சிட்ரோயன் இந்தியா நிறுவனம், தனது எஸ்யுவி மாடலான பசால்ட்டின் புதிய ஸ்பெஷல் எடிஷனை பசால்ட் எக்ஸ் கம்ஃபர்ட் எடிஷன் (Citroen Basalt X Comfort Edition) என்ற பெயரில் இந்திய சந்தையில் அதிகாரப்பூர்வமாக அறிமுகப்படுத்தியுள்ளது.

Continues below advertisement

வாடிக்கையாளர்களுக்கு கூடுதல் சௌகரியங்களை வழங்கும் நோக்கில் இந்த கார் பிரத்யேகமாக உருவாக்கப்பட்டுள்ளது. இதன் முழுமையான விவரங்கள் இதோ.

விலை

புதிய சிட்ரோயன் பசால்ட் எக்ஸ் கம்ஃபர்ட் எடிஷனின் விலை ரூ. 8.75 லட்சம் (எக்ஸ் ஷோரூம்) என நிர்ணயம் செய்யப்பட்டுள்ளது. நடுத்தர வர்க்க வாடிக்கையாளர்களைக் கவரும் வகையில் கட்டுப்படியாகும் விலையில் கூடுதல் சொகுசு அம்சங்களுடன் இந்த மாடல் களமிறக்கப்பட்டுள்ளது.

Continues below advertisement

வடிவமைப்பு

இந்த கார் மிகவும் நேர்த்தியான எஸ்யுவி கூபே வடிவமைப்பைக் கொண்டுள்ளது. இதன் வெளிப்புறம் சாய்வான ரூஃப்லைன், தனித்துவமான வி-வடிவ எல்இடி டிஆர்எல்கள், உறுதியான வீல் ஆர்ச்கள் மற்றும் கரடுமுரடான சாலைகளையும் எளிதில் கடக்கக்கூடிய வகையிலான அதிக கிரவுண்ட் கிளியரன்ஸ் ஆகியவற்றுடன் ஈர்க்கும் வகையில் வடிவமைக்கப்பட்டுள்ளது.

கம்ஃபர்ட் எடிஷன் என்பதால், இதன் உட்புற கேபின் பயணிகளின் சொகுசான பயணத்தை முழுமையாக மையமாகக் கொண்டு வடிவமைக்கப்பட்டுள்ளது. இதில் பிரத்யேகமான சீட் கவர்கள் (Seat covers), நீண்ட தூரப் பயணங்களிலும் சோர்வைத் தடுக்க உதவும் சௌகரியமான குஷன்கள், மேம்படுத்தப்பட்ட டேஷ்போர்டு வடிவமைப்பு மற்றும் பின்பக்கப் பயணிகளுக்கான கூடுதல் இடவசதி ஆகியவை இடம்பெற்றுள்ளன.

இன்ஜின்

இந்த மாடலில் 1.2 லிட்டர் நேச்சுரலி ஆஸ்பிரேட்டட் பெட்ரோல் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 81 பிஎச்பி பவரையும், 115 என்எம்) டார்க் திறனையும் சீராக வெளிப்படுத்தும். இது 5-ஸ்பீடு மேனுவல் கியர்பாக்ஸுடன் சிறப்பாக இணைக்கப்பட்டுள்ளது.

மைலேஜ்

சிறந்த எரிபொருள் சிக்கனத்தை வழங்கும் வகையில் இந்த இன்ஜின் டியூன் செய்யப்பட்டுள்ளது. இந்த 1.2 லிட்டர் பெட்ரோல் மேனுவல் மாடல் ஒரு லிட்டருக்கு சுமார் 18 கிலோமீட்டர் மைலேஜ் வழங்கும் திறனைக் கொண்டுள்ளது.

பாதுகாப்புவசதிகள்

பயணிகளின் பாதுகாப்பிற்கு அதிக முக்கியத்துவம் அளிக்கப்பட்டு, இதில் 6 ஏர்பேக்குகள், எலக்ட்ரானிக் ஸ்டெபிலிட்டி ப்ரோக்ராம், ஹில் ஹோல்ட் அசிஸ்ட், ஏபிஎஸ் மற்றும் பின்பக்க பார்க்கிங் சென்சார்கள் ஆகிய முக்கியப் பாதுகாப்பு வசதிகள் தரநிலையாக வழங்கப்பட்டுள்ளன. மேலும், சிட்ரோயன் நிறுவனத்தின் பாரம்பரியமான அட்வான்ஸ்டு கம்ஃபர்ட் சஸ்பென்ஷன் செட்டப் இதிலும் தொடர்கிறது.


Car loan Information:

Calculate Car Loan EMI