ராயல் என்ஃபீல்டு நிறுவனத்தின் பிரபலமான மாடல்களான கிளாசிக் 350 (Classic 350) மற்றும் புல்லட் 350 (Bullet 350) ஆகிய இரண்டு பைக்குகளுக்கும் இடையே எந்த பைக் அதிக மைலேஜ் தருகிறது மற்றும் அவற்றின் கட்டமைப்பில் உள்ள வேறுபாடுகள் என்னென்ன என்பது குறித்து கீழே விரிவாகப் பார்க்கலாம்.
இன்ஜின்மற்றும்மைலேஜ்
இரண்டு பைக்குகளிலும் எவ்வித மாற்றமும் இன்றி ஒரே மாதிரியான 349cc, சிங்கிள் சிலிண்டர், J-சீரிஸ் இன்ஜின் பயன்படுத்தப்பட்டுள்ளது. இது 20.2 bhp பவரையும், 27 Nm டார்க் திறனையும் வெளிப்படுத்துகிறது. 5 ஸ்பீடு கியர்பாக்ஸ் இணைக்கப்பட்டுள்ளது.
ஒரே இன்ஜின், ஒரே கட்டமைப்பு மற்றும் ஏறக்குறைய ஒரே எடை (சுமார் 195 கிலோ) கொண்டிருப்பதால், இரண்டின் மைலேஜும் சமமாகவே இருக்கும் என்று கூறப்படுகிறது. எனினும் கிளாஸிக் 350-ன் மைலேஜ் 41.55 கி,மீ என்று ஏஆர்ஏஐ தெரிவித்துள்ள நிலையில், புல்லட்டின் மைலேஜ் 37 கி.மீ. ஆக உள்ளது.
டிசைன்மற்றும்வடிவமைப்புவேறுபாடுகள்
- கிளாசிக் 350: இது ரெட்ரோ தோற்றத்தில் வடிவமைக்கப்பட்டுள்ளது. இதில் ஸ்பிளிட் சீட் அமைப்பு கொடுக்கப்பட்டுள்ளது. இதன் ஹெட்லேம்ப் கவுல் மற்றும் பக்கவாட்டு பேனல்கள் சற்று பிரீமியம் தோற்றத்தைத் தருகின்றன.
- புல்லட் 350: இது பல தசாப்தங்களாகத் தொடரும் ராயல் என்ஃபீல்டின் பாரம்பரிய தோற்றத்தைக் கொண்டுள்ளது. இதில் சிங்கிள் பீஸ் சீட் மற்றும் சதுர வடிவிலான ரியர் ஃபெண்டர் இடம்பெற்றுள்ளது. இதன் பெட்ரோல் டேங்கில் கையால் வரையப்பட்ட பாரம்பரிய தங்க நிறப் கோடுகள் உள்ளன.
இதன் மூலம் கிளாசிக் 350 பிரீமியல் தோற்றத்தைத் தருகிறது என்பது தெரிகிறது. எளிய தோற்றத்தை விரும்புவோர் புல்லட்டைத் தேர்வு செய்யலாம்
இரண்டு மாடல்களுமே ட்வின் டவுன்டியூப் ஸ்பைன் ஃஃப்ரேம் மூலம் கட்டமைக்கப்பட்டுள்ளன. முன்புறத்தில் டெலஸ்கோபிக் ஃபோர்க்குகளும், பின்புறத்தில் ட்வின் ஷாக் அப்சார்பர்களும் உள்ளன. பாதுகாப்பிற்காக முன்புற டிஸ்க் பிரேக் மற்றும் டூயல் சேனல் ஏபிஎஸ் தொழில்நுட்பம் இரண்டு பைக்குகளிலும் வழங்கப்படுகிறது.
ராயல்என்ஃபீல்டுவிலைஒப்பீடு
புல்லட் 350- ஆரம்ப நிலை மாடல்: தோராயமாக ரூ. 1.74 லட்சம் (எக்ஸ் ஷோரூம்), டாப் மாடல் - தோராயமாக ரூ. 2.16 லட்சம்
கிளாசிக் 350 - ஆரம்ப நிலை மாடல் -ரூ. 1.93 லட்சம், டாப் மாடல் - ரூ. 2.25 லட்சம்
இதன்மூலம் கிளாசிக் 350 மாடலை விட புல்லட் 350 பைக்கின் விலை சற்று குறைவாக உள்ளது தெரிய வருகிறது. வாடிக்கையாளர்கள் விருப்பத்தின் அடிப்படையில் தங்களுக்கு ஏற்ற பைக்கைத் தேர்வு செய்து கொள்ளலாம்.
Car loan Information:
Calculate Car Loan EMI