Maruti Suzuki Victoris: மாருதியின் பாதுகாப்பான கார்..! 26KM மைலேஜ், 5 ஸ்டார் ரேட்டிங், குடும்பங்களுக்கான பட்ஜெட்

Maruti Suzuki Victoris CNG: மாருதி சுசூகியின் விக்டோரிஸ் கார் மாடலின் சிஎன்ஜி எடிஷன் கிலோவிற்கு 26 கிலோ மீட்டர் மைலேஜ் வழங்கி ஆச்சரியத்தை அளித்துள்ளது.

மாருதி சுசூகி விக்டோரிஸ்

Source : somnath chatterjee

Maruti Suzuki Victoris CNG: விக்டோரிஸ் பெட்ரோல் எடிஷன் கிலோ மீட்டருக்கு 4 ரூபாய் வரை செலவழிக்கும் நிலையில், சிஎன்ஜி எடிஷன் மிகப்பெரிய நிதி சேமிப்பை வழங்குகிறது.

மாருதி சுசூகி விக்டோரிஸ் சிஎன்ஜி 

இந்தியாவில் தொடரும் எரிபொருட்களின் விலை உயர்வு வாகன ஓட்டிகளிடையே அதிருப்தியை ஏற்படுத்தியுள்ளது.இதனால் சொந்த கார் பயன்பாடு லாபமா? என சிந்தனை இருந்தாலும், வேலை, கல்வி நிலையங்கள் மற்றும் மருத்துவமனை என பல்வேறு பயன்பாடுகளுக்காக, கார் பயணம் என்பது அத்தியாவசியமாக மாறி வருகிறது. எனவே, குறைந்த எரிபொருள் செலவில் நிறைவான பயன்பாட்டு அனுபவத்தை பெறுவது எப்படி என யோசிப்பவர்களுக்கு, மாருதி விக்டோரிஸ் காரின் சிஎன்ஜி எடிஷன் ஒரு நல்ல தேர்வாக இருக்கும். சிலிண்டர்களால் அதிகப்படியான பூட் ஸ்பேஸ் குறையும் என்ற கவலையும் இந்த காரில் இல்லை. இது அதிகம் விற்பனையாகும் கார் என்ற நிலையை நெருங்கிக்கொண்டிருக்கிறது. அதன் விற்பனை 13,000 யூனிட்களை தாண்டியுள்ளது. இது பிரபலமடைவதற்கு அதன் CNG ஒரு முக்கியக் காரணமாகும்.

மாருதி விக்டோரிஸ் - மைலேஜ்

CNG எடிஷனானது ப்ராண்ட் தரப்பில் கூறப்படுவதை போலவே, திறமையானதா என்பதை அறிய சாலை சோதனையை மேற்கொண்டோம். அதன் முடிவில் எரிபொருளுக்காக மிக குறைந்த தொகையை செலவு செய்து இருக்கிறோம் என்பதை உணர்ந்தோம். காரணம்,  சிஎன்ஜி எடிஷனானது நெடுஞ்சாலையில் ஒரு கிலோவிற்கு 26 கி.மீ மைலேஜ் வழங்கியது.  இது அதிகாரப்பூர்வமான 27.02 கி.மீ/கிலோ என்ற அளவிற்கு மிகவும் நெருக்கமாக உள்ளது. நகரத்தில் இந்த அளவு சற்றுக் குறைந்தாலும், ஒரு கிலோமீட்டருக்கு ரூ.4 செலவு என்ற பெட்ரோல் எடிஷனுடன் ஒப்பிட்டால் மிகப்பெரிய சேமிப்பை பெற முடிகிறது. பல வழிகளில், விக்டோரிஸின் சிஎன்ஜி, விலை மலிவாக இருப்பதுடன், அதன் செயல்திறனிலும் ஒரு டீசல் கார் அல்லது ஹைப்ரிட் காருக்குப் போட்டியாக விளங்குகிறது.

மாருதி விக்டோரிஸ் - பவர்ட்ரெயின் விவரங்கள்

விக்டோரிஸில் இடம்பெற்றுள்ள 55 லிட்டர் CNG டேங்கிற்கான வடிவமைப்பானது, விற்பனைக்குப் பின்னர் சேர்க்கப்பட்டதைப் போல இல்லாமல், ஒரு முறையான பூட் பகுதியை வழங்குகிறது. இது விமான நிலையப் பயணங்களுக்குப் பயனுள்ளதாக இருப்பதுடன், மின்சாரத்தால் இயங்கும் டெயில்கேட்டும் வசதியாக உள்ளது. CNG பயன்முறையில் 87 bhp ஆற்றலுடனும் 5-வேக மேனுவல் கியர்பாக்ஸுடனும் இதன் செயல்திறன் போதுமானதாக உள்ளது. க்ளட்ச் இலகுவாக இருந்தாலும், நகரப் போக்குவரத்தில் செயல்திறன் சீராக இல்லாததால் கியரைக் குறைக்க வேண்டியுள்ளது. ஆனால் நெடுஞ்சாலையில் சிரமமின்றி கையாள முடிகிறது. விக்டோரிஸ் சிஎன்ஜி, சிரமமின்றி ஓட்டுவதற்கும், நல்ல செயல்திறனுக்கும் ஏற்றவாறு வடிவமைக்கப்பட்டுள்ளது. இதில் ஆட்டோமேடிக் எடிஷனை இணைத்தால் பயனர்களை கூடுதலாக கவர வாய்ப்புள்ளது.

மாருதி விக்டோரிஸ் - சிறப்பம்சங்கள், விலை

காரில் இருந்த கருப்பு அலாய் வீல்கள் கவனத்தை ஈர்க்கின்றன.  பிடித்தமான ஒரு இனிமையான வடிவத்தையும் கார் கொண்டுள்ளது. அதோடு உட்புறம் நன்கு வசதிகள் நிறைந்ததாகவும், போதுமான இடவசதியுடனும் உள்ளது. ப்ராண்டின் மிகவும் பாதுகாப்பு கார் மாடலாக 5 ஸ்டார் ரேட்டிங்கை பெற்றுள்ளது. சிஎன்ஜி விக்டோரிஸ் மாடல்களின் ஆரம்ப விலை ரூ. 11.5 லட்சம் ஆகவும், டாப்-எண்ட் மாடலின் விலை ரூ. 14.7 லட்சம் ஆகவும் உள்ளது. அதாவது, எரிபொருள் சிக்கனத்துடன் 5 பேர் பயணிக்கும் வகையிலான ஒரு குடும்ப எஸ்யுவியை தேடுவோருக்கு விக்டோரிஸ் சிஎன்ஜி சிறப்பான தேர்வாக இருக்கும்.