Tata Altroz: முதல்முறை - ஆல்ட்ரோஸ் காரை புதுசா கொடுத்த டாடா - என்னென்ன அம்சங்கள், கூடுதல் விலையா?

Tata Altroz facelift 2025: இந்திய ஆட்டோமொபைல் சந்தையில் டாடா நிறுவனத்தின் ஃபேஸ்லிஃப்ட் செய்யப்பட்ட, ஆல்ட்ரோஸ் கார் மாடல் புதிய அம்சங்களுடன் அறிமுகப்படுத்தப்பட்டுள்ளது.

Tata Altroz facelift 2025: டாடா நிறுவனத்தின் ஃபேஸ்லிஃப்ட் செய்யப்பட்ட ஆல்ட்ரோஸ் கார் மாடல், புதிய உட்புற அம்சங்களை கொண்டுள்ளது.

டாடா ஆல்ட்ரோஸ் ஃபேஸ்லிஃப்ட்:

இந்திய ஆட்டோமொபைல் சந்தையில் டாடா நிறுவனத்தின் ஃபேஸ்லிஃப்ட் செய்யப்பட்ட, ஆல்ட்ரோஸ் கார் மாடல் புதிய அம்சங்களுடன் அறிமுகப்படுத்தப்பட்டுள்ளது. கடந்த 2020ம் ஆண்டு அறிமுகப்படுத்தப்பட்ட பிறகு இந்த பிரீமியம் ஹேட்ச்பேக் எதிர்கொள்ளும், மிகப்பெரிய அப்டேட் இதுவாகும். ஆல்ட்ரோஸின் ஸ்டைலிங், உட்புற பகுதி மற்றும் அம்சங்கள் பெரும் முன்னேற்றம் கண்டுள்ள நிலையில், பர்வ்ட்ரெயின் விருப்பங்கள் மட்டும் அப்படியே தொடர்கிறது. ஃபேஸ்லிஃப்ட் செய்யப்பட்ட எடிஷனானத் ஸ்மார்ட், பியூர், கிரியேட்டிவ், அக்கம்ப்லீஸ்ட் S மற்றும் அக்கம்ப்லீஸ்ட்+S என 5 வேரியண்ட்களில் சந்தைப்படுத்தப்பட்டுள்ளது.

டாடா ஆல்ட்ரோஸ் ஃபேஸ்லிஃப்ட் - வெளிப்புற டிசைன்:

ஆல்ட்ரோஸ் ஃபேஸ்லிஃப்டானது முற்றிலும் மாற்றி அமைக்கப்பட்ட முன்பக்கத்தை கொண்டுள்ளது. இதில், மேம்படுத்தப்பட்ட பகல்நேரங்களில் ஒளிரக்கூடிய முற்றிலும் எல்இடி ஸ்ப்ளிட் ஹெட்லைட்கள்,  அடுக்கடுக்கான ரெக்டேங்குலர் எலிமெண்ட்களுடன் கூடிய புதிய கிரில், மறுவடிவமைப்பு செய்யப்பட்ட பம்பர் ஆகியவை அடங்கும்.  பக்கவாட்டை பொறுத்தவரை ஃப்ளஷ் ஃபிட்டிங் இலுமினேடட் டோர்கள் மற்றும் 16 இன்ச் 5 ஸ்போக் அலாய் வீல்கள் வழங்கப்பட்டுள்ளன.

பின்புறத்தில் புதிய ஆல்ட்ரோஸ் ஆனது T வடிவிலான ஹாரிஸாண்டல் எல்இடி டெயில் லேம்புகளை கொண்டுள்ளது. ஹுண்டாய் வென்யுவை போன்று எல்இடி லைட்பார்கள் இடம்பெற்றுள்ளன. ஸ்போர்டியரான டூயல் டோன் பின்புற பம்பர் வழங்கப்பட்டுள்ளது. இந்த எடிஷனானது டியூன் க்ளோ, எம்பெர் க்ளோ, ப்ரிஷ்டின் ஒயிட், பியூர் கிரே மற்றும் ராயல் ப்ளூ ஆகிய 5 வண்ண விருப்பங்களில் கிடைக்கிறது.

டாடா ஆல்ட்ரோஸ் ஃபேஸ்லிஃப்ட் - உட்புற அம்சங்கள்:

சுத்தமான டேஷ்போர்ட் மூலம் புதிய ஆல்ட்ரோஸ் ஆனது உட்புறத்தில் புத்துணர்ச்சி பெற்றுள்ளது. டாடா நெக்ஸான் மற்றும் கர்வ் மாடல்கள் அடிப்படையில் இதன் உட்புறம் மேம்படுத்தப்பட்டுள்ளது. அதன்படி, 2 ஸ்போக் ஸ்டியரிங் வீல், வயர்லெஸ் ஆண்ட்ராய்ட் மற்றும் ஆட்டோ கார்பிளே உடன் கூடிய 10.25 இன்ச் டச் ஸ்க்ரீன் இன்ஃபோடெயின்மெண்ட் சிஸ்டம், 10.25 இன்ச் முற்றிலும் டிஜிட்டல் இன்ஸ்ட்ரூமெண்ட் கிளஸ்டர், ஆட்டோ ஏசி கண்ட்ரோல் ஆகியவை இதில் குறிப்பிடத்தக்கவை ஆகும். ஆல்ட்ரோஸர் ரேசர் வேரியண்டில் மட்டும் பிரத்யேகமாக வழங்கப்பட்டு இருந்த சில அம்சங்களும், புதிய ஆல்ட்ரோசில் இணைக்கப்பட்டுள்ளன. அதேநேரம், எலெக்ட்ரிக் சன்ரூஃப், க்ரூஸ் கண்ட்ரோல், ரியர் ஏசி வெண்ட்ஸ், ஆம்பியண்ட் லைட்டிங், 90 டிகிரி ஓபனிங் டோர்ஸ், ஆட்டோமேடிக் ஹெட்லைட்ஸ் & வைப்பர்ஸ், 360 டிகிரி கேமரா,6 ஏர்பேக்குகள் ஆகிய அம்சங்கள் இந்த எடிஷனிலும் தொடர்கின்றனர்.

பவர்ட்ரெயின் விவரங்கள்:

பழைய ஆல்டோஸ் எடிஷனில் இருந்த பவர்ட்ரெயின் விருப்பங்கள் புதிய எடிஷனில் அப்படியே தொடர்கிறது. அதன்படி, 88hp ஆற்றலை உற்பத்தி செய்யக்கூடிய 1.2 லிட்டர் பெட்ரோல் இன்ஜின் ஆனது 5 ஸ்பீட் மேனுவல் அல்லது 6 ஸ்பீட் டூயல் கிளட்ச் ஆட்டோமேடிக் கியர்பாக்ஸ் ஆப்ஷன்களை கொண்டுள்ளது. 74hp ஆற்றலை உற்பத்தி செய்யக்கூடிய ஃபேக்டரி ஃபிட்டட் சிஎன்ஜி வெர்ஷன் ஆனது, 5 ஸ்பீட் மேனுவல் கியர்பாக்ஸ் ஆப்ஷனை மட்டுமே கொண்டுள்ளது. 90hp ஆற்றலை உற்பத்தி செய்யக்கூடிய 1.5 லிட்டர் டீசல் இன்ஜின் ஆனது 5 ஸ்பீட் மேனுவல் கியர்பாக்ஸை கொண்டுள்ளது. இந்தியாவிலேயே டீசல் இன்ஜின் ஆப்ஷனை கொண்டுள்ள ஒரே ஹேட்ச்பேக் மாடல் ஆல்ட்ரோஸ் என்பது குறிப்பிடத்தக்கது. இந்த வண்டி லிட்டருக்கு சுமார் 24 கிமீ வரையிலும் மைலேஜ் வழங்கும் என கூறப்படுகிறது.

புதிய ஆல்ட்ரோஸ் விலை விவரங்கள்:

இந்திய ஆட்டோமொபைல் சந்தையில் பிரீமியம் ஹேட்ச்பேக் செக்மெண்டில் ஹுண்டாய் ஐ20, மாருதி சுசூகி பலேனோ மற்றும் டொயோட்டா கிளான்ஸா ஆகிய கார் மாடல்களுக்கு ஆல்ட்ரோஸ் போட்டியாக உள்ளது. இதன் புதிய விலை தற்போது வரை அறிவிக்கப்படாவிட்டாலும், மேம்படுத்தல் காரணமாக பழைய எடிஷனை காட்டிலும் கூடுதலாகவே நிர்ணயிக்கப்படும் என கூறப்படுகிறது. தற்போதைய எடிஷனின் விலை ரூ.6.65 லட்சத்திலிருந்து ரூ.11.30 லட்சம் வரை நீள்வது குறிப்பிடத்தக்கது.

Car loan Information: