TVS Raider 125 Doctor Doom Edition: டிவிஎஸ் ரெய்டர் 125 டாக்டர் டூம் ஸ்பெஷல் எடிஷனில் உள்ள புதிய அம்சங்கள் குறித்த விவரங்களை இந்த தொகுப்பில் அறியலாம்.
டிவிஎஸ் ரெய்டர் 125 டாக்டர் டூம் ஸ்பெஷல் எடிஷன்
இந்திய ஆட்டோமொபைல் சந்தையில் டிவிஎஸ் ரெய்டர் 125 சூப்பர் ஸ்குவாட் எடிஷனின் லைன் -அப்பானது, புதிய டாக்டர் டூம் எடிஷன் மூலம் விரிவுபடுத்தப்பட்டுள்ளது. இதன் எக்ஸ் ஷோரூம் விலை 95 ஆயிரத்து 320 ரூபாயாக நிர்ணயிக்கப்பட்டுள்ளது. வழக்கமான சூப்பர் ஸ்குவாட் எடிஷனில் உள்ள அதே மெக்கானிக்கல் அம்சங்களை அப்படியே தக்கவைத்துக்கொண்டு, இந்த 125சிசி கம்யூட்டர் பைக்கிற்கு ஒரு புத்தம் புதிய மார்வெல் தீம் கொண்ட வடிவமைப்பு வழங்கப்பட்டுள்ளது.
டிவிஎஸ் ரெய்டர் 125 டாக்டர் டூம் எடிஷன் - புது அம்சங்கள்?
ரைடர் 125 மற்றும் என்டார்க் ஆகியவற்றை உள்ளடக்கிய, மார்வெல் தீமை கொண்ட சூப்பர் ஸ்குவாட் அணி, அறிமுகப்படுத்தப்பட்டதிலிருந்து 5 லட்சம் யூனிட்கள் விற்பனையாகி அசத்தியுள்ளது. புதிய டாக்டர் டூம் எடிஷன், ஸ்பெக்ட்ரல் கிரீன் என்ற வண்ணத்தில் வடிவமைக்கப்பட்டுள்ளது. இது பல்வேறு ஒளி நிலைகளில் பச்சை நிறத்திலிருந்து பழுப்பு நிறத்திற்கு மாறும் பலவண்ண விளைவைக் கொண்டுள்ளது. மேலும், இதன் எரிபொருள் டேங்க் மற்றும் பக்கவாட்டுப் பேனல்களில் டாக்டர் டூம் கதாபாத்திரத்தில் ஈர்க்கப்பட்ட க்ராபிக்ஸ் காட்சிகள் இடம்பெற்றுள்ளன. இது அயர்ன் மேன், ப்ளாக் பாந்தர், டெட்பூல் மற்றும் வோல்வரின் தீம் கொண்ட மோட்டார் சைக்கிள்களை உள்ளடக்கிய ஏற்கனவே உள்ள சூப்பர் ஸ்குவாட் எடிஷன் வரிசையில் இணைகிறது. TVS நிறுவனம், இந்த அறிமுகம் தங்களது மார்வெல் கூட்டணியின் தொடர்ச்சியாகும் என்றும், Raider 125 மற்றும் NTorq உள்ளிட்ட சூப்பர் ஸ்குவாட் மாடல்கள் அறிமுகப்படுத்தப்பட்டதிலிருந்து 5 லட்சம் மொத்த விற்பனையைக் கடந்துள்ளன என்று பெருமிதம் தெரிவித்துள்ளது.
ரெய்டர் 125 டாக்டர் டூம் எடிஷன் - இன்ஜின் விவரங்கள்
இன்ஜின் ரீதியாக, டாக்டர் டூம் எடிஷன் தற்போதுள்ள ரைடர் சூப்பர் ஸ்குவாட் மாடல்களை போன்று அப்படியே தொடர்கிறது. இது 11.4hp மற்றும் 11.7Nm ஆற்றலை உற்பத்தி செய்யும் 124.8cc ஏர் மற்றும் ஆயில் கூல்ட் ஒற்றை சிலிண்டர், மூன்று வால்வு இன்ஜினைத் தொடர்ந்து பயன்படுத்துகிறது. லிட்டருக்கு 56.7 கிலோ மீட்டர் மைலேஜ் வழங்கப்படும் என அறிவிக்கப்பட்டுள்ளது. நிஜ உலக பயன்பாட்டில் இது 50 முதல் 60 கிலோமீட்டர் மைலேஜ் வழங்குவதாகவும், நெடுஞ்சாலைகளில் அதிகபட்ச எரிபொருள் செயல்திறனை எட்ட முடியும் எனவும் பயனர்கள் தெரிவிக்கின்றனர். இந்த மோட்டார்சைக்கிள், 85-க்கும் மேற்பட்ட கனெக்டட் செயல்பாடுகளைக் கொண்ட ரிவர்ஸ் எல்சிடி டிஸ்ப்ளே மற்றும் iGO அசிஸ்ட் தொழில்நுட்பம் போன்ற அம்சங்களையும் தக்க வைத்துக் கொண்டுள்ளது.
ரெய்டர் 125 டாக்டர் டூம் எடிஷன் - விலை விவரங்கள்
டாக்டர் டூம் எடிஷனின் விலை ரூ. 95,320 என நிர்ணயிக்கப்பட்டுள்ளது. இது மற்ற TVS ரெய்டர் 125 சூப்பர் ஸ்குவாட் எடிஷன் மாடல்களின் விலைக்கு இணையாக உள்ளது. இது வரும் வாரங்களில் அங்கீகரிக்கப்பட்ட TVS டீலர்ஷிப்களில் விற்பனைக்கு வரும் என தெரிவிக்கப்பட்டுள்ளது.
Car loan Information:
Calculate Car Loan EMI