Maruti Suzuki Dzire 2024: தயார் நிலையில் மாருதியின் அப்டேடட் டிசைர் கார் - புதிய Z சீரிஸ் இன்ஜினின் செயல்திறன் என்ன?

Maruti Suzuki Dzire: மேம்படுத்தப்பட்ட டிசைர் காரில் உள்ள புதிய Z சீரிஸ் இன்ஜினின் செயல்திறன் குறித்து இந்த தொகுப்பில் அறியலாம்.

Maruti Suzuki Dzire: மேம்படுத்தப்பட்ட டிசைர் கார் மாடல், இந்திய ஆட்டோமொபைல் சந்தையில் வரும் 11ம் தேதி அறிமுகமாக உள்ளது.

மாருதி சுசூகி டிசைர் அறிமுகம்:

மாருதி சுசூகி இந்தியாவில் புதிய தலைமுறை டிசைர் காரை, வெளியிட தயார் நிலையில் உள்ளது. அதன்படி இந்த கார் வரும் 11ம் தேதி அறிமுகப்படுத்த உள்ளது. அப்போது கார் தொடர்பான கூடுதல் தகவல்கள் அதிகாரப்பூர்வமாக அறிவிக்கப்படலாம்.  புதிய தலைமுறை டிசைர் புதிய உட்புறம் உட்பட பல மாற்றங்களைப் பெறும். ஆனால், ஸ்விஃப்ட் அடிப்படையில் புதிய காரில் வரப்போகும் மிகப்பெரிய மாற்றம் என்பது Z சீரிஸ் இன்ஜினின் விவரங்கள் தான்.

Z சீரிஸ் இன்ஜின் விவரங்கள்

புதிய டிசைர் ஸ்விஃப்ட்டில் காணப்படுவது போல் புதிய மூன்று சிலிண்டர் பெட்ரோல் இன்ஜினை அறிமுகப்படுத்தும். இது 82 பிஎச்பி மற்றும் 112 என்எம் ஆற்றலை வெளிப்படுத்தும். இசட் சீரிஸ் இன்ஜினில் மைல்ட் ஹைப்ரிட் விருப்பம் இல்லை என்றாலும், இன்ஜின் சுற்றுச்சூழலுக்கு ஏற்றதாக இருக்கும் மற்றும் அதிக செயல்திறன் கொண்டதாக இருக்கும். ஸ்டாண்டர்ட் 5 ஸ்பீடு மேனுவல் கியர்பாக்ஸ் மற்றும் AMT ஆகியவற்றைப் பெறும்.  அதே வேளையில், செயல்திறன் அடிப்படையில் ஸ்விஃப்ட்டுடன் புள்ளிவிவரங்கள் பொருந்தும் என்று எதிர்பார்க்கப்படுகிறது. இந்த இன்ஜின் முந்தைய டிசையர் இன்ஜினுடன் ஒப்பிடும்போது வித்தியாசமாக இருந்தாலும் வாங்குபவர்கள் விரும்பும் சிறந்த செயல்திறனைக் கொண்டுவருகிறது. புதிய டிசைர் பெட்ரோல் இன்ஜினுடன் மட்டுமே வரும். சில காலம் பிறகு பின்னர் அது ஸ்விஃப்ட் போன்ற சிஎன்ஜி பவர்டிரெய்னுடன் அறிமுகப்படுத்தப்படலாம்.

தொழில்நுட்ப அம்ச விவரங்கள்:

360 டிகிரி கேமரா மற்றும் சிங்கிள் பேன் சன்ரூஃப் போன்ற பல அம்சங்களைக் கொண்டிருக்கும் போது புதிய டிசைர், வித்தியாசமான வெளிப்புறத்தையும் புதிய உட்புறத்தையும் பெறும். அதே நேரத்தில் சப் 4 மீ செடான்களில் சன்ரூஃப் பொதுவாகக் காணப்படாததால் இந்த அம்சத்தைக் கொண்ட முதல் சிறிய செடானாக புதிய டிசைர் இருக்கும். இந்த பவர்டிரெய்னுடன் கூடிய புதிய டிசையர் வரும் 11ஆம் தேதி அறிமுகம் செய்யப்படும். மேலும் புதிய அமேஸ், எக்ஸ்சென்ட் போன்ற போட்டியாளர்களுடன் அரினா டீலர்ஷிப்கள் வழியாக இந்த கார் விற்பனை செய்யப்பட உள்ளது. 

விலை விவரங்கள்:

இதன் விலை தற்போதைய டிசைரின் விலையை (ரூ.6.57 லட்சம் முதல் ரூ.9.34 லட்சம் வரை) காட்டிலும் சற்று பிரீமியமாக நிர்ணயிக்கப்படலாம் என கூறப்படுகிறது. அதன்படி, இந்த விலையில் போட்டியிடும் பிற துணை 4மீ எஸ்யூவிகள் பிரீமியம் ஹேட்ச்பேக்குகளுக்கும் போட்டியாக இருக்கும். வாடிக்கையாளர்கள் ஆல்-நியூ டிசைரை எந்த ARENA ஷோரூமிலும் அல்லது ஆன்லைன் வாயிலாகாவும் ரூ.11000 செலுத்தி முன்பதிவு செய்யலாம். புதிய Maruti Dzire இன் டெலிவரிகள் அதன் அதிகாரப்பூர்வ வெளியீட்டிற்குப் பிறகு உடனடியாகத் தொடங்கும் என தெரிவிக்கப்பட்டுள்ளது.

Car loan Information: