வாடிக்கையாளர்கள் மத்தியில் அமோக வரவேற்பைப் பெற்ற பிரபல மாடலான ஸ்கார்பியோ என் (Scorpio N) காரை, மஹிந்திரா நிறுவனம் தற்போது பல புதிய சிறப்பம்சங்களுடன் அப்டேட் செய்துள்ளது.
ஒவ்வொரு ஆண்டும் ஆகஸ்ட் 15 சுதந்திர தினத்தன்று தங்களது புதிய தயாரிப்புகளை வெளியிடுவதை மஹிந்திரா நிறுவனம் ஒரு வழக்கமான பாரம்பரியமாகவே பின்பற்றி வருகிறது. அதன் அடிப்படையில், 15-ஆம் தேதியன்று இந்த புதிய கார் அதிகாரப்பூர்வமாக விற்பனைக்கு அறிமுகம் செய்யப்பட உள்ளது.
ஃபேஸ்லிஃப்ட் அப்டேட்டட் வெர்ஷன்
இது முற்றிலும் ஒரு புதிய கார் கிடையாது, மாறாக இது ஏற்கனவே விற்பனையில் உள்ள மாடலின் இந்திய வாகன சந்தையில் முன்னணியில் உள்ள மஹிந்திரா நிறுவனம், ஃபேஸ்லிஃப்ட் (Facelift) வெர்ஷனாகவே வெளியாகிறது.
இந்த புதிய காரில், தற்போதைய மாடலில் உள்ளதை விட மிகப்பெரிய தொடுதிரை வழங்கப்பட்டுள்ளது. 10.25 இன்ச் அளவிலான இந்த புதிய பெரிய தொடுதிரையானது, மற்ற மஹிந்திரா கார்களில் பயன்படுத்தப்படும் அதே அதிநவீன இன்ஃபோடெயின்மென்ட் சிஸ்டத்துடன் வருகிறது. இதோடு, டிஜிட்டல் இன்ஸ்ட்ரூமென்ட் கிளஸ்டர் வசதியும் கொடுக்கப்பட்டுள்ளது.
என்னென்ன மாற்றம்
இந்த புதிய இன்ஃபோடெயின்மென்ட் சிஸ்டம் மேம்படுத்தப்பட்ட புதிய 360 டிகிரி கேமரா வசதியையும் சப்போர்ட் செய்யும். காரின் உட்புறத்தில் புதிய ஏர் வென்ட்டுகள் வழங்கப்பட்டுள்ளன. மேலும், உட்புற டிசைன் மாற்றப்பட்டுள்ளதுடன், சில ஸ்விட்ச் கியர்களிலும் மாற்றங்கள் செய்யப்பட்டுள்ளன.
பாதுகாப்பை மேம்படுத்தும் விதமாக புதிய ஸ்கார்பியோ என் ஃபேஸ்லிஃப்ட் மாடலில், புதிய ADAS சிறப்பம்சங்கள் மற்றும் புதிய தோற்றத்தைக் கொண்ட ஸ்டீயரிங் வீல் டிசைன் ஆகியவை இடம்பெற்றுள்ளன. இவை தவிர, பனோரமிக் சன்ரூஃப், 12 ஸ்பீக்கர்களைக் கொண்ட ஆடியோ சிஸ்டம், டுயல் ஜோன் கிளைமேட் கண்ட்ரோல், பவர்டு டிரைவர் சீட் மற்றும் வென்டிலேட்டட் சீட்டுகள் போன்ற பல பிரீமியம் வசதிகளும் சேர்க்கப்பட்டுள்ளன.
எக்ஸ்யூவி 7XO-க்கு போட்டியா?
இந்த புதிய அப்டேட்கள் மூலமாக, மஹிந்திரா எக்ஸ்யூவி 7XO மற்றும் ஸ்கார்ப்பியோ என் ஆகிய இரண்டு கார்களுக்கும் இடையே இருந்த வசதிகளின் மிகப்பெரிய இடைவெளி தற்போது பெருமளவு குறைக்கப்பட்டுள்ளது. இருப்பினும், மூன்று ஸ்கிரீன்கள் போன்ற சில கூடுதல் வசதிகளுடன் எக்ஸ்யூவி 7XO கார் இன்னும் ஒரு படி மேலேயே இருக்கிறது.
ஸ்கார்பியோ என் காரின் எஞ்சின் தேர்வுகளில் எந்தவித மாற்றமும் செய்யப்படவில்லை. முன்பு போலவே டர்போ பெட்ரோல் மற்றும் டீசல் எஞ்சின் ஆப்ஷன்கள் மேனுவல் மற்றும் ஆட்டோமேட்டிக் கியர்பாக்ஸ் தேர்வுகளில் தொடர்ந்து கிடைக்கும்.
விலை எப்படி?
எக்ஸ்யூவி 7XO காரில் உள்ள வசதிகள் இதில் அறிமுகம் செய்யப்பட்டிருப்பதால், புதிய ஸ்கார்ப்பியோ என் ஃபேஸ்லிஃப்ட் தற்போது அந்த இடைவெளியை நெருங்கி வந்துள்ளது. இன்னும் சில தினங்களில் அறிமுகமாக உள்ள இந்த புதிய ஸ்கார்பியோ என் ஃபேஸ்லிஃப்ட் மாடலின் விலை, முந்தைய மாடலை விடச் சிறிதளவு உயர்த்தப்படும் என்று எதிர்பார்க்கப்படுகிறது.
Car loan Information:
Calculate Car Loan EMI