எலக்ட்ரிக் கார் வாங்க சூப்பர் சான்ஸ்! நாட்டின் மலிவான டாடா டியாகோ EV-க்கு ரூ.1.45 லட்சம் தள்ளுபடி!

டாடா டியாகோ இவி காரில் ₹1.45 லட்சம் வரை மாபெரும் தள்ளுபடி: விலை, ரேஞ்ச் மற்றும் வடிவமைப்பு விவரங்கள்!

டாடா டியாகோ இவி கார்

Source : Tata Motors

இந்திய ஆட்டோமொபைல் சந்தையில் எலெக்ட்ரிக் வாகனங்களின் விற்பனையை ஊக்குவிக்கும் நோக்கில், டாடா மோட்டார்ஸ் நிறுவனம் தனது பிரபலமான பட்ஜெட் எலெக்ட்ரிக் காரான டாடா டியாகோ இவி (Tata Tiago EV) மாடலுக்கு அதிரடி தள்ளுபடியை அறிவித்துள்ளது. இதன்படி, இந்த காரை வாங்கும் வாடிக்கையாளர்களுக்கு அதிகபட்சமாக ₹1,45,000 வரை சேமிப்பு கிடைக்கிறது.

விலை

டியாகோ EV, இந்தியாவின் மிகவும் மலிவு விலை மின்சார கார்களில் ஒன்றாகக் கருதப்படுகிறது. அடிப்படை ஸ்மார்ட் 19 மீடியம் ரேஞ்ச் வேரியண்ட்டின் விலை, செப்டம்பர் 2026-ல் சுமார் ₹6.99 லட்சத்தில் தொடங்குகிறது, அதே சமயம் கிரியேட்டிவ் பிளஸ் 24 லாங் ரேஞ்ச் வேரியண்ட்டின் விலை ₹10.09 லட்சம் வரை செல்கிறது.

தற்போது வழங்கப்பட்டுள்ள ₹1.45 லட்சம் வரையிலான இந்த சிறப்பம்சங்கள் மற்றும் கேஷ் டிஸ்கவுண்ட் சலுகைகளால், வாடிக்கையாளர்கள் இந்த காரை முன்பை விட மிகவும் குறைந்த விலையில் சொந்தமாக்கிக் கொள்ள முடியும். காரின் வேரியண்ட் மற்றும் டீலர்ஷிப்களில் உள்ள ஸ்டாக் இருப்பைப் பொறுத்து இந்த சலுகை மாறுபடும்.

பேட்டரி, ரேஞ்ச் 

இந்த கார் இரண்டு பேட்டரி பேக் தேர்வுகளில் கிடைக்கிறது. தினசரி நகர பயன்பாட்டிற்கு ஏற்ற 19.2 kWh பேட்டரி பேக் மாடல், ஒருமுறை முழுமையாக சார்ஜ் செய்தால் 250 கிலோமீட்டர் ரேஞ்ச் வழங்கும். நெடுஞ்சாலைப் பயணங்களுக்கும் ஏற்ற சற்று பெரிய 24 kWh பேட்டரி பேக் மாடல், ஒருமுறை ஃபுல் சார்ஜ் செய்தால் 315 கிலோமீட்டர் வரை (MIDC சான்றிதழின்படி) ரேஞ்ச் வழங்கும் திறனைக் கொண்டுள்ளது. டிசி ஃபாஸ்ட் சார்ஜிங் மூலமாக இதனை வெறும் 58 நிமிடங்களில் 10% முதல் 80% வரை சார்ஜ் செய்துவிட முடியும்.

வடிவமைப்பு 

டாடா டியாகோ இவி சிறந்த மற்றும் கச்சிதமான ஹேட்ச்பேக் வடிவமைப்பைக் கொண்டுள்ளது. பெட்ரோல் மாடலில் இருந்து தனித்துக் காட்டுவதற்காக, இதன் முன்புறம் பிரத்யேகமாக மூடப்பட்ட கிரில் (Blanked-off Grille), ட்ரை-ஏரோ பேட்டர்ன் கொண்ட நீல நிற இன்சர்ட்டுகள் மற்றும் EV பேட்ஜிங் ஆகியவை கொடுக்கப்பட்டுள்ளன.

காரின் உட்புறத்தில் 7 இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ வசதி, ஆட்டோமேட்டிக் கிளைமேட் கண்ட்ரோல், குரூஸ் கண்ட்ரோல் மற்றும் ZConnect செயலி மூலம் இயங்கும் கனெக்டெட் கார் தொழில்நுட்பம் ஆகிய நவீன அம்சங்கள் வழங்கப்பட்டுள்ளன. பாதுகாப்பிற்காக டூயல் ஏர்பேக்குகள் மற்றும் ஏபிஎஸ் வசதியும் இதில் இடம்பெற்றுள்ளது.