Kia Syros EV: கியா நிறுவனத்தின் சிறிய எண்ட்ரி லெவல் மின்சார காரான சைரோஸ் மாடலின் ஆரம்ப விலை, 13 லட்சத்து 49 ஆயிரம் ரூபாயாக நிர்ணயிக்கப்பட்டுள்ளது.
கியா சைரோஸ் EV அறிமுகம் - விலை அறிவிப்பு
இந்திய சந்தைக்காக உள்நாட்டிலேயே உற்பத்தி செய்யப்பட்ட கியா நிறுவனத்தின் இரண்டாவது மின்சார காரான, சைரோஸ் அதிகாரப்பூர்வமாக சந்தைப்படுத்தப்பட்டுள்ளது. இதன் விலை வரம்பானது 13 லட்சத்து 49 ஆயிரம் ரூபாயில் தொடங்கி 19 லட்சத்து 99 ஆயிரம் ரூபாய் வரை நீள்கிறது. 42KWh மற்றும் 51.4KWh என இரண்டு பேட்டரி பேக் ஆப்ஷன்களில் மொத்தம் 7 வேரியண்ட்களில் இந்த கார் விற்பனை செய்யப்படுகிறது. வரும் ஜுலை 30ம் தேதி இந்த காரானது டீலர்ஷிப் அலுவலகங்களை வந்தடையும் என தெரிவிக்கப்பட்டுள்ளது.
கியா சைரோஸ் EV - விலை விவரங்கள்
| பேட்டரி பேக் | வேரியண்ட் | விலை (எக்ஸ் - ஷோரூம்) |
| 42KWh | HTK | ரூ.13.49 லட்சம் |
| 42KWh | HTK+ | ரூ.14.99 லட்சம் |
| 42KWh | HTX | ரூ.15.99 லட்சம் |
| 51.4KWh | HTK+ER | ரூ.16.99 லட்சம் |
| 51.4KWh | HTX ER | ரூ.17.99 லட்சம் |
| 51.4KWh | HTX + ER | ரூ.19.49 லட்சம் |
| 51.4KWh | X-லைன் ER | ரூ.19.99 லட்சம் |
கியா சைரோஸ் EV - BaaS விவரங்கள்
கியா சைரோஸ் மின்சார காரை பேட்டரி வாடகை (Baas) திட்டம் மூலமும் எளிய விலையில் சொந்தமாக்க முடியும். அதன்படி, ரூ.7.99 லட்சம் என்ற தொடக்க விலையில் காரை நீங்கள் வாங்கலாம். பேட்டரி பயன்பாட்டிற்கு ஒரு கிலோ மீட்டருக்கு ரூ.3.3 செலவிட வேண்டி இருக்கும். திட்டமிடப்பட்ட பராமரிப்பு, நீட்டிக்கப்பட்ட கேரண்டி மற்றும் சாலையோர உதவி ஆகியவற்றை ஒருங்கிணைக்கும் 'மை கன்வீனியன்ஸ் இ-பிளஸ்' தொகுப்பையும் கியா அறிமுகப்படுத்தியுள்ளது. இதில் நான்கு வருட ப்ரீமியம் பேக்கேஜ் மற்றும் நீட்டிக்கப்பட்ட சாலையோர உதவி வசதியுடன் கூடிய ஐந்து வருட லக்சரி பேக்கேஜ் என இரண்டு திட்டங்கள் கிடைக்கின்றன.
கியா சைரோஸ் EV - பேட்டரி, ரேஞ்ச்
கியா சைரோஸ் மின்சார எடிஷனின் பெரிய பேட்டரியை முழுமையாக சார்ஜ் செய்தால் 526 கிலோ மீட்டர் ரேஞ்ச் அளிக்கும் என அறிவிக்கப்பட்டுள்ளது. சப்-காம்பேக்ட் எலெக்ட்ரிக் எஸ்யுவி பிரிவில் 500 கிலோ மீட்டர் ரேஞ்சை கடக்கும் முதல் கார் என்ற பெருமை இதற்கு கிடைக்கிறது. அதேநேரம், 42KWh பேட்டரி பேக்கை முழுமையாக சார்ஜ் செய்தால் 443 கிலோ மீட்டர் ரேஞ்ச் அளிக்குமாம். நிஜ உலக பயன்பாட்டில் இந்த ரேஞ்ச் சற்று குறையலாம். இரண்டு பேட்டரி எடிஷன்களும் முன்புறம் கட்டமைக்கப்பட்ட எலெக்ட்ரிக் மோட்டர் மூலமே, 171PS ஆற்றலை உற்பத்தி செய்கிறது. பெரிய பேட்டரி பேக் கொண்ட சைரோஸ் எடிஷனானது 8.1 விநாடிகளில் பூஜ்ஜியத்திலிருந்து மணிக்கு 100 கிலோ மீட்டர் வேகத்தை எட்டும் என தெரிவிக்கப்பட்டுள்ளது. டிசி ஃபாஸ்ட் சார்ஜிங் மூலம் 10 முதல் 80 சதவிகித பேட்டரி நிலையை 39 நிமிடங்களில் எட்டிவிடலாம்.
கியா சைரோஸ் EV - சேவை மையங்கள்
சைரோஸ் மின்சார எடிஷனானது ஆட்டோ மோட் மற்றும் i-பெடலுடன் கூடிய பேடில் மூலம் இயக்கப்படும் ரீஜெனரேட்டிவ் ப்ரேக்கிங், வெஹைகிள் டூ லோட் திறன், விர்ச்சுவல் இன்ஜின் சவுண்ட் சிஸ்டம், பேட்டரி ஹீட்டிங் மற்றும் ஸ்டீயரிங் மீது கட்டமைக்கப்பட்ட ஷிஃப்ட்-பை-வயர் செலக்டர் உள்ளிட்ட பல EV-சார்ந்த தொழில்நுட்பங்களைப் பெறுகிறது. கியா தனது K-சார்ஜ் சூழலமைப்பையும் MyKia செயலி மற்றும் இணையதளம் மூலம் ஒருங்கிணைத்துள்ளது. இது ஒருங்கிணைந்த கட்டணத் தளம் வழியாக 23 சார்ஜ் பாயிண்ட் ஆபரேட்டர்களிடமிருந்து 20,300-க்கும் மேற்பட்ட சார்ஜிங் பாயிண்டுகளுக்கான அணுகலை வழங்குகிறது. மேலும், இந்நிறுவனம் DC ஃபாஸ்ட் சார்ஜர்கள் பொருத்தப்பட்ட 129-க்கும் மேற்பட்ட டீலர்ஷிப்கள், 275-க்கும் மேற்பட்ட EV-ரெடி ஒர்க்க்ஷாப்கள் மற்றும் 400 நகரங்களில் 900-க்கும் மேற்பட்ட வாடிக்கையாளர் தொடர்பு மையங்கள் மூலம் உரிமையாளர்களுக்கு சேவைகளை வழங்குகிறது.
கியா சைரோஸ் EV - அம்சங்கள், வசதிகள்
சைரோஸ் மின்சார எடிஷனானது இரட்டை 12.3 இன்ச் திரைகளையும் 5 இன்ச் க்ளைமேட் கன்ட்ரோல் டிஸ்ப்ளேவையும் இணைக்கும் 30 இன்ச் டட்ரிபிள் பனோரமிக் டிஸ்ப்ளே இடம்பெற்றுள்ளது. வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, 95-க்கும் மேற்பட்ட கனெக்டட் செயல்பாடுகளுடன் கூடிய கியா கனெக்ட் 2.0, ஓவர்-தி-ஏர் சாஃப்ட்வேர் அப்டேட்கள், எட்டு ஸ்பீக்கர்கள் கொண்ட ஹார்மன் கார்டன் ஆடியோ சிஸ்டம், வயர்லெஸ் ஃபோன் சார்ஜிங், காற்றோட்ட வசதியுள்ள முன் மற்றும் பின் இருக்கைகள், ஒரு பனோரமிக் சன்ரூஃப், பவர் ட்ரைவர் இருக்கை, 64-வண்ண ஆம்பியன்ட் லைட்டிங் மற்றும் 16-லிட்டர் முன் சேமிப்புப் பகுதி ஆகியவை வழங்கப்பட்டுள்ளன.
கியா சைரோஸ் EV - பாதுகாப்பு அம்சங்கள்
இதில் இடம்பெற்றுள்ள பாதுகாப்பு உபகரணங்களில், 16 தானியங்கி ஓட்டுநர் உதவி செயல்பாடுகளுடன் கூடிய லெவல் 2 ADAS, ஆறு ஏர்பேக்குகள், எலெக்ட்ரானிக் ஸ்டெபிலிட்டி கன்ட்ரோல், ஹில் ஸ்டார்ட் அசிஸ்ட், டயர் ப்ரஷர் மானிட்டரிங் சிஸ்டம், ISOFIX குழந்தை இருக்கைகள், பின் இருக்கை அலெர்ட், ஆட்டோ ஹோல்டுடன் கூடிய மின்னணு பார்க்கிங் ப்ரேக், 360-டிகிரி கேமரா, ப்ளைண்ட் வியூ மானிட்டர் மற்றும் முன், பின் மற்றும் பக்கவாட்டு பார்க்கிங் சென்சார்கள் ஆகியவற்றை கொண்டுள்ளது. இந்த காரானது மொத்தம் ஒன்பது வண்ண விருப்பங்களில் கிடைக்கிறது.
Car loan Information:
Calculate Car Loan EMI