Hyundai Upcoming SUV: மிட்-சைஸ் எஸ்யுவி CNG பிரிவில் மிரட்டும் மாருதி - ஹுண்டாய் ரைவல் ஆன் - தி வே..! விலை
Hyundai Bayon SUV: மாருதி விக்டோரிஸ் கார் மாடலுக்கு போட்டியாக ஹுண்டாய் நிறுவனத்தின் பேயோன் எஸ்யுவி நடப்பு நிதியாண்டிலேயே சந்தைப்படுத்தப்பட உள்ளது.
Hyundai Bayon SUV: மாருதி விக்டோரிஸ் சிஎன்ஜி எடிஷன் விற்பனையில் அசத்தி வரும் நிலையில், ஹுண்டாயின் பேயோன் எஸ்யுவியும் இந்த எரிபொருள் அம்சத்தை பெற உள்ளதாம்.
ஹுண்டாய் பேயோன் எஸ்யுவி:
இந்திய ஆட்டோமொபைல் சந்தையில் இரண்டு முற்றிலும் புதிய க்ராஸ் ஓவர் எஸ்யுவிக்களை அறிமுகப்படுத்த ஹுண்டாய் நிறுவனம் தயாராகி வருகிறது. அதன்படி, முற்றிலும் புதிய பேயோன் க்ராஸ் ஓவர் மற்றும் முற்றிலும் புதிய எலெக்ட்ரிக் எஸ்யுவி ஆகியவை, நடப்பு நிதியாண்டின் இறுதிக்குள்ளாகவே விற்பனைக்கு வரவுள்ளதாம். அதில் பேயோன் மாடலானது நடப்பாண்டு இறுதிக்குள்ளாகவே அறிமுகப்படுத்தப்படும் எனவும், தொடர்ந்து 2027ம் ஆண்டின் முதல் காலாண்டிலேயே விற்பனைக்கு வரும் என்றும் தகவல்கள் தெரிவிக்கின்றன. விரைவில் வரவுள்ள புதிய மிட்-சைஸ் எஸ்யுவி ஆனது, நிஜ உலக பயன்பாடு தொடர்பாக அண்மைக்காலங்களாக இந்திய சாலைகளில் சோதனைக்கு உட்படுத்தப்பட்டு வருவது குறிப்பிடத்தக்கது.
ஹுண்டாய் பேயோன் - டிசைன் விவரங்கள்
ஆலையில் BC4i என்ற கோட்நேமை கொண்டுள்ள ஹுண்டாய் பேயான், சுமார் 4.2 மீட்டர் நீளம் இருக்கும் என எதிர்பார்க்கப்படுகிறது. இது, 4 மீட்டருக்கும் குறைவான நீளம் கொண்ட வென்யு மற்றும் மிட்-சைஸ் க்ரேட்டாவிற்கு இடையேயான விலை மற்றும் அளவு ஆகியவற்றின் அடிப்படையில் நிலவும் இடைவெளியை நிரப்பும் மாடலாக வரவுள்ளது. 4.3 மீட்டர் நீளமுள்ள மாருதி விக்டோரிஸை விட, பேயான் மிகவும் கச்சிதமான வடிவம், குறைந்த வீல்பேஸ் மற்றும் சிறிய சக்கர விட்டங்களைக் கொண்டிருப்பதை சோதனையின் போது எடுக்கப்பட்ட புகைப்படங்கள் உணர்த்துகின்றன.
வளைவான க்ராஸ்-ஓவர் வடிவமைப்பிற்குப் பதிலாக பேயான் ஆனது, ஹுண்டாயின் சமீபத்திய டிசைன் தீம் மூலம் ஈர்க்கப்பட்டு, உயரமான மற்றும் பாக்ஸி போன்ற தோற்றத்தைக் கொண்டிருக்கும். முன்பக்கத்தில் உயரமாக பொருத்தப்பட்ட பகல் நேரங்களில் ஒளிரும் விளக்குகள் மற்றும் பம்பரில் ஒருங்கிணைக்கப்பட்ட "ஐஸ்-கியூப்" LED புரொஜெக்டர் பிரதான ஹெட்லேம்ப்களைக் கொண்ட பிரிக்கப்பட்ட ஹெட்லேம்ப் அமைப்பு உள்ளது. இந்த SUV 16-இன்ச் டைமண்ட்-கட் அலாய் வீல்களில் இயங்கும் என எதிர்பார்க்கப்படுகிறது. மேலும் நடைமுறைக்கு உகந்த ரூஃப் ரெயில்கள் மற்றும் கனெக்டட் LED டெயில்-லைட்கள் இருக்கும்.
ஹுண்டாய் பேயோன் - அம்சங்கள், வசதிகள்
பேயான் காரில் உயர்தர சொகுசு அம்சங்கள் மற்றும் வசதிகள் பொருத்தப்பட்டிருக்கும். அதன்படி, ஒரு பெரிய டச்ஸ்க்ரீன் இன்ஃபோடெயின்மென்ட் யூனிட், முழு டிஜிட்டல் ட்ரைவர் டிஸ்ப்ளே, கனெக்டட் கார் டெக்னாலஜி மற்றும் ஆட்டோமேடிக் எமர்ஜென்சி ப்ரேக்கிங் மற்றும் அடாப்டிவ் க்ரூஸ் கன்ட்ரோல் ஆகிய அம்சங்களைக் கொண்ட லெவல் 2 ADAS தொகுப்பு ஆகியவை இடம்பெறும் என எதிர்பார்க்கப்படுகிறது.
ஹுண்டாய் பேயோன் - இன்ஜின் விவரங்கள்
4 மீட்டருக்கும் அதிகமான நீளம் கொண்ட ஹுண்டாய் கார்களிலேயே, தொழிற்சாலையிலேயே பொருத்தப்பட்ட CNG கிட்டை கொண்டிருக்கும் முதல் காராக பேயான் சந்தைப்படுத்தப்பட உள்ளது. பூட் ஸ்பேஸை அதிகரிப்பதற்காக இதன் ட்ரங்க் தரைக்குக் கீழே சிறிய இரட்டை சிலிண்டர் அமைப்பு இடம்பெறும். இந்த எஸ்யுவி, 114bhp மற்றும் 144 Nm டார்க்கை உற்பத்தி செய்யும் 1.5-லிட்டர் நேட்சுரலி-ஆஸ்பிரேட்டட் பெட்ரோல் இன்ஜினைக் கொண்டிருக்கும். இது 6-ஸ்பீட் மேனுவல் அல்லது CVT ஆட்டோமேட்டிக் ட்ரான்ஸ்மிஷனுடன் இணைக்கப்படும். ஹூண்டாய் ஒரு புதிய 1.2L டர்போ பெட்ரோல் இன்ஜினையும் தயார் செய்து வருகிறது, இது புதிய பேயான் கிராஸ்-ஓவருக்கு சக்தி அளிக்கக்கூடும்.
ஹுண்டாய் பேயோன் Vs மாருதி விக்டோரிஸ்
மாருதி தரப்பில் சிறப்பான விற்பனையை பதிவு செய்து வரும் விக்டோரிஸ் காரில், குறிப்பாக சிஎன்ஜி எடிஷன் வாடிக்கையாளர்களை வெகுவாக கவர்ந்து வருகிறது. பணத்திற்கு நிகரான அம்சங்களுடன், கிலோவிற்கு 28 கிலோ மீட்டர் மைலேஜ் வழங்குவது இதற்கு முக்கிய காரணமாகும். சந்தையின் அந்த பிரிவில் போட்டித்தன்மை இன்றி நிலவும் வெற்றிடத்தை, தங்களுக்கு சாதகமாக மாற்றிக்கொள்ள ஹுண்டாய் நிறுவனம் பேயோனை களமிறக்குகிறதாம். விக்டோரிஸ் காரின் விலை வரம்பானது, ரூ.10.50 லட்சத்தில் தொடங்கி ரூ.19.99 லட்சம் வரை (எக்ஸ் - ஷோரூம்) நீள்கிறது. இதற்கு ஈடுகொடுக்கும் வகையில் தான் பேயோனின் விலையும் நிர்ணயிக்கப்படுமாம்.
தலைப்பு செய்திகள்
ட்ரெண்டிங் செய்திகள்
