இந்திய ஆட்டோமொபைல் சந்தையில் நடுத்தர வர்க்கத்தினரின் பட்ஜெட்டுக்கு ஏற்ற மிகவும் பிரபலமான ஹேட்ச்பேக் கார்களில் ஒன்றாக டாடா டியாகோ தொடர்ந்து ஆதிக்கம் செலுத்தி வருகிறது. இந்தக் காரை வாடிக்கையாளர்கள் வெறும் 50,000 ரூபாய் முன்பணம் செலுத்தி, எளிய மாதத் தவணை முறையில் வாங்குவதற்கான ஈஎம்ஐ ஃபைனான்ஸ் திட்டம் குறித்த விரிவான தகவல்கள் இங்கே தொகுக்கப்பட்டுள்ளன.
விலை,இஎம்ஐஃபைனான்ஸ்விவரங்கள்
டாடா டியாகோ காரின் ஆரம்ப எக்ஸ் ஷோரூம் விலை ரூ.5.65 லட்சமாக நிர்ணயிக்கப்பட்டுள்ளது. அதேசமயம், இதன் டாப் எண்ட் வேரியண்டின் விலை ரூ.8.90 லட்சம் வரை விற்கப்படுகிறது. ஒரு வாடிக்கையாளர் இந்தக் காரின் பேஸ் வேரியண்டான 'XE' மாடலை ஆன்-ரோடு விலையில் வாங்கும் போது, அதற்கான மொத்த செலவு தோராயமாக ரூ.6.36 லட்சமாக இருக்கும்.
இதில், வாடிக்கையாளர்கள் ஆரம்பத் தொகையாக ரூ.50,000 மட்டும் முன்பணமாகச் செலுத்தி காரை டெலிவரி எடுக்கலாம். முன்பணம் போக மீதமுள்ள ரூ.5.86 லட்சத்திற்கு வங்கிகள் மூலம் எளிதாக வாகனக் கடன் பெறலாம். இந்த மொத்த கடன் தொகைக்கு வங்கி 9.8 சதவீத வட்டி விகிதத்தை நிர்ணயிக்கிறது என்று வைத்துக் கொள்வோம். கடனைத் திருப்பிச் செலுத்த 5 ஆண்டுகள் (அதாவது 60 மாதங்கள்) கால அவகாசத்தைத் நீங்கள் தேர்ந்தெடுத்தால், நீங்கள் மாதந்தோறும் செலுத்த வேண்டிய இஎம்ஐ தொகை ரூ.12,399 ஆக இருக்கும்.
இன்ஜின்திறன்
செயல்திறனைப் பொறுத்தவரை, இந்தக் காரில் 1.2 லிட்டர் பெட்ரோல் இன்ஜின் பொருத்தப்பட்டுள்ளது. இது அதிகபட்சமாக 86 PS பவரையும், 113 Nm டார்க் திறனையும் வெளிப்படுத்தும். இதன் சிஎன்ஜி வேரியண்ட் 73.5 PS பவரையும், 95 Nm டார்க்கையும் சீராக வழங்கும். இதில் 5 ஸ்பீடு மேனுவல் மற்றும் 5 ஸ்பீடு ஏஎம்டி ஆகிய இரண்டு கியர்பாக்ஸ் தேர்வுகளும் வாடிக்கையாளர்களுக்கு வழங்கப்படுகின்றன.
மைலேஜ்விவரங்கள்
காரின் மைலேஜைப் பொறுத்தவரை, பெட்ரோல் வேரியண்ட் லிட்டருக்கு 19.01 கி.மீ முதல் 20.01 கி.மீ வரையிலும், சிஎன்ஜி வேரியண்ட் ஒரு கிலோவுக்கு 26.49 கி.மீ முதல் 28.06 கி.மீ வரையிலும் மிகச் சிறப்பான மைலேஜை வழங்குகிறது.
உட்புறவடிவமைப்புமற்றும்பாதுகாப்புஅம்சங்கள்
டாடா டியாகோவின் கவர்ச்சிகரமான உட்புற வடிவமைப்பில், 7-இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ இணைப்பு வசதிகள், 8-ஸ்பீக்கர் ஹர்மன் சவுண்ட் சிஸ்டம் மற்றும் ஆட்டோமேட்டிக் கிளைமேட் கண்ட்ரோல் ஆகியவை மிக நேர்த்தியாக அமைக்கப்பட்டுள்ளன.
பயணிகளின் பாதுகாப்பை உறுதி செய்யும் வகையில், டூயல் பிரண்ட் ஏர்பேக்குகள், ரியர் பார்க்கிங் சென்சார்கள், இபிடி தொழில்நுட்பத்துடன் கூடிய ஏபிஎஸ் சிஸ்டம் மற்றும் கார்னர் ஸ்டெபிலிட்டி கண்ட்ரோல் போன்ற அதிநவீன பாதுகாப்பு வசதிகள் இந்த டாடா காரில் முழுமையாக வழங்கப்பட்டுள்ளன.
Car loan Information:
Calculate Car Loan EMI