பாலிவுட் நட்சத்திரங்களில் மனம் கவர்ந்த சொகுசு காராக மாறியுள்ளது பென்ஸ் நிறுவனத்தின் Mercedes Maybach GLS 600 SUV. பிரம்மாண்டம், சொகுசு, பாதுகாப்பு என அனைத்திலும் பெஸ்ட்டாக இருக்கும் இந்த SUV மாடலை இப்போது தன் வீட்டுக்கு ஓட்டிக்கொண்டு போயுள்ள பிரபலம் க்ரிதி சனோன் (பரமசுந்தரி பாடல் கேட்டீங்களா, இல்லையா?). சமீபத்தில் மிமி படம் மூலம் ரசிகர்களை கவர்ந்த க்ரிதி தற்போது இந்த காரை வாங்கியுள்ளார். இந்த காரை வாங்கும் பாலிவுட் பிரபலம் கிரிட்டி மட்டுமல்ல. ஏற்கெனவே ரன்வீர் சிங், அர்ஜூன் கபூர், ஆயுஸ்மான் உள்ளிட்ட சில பாலிவுட் நடிகர்கள் இந்த காரை சொந்தமாக்கியுள்ளனர். பாலிவுட் பிரபலங்களின் பேவரைட் காராக இந்த மாடல் இருக்க காரணம் என்ன? அதில் என்னதான் இருக்கிறது?
சொகுசு கார்களுக்கு பெயர்போன பென்ஸ் நிறுவனம் கடந்த ஜூன் மாதம் வெளியிட்ட மாடல்தான் Mercedes Maybach GLS 600 SUV. உலகளவில் மிகவும் சொகுசான SUV மாடலில் இதுவும் ஒன்று. வெளிப்புறம்,உட்புறம் என காரே ஒரு நகரும் சொகுசு விடுதி போலத்தான் இருக்கும். குறிப்பாக காரின் உட்புறம் காரா? கப்பலா? என்று ஆச்சரியத்தில் வாயைபிளக்கும் அளவுக்கு சொகுசாக இருக்கும். இந்த மாடல் 5 பேர் அமர்ந்து செல்லும் வகையில் இருக்கும். வேண்டுமானால் மேலும் சொகுசாக மாற்றி 4 பேர் மட்டுமே அமர்ந்து செல்லும் வகையில் இட வசதியாகவும் மாற்றிக்கொள்ள முடியும்.
4.0L V8 biturbo with EQ Boost எஞ்சின், 6 ஆயிரம் முதல் 6500 ஆர்பிஎம் பவர் கொண்ட 550 எச்பி கொண்டுள்ளது இந்த மாடல். SUV மாடல் என்றாலும் இதன் பிக்கப் ஸ்போர்ட்ஸ் காரைப்போல உள்ளது. கிட்டத்தட்ட 4.8 நொடிக்குள் இதன் வேகம் 0 முதல் 60கிமீ வேகத்தை எட்டிப்பிடிக்கும். அதுபோக அகலமான வீல் பேஸ், பாதுகாப்பு அம்சங்கல், சென்சார் அமைப்புகள் என பல அம்சங்கள் கொடுக்கப்பட்டுள்ளன. உட்புறம் அதிக ஸ்பேஸை கொண்டிருப்பதால் ஒரு அறையில் இருப்பது போலவான ஒரு எண்ணத்தையே இந்த கார் கொடுக்கிறது.
சாலையில் போகிறதா? அல்லது வானத்தில் மிதக்கிறதா என்று யோசிக்கும் அளவுக்கு அதிர்வே இல்லாத சாலை பயணத்தை இந்தக் கார் கொடுக்கும். அதற்காக பிரத்யேக சஸ்பென்ஷன் கொடுக்கப்பட்டுள்ளது. இதன் விலை ரூ.2.43 கோடியாக இருக்கிறது. விலையில் 2 கோடியைத் தாண்டினாலும் அதற்கான சிறப்பம்சங்களை கொடுத்துள்ளது பென்ஸ்.
Car loan Information:
Calculate Car Loan EMI