Kia Upcoming Cars: 500 கி.மீட்டர் மைலேஜ்.. Syros EV முதல் Carnival Hybrid வரை - சந்தைக்கு வரப்போகும் Kia கார்கள்!
Kia Seltos Upcoming Cars: கியா நிறுவனம் இந்திய சந்தையில் அறிமுகப்படுத்த உள்ள 4 புதிய கார்களை கீழே விரிவாக காணலாம்.
இந்தியாவில் குறைந்த ஆண்டுகளிலே மிகப்பெரிய வரவேற்பை பெற்ற கார் நிறுவனம் கியா. இவர்களது கார்களுக்கு இந்திய சந்தையில் தனி வரவேற்பு உள்ளது. இந்த நிலையில், கியா நிறுவனம் இந்திய சந்தையில் இந்தாண்டு நான்கு புதிய கார்களை அறிமுகப்படுத்த உள்ளது.
1. Kia Syros EV:
கியா நிறுவனத்தின் வெற்றிகரமான கார் Kia Syros. இந்த காரின் மின்சார வெர்சனாக இந்திய சந்தையில் அமைந்துள்ளது Kia Syros EV. இந்தாண்டின் நடுப்பகுதியில் இந்த கார் சந்தையில் அறிமுகமாகும் என்று எதிர்பார்க்கப்படுகிறது. இந்த கார் சந்தையில் அறிமுகமானால் Tata Nexon.ev மற்றும் Mahindra XUV 3XO EV ஆகிய கார்களுக்கு போட்டியாக இந்த கார் அமையும் என்று எதிர்பார்க்கப்படுகிறது. இந்த காரில் 35 முதல் 45 கிலோவாட் வரை பேட்டரி பொருத்தப்படும் என்று எதிர்பார்க்கப்படுகிறது. இந்த காரை ஒரு முறை சார்ஜ் செய்தாலே 500 கிலோ மீட்டர் வரை மைலேஜ் தரும் ஆற்றல் கொண்டதாக அமையும் என்று கருதப்படுகிறது.
2. Kia Carnival Hybrid:
கியா நிறுவனத்தின் மிகவும் பிரபலமான கார் Kia Carnival. இந்த காரின் புதிய அப்டேட் வெர்சனாக இந்திய சந்தையில் அறிமுகமாக உள்ளது Kia Carnival Hybrid. 1.6 லிட்டர் டர்போசார்ஜ்ட் பெட்ரோல் எஞ்ஜின் இதில் பொருத்தப்பட்டுள்ளது. 178 பிஎச்பி மற்றும் 265 என்எம் டார்க் இழுதிறன் கொண்டது. எலக்ட்ரிக் மோட்டாரில் 72 எச்பி மற்றும் 304 என்எம் டார்க் இழுதிறன் கொண்டது. இதனால் 242 எச்பி குதிரைத் திறன் மற்றும் 367 என்எம் டார்க் இழுதிறன் கொண்டது 6 கியர்கள் கொண்டது. 19 கிலோமீட்டர் வரை மைலேஜ் அளிக்கும் திறன் கொண்டது.
3. Kia MQ4i:
கியாவின் புதிய படைப்பு Kia MQ4i. இது மூன்று வரிசை கொண்ட இருக்கைகளை கொண்ட கார் ஆகும். இந்த எஸ்யூவி கார் 1.5 லிட்டர் பெட்ரோல் எஞ்ஜின் பொருத்தப்பட்டுள்ளது. இந்த கார் அடுத்தாண்டின் முதலாம் பாதியில் அறிமுகமாகும் என்று எதிர்பார்க்கப்படுகிறது.
4. Kia Seltos Hybrid:
கியாவின் வெற்றிகரமான கார்களில் ஒன்று Kia Seltos. இந்த காரின் ஹைப்ரிட் மாடல்தான் Kia Seltos Hybrid. இந்த கார் 1.5 லிட்டர் பெட்ரோல் எஞ்ஜின் பொருத்தப்பட்ட காராகவும் அமைந்துள்ளது. இந்த கார் சந்தையில் அறிமுகமானால் 25 கிலோமீட்டர் வரை செல்லலாம் என்று அறிவிக்கப்பட்டுள்ளது. கியாவின் கார்களுக்கு இந்திய சந்தையில் நல்ல வரவேற்பு இருந்து வரும் நிலையில், இந்த கார்கள் சந்தையில் அறிமுகமானால் டாடா, மஹிந்திரா போன்ற நிறுவனங்களின் கார்களுக்கு கடும் சவால் இருக்கும் என்று எதிர்பார்க்கப்படுகிறது. சொகுசு கார் நிறுவனங்களுக்கு இணையாக பாதுகாப்பு அம்சங்களையும், சிறப்புகளையும் கியா தனது கார்களில் உருவாக்கி வருகிறது.
தலைப்பு செய்திகள்
ட்ரெண்டிங் செய்திகள்
