Crossover Cars: இந்தியாவில் மட்டுமின்றி உலகளவில் தற்போது செடான் அல்லது ஹேட்ச்பேக்குகளை விட கிராஸ் ஓவர் கார்கள் அதிக பிரபலமாக உள்ளன.
கிராஸ் ஓவர் கார் மாடல்கள்:
இந்திய சந்தையில் ஆட்டோமொபைல் துறையில் பல புதிய டிரெண்ட்களை நாம் பார்த்திருக்கிறோம். அத்தகைய தனித்துவமான மற்றொரு மாற்றம் என்பது கிராஸ் ஓவர்கள் மீதான ஈர்ப்பாகும். இந்த வகையிலான கார்கள் இந்திய ஆட்டோமொபைல் சந்தையில் அதிக கவனத்தை பெறுகின்றன. மேலும் வாங்குபவர்களின் போக்குகள் எவ்வாறு மாறுகின்றன என்பதைக் கருத்தில் கொள்வது கடினம் அல்ல. எஸ்யுவிக்கள் என்பது டிரக்குகளின் சேஸின் மீது கட்டமைக்கப்பட்டு அதிக எடையை கொண்டிருக்கும். அதேநேரம், கிராஸ் ஓவர் என்பது குறிப்பிட்ட கார் மாடலின் ஃபிளாட்ஃபார்மில் லேசானதாகவும், அதிக கிரவுண்ட் கிளியரன்ஸை கொண்டதாகவும் வடிவமைக்கப்படும்.
கிராஸ்ஓவர் கார்களில் உள்ள வித்தியாசம் என்ன?
SUVகள் பொதுவாக பாடி-ஆன்-ஃபிரேம் வடிவமைப்பை கொண்டவை. ஆனால், கிராஸ்ஓவர் கார்களில் கார் பிளாட்ஃபார்ம் அடிப்படையில் உருவாக்கப்படுகிறது. எனவே, இது அதிக மலிவு விலையை கொண்டுள்ளது. இந்த வகையில் வரும் கார்கள் மிகவும் பிரபலமானது என்பதும், இந்த கார்களை வாங்க மற்றொரு காரணமாகும். கிராஸ்ஓவர்கள் அடிப்படையில் காரின் டைனமிக் திறன்களை ஒருங்கிணைக்கிறது. ஆனால் ஒரு SUVயை விட அதிக கிரவுண்ட் கிளியரன்ஸ் கொண்டுள்ளது.
பொதுவாக கிராஸ் ஓவர் கார்கள் வழக்கமான SUV களைப் போல பெரியதாக இருக்காது. ஆனால் அவற்றின் சில குணாதிசயங்களைக் கொண்டுள்ளன. எனவே, கிராஸ்ஓவர்கள் ஒரு செடான் மற்றும் SUV ஆகிய இரண்டின் நன்மைகளையும் கொண்ட கலவையாகும். கிராஸ்ஓவர் கார்கள், சிறந்த ஆன்-ரோடு டிரைவிங் மற்றும் செயல்திறனுடன் இயங்குதளத்தின் காரணமாக அதிக இடவசதியின் நடைமுறைத்தன்மையை கொண்டுள்ளன. இந்தியாவில் மட்டுமல்ல, உலகளவில், கிராஸ்ஓவர்கள் இப்போது செடான் அல்லது ஹேட்ச்பேக்குகளை விட மிகவும் பிரபலமாக உள்ளன. காரணம் அவை அதிக கிரவுண்ட் கிளியரன்ஸ் கொண்டவை என்பதோடு, அடிப்படையில் சாதாரண காரைப் போலவே ஓட்டுவது எளிது.
கிராஸ் ஓவரை நோக்கிய டிரெண்ட்:
கார் அடிப்படையிலான எஸ்யூவிகளின் டிரெண்ட் அதிகரித்து வருகிறது, மேலும் பல துணைப் பிரிவுகளும் உள்ளன. மலிவு விலையில் ஹேட்ச்பேக்கரை அடிப்படையாகக் கொண்ட மலிவு விலையிலான க்ராஸ்ஓவர்கள் இருக்கையில், அதிக அம்சங்களுடன் கூடிய அதிக விலையுள்ள கிராஸ் ஓவர் கார்களும் இந்திய சந்தையில் உள்ளன. அதே நேரத்தில் காரின் ஓட்டும் அனுபவமும் உள்ளது. இந்தியாவில், கிராஸ்ஓவர் அடிப்படையிலான கார்கள் ஒரு தசாப்தத்திற்கு முன்பே வரத் தொடங்கின. ஆனால் இப்போது இந்த போக்கு சிறந்த தயாரிப்புகளுடன் கணிசமாக வளர்ந்துள்ளது.
தற்போது SUVish தோற்றத்தைப் பராமரிக்கும் அதே வேளையில் பல உடல் பாணிகளை இணைக்கும் போக்கு வளர்ந்துள்ளது. எனவே, எதிர்வரும் காலங்களில் இந்திய ஆட்டோமொபைல் சந்தையில் கிராஸ்ஓவர் கார்களின் டிரெண்ட் மேலும் அதிகரிக்கும் என நம்பப்படுகிறது.
Car loan Information:
Calculate Car Loan EMI