Yamaha GST Price Cut: அடிச்சது ஜாக்பாட் ! R15 முதல் Fascino! GST குறைப்புடன் பண்டிகை கால சலுகை! மிஸ் பண்ணிடாதீங்க!

யமஹா மோட்டார் (IYM) பிரைவேட் லிமிடெட் நிறுவனம் ஜிஎஸ்டி விலை குறைப்பின் முழுப் பலனையும் வாடிக்கையாளர்களுக்கு வழங்க இருப்பதாக அறிவித்துள்ளது.

ஜிஎஸ்டி மறுசீரமைப்பு

ஜிஎஸ்டி 2.0க்கு பின்னர் பைக் மற்றும் ஸ்கூட்டர் போன்றவற்றின்  விலைகள் குறிப்பிடத்தக்க அளவில் குறைய உள்ளது. இதன் காரணமாக மக்கள் பைக்குகளை வாங்க ஆர்வமுடன் உள்ளனர். 

இந்த நிலையில் இந்திய இருசக்கர வாகன சந்தையில் வாடிக்கையாளர்களுக்கு இனிப்பான செய்தியை தரும் வகையில், யமஹா மோட்டார் (IYM) பிரைவேட் லிமிடெட் நிறுவனம் ஜிஎஸ்டி விலை குறைப்பின் முழுப் பலனையும் வாடிக்கையாளர்களுக்கு வழங்க இருப்பதாக அறிவித்துள்ளது. இது செப்டம்பர் 22, 2025 முதல் இந்த மாற்றம் அமலுக்கு வரும் என்று தெரிவிக்கப்பட்டுள்ளது.

பண்டிகை கால விற்பனைக்கு ஊக்கம்

பொதுவாக பண்டிகை காலத்தில் வாகன விற்பனையானது அதிகரிக்கும். இந்நிலையில், யமஹா நிறுவனம் விலை குறைப்பை முழுமையாக வாடிக்கையாளர்களுக்கு வழங்குவதாக அறிவித்திருப்பது, விற்பனைக்கு கூடுதல் ஊக்கத்தை தரும் என்று நிபுணர்கள் கருதுகின்றனர். விலை குறைப்பு காரணமாக, பல்வேறு வாடிக்கையாளர் பிரிவுகள் தங்களுக்கு பிடித்த பைக் மற்றும் ஸ்கூட்டர்களை மலிவான விலையில் பெறும் வாய்ப்பை பயன்படுத்திக்கொள்ளலாம்.

அதிகாரப்பூர்வ அறிவிப்பு

இந்தியாவில் உள்ள யமஹா மோட்டார் குழுமத்தின் தலைவர் இதாரு ஓடானி கூறியதாவது:
"இந்திய அரசின் ஜிஎஸ்டி குறைப்பு நடவடிக்கை மிக நேர்த்தியான முடிவு. இது இருசக்கர வாகனத் தேவையை பண்டிகை காலத்தில் பெரிதும் அதிகரிக்கும். விலை குறைப்பால் வாடிக்கையாளர்களுக்கு நேரடி நன்மை கிடைக்கும். இதனால் சந்தை வளர்ச்சியும் மேம்படும். யமஹா நிறுவனமாக, இந்த நன்மையை முழுமையாக எங்கள் வாடிக்கையாளர்களிடம் கொண்டு செல்லுவதில் பெரும் மகிழ்ச்சி அடைகிறோம்." என்று தெரிவித்தார்.

வாடிக்கையாளர்களுக்கான நன்மை

இந்த ஜிஎஸ்டி விலை குறைப்பால், யமஹாவின் பிரபல மாடல்களில் — R15, MT15, FZ-S Fi Hybrid, FZ-X Hybrid, Aerox 155, RayZR, Fascino — ஆகியவற்றுக்கு ₹7,759 முதல் ₹17,581 வரை சலுகை கிடைக்கிறது. இது மாணவர்கள், இளைஞர்கள், குடும்பங்கள் என அனைவருக்கும் பெரிய நன்மையை தரும்.

விலை குறைப்பின் விவரம்(EX SHOWROOM) (செப்டம்பர் 22, 2025 முதல்)

மாடல்	பழைய விலை	புதிய விலை	ஜிஎஸ்டி நன்மை வரை
R15	₹1,86,309	₹1,68,728	₹17,581
MT15	₹1,71,189	₹1,56,225	₹14,964
FZ-S Fi Hybrid	₹1,35,929	₹1,23,898	₹12,031
FZ-X Hybrid	₹1,31,729	₹1,19,299	₹12,430
Aerox 155 Version S	₹1,51,319	₹1,38,566	₹12,753
RayZR	₹81,360	₹73,601	₹7,759
Fascino	₹80,750	₹72,241	₹8,509

பண்டிகை காலத்துக்கு சிறப்பு வாய்ப்பு

இந்த விலை குறைப்பு பண்டிகை சீசனில் வாடிக்கையாளர்களை ஈர்க்கும் வகையில் அமையும் என எதிர்பார்க்கப்படுகிறது. முன்பதிவு செய்யும் வாடிக்கையாளர்கள் நேரடியாக இந்த நன்மையைப் பெறுவார்கள்.

மொத்தத்தில், யமஹாவின் இந்த அறிவிப்பு பண்டிகை கால வாகன சந்தையில் பெரிய மாற்றத்தை ஏற்படுத்தி, வாடிக்கையாளர்களுக்கும், நிறுவனத்திற்கும் இருதரப்புக்கும் கூடுதல் பலனாக அமையும் என்று நிபுணர்கள் கூறுகின்றனர்.

Car loan Information: