Just In
சத்தத்தை போலவே சத்தமில்லாமல் உயர்ந்தது RF பைக் விலை: ரூ.4000 வரை ஏற்றம் கண்ட ஃப்ளாக்ஷிப் மாடல்கள்!
Royal Enfield Classic 350 : கிளாசிக் 350 ரக பைக்குகள், வேரியண்ட்டுகளைப் பொறுத்து ₹2,872 முதல் ₹3,332 வரையிலான விலை உயர்வைப் பெற்றுள்ளன. ஹிமாலயன் ரேஞ்சில் ₹4,000க்கு மேல் விலை ஏற்றம் பெற்றுள்ளன.
இருசக்கர வாகனம் தயாரிப்பு நிறுவனமான ராயல் என்ஃபீல்டு இந்தியாவில் சில ஃபிளாக்ஷிப் மாடல்களின் விலையை உயர்த்தியுள்ளது. இந்த விலைகள் இந்த மாதம் முதலே அமலுக்கு வருகிறது, மற்றும் கிளாசிக் 350, மீடியர் 350 மற்றும் ஹிமாலயன் மோட்டார்சைக்கிள்கள் போன்ற பிரபலமான மாடல்களை இது பாதிக்கிறது. சமீபத்திய உயர்வுகளின்படி, கிளாசிக் 350 மாடல், ராயல் என்ஃபீல்டு நிறுவனத்தில் இருந்து அதிகம் விற்பனையாகும் மோட்டார்சைக்கிள் ஆகும், அதன் விலை வரம்பில் குறைந்த அளவு உயர்ந்துள்ளது. இமாலயன் ரேஞ்ச் பைக்குகளில் ₹4,000க்கும் அதிகமாக விலை உயர்த்தப்பட்டுள்ளது.
Royal Enfield Meteor 350 Fireball ரேஞ்சின் விலை ₹2,511 உயர்த்தப்பட்டுள்ளது. இந்த பைக்குகளின் விலை இப்போது ₹2.01 லட்சத்தில் (எக்ஸ்-ஷோரூம்) தொடங்கி ₹2.03 லட்சம் (எக்ஸ்-ஷோரூம்) வரை செல்கிறது. Meteor 350 வரிசையில் உள்ள ஸ்டெல்லார் பைக்குகள் ஒவ்வொரு வேரியண்டிலும் ₹2,601 உயர்த்தப்பட்டுள்ளது. Meteor 350 இன் ஸ்டெல்லர் ரேஞ்சின் விலை இப்போது ₹2.07 லட்சத்தில் (எக்ஸ்-ஷோரூம்) தொடங்கி ₹2.09 லட்சம் (எக்ஸ்-ஷோரூம்) வரை செல்கிறது. Meteor 350 வரிசையின் டாப்-ஸ்பெக் மாடலான Supernova, மிகப்பெரிய உயர்வை பெற்றுள்ளது. ஒரு வேரியண்டிற்கு ₹2,752 அதிகரித்த பிறகு, இந்த வரம்பின் விலை இப்போது ₹2.17 லட்சத்தில் தொடங்கி ₹2.19 லட்சம் (எக்ஸ்-ஷோரூம்) வரை செல்கிறது.
கிளாசிக் 350 ரக பைக்குகள், வேரியண்ட்டுகளைப் பொறுத்து ₹2,872 முதல் ₹3,332 வரையிலான விலை உயர்வைப் பெற்றுள்ளன. தொடக்க நிலை Redditch Classic 350 இன் விலை இப்போது ₹1.87 லட்சமும் (எக்ஸ்-ஷோரூம்) மற்றும் டாப்-ஸ்பெக் Chrome Classic 350 விலை ₹2.18 லட்சமும் (எக்ஸ்-ஷோரூம்) விற்பனை ஆகிறது. ராயல் என்ஃபீல்டு ஹிமாலயன் ரேஞ்சில் உள்ள அனைத்து பைக்குகளும் ₹4,000க்கு மேல் விலை ஏற்றம் பெற்றுள்ளன. வெள்ளி மற்றும் சாம்பல் நிற இமாலயன் விலை இப்போது ₹2.14 லட்சத்தில் (எக்ஸ்-ஷோரூம்) தொடங்கும் அதே சமயம் கருப்பு மற்றும் பச்சை நிற ஹிமாலயன் விலை ₹2.22 லட்சமாக (எக்ஸ்-ஷோரூம்) அதிகரிக்கும். இந்த மூன்று வகையான மோட்டார்சைக்கிள்களைத் தவிர, இன்டர்செப்டர், கான்டினென்டல் ஜிடி மற்றும் புல்லட் உள்ளிட்ட மூன்று மாடல்களையும் ராயல் என்ஃபீல்டு விற்பனை செய்கிறது. இருப்பினும், இந்த மோட்டார்சைக்கிள்களின் விலையில் எந்த மாற்றமும் இல்லை.