இந்திய ஆட்டோமொபைல் சந்தையில் பிரபலமான மிட் சைஸ் எஸ்யூவி கார்களில் ஹூண்டாய் நிறுவனத்தின் க்ரெட்டா மாடல் வாடிக்கையாளர்கள் மத்தியில் தொடர்ந்து முன்னணி வகித்து வருகிறது. இதற்கு கடுமையான போட்டியை அளிக்கும் வகையில் டாடா மோட்டார்ஸ் நிறுவனத்தின் புதிய சியரா கார் விரைவில் விற்பனைக்கு வரவுள்ளது.
இஎம்ஐ எவ்வளவு?
இந்த இரு கார்களையும் வெறும் 1 லட்சம் ரூபாய் முன்பணம் செலுத்தி வாங்கினால், மாதாந்திர இஎம்ஐ எவ்வளவு வரும் மற்றும் இவற்றின் முழுமையான சிறப்பம்சங்கள் என்ன என்பதைப் பற்றி இங்கே விரிவாகப் பார்ப்போம்.
முதலில் விலையை ஒப்பிடுகையில், ஹூண்டாய் க்ரெட்டா காரின் ஆரம்பகால எக்ஸ்-ஷோரூம் விலை ரூ.11.00 லட்சத்தில் தொடங்கி டாப் எண்ட் மாடலுக்கு ரூ.20.15 லட்சம் வரை நிர்ணயம் செய்யப்பட்டுள்ளது. இந்த காரின் ஆரம்ப மாடலை வாங்க நீங்கள் ரூ.1 லட்சம் முன்பணம் செலுத்துகிறீர்கள் என்றால், மீதமுள்ள தொகைக்கு தோராயமாக 9.8 சதவீத வட்டி விகிதத்தில் 5 ஆண்டு காலத்திற்கு (60 மாதங்கள்) வாகனக் கடன் பெற்றால், உங்களின் மாதாந்திர இஎம்ஐ சுமார் ரூ.25,000 முதல் ரூ.26,000 வரை வரும்.
மாதாந்திர தவணை எவ்வளவு?
மறுபுறம், டாடா சியரா காரின் ஆரம்ப விலை தோராயமாக ரூ.15 லட்சத்தில் தொடங்கும் என எதிர்பார்க்கப்படுகிறது. இந்த காருக்கும் ரூ.1 லட்சம் முன்பணம் கட்டினால், மீதமுள்ள தொகைக்கு 5 வருடங்களுக்கு கடன் பெற்றால் உங்களின் மாதாந்திர தவணை தோராயமாக ரூ.33,000 முதல் ரூ.35,000 வரை வரக்கூடும்.
இன்ஜின் மற்றும் ரேஞ்ச் விவரங்களை கவனித்தால், ஹூண்டாய் க்ரெட்டா 1.5 லிட்டர் பெட்ரோல் மற்றும் டீசல் இன்ஜின் தேர்வுகளில் வெளிவருகிறது. இது லிட்டருக்கு 17.4 கி.மீ முதல் 21.8 கி.மீ வரை சிறப்பான மைலேஜ் ரேஞ்சை வழங்குகிறது. டாடா சியரா கார் பெட்ரோல் மற்றும் டீசல் மட்டுமின்றி எலெக்ட்ரிக் (EV) வெர்ஷனிலும் வரவுள்ளது.
மைலேஜ் எப்படி?
இதன் இவி மாடல் பெரிய பேட்டரி பேக் வசதியுடன் ஒருமுறை முழுமையாக சார்ஜ் செய்தால் சுமார் 400 முதல் 500 கி.மீ வரையிலான சிறந்த ரேஞ்சை வாடிக்கையாளர்களுக்கு வழங்கும் என தகவல்கள் தெரிவிக்கின்றன.
வாடிக்கையாளர்கள் தங்களின் பட்ஜெட் மற்றும் தேவைகளை கருத்தில் கொண்டு சிறந்த காரை தேர்ந்தெடுக்கலாம்.
Car loan Information:
Calculate Car Loan EMI