WagonR Flex Fuel: நாட்டின் முதல் ஃப்ளெக்ஸ் ஃபியூல் கார் அறிமுகம் - விலை, மைலேஜ் என்ன? அம்சங்கள் எப்படி?

Maruti WagonR Flex Fuel: நாட்டின் முதல் ஃப்ளெக்ஸ் ஃபியூல் மாடல் காராக வேகன் -ஆஎர் எடிஷனை, ரூ.7.24 லட்சம் என்ற விலையில் மாருதி சுசூகி நிறுவனம் அறிமுகப்படுத்தியுள்ளது.

ஆட்டோமொபைல் செய்திகள்

Source : social media/x

Maruti WagonR Flex Fuel: மாருதி வேகன் ஆர் ஃப்ளெக்ஸ் ஃபியூல் காரானது உள்நாட்டு சந்தையில் மூன்று வேரியண்ட்களில் விற்பனை செய்யப்படும் என அறிவிக்கப்பட்டுள்ளது.

மாருதி வேகன் - ஆர் ஃப்ளெக்ஸ் ஃபியூல்

நாட்டின் முதல் ஃப்ளெக்ஸ் ஃபியூல் கார் மாடலை, வேகன் ஆர் பையோஃப்ளெக்ஸ் என்ற பெயரில் மாருதி நிறுவனம் அறிமுகப்படுத்தியுள்ளது. இந்த வாகனத்தின் வழக்கமான மாடலின் டாப்-ஸ்பெக் எடிஷனான Zxi+ 1.2P MT வேரியண்டை அடிப்படையாக கொண்டு, டால் பாய் ஹேட்ச்பேக்கின் ஃப்ளெக்ஸ் ஃபியூல் எடிஷனானது உருவாக்கப்பட்டுள்ளது. ஃப்ளெக்ஸ் ஃப்யூல் அடிப்படையில் ஏற்கனவே இருசக்கர வாகனங்கள் விற்பனைக்கு வந்து இருந்தாலும், கார் வெளியாவது இதுவே முதல்முறையாகும்.

வேகன் ஆர் பையோஃப்ளெக்ஸ்

வேகன் ஆர் பையோஃப்ளெக்ஸ் காரின் தொடக்க விலை 7 லட்சத்து 24 ஆயிரம் ரூபாயாக நிர்ணயிக்கப்பட்டுள்ளது. அதாவது வழக்கமான Zxi+ வேரியண்டை காட்டிலும் இதன் விலை 86 ஆயிரம் ரூபாய் அதிகமாகும். உள்நாட்டு சந்தையில் இந்த காரானது இரண்டு வேரியண்ட்களில் விற்பனை செய்யப்படும் என தெரிவிக்கப்பட்டுள்ளது. மாருதி வேகன் ஆர் பயோஃப்ளெக்ஸ் விலை, வழக்கமான வேகன் ஆர் உடன் ஒப்பிட்டு விவரங்கள் கீழே பட்டியலிடப்பட்டுள்ளன.

 

	வேகன் ஆர் பையோஃப்ளெக்ஸ்	வேகன் ஆர் இசட்எக்ஸ்ஐ+ எம்டி	விலை வித்தியாசம்
நான் மெடாலிக் பெயிண்ட்	ரூ 7.24 லட்சம்	ரூ 6.38 லட்சம்	+ ரூ 86,000
மெடாலிக் பாயிண்ட்	ரூ 7.24 லட்சம்	ரூ 6.38 லட்சம்	+ ரூ 86,000
டூயல் டோன் பெயிண்ட்	இல்லை	ரூ 6.49 லட்சம்	–

இன்ஜின் விவரங்கள் - மைலேஜ் எப்படி?

மாருதி வேகன் ஆர் பையோஃப்ளெக்ஸ் காரானது, 1.2-லிட்டர் நான்கு-சிலிண்டர் K12N நேசட்லி ஆஸ்பிரேட்டட் இன்ஜினைக் கொண்டு, 5-ஸ்பீட் மேனுவல் ட்ரான்ஸ்மிஷனுடன் இணைக்கப்பட்டுள்ளது. அதிக எத்தனால் அளவுகளைக் கையாள்வதற்காக மாருதி நிறுவனம் மேம்படுத்தப்பட்ட எரிபொருள் இன்ஜெக்டர்கள் மற்றும் எரிபொருள் பம்புகள், புதிய எரிபொருள் குழாய்கள், மறுசீரமைக்கப்பட்ட ECU மற்றும் ஒரு எத்தனால் சென்சார் உள்ளிட்ட பல மாற்றங்களைச் செய்துள்ளது. இவை, 85 சதவிகிதம் வரை எத்தனால் (E85) கொண்ட எரிபொருளுடன் இந்த இன்ஜினை இணக்கமானதாக ஆக்குகின்றன. மாருதி இன்னும் விரிவான தொழில்நுட்ப விவரக்குறிப்புகளை வெளியிடவில்லை என்றாலும், 91hp மற்றும் 114Nm ஆற்றலை உற்பத்தி செய்யும் ஸ்டாண்டர்ட் வேகன் ஆர் ZXi+ மாடல், 5-ஸ்பீட் மேனுவல் ட்ரான்ஸ்மிஷன் உடன் லிட்டருக்கு 23.56 கிலோ மீட்டர் மற்றும் 5-ஸ்பீட் ஆட்டோமேடட் ட்ரான்ஸ்மிஷன் உடன் லிட்டருக்கு 24.43 கிலோ மீட்டர் மைலேஜ்  தரும் எனக் கூறப்படுகிறது.

வேகன் ஆர் பையோஃப்ளெக்ஸ் - வித்தியாசம் என்ன?

வழக்கமான மாடலுடன் ஒப்பிடும்போது, ​​வேகன் ஆர் பையோஃப்ளெக்ஸின் வெளிப்புற மற்றும் உட்புற டிசைனில் பெரிய வேறுபாடுகள் எதுவும் இல்லை. வெளிப்புறத்தில் கண்ணுக்குத் தெரியும்  மாற்றமாக, பக்கவாட்டில் ஒட்டப்பட்டுள்ள ஃபிளெக்ஸ் ஃப்யூல் ஸ்டிக்கர்களும், டெயில்கேட்டில் உள்ள பையோஃப்ளெக்ஸ் பேட்ஜும்தான் உள்ளது. உட்புறத்தில் எந்த மாற்றமும் இல்லை. கருப்பு மற்றும் பழுப்பு நிற டூயல் டோன் கேபின் அமைப்பு, துணியாலான இருக்கை உறைகள், மீடியா கட்டுப்பாட்டு பொத்தான்களுடன் கூடிய 3-ஸ்போக் ஸ்டீயரிங் வீல் ஆகியவையும் இதில் அடங்கும்.

பையோஃப்ளெக்ஸ் மாடலில், வயர்ட் ஆண்ட்ராய்டு ஆட்டோ மற்றும் ஆப்பிள் கார்ப்ளே கனெக்டட் வசதியுடன் கூடிய 7-இன்ச் டச்ஸ்கிரீன் இன்ஃபோடெயின்மென்ட் சிஸ்டம், 6 ஏர்பேக்குகள் மற்றும் எலெக்ட்ரானிக் ஸ்டெபிலிட்டி கண்ட்ரோல் (ESP) ஆகியவை பொருத்தப்பட்டுள்ளதாக மாருதி தெரிவித்துள்ளது. இருப்பினும், இது டாப்-ஸ்பெக் ZXi+ ட்ரிம்மை அடிப்படையாகக் கொண்டிருப்பதால், இதில் பின்புற வென்ட்களுடன் கூடிய மேனுவல் ஏசி, மேனுவலாக சரிசெய்யக்கூடிய உட்புற ரியர்வியூ மிரர் (IRVM), 4 ஸ்பீக்கர்கள், முன்பக்க ஃபாக் லேம்ப்கள் மற்றும் பின்புற பார்க்கிங் சென்சார்கள் வழங்கப்படும் என எதிர்பார்க்கப்படுகிறது. 

வேகன் ஆர் பையோஃப்ளெக்ஸ் - மைலேஜ் குறையுமா?

சுஸுகி ஜிக்ஸர் SF 250 உடன்  E20 Vs E85 அடிப்படையில் நடத்திய மைலேஜ் சோதனையில் , E20 எரிபொருளை விட E85 எரிபொருள் 24.40 சதவிகிதம் குறைவான மைலேஜை வழங்குவது தெரியவந்துள்ளது.  இது முற்றிலும் வேறுபட்ட வாகனப் பிரிவாக இருந்தாலும், வேகன் ஆரிலும் இதேபோன்ற செயல்திறன் குறைவு ஏற்பட வாய்ப்புள்ளது. மேலும், E20 எரிபொருளை விட E85 எரிபொருள் 19.58 சதவிகிதம் மட்டுமே மலிவானது.

தற்போதைக்கு, மாருதி பையோஃப்ளெக்ஸ் மாடலை வர்த்தகப் பிரிவுக்கு மட்டுமே வழங்குகிறது. வர்த்தக ரீதியாகக் கிடைக்கும் வேகன் ஆர் டூர் H3 மாடலின் விலை ரூ. 4.99 லட்சம் (பெட்ரோல் MT மாடலுக்கு) முதல் ரூ. 5.89 லட்சம் (CNG MT மாடலுக்கு) வரை உள்ளது. அதனுடன் ஒப்பிடும்போது, ​​பையோஃப்ளெக்ஸ் மாடல் ரூ. 1.35 லட்சம் முதல் ரூ. 2.25 லட்சம் வரை அதிக விலை கொண்டது. இருப்பினும், பயோஃப்ளெக்ஸ் மாடலில் 1.2-லிட்டர் இன்ஜின் உள்ளது, ஆனால் வேகன் ஆர் டூர் H3 மாடலில் 69hp திறன் கொண்ட சிறிய 1.0-லிட்டர் நேட்சுரலி ஆஸ்பிரேட்டட் பெட்ரோல் இன்ஜின் பொருத்தப்பட்டுள்ளது. என்பதால் விலை உயர்வு ஏற்றுக்கொள்ளக்கூடியதாக கருதப்படுகிறது.