Flagship Motorcycle: இந்தியாவில் உள்ள ஃபிளாக்‌ஷிப் மோட்டார்சைக்கிள் என்ன? - பல்வேறு நிறுவனங்களின் டாப் மாடல்?

Flagship Motorcycle: இந்திய இருசக்கர வாகன சந்தையில் ஒவ்வொரு நிறுவனத்தின் முதன்மையான அதாவது ஃபிளாக்‌ஷிப் மாடல் என்ன என்பதை இந்த தொகுப்பில் அறியலாம்.

Flagship Motorcycle: இந்திய இருசக்கர வாகன சந்தையில் ஒவ்வொரு உற்பத்தி நிறுவனத்தின் முதன்மையான அதாவது ஃபிளாக்‌ஷிப் மாடல்கள் கீழே பட்டியலிடப்பட்டுள்ளன.

இருசக்கர வாகன சந்தை:

இந்தியாவில் இருசக்கர வாகனம் என்பது ஒவ்வொருவரின் வாழ்க்கையில் இன்றியமையாத ஒரு அங்கமாக உள்ளது. வாடிக்கையாளர்களின் எதிர்பார்ப்புகளை பூர்த்தி செய்யும் வகையில் உள்ளூர் மற்றும் வெளிநாடுகளைச் சேர்ந்த, இருசக்கர வாகன உற்பத்தியாளர்கள் பல்வேறு மாடல் வாகங்களை உற்பத்தி செய்கின்றனர். அதேநேரம், ஒவ்வொரு உற்பத்தி நிறுவனமும் தங்களது அடையாளமாக, வடிவமைப்பு, செயல்திறன் உள்ளிட்ட அனைத்து அம்சங்களிலும் சிறந்து விளங்கும் பிளாக்‌ஷிப் எனப்படும் முதன்மையான இருசக்கர வாகனத்தை உற்பத்தி செய்து சந்தைப்படுத்துகின்றன. அந்த வகையில் இந்திய சந்தையில் உள்ள முக்கிய இருசக்கர வாகன உற்பத்தியாளர்களின், முதன்மையான இருசக்கர வாகன விவரங்கள் கீழே பட்டியலிடப்பட்டுள்ளன.

டிவிஎஸ் Apache RR310:

இந்தியாவில் பிரபல இருசக்கர வாகன உற்பத்தி நிறுவனமான டிவிஎஸ் தனது, முதன்மையான வாகனமாக Apache RR310 மாடலை கொண்டுள்ளது. இதில் இடம்பெற்றுள்ள 312.2 cc திறன் கொண்ட இன்ஜின் 6 ஸ்பீட் மேனுவல் கியர்பாக்ஸ் உடன் இணைக்கப்பட்டுள்ளது. 174 கிலோ எடையிலான இந்த வாகனம், லிட்டருக்கு 34.7 கிமீ மைலேஜ் வழங்கும் என தெரிவிக்கப்பட்டுள்ளது. இதன் விலை இந்திய சந்தையில் 3 லட்சத்து 23 ஆயிரம் ரூபாயாக நிர்ணயிக்கப்பட்டுள்ளது.

ஹீரோ மேவ்ரிக் 440 :

இந்திய இருசக்கர வாகன சந்தையில் தொடர்ந்து கோலோச்சும், ஹீரோ நிறுவனத்தின் முதன்மையான இருசக்கர வாகனமாக ஹீரோ மேவ்ரிக் 440 மாடல் பைக் உள்ளது. அந்நிறுவன வாகனங்களிலேயெ மிகவும் சக்தி வாய்ந்த இன்ஜினை பெற்றுள்ள வாகனம் இதுதான். அதன்படி, மேவ்ரிக் மாடலானது 440சிசிசி  சிங்கிள் சிலிண்டர் ஆயில் கூல்ட் இன்ஜினை கொண்டுள்ளது. 6 ஸ்பீட் டிரான்ஸ்மிஷனுடன் இணைக்கப்பட்டுள்ள இந்த வாகனமானது,
27 ஹெச்பி பவரையும், 36 என்எம் பீக் டார்க்கையும் வெளிப்படுத்துகிறது. 3 வேரியண்ட்களில் கிடைக்கும் இந்த வாகனத்தின் விலையானது, 2.40 லட்சத்தில் தொடங்கி 2.68 லட்சம் வரை நிர்ணயிக்கப்பட்டுள்ளது.

ஹோண்டா கோல்ட் விங்:

ஹோண்டா மோட்டார்சைக்கிள் நிறுவனத்தின் ஃபிளாக்‌ஷிப் மாடலாக, இந்திய சந்தையில் இருப்பது கோல்ட் விங். இதன் விலை 39 லட்சத்து 16 ஆயிரம் ரூபாயாக நிர்ணயிக்கப்பட்டுள்ளது. இதில் 1833 cc திறன் கொண்ட இன்ஜின் இடம்பெற்றுள்ளது. இது 126.4 PS மற்றும் 170 Nm ஆற்றலை வெளிப்படுத்துகிறது. லிட்டருக்கு 14 கிலோ மீட்டர் மைலேஜ் வழங்கும். 

சுசுகி ஹயபுசா:

சுசுகி மோட்டார்ஸ் நிறுவனத்தின் ஃபிளாக்‌ஷிப் மாடலாக இருப்பது ஹயபுசா. அந்நிறுவனத்தின் 25வது ஆண்டு விழாவை முன்னிட்டு கடந்த ஆண்டுஇந்த வாகனம் அறிமுகப்படுத்தப்பட்டது. 266 கிலோ எடைகொண்ட இந்த வாகனத்தில், 1340 CC இன்ஜின் இடம்பெற்றுள்ளது. டியூப்லெஸ் டயர்களை கொண்ட இந்த வாகனம் லிட்டருக்கு 17 கிமீ மைலேஜ் வழங்குகிறது. இதன் விலை இந்திய சந்தையில் 13 லட்சத்து 85 ஆயிரம் ரூபாயாக நிர்ணயிக்கப்பட்டுள்ளது.

யமாஹா YZF R1:

Yamaha நிறுவனத்திற்கு YZF R1 மாடல் அதன் ஃபிளாக்‌ஷிப் வாகனமாக உள்ளது. ஒரு வேரியண்ட் இரண்டு வண்ணங்களில் இந்திய சந்தையில் கிடைக்கிறது. இதன் விலை 20 லட்சத்து 39 ஆயிரம் ரூபாய் என நிர்ணயிக்கப்பட்டுள்ளது. இதில் உள்ள, 998 ccbs4 இன்ஜின் 200 PS மற்றும் 112.4 Nm ஆற்றலை வெளிப்படுத்துகிறது. 200 கிலோ எடைகொண்ட இந்த வாகனமானது, லிட்டருக்கு 20 கிமீ மைலேஜ் வழங்குகிறது.

பஜாஜ் டாமினர் 400:

மலிவு விலை மோட்டார்சைக்கிள்களை விற்பனை செய்வதன் மூலம் புகழ்பெற்ற, பஜாஜ் நிறுவனத்தின் ஃபிளாக்‌ஷிப் மாடலாக டாமினர் 400 உள்ளது. இதன் விலை 2.30 லட்சம் மட்டுமே. அந்த நிறுவனத்தின் விலையுயர்ந்த பைக் மாடல் இதுதான். 373.3 cc திறன் கொண்டுள்ள இந்த இன்ஜின், 40 PS மற்றும் 35 Nm ஆற்றலை வெளிப்படுத்துகிறது. 193 கிலோ எடையுடன் லிட்டருக்கு 27 கிமீ மைலேஜ் வழங்குகிறது. 

Car loan Information: