Maruti Discount: ரூ.2.15 லட்சம் மிச்சம்..! மொத்த நெக்ஸா மாடல்களுக்கும் தள்ளுபடி, சலுகைகள் - மாருதி போட்ட வெடி

Maruti Cars Feb Discount: இக்னிஸ் தொடங்கி இன்விக்டோ வரையில் நெக்ஸா ஷோரூம்களில் விற்பனை செய்யப்படும் அனைத்து கார் மாடல்களுக்கும், பிப்ரவரியில் மாருதி நிறுவனம் தள்ளுபடிகளை அறிவித்துள்ளது.

ஆட்டோமொபைல் செய்திகள்

Source : nexa

Maruti Cars Feb Discount: மாருதி சுசூகி நிறுவனத்தின் எந்தெந்த கார் மாடல்களுக்கு எவ்வளவு சலுகைகள் மற்றும் தள்ளுபடிகள் அறிவிக்கப்பட்டுள்ளன என கீழே விவரிக்கப்பட்டுள்ளது.

மாருதி நெக்ஸா கார்களுக்கு அதிரடி சலுகை:

மாருதி சுசூகி நிறுவனத்தின் நெக்ஸா விற்பனை நிலையங்களில் விற்பனை செய்யப்படும், நீளமான ப்ரீமியம் லைன் - அப்களுக்கு, பிப்ரவரி மாதத்தில் மிகப்பெரிய சலுகைகள் மற்றும் தள்ளுபடிகள் அறிவிக்கப்பட்டுள்ளன. அதன்படி, இந்த மாடல்கள் மீது அதிகபட்சமாக 2 லட்சத்து 15 ஆயிரம் ரூபாய் வரை சலுகைகள் வழங்கப்படுகின்றன. பெரும்பாலான கார்கள் மீது வாடிக்கையாளர் உறவு மேலாண்மை (CRM) அடிப்படையில் ரூ.3 ஆயிரம் வரை சலுகைகள் அறிவிக்கப்பட்டுள்ளன. அந்த வகையில் ஒவ்வொரு கார் மாடல் மீதும் அறிவிக்கப்பட்டுள்ள சலுகைகள் கீழே பட்டியலிடப்பட்டுள்ளன.

மாருதியின் எந்த காருக்கு எவ்வளவு சலுகை?

1. மாருதி இக்னிஸ்:

மாருதியின் நெக்ஸா பிரிவில் மிகவும் மலிவு விலையில் கிடைக்கும் கார் மாடலான இக்னிஸின் விலை ரூ.5.35 லட்சத்தில் தொடங்குகிறது. ரூ.25 ஆயிரம் வரையிலான பணத்தள்ளுபடி, ரூ.15 ஆயிரம் வரையிலான எக்ஸ்சேஞ்ச் போனஸ் அல்லது ரூ.30 ஆயிரம் வரையிலான ஸ்க்ரேப்பேஜ் போனஸ் வழங்கப்படுகிறது. ஒட்டுமொத்தமாக பயனர்கள் ரூ.55 ஆயிரம் வரை சேமிக்கலாம்.

2. மாருதி பலேனோ

ரூ.5.98 லட்சம் என்ற தொடக்க விலையை கொண்ட பலேனோ கார் மாடலானது, ரூ.10 ஆயிரம் பணத்தள்ளுபடி, ரூ.15 ஆயிரம் எக்ஸ்சேஞ்ச் போனஸ் அல்லது ரூ.25 ஆயிரம் ஸ்க்ரேப்பேஜ் போனஸ் மற்றும் ரூ.5 ஆயிரம் கார்ப்ரேட் போனஸ் என மொத்தமாக 45 ஆயிரம் ரூபாய் வரையிலான சலுகைகளை கொண்டுள்ளது.

3. மாருதி ஃப்ராங்க்ஸ்

பலேனோவின் க்ராஸோவர் மாற்றான ஃப்ராங்க்ஸ் கார் மாடல் மீது ரூ.10 ஆயிரம் பணத்தள்ளுபடி, ரூ.10 ஆயிரம் எக்ஸ்சேஞ்ச் போனஸ் அல்லது ரூ.15 ஆயிரம் ஸ்க்ரேப்பேஜ் போனஸ் மற்றும் கார்ப்ரேட் டிஸ்கவுண்டாக ரூ.5 ஆயிரம் அறிவிக்கப்பட்டுள்ளது. இதன் மூலம் 30 ஆயிரம் ரூபாய் வரையிலான குறைந்த விலையில், பயனர்கள் இந்த காரை சொந்தமாக்கலாம். ஃப்ராங்க்ஸ் கார் மாடலின் தொடக்க விலை ரூ.6.84 லட்சம் ஆகும்.

4. மாருதி சியாஸ்

மாருதி சியாஸ் கார் மாடலின் உற்பத்தி கடந்த ஆண்டே நிறுத்தப்பட்டாலும், இன்னும் அந்த மாடலின் யூனிட்கள் டீலர்கள் வசம் உள்ளது. இந்த கார் மாடலின் மீது பணத்தள்ளுபடி, எக்ஸ்சேஞ்ச் போனஸ் அல்லது ஸ்க்ரேப்பேஜ் போனஸ் என மொத்தமாக், 40 ஆயிரம் ரூபாய் வரையில் சலுகைகள் அறிவிக்கப்பட்டுள்ளன. சியாஸின் தொடக்க விலை ரூ.9.09 லட்சம் ஆகும்.

ப்ரீமியம் கார்களுக்கு அதிரடி சலுகை

1. மாருதி க்ராண்ட் விட்டாரா

மாருதி சுசூகியின் க்ராண்ட் விட்டாரா கார் மாடலுக்கு மொத்தமாக ரூ.1.75 லட்சம் வரை சலுகை மற்றும் தள்ளுபடி அறிவிக்கப்பட்டுள்ளது. ரூ.10.76 லட்சம் என்ற தொடக்க விலை கொண்ட இந்த காருக்கு, 85 ஆயிரம் ரூபாய் வரையில் பணத்தள்ளுபடி மட்டுமே அறிவிக்கப்பட்டுள்ளது. எக்ஸ்சேஞ்ச் போனஸ் ரூ.50 ஆயிரம் வரையிலும் அல்லது ஸ்க்ரேப்பேஜ் போனஸ் ரூ.65 ஆயிரம் ரூபாய் வரையிலும் வழங்கப்படுகிறது. கூடுதலாக லாயல்டி போனஸ் ரூ.30 ஆயிரம் வரையிலும், கார்ப்ரேட் தள்ளுபடியாக ரூ.10 ஆயிரம் வரையிலும் வழங்கப்படுகிறது. பணத்தள்ளுபடிக்கு மாற்றாக பூஜ்ஜியம் ரோட் டேக்ஸ் மற்றும் இலவசமாக 5 வருடங்களுக்கு நீட்டிக்கப்பட்ட வாரண்டியை தேர்வு செய்யும் வாய்ப்பையும் மாருதி வழங்குகிறது.

2. மாருதி XL6

மாருதி XL6 கார் மாடல் மீது பயனர்கள் பிப்ரவரி மாதத்தில் அதிகபட்சமாக 50 ஆயிரம் ரூபாய் வரையில் சேமிக்கலாம். இதில் பணத்தள்ளுபடி மட்டுமே 15 ஆயிரம் ரூபாய் அடங்கும். XL6 கார் மாடலின் தொடக்க விலை ரூ.11.52 லட்சமாகும். 

3.மாருதி ஜிம்னி

மாருதி ஜிம்னி கார் மாடல் மீது 50,000 ரூபாய் வரை பணத்தள்ளுபடி வழங்கப்படுகிறது. இந்த ஆஃப் ரோட் எஸ்யுவியின் விலை ரூ.12.31 லட்சத்தில் தொடங்குகிறது. 

4. மாருதி இன்விக்டோ

அதிகபட்சமாக மாருதி இன்விக்டோ கார் மாடல் மீது 2 லட்சத்து 15 ஆயிரம் ரூபாய் வரையிலான சலுகைகள் மற்றும் தள்ளுபடிகள் அறிவிக்கப்பட்டுள்ளன. இதில் 50 ஆயிரம் பணத்தள்ளுபடி, எக்ஸ்சேஞ்ச் போனஸ்  ஒரு லட்சம் ரூபாய் அல்லது ஸ்க்ரேப்பேஜ் போனஸ் ரூ.1.15 லட்சம், லாயல்டி போனஸ் ஆக ரூ.50 ஆயிரம்மற்றும் கார்ப்ரேட் சலுகையாக ரூ.15 ஆயிரம் அறிவிக்கப்பட்டுள்ளது. இதன் தொடக்க விலை ரூ.24.97 லட்சமாகும்.

மாருதியின் தள்ளுபடி பட்டியல்

கார் மாடல்	அதிகபட்சம் சேமிப்பு	CRM சலுகைகள்	தொடக்க விலை
மாருதி இக்னிஸ்	ரூ.40,000 - ரூ.55,000	ரூ.3000	ரூ.5.35 லட்சம்
மாருதி பலேனோ	ரூ.40,000 - ரூ.45,000	ரூ.3000	ரூ.5.98 லட்சம்
மாருதி ஃப்ராங்க்ஸ்	ரூ.20,000 - ரூ.30,000	ரூ.3000	ரூ.6.84 லட்சம்
மாருதி சியாஸ்	ரூ.40,000	ரூ.3000	ரூ.9.09 லட்சம்
மாருதி க்ராண்ட் விட்டாரா	ரூ.50,000 - ரூ.1.75 லட்சம்	ரூ.3000	ரூ.10.76 லட்சம்
மாருதி XL6	ரூ.50,000	0	ரூ.11.52 லட்சம்
மாருதி ஜிம்னி	ரூ.50,000	ரூ.3000	ரூ.12.31 லட்சம்
மாருதி இன்விக்டோ	ரூ.2.15 லட்சம்	0	ரூ.24.97 லட்சம்