Vinfast VF5 Facelift: வின்ஃபாஸ்ட் நிறுவனத்தின் அப்க்ரேட் செய்யப்பட்ட VF5 மாடலில் புதியதாக வழங்கப்பட்டுள்ள அம்சங்கள், வசதிகள் கீழே விவரிக்கப்பட்டுள்ளன.

Continues below advertisement

வின்ஃபாஸ்ட் VF5 ஃபேஸ்லிஃப்ட்

வின்ஃபாஸ்ட் நிறுவனம் , இந்திய சந்தைக்கான புதிய மேம்படுத்தப்பட்ட VF5 மாடலை அதிகாரப்பூர்வமாக அறிமுகப்படுத்தியுள்ளது. கடந்த 2022ம் ஆண்டில் அறிமுகப்படுத்தப்பட்ட VF5, நிறுவனத்தின் சிறிய மின்சார கிராஸ்ஓவர் வாகனமாகும். அதோடு வியட்நாமைச் சேர்ந்த மின்சார வாகனத் தயாரிப்பாளர் சார்பில் உலகளவில் அதிகம் விற்பனையாகும் மாடல்களில் ஒன்றாகும். இந்நிலையில் அறிமுகப்படுத்தப்பட்ட நான்காவது ஆண்டில் VF5 மாடல் முழுமையாகப் புதுப்பிக்கப்பட்டுள்ளது. இதன் மூலம் கூடுதலான நேர்த்தியான வடிவமைப்பு, மறுவடிவமைக்கப்பட்ட உட்புறம் மற்றும் ஒரு பெரிய பேட்டரி பேக் ஆகியவை கொண்டுவரப்பட்டுள்ளன.

Continues below advertisement

VF5 ஃபேஸ்லிஃப்ட் - டிசைன் அப்க்ரேட்கள்

வெளிப்புறத் தோற்றத்தை பொறுத்தவரை, VF5 ஃபேஸ்லிஃப்ட் அதன் முந்தைய மாடலுடன் ஒப்பிடும்போது முற்றிலும் மாறுபட்டுள்ளது. SUV போன்ற தோற்றத்தை அளிக்கும் வகையில், இதன் விகிதாச்சாரங்கள் சதுரமாகவும் மிகவும் செங்குத்தாகவும் உள்ளன. மேலும், 3,987 மிமீ நீளம், 1,772 மிமீ அகலம் மற்றும் 1,595 மிமீ உயரம் கொண்ட இந்த VF5 ஃபேஸ்லிஃப்ட், முந்தைய மாடலை விட 20 மிமீ நீளமாகவும், 49 மிமீ அகலமாகவும், 16 மிமீ உயரமாகவும் உள்ளது. அதேநேரம் 2,514 மிமீ வீல்பேஸ் மாற்றமின்றி இருக்கும் என எதிர்பார்க்கப்படுகிறது.

முன்பகுதி, முந்தைய மாடலில் இருந்த சுற்றிலும் அமைந்த க்ரோம் ட்ரிம் பாகங்களைத் தக்க வைத்துக் கொண்டுள்ளது, ஆனால் இங்கே, அவை நீளமாகவும் தட்டையாகவும் உள்ளன. இந்த க்ரோம் டிரிம் பாகங்கள், வின்ஃபாஸ்ட் சின்னத்தை சிறப்பித்துக் காட்டும் வகையில், ஃபேஷியாவின் மையத்தில் கீழ்நோக்கிச் செல்கின்றன. பம்பரில் ஹெட்லைட்கள், ஒரு மெல்லிய ஜோடி செங்குத்து ஏர் இன்டேக்குகள் மற்றும் ஒரு ஸ்லாட்டட் ஏர் டேம் ஆகியவை பொருத்தப்பட்டுள்ளன.

இதையும் படியுங்கள்: Hyundai Creta: லேப்டாப் சைஸில் ஸ்க்ரீன்..! புதிய இன்ஃபோடெயின்மெண்ட் சிஸ்டம் - கொரியாவின் புது மிட்-சைஸ் SUV

பக்கவாட்டில், VF5 ஃபேஸ்லிஃப்ட் மாடலில் கணிசமான அளவு பாடி க்ளாடிங், 17-இன்ச் ஏரோ-ஆப்டிமைஸ்டு அலாய் வீல்கள் மற்றும் மிகவும் வளைந்த விண்டோ லைன் ஆகியவை இடம்பெற்றுள்ளன. பின்பகுதியில் முழு அகல LED லைட் பார், சாய்வான விண்ட்ஸ்கிரீன், ஒருங்கிணைந்த ஸ்டாப்-லேம்புடன் கூடிய பெரிய ரூஃப் ஸ்பாய்லர் மற்றும் பம்பரில் தடிமனான கருப்பு க்ளாடிங் ஆகியவை முக்கியமாக இடம்பெற்றுள்ளன.

VF5 ஃபேஸ்லிஃப்ட் - புதிய அம்சங்கள், வசதிகள்

VF5 ஃபேஸ்லிஃப்ட் மாடலின் உட்புறத்திலும் கணிசமான வடிவமைப்பு மாற்றங்களை வின்ஃபாஸ்ட் வழங்கியுள்ளது. முந்தைய எடிஷனில் இருந்த விசித்திரமான, ஏங்குலர் வடிவ டேஷ்போர்ட் அமைப்பு நீக்கப்பட்டு, தட்டையான மற்றும் மிகவும் எளிமையான வடிவமைப்பு கொண்டுவரப்பட்டுள்ளது. மையத்தில் உள்ள டச்ஸ்க்ரீன் இப்போது 8 இன்ச்சிலிருந்து 10 இன்ச்சிற்கு விரிவுபடுத்தப்பட்டுள்ளது, மேலும் ஸ்டீயரிங் வீலும் ஒரு புதிய இரு-ஸ்போக் யூனிட்டாக உள்ளது. குறிப்பாக, வின்ஃபாஸ்ட் டிஜிட்டல் ட்ரைவர் டிஸ்ப்ளேவை நீக்கிவிட்டு, VF6 மற்றும் VF7 மாடல்களைப் போலவே இன்ஸ்ட்ரூமென்டேஷனை 10 இன்ச் தொடுதிரைக்குள் இணைத்துள்ளது.

கீழ்ப்பகுதியில், சென்டர் கன்சோலில் இருந்த சுழலும் டிரைவ் செலக்டரும் அகற்றப்பட்டுள்ளது. மாறாக தற்போது ஸ்டீயரிங் வீலுக்குப் பின்னால் உள்ள வலது பக்க ஸ்டாக் அந்தப் பணியைச் செய்கிறது. அதன் இடத்தில் ஒரு வயர்லெஸ் சார்ஜிங் பேட் பொருத்தப்பட்டுள்ளது, அதற்குப் பின்னால் இரண்டு கப்ஹோல்டர்களும் ஒரு நகரும் ஆர்ம்ரெஸ்ட்டும் உள்ளன. இருக்கைகளும் லெதரெட் அப்ஹோல்ஸ்டரியுடன் டூயல்-டோன் ஃபினிஷிங்கைப் பெறுகின்றன.

பவர்ட்ரெயினில் அப்டேட் என்ன?

பவர்ட்ரெயின் அடிப்படையில் எந்தவித மாற்றமும் இன்றி, ஏற்கனவே உள்ள 29.6KWh மற்றும் 37.23KWh என்ற இரண்டு பேட்டரி ஆப்ஷன்களை அப்படியே தொடர்கிறது. இது 260 முதல் 326 கிலோ மீட்டர் தூரம் வரை ரேஞ்ச் அளிக்கிறது. நடப்பாண்டு இறுதி அல்லது அடுத்தாண்டு தொடக்கத்தில் இந்த கார் உள்ளூரில் சந்தைப்படுத்தப்படும்போது, 10 லட்சம் தொடங்கி 14 லட்சம் ரூபாய் (எக்ஸ்-ஷோரூம்) வரை நீளும் என கூறப்படுகிறது. 


Car loan Information:

Calculate Car Loan EMI