Maruti Suzuki Updated Price List: ஸ்விஃப்ட் தொடங்கி இ-விட்டாரா வரையிலான, கார் மாடல்களுக்கு எவ்வளவு விலை உயர்த்தப்பட்டுள்ளது என, மாருதி சுசூகி நிறுவனம் அறிவித்துள்ளது.
ஸ்விஃப்ட் காரின் விலையை உயர்த்திய மாருதி:
மூலப் பொருட்கள் போன்ற உள்ளீட்டு செலவினங்கள் காரணமாக, தங்களது கார் மாடல்களின் விலையை உயர்த்துவதாக மாருதி சுசூகி நிறுவனம் அறிவித்து இருந்தது. அதன்படி, ப்ராண்ட் சார்பில் விற்பனை செய்யப்படும் வாடிக்கையாளர்களின் மிகவும் நம்பிக்கை பெற்ற ஹேட்ச்பேக் கார் மாடலான, ஸ்விஃப்டின் விலையை இந்தோ-ஜப்பான் நிறுவனம் உயர்த்தியுள்ளது. அதன்படி இந்த காரின் VXi CNG, VXi (O) CNG மற்றும் ZXi CNG வேரியண்ட்களின் விலை 7 ஆயிரத்து 500 ரூபாய் உயர்த்தப்பட்டுள்ளது.
ஸ்விஃப்ட் - புதிய விலை வரம்பு
இதனால் ஸ்விஃப்டின் சிஎன்ஜி எடிஷனின் தொடக்க விலை 7 லட்சத்து 52 ஆயிரம் ரூபாயாக உயர்ந்துள்ளது. இருப்பினும் அடிப்படை வேரியண்டின் தொடக்க விலையில் எந்த மாற்றமும் இன்றி ரூ.5.79 லட்சமாக அப்படியே தொடர்கிறது. மேற்குறிப்பிடவற்றை தவிர மற்ற அனைத்து வேரியண்ட்களின் விலையும் நான்காயிரம் ரூபாய் உயர்த்தப்பட்டுள்ளது. ஸ்விஃப்ட் கார் மாடலின் விலை வரம்பானது ரூ.5.79 லட்சத்தில் தொடங்கி ரூ.8.84 லட்சம் வரை நீள்கிறது. இந்த காரானது பெட்ரோல் மற்றும் சிஎன்ஜி வேரியண்ட்களில் 5 ஸ்பீட் மேனுவல் மற்றும் ஆட்டோமேடட் ட்ரான்ஸ்மிஷன் ஆப்ஷன்களில் கிடைக்கிறது. எண்ட்ரி லெவல் காரை வாங்க விரும்புவோருக்கான பிரதான தேர்வாக உள்ள ஸ்விஃப்ட் மாடலானது, உள்ளூர் சந்தையில் ஹுண்டாய் க்ராண்ட் ஐ10 நியோஸ், டாடா டியாகோ மற்றும் பலேனோ ஆகிய மாடல்களுடன் போட்டியிடுகிறது.
இ-விட்டாரவின் விலையை உயர்த்திய மாருதி
நடப்பாண்டு தொடக்கத்தில் அறிமுகப்படுத்தப்பட்ட மாருதி நிறுவனத்தின் முதல் மின்சார காரான, இ-விட்டாராவின் விலை முதல்முறையாக உயர்த்தப்பட்டுள்ளது. இந்த அறிவிப்பானது குறிப்பிட்ட சில வேரியண்ட்களுக்கு பொருந்தும் என கூறப்பட்டுள்ளது. அதேநேரம், எண்ட்ரி லெவல் வேரியண்ட்களில் விலையில் எந்த மாற்றமும் இன்றி அப்படியே தொடர்கிறது. அதிகபட்சமாக டாப் வேரியண்டிற்கு 30 ஆயிரம் ரூபாய் உயர்த்தப்பட்டுள்ளது. ப்ராண்டின் போர்ட்ஃபோலியோவில் அதிகபட்சமாக 30 ஆயிரம் ரூபாய் வரை அதிகரிக்கப்படும் என சில வாரங்களுக்கு முன்பாக அறிவிக்கப்பட்டு இருந்தது குறிப்பிடத்தக்கது.
ரூ.20 லட்சத்தை கடந்த விலை வரம்பு:
49KWh பேட்டரி பேக்கை கொண்ட அடிப்படை டெல்டா வேரியண்டின் விலை எந்த மாற்றமும் இன்றி ரூ.15.99 லட்சம் என்ற எக்ஸ்-ஷோரூம் விலை அப்படியே தொடர்கிறது. அதேநேரம் பெரிய பேட்டரி பேக்கை கொண்ட டாப் வேரியண்ட்களின் விலை மிகப்பெரிய திருத்தத்தை கண்டுள்ளது. அவற்றின் விலை 20 லட்சத்தை கடந்துள்ளது. டாப் வேரியண்ட்கள் 61KWh பேட்டரி பேக்கை கொண்டுள்ளது. இதனை முழுமையாக சார்ஜ் செய்தால் அதிகபட்சமாக 543 கிலோ மீர்ரர் தூரம் வரை ரேஞ்ச் அளிக்கும் என கூறப்படுகிறது. இந்த மாடல் கனெக்டட் கார் டெக்னாலஜி, டூயல்-ஸ்க்ரீன் அமைப்பு, ADAS செயல்பாடுகள் மற்றும் விரிவான பாதுகாப்பு உபகரணங்கள் உள்ளிட்ட பல தொழில்நுட்ப மற்றும் பாதுகாப்பு அம்சங்களுடன் கிடைக்கிறது. உள்ளூர் சந்தையில் இந்த காரானது ஹுண்டாய் க்ரேட்டா, டாடா கர்வ், மஹிந்த்ரா BE 6, MG நிறுவனத்தின் ZS EV மற்றும் விண்ட்சர் ஆகிய மின்சார கார் மாடல்களுடன் போட்டியிடுகிறது.
Car loan Information:
Calculate Car Loan EMI