இந்தியாவில், உங்கள் பணத்திற்கு சுமையாக இல்லாமல், நல்ல மைலேஜ் தரும் வாகனங்களுக்கான தேவை அதிகரித்து வருகிறது. சந்தையில் சிறந்த மைலேஜை வழங்கும் பல கார்கள் உள்ளன. ஆனால் இன்று, உங்கள் காரிலிருந்து சிறந்த மைலேஜை எப்படி பெறுவது என்று நாங்கள் உங்களுக்கு சொல்லப் போகிறோம். ஏனென்றால், வாகனத்தின் மைலேஜ், உங்களது கார் ஓட்டும் பழக்கத்தையும் சார்ந்துள்ளது.
அதில் முதல் காரணி, நீங்கள் காரை ஓட்டும் வேகம். எனவே, உங்கள் கார் அதிகபட்ச மைலேஜை தரும் சரியான வேகம் எது என்பதை மிக எளிமையான விளக்கத்துடன் புரிந்துகொள்வோம்.
எந்த வேகத்தில் சிறந்த மைலேஜ் கிடைக்கும்.?
சாதாரண கார்களுக்கு மணிக்கு 70 முதல் 80 கிலோமீட்டர் வேகமே சிறந்த மற்றும் சிக்கனமான வேகம் என நிபுணர்களும், ஆய்வுகளும் தெரிவிக்கின்றன. ஒரு நெடுஞ்சாலையில் அல்லது விரைவுச்சாலையில், இந்த சீரான வேகத்தில் நீங்கள் காரை ஓட்டும்போது, வாகனம் டாப் கியரில் இருக்கும். இதனால், என்ஜின் மிகக் குறைந்த சுமைக்கு உள்ளாகும்.
நீங்கள் நகரப் போக்குவரத்தில் வாகனம் ஓட்டும்போது, அடிக்கடி நிறுத்தங்கள் மற்றும் கியர் மாற்றங்கள் இருப்பதால், மணிக்கு 40 முதல் 50 கி.மீ. வரையிலான சீரான வேகம் உகந்ததாக கருதப்படுகிறது. இந்த வேகத்தில், திடீரென பிரேக் பிடிக்க வேண்டிய அவசியம் இருக்காது. மேலும், வாகனத்தின் எஞ்சினில் எரிப்பு சீராக இருக்கும்.
90 வேகத்தை தாண்டிய உடனேயே மைலேஜ் குறையத் தொடங்கும்
இந்நிலையில், விரைவுச் சாலையில் காலியான சாலையை காணும்போது, பலர் மணிக்கு 100 அல்லது 120 கி.மீ வேகத்தில் செல்ல முற்படுவதை அடிக்கடி நீங்கள் காணலாம். இருப்பினும், அறிவியல் கண்ணோட்டத்தில், வாகனத்தின் வேகம் மணிக்கு 90 கி.மீ-ஐ தாண்டிய உடன், கடுமையான காற்று அழுத்தம், வாகனத்தை பின்னோக்கி தள்ளத் தொடங்குகிறது.
இந்த கடுமையான காற்றுத் தடையை மீறிச் செல்ல, காரின் எஞ்சின் இரு மடங்கு கடினமாக உழைத்து, சிலிண்டர்களுக்குள் அதிக எரிபொருளை செலுத்த வேண்டியுள்ளது. மணிக்கு 90 கி.மீ வேகத்தில் ஓட்டுவதோடு ஒப்பிடுகையில், மணிக்கு 110 அல்லது 120 கி.மீ வேகத்தில் ஓட்டுவது, எரிபொருள் நுகர்வை சுமார் 15 சதவீதம் முதல் 20 சதவீதம் வரை குறைக்கிறது என்று புள்ளிவிவரங்கள் குறிப்பிடுகின்றன.
எனவே, எரிபொருள் செலவை கட்டுப்படுத்த விரும்புவோர், சரியான ஓட்டும் வேகத்தை கடைபிடித்தால், நல்ல மைலேஜுடன் உங்கள் பணத்தை மிச்சப்படுத்தலாம். முயன்று பாருங்கள்.!
Car loan Information:
Calculate Car Loan EMI