Cheap EV with 400KM Range Maruti e Vitara: மாருதி இ-விட்டாரா மின்சார கார் மாடல் குறித்த விவரங்களை இந்த தொகுப்பில் அறியலாம்.
400KM ரேஞ்ச் கொடுக்கும் மின்சார கார்:
இந்திய ஆட்டோமொபைல் சந்தையில் மின்சார கார்களின் பயன்பாடு அதிகரித்து வரும் நிலையில், பயனர்களின் எதிர்பார்ப்புகளுக்கு ஏற்ப பல்வேறு மாடல்களை உற்பத்தி நிறுவனங்கள் வெளியிட்டு வருகிறது. சார்ஜிங் நிலையங்களுக்கு போதிய உட்கட்டமைப்பு வசதிகள் இல்லாத நிலையில், நீண்ட தூர பயணங்களுக்கு மின்சார கார்களை சார்ந்து இருக்க முடியுமா? என்பதே பலரது கேள்வியாக உள்ளது. அவர்களது அச்சத்திற்கு தீர்வாக தான், ஒரே சாரிஜில் நீண்ட தூரம் பயணிக்கும் பல கார்கள் கிடைக்கின்றன. சான்றிதழ்களின்படி சில கார்கள் பல நூறு கிலோ மீட்டர்கள் ரேஞ்ச் அளிக்கும் என கூறப்பட்டாலும், நிஜ உலக பயன்பாட்டில் அவற்றின் செயல்திறன் குறைவாகவே இருக்கும். இந்நிலையில் தான், நிஜ உலக பயன்பாட்டிலேயே 400 கிலோ மீட்டர் ரேஞ்ச் அளிக்கக் கூடிய, மின்சார எஸ்யுவியை மலிவு விலையில் சொந்தமாக்குவதற்கான எளிய நிதி திட்ட விவரங்கள் கீழே பட்டியலிடப்பட்டுள்ளன.
மாருதி இ-விட்டாரா மின்சார எஸ்யுவி - விலை விவரங்கள்
மாருதி இ-விட்டாரா மின்சார கார் மாடலின் விலை வர்மபானது ரூ.15.99 லட்சத்தில் தொடங்கி ரூ.20.01 லட்சம் (எக்ஸ் - ஷோரூம்) வரை நீள்கிறது. வாகனத்தின் பேட்டரியை வாடகைக்கு எடுக்கும் முறையை தேர்வு செய்தால் இதன் தொடக்க விலை ரூ.10.99 லட்சம் மட்டுமே ஆகும். குறிப்பாக நிஜ உலக பயன்பாட்டில் 400 கிலோ மீட்டர் ரேஞ்சை எதிர்பார்ப்பதால் ஜீடா மாடலை தேர்வு செய்வது நல்லது. சென்னையில் இதன் ஆன் - ரோட் விலையானது 18 லட்சத்து 39 ஆயிரம் ரூபாயாக உள்ளது. இதில் எக்ஸ் - ஷோரூம் விலை ரூ.17.49 லட்சம், பதிவுக்கட்டணம் சுமார் ரூ.73 ஆயிரம் மற்றும் இத கட்டணங்கள் சுமார் ரூ.17 ஆயிரம் ஆகியவை அடங்கும். நிஜ உலக பயன்பாட்டில் 400 கிலோ மீட்டர் ரேஞ்ச் அளிக்கும் மலிவான மற்றும் நம்பகமான கார்களில் ஒன்றாக மாருதி இ விட்டாரா உள்ளது.
இ-விட்டாரா மின்சார எஸ்யுவி - EMI விவரங்கள்
பொதுவாக வங்கிக் கடன் உதவியுடன் காரை வாங்க விரும்புபவர்கள், பெருந்தொகையை முன்பணமாக செலுத்திவிட்டு, கணிசமான தொகையை கடனமாக பெறுவதே லாபகரமானது. அதன் மூலம் நீண்ட கால கடன்சுமை மற்றும் வட்டி செலவை பெரிய அளவில் குறைக்க முடியும். அதோடு, நல்ல சிபில் ஸ்கோரை வைத்திருப்பதன் மூலம், வங்கிகள் 7.45 வட்டி சதவிகிதத்தில் இருந்து கூட வாகன கடன் வழங்க முன்வருகின்றன. அந்த வகையில் சுமார் ரூ.10.39 லட்சத்தை முன்பணமாக செலுத்தி மாருதி இ விட்டாராவின் ஜீடா வேரியண்டை தேர்வு செய்தால், மீதமுள்ள சுமார் ரூ.8 லட்சத்திற்கு மட்டுமே நீங்கள் கடனுதவியை அணுக வேண்டி இருக்கும்.
அந்த வகையில் 8 சதவிகித வட்டியுடன் 7 ஆண்டுகளுக்கு கடனை திருப்பி செலுத்த முடிவு செய்தால், மாதம் நீங்கள் சுமார் 12 ஆயிரத்து 400 ரூபாயை தவணையாக செலுத்த வேண்டி இருக்கும். அதன் முடிவில் அசலுடன் கூடுதலாக வட்டியாக மட்டுமே சுமார் ரூ.2.47 லட்சம் செலுத்தி இருப்பீர்கள். ஒட்டுமொத்தமாக சுமார் ரூ.21.30 லட்சத்தை செலுத்தி இந்த மின்சார எஸ்யுவியை நீங்கள் சொந்தமாக்கிக் கொள்ளலாம். ஒருவேளை முன்தொகையை இன்னும் அதிகமாக செலுத்தினால் உங்களது வட்டி சுமை மற்றும் மாதாந்திர தவணை வெகுவாக குறையக்கூடும்.
இ-விட்டாரா மின்சார எஸ்யுவி - 400KM ரேஞ்ச்
மாருதி இ விட்டாராவின் ஜீடா 61KWh பேட்டரி பேக்கை கொண்டுள்ளது. இதனை முழுமையாக சார்ஜ் செய்தால் 543 கிலோ மீட்டர் ரேஞ்ச் அளிக்கும் என அறிவிக்கப்பட்டுள்ளது. ஆனால் நிஜ உலக பயன்பாட்டில் நகரப்பகுதியில் 403 கிலோ மீட்டராக இருப்பதாக பயனர்கள் தெரிவிக்கின்றனர். அதிகப்படியான வேகம் காரணமாக இந்த ரேஞ்ச் நெடுஞ்சாலைகளில் சுமார் 338 கிலோ மீட்டர் ரேஞ்ச் அளிப்பதகாவும், இரண்டு சூழலிலும் கலந்து பயன்படுத்தினால் 350 முதல் 440 கிலோ மீட்டர் தூரம் வரை ரேஞ்ச் அளிப்பதாக பயனர்கள் தெரிவிக்கின்றனர். இதன் ஆல்-வீல் ட்ரைவ் வேரியண்டானது பூஜ்ஜியத்திலிருந்து மணிக்கு 100 கிலோ மீட்டர் வேகத்தை வெறும் 7.4 விநாடிகளில் எட்டும் என கூறப்படுகிறது.
இ-விட்டாரா மின்சார எஸ்யுவி - அம்சங்கள், வசதிகள்
ப்ரீமியமான விலைக்கு ஏற்ப காரில் ஏராளமான அம்சங்கள் மற்றும் வசதிகள் இடம்பெற்றுள்ளன. அதன்படி, 10.25 இன்ச் டிஜிட்டல் ட்ரைவர் டிஸ்பிளே, வயர்லெஸ் ஆப்பிள் கார்பிளே மற்றும் ஆண்ட்ராய்ட் ஆட்டோ உடன் கூடிய 10.11 இன்ச் டச்ஸ்க்ரீன் இன்ஃபோடெயின்மெண்ட், 18 இன்ச் அலாய் வீல்கள், பனோரமிக் சன்ரூஃப், ஆட்டோமேடிக் க்ளைமேட் கன்ட்ரோல், இன்ஜின் ஸ்டர்ட்/ஸ்டாப் பட்டன் ஆகியவை இடம்பெற்றுள்ளன.
இ-விட்டாரா மின்சார எஸ்யுவி - 5 ஸ்டார் ரேட்டிங்
பயணிகளின் பாதுகாப்பை உறுதி செய்யும் வகையில், தேசிய அளவிலான சோதனையில் 5 ஸ்டார் ரேட்டிங்கை பெற்றுள்ளது. இதற்காக ஓட்டுனருக்கான மூட்டுக்கு உட்பட மொத்தம் 7 ஏர் பேக்குகள், எலெக்ட்ரானிக் ஸ்டெபிலிட்டி ப்ரோக்ராம், எலெக்ட்ரானிக் ப்ரேக்ஃபோர்ஸ் டிஸ்ட்ரிப்யூஷன் உடன் கூடிய ஆண்டி லாக் ப்ரேக்கிங் சிஸ்டம், ப்ரேக் அசிஸ்ட், 360 டிகிரி வியூ கேமரா, முன் மற்றும் பின்புற பார்கிங் சென்சார்கள், அடாப்டிவ் ஹைபீம் சிஸ்டம், பல்வேறு அம்சம்ங்களை உள்ளடக்கிய லெவல் 2 ADAS, எமர்ஜென்சி ஸ்டாப் சிக்னல், டயர் பிரஷர் மானிட்டரிங் சிஸ்டம், ஹில் ஹோல்ட் கன்ட்ரோல், குழந்தைகளுக்கான ஐசோஃபிக்ஷ் இருக்கைகள் ஆகியவை இடம்பெற்றுள்ளன.
Car loan Information:
Calculate Car Loan EMI