Maruti Victoris: புத்தம் புது நெ.1 கார்..! பெட்ரோல், சிஎன்ஜி ஹைப்ரிட் வேரியண்ட்களுக்கு தள்ளுபடி - அள்ளி வீசிய மாருதி

Maruti Victoris SUV Discount: மாருதி சுசூகியின் புத்தம் புதிய மிட்-சைஸ் எஸ்யுவி ஆன விக்டோரிஸ் கார் மாடலுக்கு, முதல்முறையாக தள்ளுபடி மற்றும் சலுகைகள் அறிவிக்கப்பட்டுள்ளன.

மாருதி விக்டோரிஸ் எஸ்யுவிக்கான சலுகை

Source : social media/x

Maruti Victoris SUV Discount: மாருதி சுசூகியின் புத்தம் புதிய மிட்-சைஸ் எஸ்யுவி ஆன விக்டோரிஸ் கார் மாடலுக்கு, பிப்ரவரியில் அதிகபட்சமாக 78 ஆயிரம் ரூபாய் வரை தள்ளுபடி அறிவிக்கப்பட்டுள்ளது.

முதல்முறையாக விக்டோரிஸ் மாடலுக்கு தள்ளுபடி:

புத்தாண்டான 2026 பிறந்தது முதலே சில கார் உற்பத்தி நிறுவனங்கள் விலையை உயர்த்தி வருகின்றன. சில நிறுவனங்கள் தங்களது சில கார் மாடல்களுக்கான விலையை குறைத்து அணுகலை எளிதாக்குகின்றன. அந்த வகையில், மாருதி நிறுவனமானது தனது விக்டோரிஸ் எஸ்யுவி கார் மாடலுக்கு சிறப்பு பலன்களை அறிவித்துள்ளது. கடந்த ஆண்டு செப்டம்பர் மாதம் சந்தைப்படுத்தப்பட்ட பிறகு, இந்த கார் மீது சலுகைகள் மற்றும் தள்ளுபடிகள் அறிவிக்கப்படுவது இதுவே முதல்முறையாகும். கடந்த ஆண்டில் அறிமுகமாக பல மாடல்களில், சிறந்த காராகவும் விக்டோரிஸ் கருதப்படுவது குறிப்பிடத்தக்கது.

விக்டோரிஸ் மாடலுக்கான தள்ளுபடி விவரங்கள்:

LXi மற்றும் VXi வேரியண்ட்களுக்கு (பெட்ரோல் + சிஎன்ஜி) மொத்தமாக 50 ஆயிரம் ரூபாய் வரையில் சலுகைகள் அறிவிக்கப்பட்டுள்ளன. இதில் கன்ஸ்யூமர் சலுகையாக 30 ஆயிரம் ரூபாயும், லாயல்டி போனஸ் 20 ஆயிரம் ரூபாயும் அடங்கும். ZXi மற்றும் ZXi+ வேரியண்ட்களுக்கு (பெட்ரோல் + சிஎன்ஜி) மொத்தமாக 61 அயிரம் ரூபாய் வரை சலுகைகள் வழங்கப்படுகின்றன. இதில் கன்ஸ்யூமர் ஆஃபர் ரூ.41 ஆயிரமும், லாயல்டி போனஸ் 20 ஆயிரம் ரூபாயும் அடங்கும். அதிகப்படியான பலன்களானது விக்டோரிசின் வலுவான ஹைப்ரிட் வேரியண்ட்களுக்கு வழங்கப்படுகிறது. அதன்படி, கன்ஸ்யூமர் ஆஃபர் 48 ஆயிரம் ரூபாய் மற்றும் லாயல்டி போனஸ் 30 ஆயிரம் ரூபாய் என மொத்தம் 78 ஆயிரம் ரூபாய்க்கு சலுகைகள் அறிவிக்கப்பட்டுள்ளன. கைவசம் இருக்கும் ஸ்டாக்குகளின் அடிப்படையில், இது பிப்ரவரி மாதத்திற்கான குறுகியகால சலுகையாக அறிவிக்கப்பட்டுள்ளது.

வேரியண்ட்கள்	கன்ஸ்யூமர் சலுகை	லாயல்டி போனஸ்	மொத்த பலன்
LXi, VXi	ரூ.30,000	ரூ.20000	ரூ.50,000
ZXi, ZXi+	ரூ.41000	ரூ.20000	ரூ.61,000
ஹைப்ரிட்	ரூ.48000	ரூ.30000	ரூ.78,000

மாருதி விக்டோரிஸ்: வெளியீடு, விலை

மாருதி நிறுவனத்தின் மிகவும் முக்கியமான எஸ்யுவி மாடலாக கடந்த ஆண்டின் செப்டம்பரில் விக்டோரிஸ் கார் மாடல் அறிமுகப்படுத்தப்பட்டது. மொத்தம் 21 வேரியண்ட்களில் விற்பனை செய்யப்படும் இந்த காரின் விலையானது, ரூ.10.50 லட்சத்தில் தொடங்கி ரூ.19.99 லட்சம் வரை நீள்கிறது. முதலில், ப்ராண்டின் க்ராண்ட் விட்டாரா மாடலின் மிகவும் எளிதாக அணுகக் கூடிய வெர்ஷனாக, மாருதி அரேனா டீலர்ஷிப்களில் விக்டோரிஸ் விற்பனை செய்யப்படுகிறது. க்ராண்ட் விட்டாரா நெக்ஸா ஷோ-ரூம்களில் மட்டுமே கிடைக்கிறது. இதனை காட்டிலும் அரேனா விற்பனை நிலையங்கள் பெரிது என்பதால், விக்டோரிஸ் மீது பெரும் விற்பனை கணக்கீடுகள் நிலவியது.

மாருதி விக்டோரிஸ் - விற்பனையில் அசத்தல்

எதிர்பார்த்தபடியே, விக்டோரிஸ் விற்பனையில் அசத்தியது. உதாரணமாக கடந்த அக்டோபர் மாதத்தில் க்ராண்ட் விட்டாராவிற்கு 10 ஆயிரத்து 409 யூனிட்கள் மட்டுமே விற்பனையான நிலையில், விக்டோரிஸிற்கு 13 ஆயிரத்து 496 யூனிட்கள் விற்பனையாகின. அதே மாதிரி நவம்பர் மாதத்திலும் க்ராண்ட் விட்டாராவின் 11 ஆயிரத்து 399 யூனிட்களை காட்டிலும், விக்டோரிஸிற்கு 12 ஆயிரத்து 300 யூனிட்கள் விற்பனையாகின. டிசம்பரில் இதன் விற்பனை 50 சதவிகிதம் சரிந்து 6 ஆயிரத்து 210 யூனிட்களாக பதிவாக, ஜனவரியில் ஏற்றம் கண்டு 15 ஆயிரத்து 240 யூனிட்கள் டெலிவெரி செய்யப்பட்டன. மாதத்தின் விற்பனையில் அசத்திய சிறந்த டாப் 10 கார்களின் பட்டியலிலும் இணைந்தது.

மாருதி விக்டோரிஸ் - புதிய போட்டியாளர்கள்:

மிட்-சைஸ் எஸ்யுவி ஆனது இந்திய சந்தையில் நாளுக்கு நாள் மிகவும் போட்டித்தன்மை மிக்கதாக வலுவடைந்து வருகிறது. டாடா சியாரா மற்றும் கியா செல்டோஸ் ஆகியவை அதில் மிக முக்கியமானவையாகும். சவாலை மேலும் வலுவாக்கும் விதமாக ரெனால்ட் டஸ்டர், நிசான் டெக்டான் ஆகிய மாடல்களும் அடுத்தடுத்து சந்தைப்படுத்தப்பட்டு மிட்-சைஸ் எஸ்யுவி பிரிவு போட்டித்தன்மையின் உச்சத்தை அடைய உள்ளது.