Tata Punch EV: விற்பனைக்கு வந்தது டாடா நிறுவனத்தின் புதிய பஞ்ச் மின்சார கார்! விலையும், புதிய அம்சங்களும் என்ன?

Tata Punch EV: டாடா நிறுவனத்தின் புதிய பஞ்ச் மின்சார கார் மாடலின் விலை இந்திய சந்தையில் 10 லட்சத்து 99 ஆயிரம் ரூபாய் என நிர்ணயம் செய்யப்பட்டுள்ளது.

Tata Punch EV: டாடா நிறுவனத்தின் புதிய பஞ்ச் மின்சார கார் மாடலுக்கான முன்பதிவு ஏற்கனவே தொடங்கி மும்முரமாக நடைபெற்று வருவது குறிப்பிடத்தக்கது.

டாடா பஞ்ச் மின்சார கார் (Tata Punch EV):

2024 ஆம் ஆண்டிற்கான டாடா மோட்டார்ஸின் முதல் புதிய மாடலாக,  பஞ்ச் EV இரண்டு வாரங்களுக்கு முன்பு அறிமுகம் செய்யப்பட்டது. இந்நிலையில், அந்த கார் இந்திய சந்தையில் விற்பனைக்கு கொண்டு வரப்பட்டுள்ளது. இது அந்நிறுவனத்தின் நான்காவது முழு மின்சார கார் மற்றும் இரண்டாவது மின்சார SUV ஆகும்.

அதோடு,  Gen 2 EV கட்டமைப்பில் டாடாவின் முதல் மாடல் இதுவாகும். புதிய பஞ்ச் EVக்கான முன்பதிவு ஏற்கனவே தொடங்கி விறுவிறுப்பாக நடைபெற்று வருகிறது. டாடாவின் புதிய EV-மட்டுமே விற்பனை நிலையங்கள், தேர்ந்தெடுக்கப்பட்ட நிலையான ஷோரூம்கள் மற்றும் நிறுவனத்தின் ஆன்லைன் போர்ட்டல் வழியாக ரூ.21,000 கட்டணம் செலுத்தி வாகனத்தை முன்பதிவு செய்யலாம். 

விலை விவரங்கள்:

ஸ்டேண்டர்ட் பஞ்ச் EV ஆனது ஸ்மார்ட், ஸ்மார்ட்+, அட்வென்ச்சர், எம்பவர்டு மற்றும் எம்பவர்டு+ ஆகிய 5 டிரிம்களில் கிடைக்கிறது. அதே நேரத்தில் லாங் ரேஞ்ச் வேரியண்ட் ஆனது அட்வென்ச்சர், எம்பவர்டு மற்றும் எம்பவர்டு ஆகிய 3 டிரிம்களில் கிடைக்கிறது. இரண்டு வேரியண்ட்களுமே ஐந்து டூயல்-டோன் பெயிண்ட் வண்ண விருப்பங்களைப் பெறுகின்றன.

Nexon EV MR மற்றும் Tiago EV MR இடையே நிலைநிறுத்தப்படும் Tata Punch EV ஆனது Citroen eC3ஐ இலக்காகக் கொண்டது. இதன் தொடக்க விலை ரூ.10 லட்சத்து 99 ஆயிரம் ரூபாயாகவும், அதிகபட்சமாக 14 லட்சத்து 49 ஆயிரமாகவும் நிர்ணயிக்கப்பட்டுள்ளது. முன்பதிவு செய்யப்பட்டவர்களுக்கான டெலிவரி ஜனவரி 22ம் தேதி முதல் தொடங்கும் என அறிவிக்கப்பட்டுள்ளது. 

பவர்டிரெயின் விவரங்கள்:

ஸ்டேண்டர்ட் மற்றும் லாங் ரேஞ்ச் ஆகிய இரண்டு வேரியண்ட்களில் இந்த கார் சந்தைக்கு கொண்டு வரப்பட்டுள்ளது. அவை  முறையே 25kWh மற்றும் 35kWh பேட்டரி பேக்குகள் கொண்டுள்ளன. முதல் வேரியண்ட் 3.3 கிலோவாட் ஏசி சார்ஜரை மட்டுமே பெற்றிருக்க, அதனை ஒருமுறை முழுமையாக சார்ஜ் செய்தால் 315 கிலோ மீட்டர் தூரம் பயணிக்கலாம் என தெரிவிக்கப்பட்டுள்ளது. அதேநேரம், லாஞ் ரேஞ்ச் வேரியண்ட் 7.2 கிலோவாட் ஏசி சார்ஜரைப் பெறுகிறது. இது DC வேகமாக சார்ஜ் செய்வதையும் ஆதரிக்கிறது. இதனை ஒருமுறை முழுமையாக சார்ஜ் செய்தால் 421 கிலோ மீட்டர் தூரம் பயணிக்கலாம் என தெரிவிக்கப்பட்டுள்ளது.

Tata Punch EV வடிவமைப்பு:

புதுப்பிக்கப்பட்ட கிரில் மற்றும் பம்பர் வடிவமைப்புகளுடன், புதிய டாடா பஞ்ச் மின்சார வாகனமானது Nexon EV போல தோற்றமளிக்கிறது. பானட்டின் முன்புறத்தில் முழு அகலத்திற்கான ஒளிப்பட்டை மற்றும் ஒரு பிளவு ஸ்ப்லிட் முகப்பு விளக்கு வழங்கப்பட்டுள்ளது. பிரதான முகப்பு விளக்கானது கிளஸ்டர் நெக்ஸான் EV-ஐ சார்ந்திருக்கிறது.

இந்த மின்சார எஸ்யூவி முன்புறத்தில் சார்ஜிங் சாக்கெட் கொண்ட முதல் டாடா EV ஆகும். பிளாஸ்டிக் உறைப்பூச்சின் மீது புதிய செங்குத்து ஸ்லேட்டுகள் மற்றும் ஒரு ஃபாக்ஸ் சில்வர் ஸ்கிட் பிளேட்டைப் பெற்று கீழ் பம்பர் முற்றிலும் புதியதாக உள்ளது. பின்புறத்தில் Y- வடிவ பிரேக் லைட் அமைப்பு கொண்டுள்ளதோடு,  கூரையில் ஸ்பாய்லர் மற்றும் டூயல்-டோன் பம்பரையும் பெறுகிறது. Punch EV ஆனது, பின்புறத்தில் டிரம் அமைப்பைப் பெறும் ICE பஞ்சைப் போலல்லாமல், நான்கு சக்கரங்களிலும் டிஸ்க் பிரேக்குகளுடன் கூடிய 16-இன்ச் அலாய்களின் புதிய தொகுப்பைப் பெறுகிறது. 

உட்புற வடிவமைப்பு, அம்சங்கள்:

உட்புற தீம் ஆனது டியூயல் டோனில் கிடைக்கிறது. இரண்டு ஸ்போக்குகளை கொண்ட இதன் ஸ்டியரிங்கில் ஒளிரூட்டப்பட்ட டாடா லோகோ உள்ளது. புதிய 10.25-இன்ச் இன்ஃபோடெயின்மென்ட் திரை என்ற சிறப்பம்சத்துடன், உட்புறத்தில் பஞ்ச் EV ஆனது டேஷ்போர்டை அடுக்குகள் வடிவத்தில் பெறுகிறது. புதியதாக 10.25-இன்ச் டிஜிட்டல் இன்ஸ்ட்ரூமென்ட் க்ளஸ்டர் மற்றும் பெரிய டாடா எஸ்யூவிகளில் இருந்து பெறப்பட்ட டூ-ஸ்போக் ஸ்டீயரிங் வீல் உள்ளது. எண்ட்ரி லெவல் வேரியண்ட்களில், 7.0-இன்ச் இன்ஃபோடெயின்மென்ட் திரை மற்றும் டிஜிட்டல் கிளஸ்டர் கிடைக்கும். நெக்ஸான் EVயில் இருக்கும் ஜூவல்டு ரோட்டரி டிரைவ் செலக்டர் பஞ்சில் லாங் ரேஞ்ச் வேரியண்டில் மட்டுமே வழங்கப்படுகிறது. 

மேலே குறிப்பிடப்பட்ட அனைத்து அம்சங்களுடன், டாப்-ஸ்பெக் பஞ்ச் EV-யில் 360 டிகிரி கேமரா, தோல் இருக்கைகள், ஆட்டோ ஹோல்டுடன் கூடிய எலக்ட்ரானிக் பார்க்கிங் பிரேக், இணைக்கப்பட்ட கார் தொழில்நுட்பம், வயர்லெஸ் சார்ஜர், காற்றோட்டமான முன் இருக்கைகள், பயணக் கட்டுப்பாடு மற்றும் புதிய Arcade.ev ஆப்ஸ் தொகுப்பு ஆகிய அம்சங்களும் இடம்பெறுகின்றன. சன்ரூஃப் பயனாளரின் விருப்பத்தின் பேரில் வழங்கப்படுகிறது.  பாதுகாப்பு அம்சங்களைப் பொறுத்தவரை, ஆறு ஏர்பேக்குகள், ஸ்டேண்டர்ட் ABS மற்றும் ESC, பிளைண்ட் வியூ மானிட்டர், அனைத்து இருக்கைகளுக்கும் மூன்று-புள்ளி இருக்கை பெல்ட்கள், ISOFIX மவுண்ட்கள் மற்றும் ஒரு SOS செயல்பாடு ஆகியவற்றை கொண்டுள்ளது.

Car loan Information: