Kia Carens Clavis EV: காரென்ஸ் க்ளாவிஸ் மின்சார காரில் புதியதாக 6 இருக்கைகள் கொண்ட ஆப்சனையும் கியா நிறுவனம் அறிமுகப்படுத்தியுள்ளது.
காரென்ஸ் க்ளாவிஸ் EV-க்கு புதிய அப்க்ரேட்கள்
கியா நிறுவனம் தனது முழுமையான மின்சார எம்பிவியான 7 சீட்டர் காரென்ஸ் க்ளாவிஸ் மாடலுக்கான, கவர்ச்சியை அதிகரிக்கும் விதமாக புதிய ட்ரிம்கள், இருக்கை லே-அவுட்கள் மற்றும் அம்ச மேம்படுத்தல்களை வழங்கியுள்ளது. கடந்த ஆண்டு அறிமுகப்படுத்தப்பட்ட இந்த காரானது வாடிக்கையாளர்களிடையே நல்ல வரவேற்பை பெற்றுள்ளது. அதனை மேலும் வலுவாக்கி, விரிவுபடுத்தும் நோக்கில், கேப்டன் சீட் வசதியுடன் 6 இருக்கை லே-அவுட் உள்ளிட்ட முக்கிய அம்சங்களை கியா அறிமுகப்படுத்தியுள்ளது. இதன் மூலம், காரென்ஸ் க்ளாவிஸ் விற்பனை மேலும் அதிகரிக்கும் என்றும், எம்பிவி பிரிவில் வலுவான சந்தைப் பகிர்வை ஈட்டும் என்றும் நம்பப்படுகிறது.
காரென்ஸ் க்ளாவிஸ் EV - 6 சீட் லே-அவுட்
வாடிக்கையாளர்களை ஈர்க்கும் விதமாக புதிய 6 இருக்கை லே-அவுட்டானது பல்வேறு வேரியண்ட்களிலும் கிடைக்கப்பெறுகிறது. அதில், HTX (E), HTX, HTX+, GTX, GTX+ மற்றும் X-Line ஆகியவை அடங்கும். அதேநேரம், 7 சீட்டர் ஆப்ஷனானது பயன்பாட்டிற்கு ஏற்ப தன்னை தேர்வு செய்துகொள்வதற்கான வாய்ப்பினை பயனர்களுக்கு வழங்குகிறது. பவர்ட்ரெயின் அடிப்படையில் எந்தவித மாற்றமும் இன்றி, காரென்ஸ் க்ளாவிஸ் மின்சார எடிஷனானது அதே இரண்டு பேட்டரி ஆப்ஷன்களில் அப்படியே தொடர்கிறது.
முழுமையாக சார்ஜ் செய்தால் சிறிய 42KWh பேட்டரி பேக் ஆனது 404 கிலோ மீட்டர் தூரமும், பெரிய 51.4KWh பேட்டரி பேக் ஆனது 490 கிலோ மீட்டர் தூரமும் பயணிக்கும் என கியா தரப்பில் தெரிவிக்கப்பட்டுள்ளது. ஃபாஸ்ட் சார்ஜிங் ஆப்ஷனானது 10-லிருந்து 80 சதவிகிதம் என்ற நிலையை, வெறும் 39 நிமிடங்களில் எட்டும் திறன் கொண்டுள்ளது.
காரென்ஸ் க்ளாவிஸ் EV - புதிய வேரியண்ட்கள் அறிமுகம்
காரென்ஸ் க்ளாவிஸ் மின்சார எடிஷனில் வழங்கப்பட்டுள்ள அப்டேட்டில், பெரிய பேட்டரி பேக்கில் புதியதாக இணைக்கப்பட்டுள்ள GT Line, X-Line வேரியண்ட்கள் மிகுந்த கவனத்தை ஈர்க்கின்றன. GT Line வேரியண்டானது GTX மற்றும் GTX+ ட்ரிம்களை உள்ளடக்கியுள்ளது. இவை தனித்துவமான அலாய் வீல்கள், லைம் ப்ரேக் கேலிபர்ஸ் மற்றும் மெடல் பெடல்ஸ் மூலம் கூடுதலாக ஸ்போர்ட்டி தாக்கத்தை கொண்டுள்ளன. மறுபுறம், X-Line வேரியண்டானது கூடுதலான ரக்கட் தோற்றத்திற்கு வழிவகுக்கும் விதமாக, அடர்த்தியான வெளிப்புற எலிமெண்ட்களுடன் புதிய டார்க் கன் மெடல் ஷேட் வழங்கப்பட்டுள்ளது. இது எஸ்யுவி மாதிரியான தோற்றத்தை மேம்படுத்துகிறது.
காரென்ஸ் க்ளாவிஸ் EV - அம்சங்களில் வந்த அப்டேட்கள்
நடப்பு 2026 உற்பத்தி ஆண்டில் தயாரிக்கப்படும் காரென்ஸ் க்ளாவிஸில் முக்கியமான சில அம்சங்களையும் கியா மேம்படுத்தியுள்ளது. அதன்படி, டாப் ட்ரிம்களில் டிஜிட்டல் கீ ஃபங்க்சனாலிட்டி, பேட்டரி ஹீட்டர் டெக் ஆகியவை இணைக்கப்பட்டுள்ளது. அதேநேரம், 26.62 இன்ச் ஒருங்கிணைந்த அளவிலான இரட்டை பனோரமிக் டிஸ்பிளே செட்-அப், 85-க்கும் அதிகமான கனெக்டட் அம்சங்கள், டூயல் பேன் பனோரமிக் சன்ரூஃப் ஆகியவற்றின் மூலம் கேபின் தொடர்ந்து பயனர்களின் கவனத்தை ஈர்க்கிறது.
கூடுதலாக MyKia செயலி வழியாக 15,000-க்கும் மேற்பட்ட சார்ஜிங் மையங்களுக்கான அணுகல் , வழித் திட்டமிடல் மற்றும் கட்டண ஒருங்கிணைப்பு, அத்துடன் DC ஃபாஸ்ட் சார்ஜர்களுடன் கூடிய 100-க்கும் மேற்பட்ட டீலர்ஷிப்கள் ஆகியவற்றின் அணுகலை கியா நிறுவனம் எளிமைப்படுத்தியுள்ளது.
காரென்ஸ் க்ளாவிஸ் EV - விலை வரம்பு
கியா காரென்ஸ் க்ளாவிஸ் மின்சார எடிஷனின் விலையானது, பேட்டரி அளவு, அம்சங்கள் மற்றும் சீட்டிங் கான்ஃபிகரேஷனை பொறுத்து மாறுபடுகிறது. அதன்படி, இந்த காரின் விலை வரம்பானது 17.99 லட்சத்தில் தொடங்கி ரூ.24.49 லட்சம் (எக்ஸ் - ஷோரூம்) வரை நீள்கிறது.
பேட்டரி பேக் | இருக்கை | ட்ரிம் | விலை (எக்ஸ் - ஷோரூம்) |
|---|---|---|---|
42 kWh | 7 சீட்டர் | HTK+ | ரூ. 17.99 லட்சம் |
42 kWh | 7 சீட்டர் | HTX E | ரூ. 19.99 லட்சம் |
42 kWh | 7 சீட்டர் | HTX | ரூ. 20.49 லட்சம் |
42 kWh | 6 சீட்டர் | HTX E | ரூ. 19.99 லட்சம் |
42 kWh | 6 சீட்டர் | HTX | ரூ. 20.49 லட்சம் |
51.4 kWh | 7 சீட்டர் | HTX E ER | ரூ. 21.99 லட்சம் |
51.4 kWh | 7 சீட்டர் | HTX ER | ரூ. 22.49 லட்சம் |
51.4 kWh | 7 சீட்டர் | GTX | ரூ. 22.99 லட்சம் |
51.4 kWh | 7 சீட்டர் | HTX+ ER | ரூ. 24.49 லட்சம் |
51.4 kWh | 7 சீட்டர் | GTX+ | ரூ. 24.99 லட்சம் |
51.4 kWh | 7 சீட்டர் | X-லைன் | ரூ. 24.99 லட்சம் |
51.4 kWh | 6 சீட்டர் | HTX E ER | ரூ. 21.99 லட்சம் |
51.4 kWh | 6 சீட்டர் | HTX ER | ரூ. 22.49 லட்சம் |
51.4 kWh | 6 சீட்டர் | GTX | ரூ. 22.99 லட்சம் |
51.4 kWh | 6 சீட்டர் | HTX+ ER | ரூ. 24.49 லட்சம் |
51.4 kWh | 6 சீட்டர் | GTX+ | ரூ. 24.99 லட்சம் |
51.4 kWh | 6 சீட்டர் | X-லைன் | ரூ. 24.99 லட்சம் |
Car loan Information:
Calculate Car Loan EMI