையன்ஸ் இண்டஸ்ட்ரீஸ், பாரதி ஏர்டெல் மற்றும் ஹெச்டிஎஃப்சி வங்கி (HDFC Bank) ஆகியவற்றுக்கு அடுத்தபடியாக, சந்தை மூலதனத்தின் அடிப்படையில் இந்தியாவின் நான்காவது பெரிய நிறுவனமாக ஜியோ பிளாட்பார்ம்ஸ் திகழ்கிறது.

இந்திய நிறுவனத்திற்கு இதுவே முதல்முறை:

பட்டியலிடுவதற்கு முந்தைய முக்கியத் தகவல்களின்படி, இந்திய நிறுவனம் ஒன்று ₹10 லட்சம் கோடிக்கும் அதிகமான மதிப்பீட்டில் பொது வழங்கலை மேற்கொள்வது இதுவே முதல் முறையாகும். ஐபிஓ மதிப்பீட்டின்படி, ₹16.2 லட்சம் கோடி மதிப்புள்ள ரிலையன்ஸ் இண்டஸ்ட்ரீஸ், ₹12.2 லட்சம் கோடி மதிப்புள்ள பாரதி ஏர்டெல் மற்றும் ₹10.6 லட்சம் கோடி மதிப்புள்ள ஹெச்டிஎஃப்சி வங்கி ஆகியவற்றுக்கு அடுத்த இடத்தில் ஜியோ பிளாட்பார்ம்ஸ் உள்ளது.

நாளை பட்டியலிடப்படுகிறது:

இப்பங்குகள் அக்டோபர் 28 அன்று தேசிய பங்குச் சந்தையிலும் (NSE) மற்றும் மும்பை பங்குச் சந்தையிலும் (BSE) பட்டியலிடப்பட உள்ளன; இது நிறுவனத்திற்கான சந்தை விலையை நிர்ணயிக்கும். ஐபிஓ-விற்கு இருந்த வலுவான தேவை மற்றும் 'கிரே மார்க்கெட்' (grey market) பிரீமியம் ஆகியவற்றைக் கருத்தில் கொள்ளும்போது, பங்குகள் ஒதுக்கப்பட்ட விலையை விட அதிக விலையில் பட்டியலிடப்பட வாய்ப்புள்ளது.

பங்குகள் ₹1,119 என்ற விலையை விட 20% கூடுதல் விலையில் (சுமார் ₹1,340-க்கு) பட்டியலிடப்பட்டால், ஜியோ பிளாட்பார்ம்ஸின் சந்தை மூலதனம் ₹12.3 லட்சம் கோடியைத் தாண்டும். இதன் மூலம், ரிலையன்ஸ் இண்டஸ்ட்ரீஸுக்கு அடுத்தபடியாக, இந்தியாவின் இரண்டாவது மதிப்புமிக்க பட்டியலிடப்பட்ட நிறுவனமாக இது மாறக்கூடும்.

டாடா, அதானி குழுமங்களை முந்தும் ரிலையன்ஸ் குழுமம்:

ஐபிஓ மதிப்பீட்டின் அடிப்படையில், ரிலையன்ஸ் இண்டஸ்ட்ரீஸ் மற்றும் ஜியோ பிளாட்பார்ம்ஸ் ஆகியவற்றின் மொத்த சந்தை மூலதனம் ₹27 லட்சம் கோடியைத் தாண்டுகிறது. இது முகேஷ் அம்பானி தலைமையிலான ரிலையன்ஸ் குழுமத்தை, இந்தியாவின் பிற முக்கிய பெருநிறுவனக் குழுமங்களை விட முன்னிலையில் வைக்கிறது.

2026 அக்டோபர் 27 நிலவரப்படி, பொதுப் பட்டியலில் உள்ள 32 டாடா குழும நிறுவனங்களின் ஒருங்கிணைந்த சந்தை மூலதனம் சுமார் ₹25.7 லட்சம் கோடியாகவும், பட்டியலிடப்பட்ட 11 அதானி குழும நிறுவனங்களின் மதிப்பு சுமார் ₹16.6 லட்சம் கோடியாகவும் இருந்தது.

வர்த்தக விலை:

ஒரு பங்குக்கு ₹1,340 என்ற விலையில் பட்டியலிடப்படுவது, ரிலையன்ஸ் குழுமத்தின் ஒருங்கிணைந்த சந்தை மதிப்பை ₹30 லட்சம் கோடிக்கு அருகில் கொண்டு வரக்கூடும். அறிமுகத்திற்குப் பிறகு ஜியோ பிளாட்பார்ம்ஸின் வர்த்தக விலையைப் பொறுத்தே இறுதி எண்ணிக்கை அமையும்.

சந்தை தேவையையும், பங்குச் சந்தைகளில் அந்நிறுவனம் பெறும் மதிப்பீட்டையும் அறிந்துகொள்ள, முதலீட்டாளர்கள் அக்டோபர் 28 அன்று நடைபெறும் பட்டியலைக் கவனிப்பார்கள்.

Gold Rate: தங்கம் விலை இன்று உயர்ந்ததா? குறைந்ததா? வாங்க இதுதான் சரியான நேரமா?

வினோத்குமார் — Tue, 27 Oct 2026 09:48:37 +0530

சென்னையில் கடந்த சில மாதங்களாகவே ஆபரணத் தங்கம் வரலாறு காணாத வகையில் உயர்ந்து புதிய உச்சத்தை எட்டியுள்ளது. இதற்கு முக்கிய காரணம் சர்வதேச பொருளாதார மற்றும் அரசியல் சூழல், கச்சா எண்ணெய் விலை, அமெரிக்க டாலருக்கு நிகரான இந்திய ரூபாயின் மதிப்பு உள்ளிட்டவற்றின் அடிப்படையில் தங்கத்தின் விலை நிர்ணயிக்கப்படுகிறது. இந்நிலையில் அக்டோபர் மாதம் தொடங்கியதில் இருந்து தங்கம் விலை சரசரவென குறைந்து வந்த நிலையில் மீண்டும் உயரத்தொடங்கியுள்ளது. எவ்வளவு தான் நகை விலை ஏறினாலும் நகை கடைகளில் கூட்டம் குறையவில்லை. இந்நிலையில் இன்றை தங்கம் விலை ஏறியதா? இறங்கியதா? என்பதை பார்ப்போம்.

நேற்றைய விலை

நேற்று வாரத்தின் முதல் நாளே திங்கள் கிழமை உயர்வுடன் தொடங்கியது. தங்கம் கிராமுக்கு ரூ.15 உயர்ந்து ரூ.13,085க்கும், சவரனுக்கு ரூ.120 உயர்ந்து ரூ.1,04,680ஆக விற்பனை விற்பனை செய்யப்பட்டு வந்தது.

இதையும் படிங்க: கோயம்பேடு மார்க்கெட்டில் கிடுகிடுவென உயர்ந்த வெங்காயம் விலை! அதிர்ச்சியில் பொதுமக்கள்!

இன்றைய தங்கம் விலை

இந்நிலையில் இன்றைய (அக்டோபர் 27) நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.400 உயர்ந்து ரூ.1,05,080ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.50 உயர்ந்து ரூ.13,135ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ.14,329ஆக விற்பனையாகிறது. சவரன் ரூ.114,632ஆக விற்பனையாகிறது. நகை விலை தொடர்ந்து சரிந்து வந்த நிலையில் தீபாவளி நெருக்கும் நிலையில் மீண்டும் தங்கம் உயரத்தொடங்கியுள்ளது.

வெள்ளி விலை

வெள்ளி விலை கடந்த சில நாட்களாக எந்த மாற்றமும் இல்லாமல் ஒரே விலையில் நீடித்து வருகிறது. ஒரு கிராம் விலை ரூ.220க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.220,000க்கும் விற்பனை செய்யப்படுகிறது.

Gold Rate: நெருங்கும் தீபாவளி.. மீண்டும் வேலையை காட்டும் தங்கம்.. இன்றைய நிலவரம் என்ன?

வினோத்குமார் — Mon, 26 Oct 2026 12:32:15 +0530

தங்கம் விலை கடந்த சில மாதங்களாக கிடுகிடுவென உயர்ந்து வந்த நிலையில் அக்டோபர் மாதம் தொடங்கியது முதல் சரசரவென குறைந்து வந்தது. கடந்த 4 நாட்களில் மட்டும் ரூ.4,000 அளவுக்கு தங்கம் விலை குறைந்து இன்ப அதிர்ச்சி கொடுத்தது. இந்நிலையில், சனிக்கிழமை(அக்டோபர் 24) அன்று தங்கத்தின் விலை சவரனுக்கு ரூ.80 உயர்ந்து ரூ.1,04,560 விற்பனை செய்யப்பட்டது.

தங்கம் விலை

நேற்று ஞாயிற்றுக்கிழமை என்பதால் விலையில் எந்த மாற்றமும் இல்லாமல் அதே விலையில் நீடித்து வந்தது. ஒரு கிராம் ரூ.13,085க்கும், ஒரு சவரன் ரூ.1,04,560க்கும் விற்பனை செய்யப்பட்டு வந்தது.

இதையும் படிங்க: School Leave: வெளுத்து வாங்கும் கனமழை.. எந்தெந்த மாவட்ட பள்ளிகளுக்கு விடுமுறை? இதோ லிஸ்ட்!

நெருக்கும் தீபாவளி

இந்நிலையில் இன்றைய (அக்டோபர் 26) நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.120 குறைந்து ரூ.1,04,680ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.15 குறைந்து ரூ.13,085ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ.14,275ஆக விற்பனையாகிறது. சவரன் ரூ.114,200ஆக விற்பனையாகிறது. நகை விலை தொடர்ந்து சரிந்து வந்த நிலையில் தீபாவளி நெருக்கும் நிலையில் மீண்டும் தங்கம் உயரத்தொடங்கியுள்ளது.

இதையும் படிங்க: ஆவின் பால் பொருட்கள் உற்பத்தி நிறுத்தமா? நிறுவனம் கொடுத்த பரபரப்பு விளக்கம்!

வெள்ளி விலை

Vegetable Price: போட்டி போடும் தக்காளி, வெங்காயம்.! மீண்டும் உயர்ந்தது காய்கறி விலை! இன்றைய ரேட் நிலவரம்?

வினோத்குமார் — Mon, 26 Oct 2026 07:21:56 +0530

வெங்காயம் தக்காளி சமையலில் இன்றியமையாத ஒன்றாக இருந்து வருகிறது. காய்கறிகள் குறைவாக வாங்கி சென்றாலும் பை நிறைய தக்காளி, வெங்காயம் வாங்கி செல்கின்றனர். அதற்கான காரணம் சாம்பார் முதல் பிரியாணி வரை அனைத்திற்கும் வெங்காயம், தக்காளி தேவைப்படுகிறது. இவைகள் விளைச்சல் பருவமழை மற்றும் வானிலை மாற்றங்களைப் பொறுத்து விலை அமைகிறது.

கோயம்பேடு சந்தை

இந்நிலையில் ஆசியாவின் மிகப்பெரிய சந்தை என்றழைக்கப்படும் கோயம்பேடு சந்தையில் ஆயிரத்துக்கும் மேற்பட்ட மொத்த விற்பனைக் கடைகள், 2 ஆயிரத்துக்கும் மேற்பட்ட சில்லறைக் கடைகள், 850 பழக்கடைகள் உள்ளிட்டவை செயல்பட்டு வருகின்றன. மொத்த விற்பனை இரவு 10 மணி முதல் காலை 10 மணி வரையும், சில்லறை விற்பனை காலை 10 முதல் இரவு 10 மணி வரையும் நடைபெறும். இங்கு நாள் ஒன்றுக்கு சுமார் 650க்கும் மேற்பட்ட வாகனங்களும் இயக்கப்பட்டு வருகின்றன. இங்கு தமிழகத்தின் பல்வேறு மாவட்டங்களிலிருந்தும், அண்டை மாநிலங்களிலிருந்தும் காய்கறிகள் மூட்டை மூட்டையாக லாரிகளில் வருகின்றன. தற்போது வடகிழக்கு பருவமழை தொடங்கியுள்ளதால் வெங்காயம், தக்காளி விலை கிடுகிடுவென உயர்ந்துள்ளது.

தக்காளி, வெங்காயம் விலை

இந்நிலையில் சென்னை கோயம்பேட்டில் இன்றைய(26-10-2026) காய்கறி விலை என்ன என்பதை பார்ப்போம். பெரிய வெங்காயம் ஒரு கிலோ 73 முதல் 86 ரூபாய்க்கும், சின்ன வெங்காயம் ஒரு கிலோ 61 முதல் 72 ரூபாய்க்கும், தக்காளி ஒரு கிலோ 41 முதல் 48 ரூபாய்க்கும், பச்சை மிளகாய் ஒரு கிலோ 61 முதல் 72 ரூபாய்க்கும், பீட்ரூட் ஒரு கிலோ 46 ரூபாய்க்கும், உருளைக்கிழங்கு ஒரு கிலோ 32 முதல் 38 ரூபாய்க்கும், வாழைப்பூ ஒரு கிலோ 21 ரூபாய்க்கும், குடைமிளகாய் ஒரு கிலோ 57 முதல் 68 ரூபாய்க்கும், பாகற்காய் ஒரு கிலோ 52 ரூபாய்க்கும், சுரைக்காய் ஒரு கிலோ 36 ரூபாய்க்கும், பட்டர் பீன்ஸ் ஒரு கிலோ 46 முதல் 55 ரூபாய்க்கும் விற்பனையாகிறது.

காய்கறிகளின் விலை நிலவரம்

அவரைக்காய் ஒரு கிலோ 50 முதல் 59 ரூபாய்க்கும், முட்டைக்கோஸ் ஒரு கிலோ 36 ரூபாய்க்கும், கேரட் ஒரு கிலோ 47 ரூபாய்க்கும், காலிபிளவர் ஒரு கிலோ 39 முதல் 46 ரூபாய்க்கும், கொத்தவரை ஒரு கிலோ 56 ரூபாய்க்கும், முருங்கைக்காய் ஒரு கிலோ 66 முதல் 78 ரூபாய்க்கும், கத்திரிக்காய் ஒரு கிலோ 44 ரூபாய்க்கும், பீன்ஸ் ஒரு கிலோ 68 முதல் 81 ரூபாய்க்கும், இஞ்சி ஒரு கிலோ 146 முதல் 173 ரூபாய்க்கும், கோவைக்காய் ஒரு கிலோ 42 முதல் 49 ரூபாய்க்கும், மாங்காய் ஒரு கிலோ 97 முதல் 114 ரூபாய்க்கும், வெண்டைக்காய் ஒரு கிலோ 39 ரூபாய்க்கும், பூசணி ஒரு கிலோ 25 ரூபாய்க்கும், முள்ளங்கி ஒரு கிலோ 33 முதல் 39 ரூபாய்க்கும், பீர்க்கங்காய் ஒரு கிலோ ரூ. 52 ரூபாய்க்கும், புடலங்காய் ஒரு கிலோ 35 முதல் 42 ரூபாய்க்கு விற்பனை செய்யப்பட்டு வருகிறது.

கோயம்பேடு மார்க்கெட்டில் கிடுகிடுவென உயர்ந்த வெங்காயம் விலை! அதிர்ச்சியில் பொதுமக்கள்!

வினோத்குமார் — Sun, 25 Oct 2026 20:05:26 +0530

தமிழகத்தில் அரிசி, பருப்பு, எண்ணெய், காய்கறி உள்ளிட்ட அத்தியாவசிய பொருட்களின் விலை கிடுகிடுவென உயர்ந்து பொதுமக்களை அதிர்ச்சி அடைய செய்து வருகிறது. இதனை கட்டுப்படுத்த அரசும் பல்வேறு நடவடிக்கைகளை மேற்கொண்டு வருகிறது. இந்நிலையில் சாம்பார், பிரியாணி, பொறியல், கூட்டு என அனைத்து வித சமையலுக்கு இன்றியமையாத ஒன்றாக வெங்காயம் உள்ளது. கடந்த சில மாதங்களாக 5 கிலோ ரூ.100 என்று விற்பனை செய்யப்பட்டு வந்த வெங்காயம் மீண்டும் உச்சம் தொட்டுள்ளது. அதாவது ஒரு கிலோ ரூ.60-க்கு விற்பனை செய்யப்படுகிறது.

கோயம்பேடு மார்க்கெட்

ஆசியாவிலேயே மிகப்பெரிய மார்க்கெட்டாக விளங்கும் கோயம்பேடு மார்க்கெட்டில் வெங்காயத்தின் விலை மீண்டும் உச்சம் தொட்டுள்ளது. அதாவது, கடந்த ஆகஸ்டு மாதம் 7-ம் தேதி ஒரு கிலோ முதல் ரக வெங்காயம் ரூ.35-க்கு விற்பனை செய்யப்பட்டது. இந்த வெங்காய விலை கிடுகிடுவென ஆகஸ்டு 23-ம் தேதி கிலோ ரூ.50-க்கு விற்பனை செய்யப்பட்டது.

இதையும் படிங்க: DA Hike: மத்திய அரசு ஊழியர்கள், ஓய்வூதியதாரர்களுக்கு சூப்பர் செய்தி! விரைவில் காத்திருக்கும் தீபாவளி பரிசு?

ரேஷன் கடைகளில் வெங்காயம் விற்பனை

பின்னர் கடந்த செப்டம்பர் மாதம் 22-ம் தேதி கிலோ ரூ.60-க்கு விற்பனை செய்யப்பட்டது. இதனை கட்டுப்படுத்த அரசு அதிரடி நடவடிக்கை மேற்கொண்டது. அதாவது தேசிய வேளாண்மை கூட்டுறவு விற்பனை இணையம் மற்றும் தேசிய கூட்டுறவு நுகர்வோர் கூட்டமைப்பு ஆகியவற்றின் மூலம் நாசிக்கில் இருந்து வெங்காயம் கொள்முதல் செய்து கடந்த செப்டம்பர் 3ம் தேதி முதல் நகர்ப்புற ரேஷன் கடைகளில் ஒரு ரேஷன் கடைகளில் ஒரு ரேஷன் அட்டைக்கு ஒரு கிலோ வெங்காயம் ரூ.35-க்கு விற்பனை செய்யப்பட்டு வருகிறது.

நாசிக் வெங்காயம் எவ்வளவு?

எனினும், வெங்காயத்தின் விலை கிடுகிடுவென உயர்ந்து கடந்த செப்டம்பர் 22-ம் தேதி கிலோ ரூ.60-க்கு விற்பனை செய்யப்பட்டது. அதன்பிறகு வெங்காயத்தின் விலை படிப்படியாக குறைந்து கடந்த 20-ம் தேதி ஒரு கிலோ வெங்காயம் வெங்காயம் ரூ.46-க்கு விற்பனை செய்யப்பட்டது. இந்நிலையில், கடந்த சில தினங்களில் வெங்காயம் விலை மீண்டும் கிடுகிடுவென உயர்ந்து நேற்று கிலோ ரூ.60-க்கு விற்பனை செய்யப்பட்டது. அதே நேரத்தில் ஆந்திர வெங்காயம் சிறியது கிலோ ரூ.36 பெரியது கிலோ ரூ.42-க்கும் விற்பனை செய்யப்பட்டது. கர்நாடக வெங்காயம் சிறியது கிலோ ரூ.38-க்கும் பெரியது கிலோ ரூ.60-க்கும் விற்பனை செய்யப்பட்டது. நாசிக் வெங்காயம் சிறியது கிலோ ரூ.40-க்கு விற்பனை செய்யப்படுவது குறிப்பிடத்தக்கது.

Jio IPO: இந்திய சந்தையில் புது வரலாறு..! ஜியோ ப்ளாட்ஃபார்ம் IPO பங்குகள் - ரூ.7.4 லட்சம் கோடிக்கு ஏலம்

குலசேகரன் முனிரத்தினம் — Sat, 24 Oct 2026 08:08:14 +0530

Jio Platforms IPO: ஜியோ ப்ளாட்ஃபார்ம் பங்குகள் இந்திய பங்குச்சந்தையில் முன்னெப்போதும் இல்லாத வகையிலான முதலீட்டார்களை ஈர்த்து பலரையும் ஆச்சரியத்தில் ஆழ்த்தியுள்ளது.

ரூ.7.4 லட்சம் கோடிக்கு ஏலம்:

ஜியோ ப்ளாட்ஃபார்ம்ஸின் ஆரம்பப் பொதுப் பங்களிப்பு (IPO), அதன் மூன்று நாள் சந்தாக் காலத்தில், முக்கிய முதலீட்டாளர்களின் தேவை உட்பட, சுமார் 7 லட்சத்து 40 ஆயிரம் கோடி ரூபாய் மதிப்பிலான ஏலங்களை ஈர்த்துள்ளது. ரூ.30,213 கோடி மதிப்பிலான இந்த வெளியீட்டிற்கு 1.38 கோடிக்கும் அதிகமான விண்ணப்பங்கள் பெறப்பட்டு, ஒட்டுமொத்தமாக 22.19 மடங்கு சந்தாவுடன் நிறைவடைந்தது. இதன்வாயிலாக இந்தியாவின் முதன்மைச் சந்தையில் இதுவரை இல்லாத பல புதிய மைல்கற்களை ஜியோ நிறுவனம் எட்டியுள்ளது. அக்டோபர் 21 அன்று ஏலம் தொடங்கிய முதல் 100 நிமிடங்களுக்குள், இந்த ஐபிஓ முழுமையான சந்தா அளவைத் தாண்டியது. நிறுவன முதலீட்டாளர்கள், சில்லறை விண்ணப்பதாரர்கள் மற்றும் பிற முதலீட்டாளர் பிரிவினரின் வலுவான பங்கேற்பு, இறுதித் தேவைக்குக் காரணமாக அமைந்தது. ஏல நடைமுறை நிறைவடைந்துள்ளதை தொடர்ந்து, பங்கு ஒதுக்கீடு மற்றும் நிறுவனத்தின் முன்மொழியப்பட்ட பங்குச் சந்தை அறிமுகம் ஆகியவற்றின் பக்கம் கவனம் திரும்பியுள்ளது.

1.38 கோடிக்கும் அதிகமான விண்ணப்பங்கள்:

இந்த வெளியீட்டிற்காக மேற்கோள் காட்டப்பட்ட புள்ளிவிவரங்களின்படி, ஜியோ ப்ளாட்ஃபார்ம்ஸ் 1.38 கோடிக்கும் அதிகமான விண்ணப்பங்களைப் பதிவுசெய்துள்ளது. இதன் மூலம், உலகளவில் ஒரு கோடி என்ற இலக்கைக் கடந்த முதல் IPO என்ற பெருமையை பெற்றுள்ளது. விண்ணப்பங்களின் எண்ணிக்கை முந்தைய உலகளாவிய அளவுகோலை விட சுமார் 42% அதிகரித்துள்ளது. இது முதலீட்டாளர் பிரிவுகள் முழுவதும் உள்ள பங்கேற்பின் அளவை எடுத்துக்காட்டுகிறது. இந்த வரவேற்பு, இந்திய மூலதனச் சந்தையின் வரலாற்றில் மிகவும் உன்னிப்பாகக் கவனிக்கப்படும் பொது வெளியீடுகளில் ஒன்றாக இந்த வெளியீட்டை நிலைநிறுத்துகிறது. இதில் தனிநபர் முதலீட்டாளர்கள் மற்றும் நிறுவனப் பங்கேற்பாளர்கள் இருவருமே தேவைக்குப் பங்களிக்கின்றனர்.

ரூ.30,213 கோடி மதிப்பிலான வெளியீட்டின் சாதனை

ரூ.30,213 கோடி மதிப்பிலான பங்குகளை வெளியிட்டு, ஜியோ ப்ளாட்ஃபார்ம்ஸ் இந்தியாவின் மிகப்பெரிய ஐபிஓ என்ற புதிய சாதனையை படைத்துள்ளது. இந்த வெளியீடு முழுவதுமாக ஒரு புதிய பங்கு வெளியீடாகவே கட்டமைக்கப்பட்டிருந்தது. அதாவது, ஏற்கனவே உள்ள பங்குதாரர்கள் இந்தப் பொது வெளியீட்டின் மூலம் தங்களது பங்குகளை விற்கவில்லை. அக்டோபர் 21 அன்று ஏலம் தொடங்கிய சுமார் 100 நிமிடங்களுக்குள் இந்த வெளியீடு முழுமையாக சந்தா செய்யப்பட்டது. முதல் நாள் முடிவில் சந்தா 3.16 மடங்காக இருந்தது, இரண்டாம் நாள் முடிவில் அது 5.57 மடங்காக அதிகரித்தது. இறுதி நாளில் தேவை மேலும் வலுப்பெற்றதால், ஒட்டுமொத்த சந்தா 22.19 மடங்காக உயர்ந்தது.

நிறுவன முதலீட்டாளர்கள் தீவிரம்:

தகுதிவாய்ந்த நிறுவன முதலீட்டாளர்கள் (QIBs) சுமார் ரூ.3.87 லட்சம் கோடி மதிப்பிலான ஏலங்களைச் சமர்ப்பித்தனர். மேலும் அவர்களின் பிரிவு மட்டுமே 70.55 மடங்கு சந்தா செலுத்தியுள்ளது. நிறுவனசாரா முதலீட்டாளர் (NII) பிரிவு 14 மடங்கு சந்தாவைப் பதிவு செய்துள்ளது. ஆங்கர் அல்லாத முதலீட்டாளர்கள் சுமார் ரூ.4.90 லட்சம் கோடி மதிப்பிலான ஏலங்களைச் சமர்ப்பித்த நிலையில், ஆங்கர் முதலீட்டாளர்கள் சுமார் ரூ.2.50 லட்சம் கோடி தேவை இருப்பதாகக் குறிப்பிட்டனர். இவை இரண்டையும் சேர்த்து ஏலங்களின் மொத்த மதிப்பு சுமார் ரூ.7.40 லட்சம் கோடியாக உள்ளது. இந்தப் புள்ளிவிவரங்கள், குறிப்பாகப் பெரிய நிறுவன முதலீட்டாளர்களிடமிருந்து, இந்த வெளியீட்டிற்கான தேவையின் அளவைப் பிரதிபலிக்கின்றன. இருப்பினும், ஏலங்களின் மொத்த மதிப்பானது, ஐபிஓ மூலம் நிறுவனம் இறுதியில் பெறும் வருவாயிலிருந்து வேறுபட்டது.

சில்லறை முதலீட்டாளர்கள் ஆர்வம்

சில்லறைப் பிரிவில், ஒதுக்கப்பட்டுள்ள சுமார் 8.5 கோடி பங்குகளுக்கு எதிராக 23 கோடிக்கும் அதிகமான பங்குகளுக்கான ஏலங்கள் கோரப்பட்டதன் விளைவாக, 2.72 மடங்கு சந்தா பெறப்பட்டது. தகுதியுள்ள ரிலையன்ஸ் பங்குதாரர்களுக்கான பங்குதாரர் ஒதுக்கீட்டுப் பிரிவு 7.60 மடங்கு சந்தா பெறப்பட்டது. அதே நேரத்தில் ஊழியர் பிரிவு 2.93 மடங்கு சந்தாவைப் பதிவு செய்தது. இந்தத் திட்டத்தின் மீதான ஆர்வம், நிறுவன நிதிகளைத் தாண்டி தனிப்பட்ட முதலீட்டாளர்கள், தகுதியுள்ள பங்குதாரர்கள் மற்றும் ஊழியர்களிடமும் பரவியிருந்ததை புள்ளிவிவரங்கள் சுட்டிக்காட்டுகின்றன.

அக்டோபர் 26-ல் பங்குகள் ஒதுக்கீடு?

அக்டோபர் 23 அன்று ஏல செயல்முறை முடிவடைந்ததைத் தொடர்ந்து, பங்கு ஒதுக்கீட்டை இறுதி செய்வதும், முன்மொழியப்பட்ட பங்குச் சந்தைப் பட்டியலிடலும் அடுத்தகட்ட நடவடிக்கைகளாகும். திட்டமிடப்பட்ட கால அட்டவணையின்படி, அக்டோபர் 26 அன்று பங்கு ஒதுக்கீடு இறுதி செய்யப்படும் என எதிர்பார்க்கப்படுகிறது. அதே வேளையில் ஜியோ பிளாட்ஃபார்ம்ஸ் பங்குகள் அக்டோபர் 28 அன்று பட்டியலிடப்பட உத்தேசிக்கப்பட்டுள்ளது. முதலீட்டாளர்கள் இப்போது ஒதுக்கீட்டு முடிவையும் பங்கின் சந்தை அறிமுகத்தையும் எதிர்பார்த்துக் காத்திருப்பார்கள். அதன் அளவு, விண்ணப்பங்களின் எண்ணிக்கை மற்றும் முதலீட்டாளர் தேவையின் வீச்சு ஆகியவற்றால் கவனத்தை ஈர்த்துள்ள ஒரு ஐபிஓ-வின் அடுத்த கட்டமாக இந்தப் பட்டியலிடல் அமையும்.