கார் வாங்குவது என்பது இந்தியாவில் பல குடும்பங்களின் கனவு. குழந்தை பருவத்தில் இருந்தே அந்த கனவிற்கான விதை விதைக்கப்படுகிறது. திருவிழாவிற்கு சென்றாலோ, கடை வீதிக்கு சென்றாலோ பல ரக மாடல்களில் பொம்மை கார்களை வாங்கி தங்களது கனவுகளுக்கு மேலும் வலுசேர்க்கும் குழந்தைளுக்கு, வீட்டில் உண்மையான கார் வந்து நிற்கும் நாள் என்பது அவர்களை பொறுத்தவரை ஒரு பொன் நாள்
வசதியில்லாதவர்களும் கார் வாங்கும் வாய்ப்பு
கார் என்பது ஆடம்பரத்தில் இருந்து இன்றி அடிப்படையாக மாறிவிட்ட நிலையில், நடுத்தர குடும்பத்தினரும் கார் வாங்குவதில் ஆர்வம் காட்டி வருகிறார்கள். ஆனால், கார் வாங்கும் செலவு தங்களை கைகளை கடித்துவிடக் கூடாது என்பதிலும் அவர்கள் எச்சரிக்கையாக இருக்கும் நிலையில், அவர்களுக்கான பட்ஜெட் ரக கார்களை தேர்வு செய்வதில் தொடர்ந்து மிடில் கிளாஸ் குடும்பங்கள் ஆர்வம் காட்டி வருகின்றனர்.
ஆசையை நிறைவேற்றும் ஆல்டோ K10 - விலை எவ்வளவு ?
இந்நிலையில், நடுத்தர குடும்பத்தினரின் ஆசையை நிறைவேற்றும் பட்ஜெட் ரக காராக அன்று முதல் இன்று வரை அசைக்க முடியாத இடத்தில் நிற்கிறது மாருதி சுசுகியின் ஆல்டோ K10
பாதுகாப்பு வசதிகள், உற்பத்தி செலவு உள்ளிட்டவை காரணமாக சந்தையில் பட்ஜெட் விலை கார்கள் குறைக்கப்பட்டு வரும் நிலையில், 5 லட்சத்திற்குள் கிடைக்கும் கார் மாடல்களில் ஆல்டோ K10 ரக கார் முக்கியமான இடைத்தை மக்கள் மத்தியில் பிடித்திருக்கிறது. குறிப்பாக, இந்த காரின் தொடக்க எக்ஸ் ஷோரூம் விலை சுமார் 3.70 லட்சத்தில் இருந்து தொடங்கி, 5.45 லட்ச ரூபாய் வரை செல்கிறது. இதனால் இந்தியாவின் மலிவான அதே நேரத்தில் தரமான கார்களின் பட்டியலில் தொடர்ந்து ஆலோட் ரக கார்கள் முன்னணி வகிக்கின்றன.
பாராமரிப்பதும் எளிது
998cc பெட்ரோல் எஞ்சின் கொண்ட இந்த கார், சிட்டியில் ஓட்டுவதற்கும் சிறந்த தேர்வாக இருக்கிறது. அதோடு, அதனை மெயிண்டெய்ன் செய்யும் செலவும், வாகனத்தை ஓட்டுவதும் மிக எளிது என்பதாலும் மறுவிற்பனை செய்தாலும் அதற்கான வாய்ப்பு அதிகமாக இருக்கும் சூழலிலும் ஆல்டோ ரக கார்களை வாங்க தொடர்ந்து பொதுமக்கள் ஆர்வம் காட்டி வருகின்றனர்.
என்ஜினின் செயல்திறன் எப்படி ?
இந்த ஆலோட் காரில் 998ச்சி, 1.0 லிட்டர் K Series Dual Jet Dual VVT பெட்ரோல் என்ஜின் கொடுக்கப்பட்டிருக்கிறது. இது சுமார் 68 ஹார்ஸ் பவர் மற்றும் 89 என்.எம் டார்கை உற்பத்தி செய்யும் விதத்தில் தயாரிக்கப்பட்டுள்ளது. ஐந்து கியர் மானுவல் வெர்ஷனும் AMT என்ற ஆட்டோமேட்டிக் ஆகிய இரண்டு டிரான்ஸ்மிஸ்ஷன்களிலும் ஆல்டோ கிடைப்பதால் இப்போது பலரும் இதனை விரும்பி வாங்கத் தொடங்கியிருக்கிறார்கள்.
மைலேஜ் எப்படி ?
பெட்ரோல், டீசலுக்கு தட்டுப்பாடு நிலவத் தொடங்கியிருக்கும் நிலையில் ஆல்டோ காரை எரிபொருள் சிக்கனத்திலும் முக்கிய பங்கு வகிக்கிறது. கியர் மேனுவல் வண்டி ஒரு லிட்டருக்கு 24.39 கிலோ மீட்டர் வரையும், ஆட்டோமேட்டிக் எனப்படும் AMT கார் ஒரு லிட்டருக்கு 24.90 கிலோ மீட்டர் வரையும் CNG யில் 33.40 கிலோ மீட்டர் வரையும் தருவது இந்த காரின் முக்கியத்துவமாக பார்க்கப்படுகிறது.
பாதுகாப்பு அம்சங்களிலும் சமரசம் இல்லை
அதே நேரத்தில், குறைந்த விலையில் கார் கொடுக்கப்பட்டாலும் மாருதி சுசுகி ஆல்டோவை பொறுத்தவரை பாதுகாப்பு அம்சங்களுக்கும் முக்கியத்துவம் தரப்பட்டுள்ளது. குறிப்பாக, 6 ஏர் பேக்குகள், ஏபிஸ் + ஈபிடி, இ.எஸ்.பி எனப்படும் (Electronic Stability Programme), 3 பாயிண்ட் சீட் பெல்ட் என பாதுகாப்பிற்கும் ஆல்டோ ரக கார்களில் முன்னுரிமை தரப்பட்டுள்ளது.
இதனையடுத்து ஆல்டோ கார்களின் விற்பனையும் தொடர்ந்து முன்னேறிக்கொண்டே இருக்கிறது. குறிப்பாக, கார் ஓட்டத் தொடங்குபவர்களின் தொடக்க தேர்வாக எப்போதும் ஆல்டோ ரக காரே இருந்து வந்த நிலையில், தொடர்ந்து அந்த இடத்தை ஆல்டோ K10 தக்கவைத்திருக்கிறது.
Car loan Information:
Calculate Car Loan EMI