மாருதி கிராண்ட் விதாரா நடுத்தர வர்க்க வாடிக்கையாளர்களிடையே பிரபலமான மிட் சைஸ் SUV-யாக மாறியுள்ளது. இது சிறந்த மைலேஜ், நம்பகமான செயல்திறன் மற்றும் மேம்பட்ட அம்சங்களை வழங்குகிறது. இதன் எக்ஸ்-ஷோரூம் விலை 10.76 லட்சம் ரூபாயில் தொடங்கி 19.72 லட்சம் ரூபாய் வரை செல்கிறது. இருந்தாலும், பெரும்பாலான மக்கள் இதை ரொக்கமாக வாங்குவதற்கு பதிலாக, லோன் மற்றும் EMI-யில் வாங்க விரும்புகிறார்கள். அதற்கு முன்பணம் எவ்வளவு செலுத்த வேண்டும் என்பது உள்ளிட்ட விவரங்களை பார்க்கலாம்.
மாருதி கிராண்ட் விதாராவின் ஆன்-ரோடு விலை என்ன.?
சென்னையில், மாருதி கிராண்ட் விதாராவின் அடிப்படை சிக்மா பெட்ரோல் வகையின் ஆன்-ரோடு விலை சுமார் 13.18 லட்சம் ரூபாயாகும். இந்த விலையில் RTO கட்டணங்கள், காப்பீடு மற்றும் பிற பொருந்தக்கூடிய வரிகள் அடங்கும். இருப்பினும், இந்த விலை நகரம் மற்றும் வேரியன்ட்டைப் பொறுத்து சிறிது மாறுபடலாம்.
மாருதி கிராண்ட் விதாரா லோன் மற்றும் EMI திட்டங்கள்
நீங்கள் கிராண்ட் விதாராவை லோன் அடிப்படையில் வாங்கினால், குறைந்தபட்சம் 2 லட்சம் ரூபாய் முன்பணம் செலுத்த வேண்டும். அதன் பிறகு, நீங்கள் தோராயமாக 11.18 லட்சம் ரூபாய் கார் கடனை வாங்க வேண்டும். வங்கி இந்தக் கடனை 7 ஆண்டுகளுக்கு, ஆண்டுக்கு 9 சதவீத வட்டி விகிதத்தில் வழங்குகிறது என்று வைத்துக் கொண்டால், உங்கள் மாதாந்திர EMI சுமார் 17,900 ரூபாய் வரும். இந்த EMI பொதுவாக ஒரு நடுத்தர குடும்பத்தின் பட்ஜெட்டுக்குள் பொருந்தும். நீங்கள் திருப்பிச் செலுத்தும் மொத்த தொகை 15.11 லட்சம் ரூபாயாக இருக்கும்.
எவ்வளவு மாத வருமானம் இருந்தால் இந்த EMI-ஐ சமாளிக்கலாம்.?
நிதி நிபுணர்களின் கூற்றுப்படி, உங்கள் மாத வருமானத்தில் 20 சதவீதத்திற்கு மேல் உங்கள் EMI இருக்கக்கூடாது. உங்கள் EMI சுமார் 17,000 ரூபாய் என்றால், உங்கள் மாத சம்பளம் குறைந்தது 60,000 முதல் 70,000 ரூபாய் வரை இருக்க வேண்டும். உங்கள் சம்பளம் இதை விட அதிகமாக இருந்தால், கிராண்ட் விதாராவின் ஹைப்ரிட் அல்லது உயர்நிலை வேரியன்ட்டுகளுக்கு நீங்கள் எளிதாக செல்லலாம்.
எஞ்சின், மைலேஜ் மற்றும் அம்சங்கள்
மாருதி கிராண்ட் விதாரா கார், 1.5 லிட்டர் பெட்ரோல் எஞ்சினுடன் மைல்ட் ஹைப்ரிட் மற்றும் ஸ்ட்ராங் ஹைப்ரிட் விருப்பங்களில் கிடைக்கிறது. CNG வகைகளும் கிடைக்கின்றன. பெட்ரோல் வகை, ஒரு லிட்டருக்கு 20 முதல் 21 கிலோ மீட்டர் மைலேஜை வழங்குகிறது. அதே நேரத்தில், ஸ்ட்ராங் ஹைப்ரிட் வகை ஒரு லிட்டருக்கு 27.97 கிலோ மீட்டர் மைலேஜை வழங்குகிறது.
முக்கிய அம்சங்களை பொறுத்தவரை, பனோரமிக் சன்ரூஃப், 360 டிகிரி கேமரா, காற்றோட்டத்துடன் கூடிய இருக்கைகள், வயர்லெஸ் சார்ஜர் மற்றும் பாதுகாப்பிற்கு 6 ஏர்பேக்குகள் ஆகியவை இந்த காரில் கொடுக்கப்பட்டுள்ளன.
Car loan Information:
Calculate Car Loan EMI