மாருதி சுஸுகி நிறுவனம் தனது பிரபலமான பிரீமியம் ஹேட்ச்பேக் காரான பலேனோவின் புதிய ஃபேஸ்லிஃப்ட் மாடலை சந்தையில் அறிமுகப்படுத்தியுள்ளது. இம்முறை காரின் வடிவமைப்பு, இன்ஜின், சிறப்பம்சங்கள் மற்றும் பாதுகாப்பு வசதிகளில் பல மாற்றங்களை நிறுவனம் செய்துள்ளது.

Continues below advertisement

புதிய பலேனோவின் ஆரம்ப விலை ரூ.6.09 லட்சம் என நிர்ணயிக்கப்பட்டுள்ளது. இது எக்ஸ் ஷோரூம் விலை ஆகும். முழுத் தொகையையும் கொடுத்து வாங்க விரும்பாத, முடியாத வாடிக்கையாளர்களுக்கு கார் கடன் மூலம் வாங்கலாம் 

விலை மற்றும் EMI விவரங்கள்

Continues below advertisement

புதிய பலேனோவின் சிக்மா (Sigma) மேனுவல் பெட்ரோல் வேரியண்ட்டின் எக்ஸ் ஷோரூம் விலை ₹6.09 லட்சம், ஆன் ரோடு விலை ₹6.91 லட்சம் ஆகும். இந்த காரை வெறும் ₹1 லட்சம் முன்பணம் செலுத்தி வாங்கலாம். மீதமுள்ள ₹5.91 லட்சத்தை வங்கி அல்லது நிதி நிறுவனத்தில் கடனாகப் பெற வேண்டும். இந்த கடன் தொகையை 5 ஆண்டு காலத்திற்கு 10 சதவீத வட்டி விகிதத்தில் பெற்றால், அடுத்த 5 ஆண்டுகளுக்கு மாதந்தோறும் ₹12,557 இஎம்ஐ  செலுத்த வேண்டும்.

கார் வாங்கும்போது எக்ஸ் ஷோரூம் விலையுடன் ஆர்டிஓ  கட்டணம், இன்சூரன்ஸ், வரி மற்றும் ஃபாஸ்டேக் ஆகியவை சேர்வதால் ஆன் ரோடு விலை அதிகமாக இருக்கும் என்பது குறிப்பிடத்தக்கது. மேலும், கடன் தொகையானது வாடிக்கையாளரின் தகுதி மற்றும் நிதி நிறுவனத்தின் நிபந்தனைகளைப் பொறுத்து மாறுபடும். கடன் பெறுவதற்கு முன் இரண்டு மூன்று வங்கிகளின் சலுகைகளை ஒப்பிட்டுப் பார்ப்பது நல்லது. குறைந்த இஎம்ஐ என்பதை மட்டும் பார்க்காமல், வட்டி, செலுத்த வேண்டிய மொத்தத் தொகை மற்றும் இதர மறைமுகக் கட்டணங்கள் குறித்தும் கவனிக்க வேண்டும்.

வடிவமைப்பு மற்றும் புதிய சிறப்பம்சங்கள்

புதிய பலேனோ மாடர்ன் டிசைனுடன் பல்வேறு புதிய வசதிகளைப் பெற்றுள்ளது. இதில் அடாப்டிவ் க்ரூஸ் கண்ட்ரோல், லேன் கீப் அசிஸ்ட் மற்றும் ஆட்டோமேட்டிக் எமர்ஜென்சி பிரேக்கிங் போன்ற வசதிகளுடன் கூடிய லெவல்-2 ADAS தொழில்நுட்பம் வழங்கப்பட்டுள்ளது. இது ஓட்டுநருக்கு உதவியாகவும், ஆபத்துகளை முன்கூட்டியே தவிர்க்கவும் உதவுகிறது. வெப்பமான வானிலைக்கு ஏற்ப சொகுசான பயணத்தை வழங்க, முதல்முறையாக காற்றோட்டமான முன் இருக்கைகள் கொடுக்கப்பட்டுள்ளன.

பாதுகாப்பு மற்றும் இன்ஜின் 

பாதுகாப்பைப் பொறுத்தவரை, இதில் 6 ஏர்பேக்குகள் மற்றும் டயர் பிரஷர் மானிட்டரிங் சிஸ்டம் உள்ளன. இந்த கார் இந்தியா என்சிஏபி சோதனையில் 4-நட்சத்திர பாதுகாப்பு மதிப்பீட்டைப் பெற்றுள்ளது.

இதில் புதிய 1.2-லிட்டர் Z-சீரிஸ் பெட்ரோல் இன்ஜின் பொருத்தப்பட்டுள்ளது. இது 5-ஸ்பீடு மேனுவல் மற்றும் ஏஎம்டி ஆட்டோமேட்டிக் கியர்பாக்ஸ் தேர்வுகளில் கிடைக்கிறது. நகர்ப்புற நெரிசலில் அடிக்கடி கியர் மாற்ற சிரமப்படுபவர்களுக்கு ஏஎம்டி பயனுள்ளதாக இருக்கும். தினசரி அதிக கிலோமீட்டர் பயணம் செய்வோருக்கு, குறைவான இயங்கு செலவு மற்றும் அதிக ரேஞ்ச் தரும் வகையில் சிஎன்ஜி மாடலும் விற்பனைக்குக் கிடைக்கிறது.


Car loan Information:

Calculate Car Loan EMI